തു​ട​രു​ന്ന പൊ​ലീ​സ്​ അ​തി​ക്ര​മ​ങ്ങ​ൾ

പൊ​ലീ​സി​ന്റെ ക​സ്റ്റ​ഡി പീ​ഡ​ന​ങ്ങ​ളും അ​ത് മൂ​ല​മു​ണ്ടാ​യി​ട്ടു​ള്ള മ​ര​ണ​ങ്ങ​ളും കേ​ര​ള​ത്തി​ൽ അ​ന​വ​ധി​യാ​ണ്. മ​നോ​ഹ​ര​ന്റെ ക​സ്റ്റ​ഡി മ​ര​ണ​ത്തി​ന്റെ പ്ര​തി​ഷേ​ധം കെ​ട്ട​ട​ങ്ങും മു​മ്പു​ത​ന്നെ കാ​ക്ക​നാ​ട് തു​തി​യൂ​ർ സ്വ​ദേ​ശി റെ​നീ​ഷ് എ​ന്ന യു​വാ​വി​നെ എ​റ​ണാ​കു​ളം ക​സ​ബ പൊ​ലീ​സ്​ ക്രൂ​ര​മാ​യി മ​ർ​ദി​ച്ചു. ന​ഗ​ര​ത്തി​ലെ ഹോ​ട്ട​ലു​ക​ളി​ലേ​ക്ക് ജോ​ലി​ക്കാ​രെ ന​ൽ​കു​ന്ന ക​മ്പ​നി​യി​ലെ ഉ​ദ്യോ​ഗ​സ്ഥ​രാ​യ റെ​നീ​ഷും സു​ഹൃ​ത്തും ജോ​ലി​ക്കാ​രെ തേ​ടി എ​റ​ണാ​കു​ളം നോ​ർ​ത്ത് പാ​ല​ത്തി​ന് സ​മീ​പം എ​ത്തി​യ​താ​യി​രു​ന്നു. ക​ടു​ത്ത ചൂ​ട് കാ​ര​ണം പാ​ല​ത്തി​ന​ടി​യി​ൽ വി​ശ്ര​മി​ച്ച റെ​നീ​ഷി​നെ എ​റ​ണാ​കു​ളം ക​സ​ബ സ്റ്റേ​ഷ​നി​ൽ​നി​ന്ന് എ​ത്തി​യ സി.​ഐ പ്ര​താ​പ​ച​ന്ദ്ര​നും സം​ഘ​വും മ​ർ​ദി​ക്കു​ക​യാ​യി​രു​ന്നു. അ​ടി​യേ​റ്റ് ഛർ​ദി​ക്കു​ക​യും കു​ഴ​ഞ്ഞു​വീ​ഴു​ക​യും ചെ​യ്ത ആ ​ചെ​റു​പ്പ​ക്കാ​ര​നെ പി​ന്നീ​ട് ആ​ശു​പ​ത്രി​യി​ൽ അ​ഡ്മി​റ്റാ​ക്കി.

ഏ​താ​ണ്ടി​തേ ദി​വ​സം​ത​ന്നെ​യാ​ണ് പാ​ല​ക്കാ​ട് ഹേ​മാം​ബി​ക ന​​ഗ​ർ പൊ​ലീ​സ് ശ​ര​ത് ധോ​ണി എ​ന്ന പൊ​തു​പ്ര​വ​ർ​ത്ത​ക​നാ​യ യു​വാ​വി​നെ സ്റ്റേ​ഷ​നി​ൽ​വെ​ച്ച് ക്രൂ​ര​മ​ർ​ദ​ന​ത്തി​ന് ഇ​ര​യാ​ക്കി​യ​ത്. ഇ.​എം.​ഐ അ​ട​ക്കാ​ൻ വൈ​കി​യ​തി​ന്റെ പേ​രി​ൽ ഫി​നാ​ൻ​സ് ഏ​ജ​ൻ​സി വീ​ട്ടി​ൽ​വ​ന്ന് ഭീ​ഷ​ണി​പ്പെ​ടു​ത്തി​യ​തി​ൽ മ​ന​ംനൊ​ന്ത് ആ​ത്മ​ഹ​ത്യ​ചെ​യ്ത പ​ത്മാ​വ​തി എ​ന്ന സ്​​ത്രീ​യു​ടെ മ​ക​ൻ അ​രു​ണി​ന്റെ ആ​വ​ശ്യ​പ്ര​കാ​രം എ​ഫ്.​ഐ.​ആ​റി​ന്റെ​യും പോ​സ്റ്റ്മോ​ർ​ട്ടം റി​പ്പോ​ർ​ട്ടി​ന്റെ​യും പ​ക​ർ​പ്പ് വാ​ങ്ങാ​ൻ ഞാ​യ​റാ​ഴ്ച രാ​വി​ലെ ഹേ​മാം​ബി​ക ന​ഗ​ർ പൊ​ലീ​സ് സ്റ്റേ​ഷ​നി​ൽ ചെ​ന്ന​പ്പോ​ഴാ​യി​രു​ന്നു ശ​ര​തി​ന് പൊ​ലീ​സ് മ​ർ​ദ​നം ഏ​ൽ​ക്കേ​ണ്ടി​വ​ന്ന​ത്. ഒ​രു പൊ​തു​പ്ര​വ​ർ​ത്ത​ക​ൻ എ​ഫ്.​ഐ.​ആ​ർ ചോ​ദി​ച്ച​താ​ണ് പൊ​ലീ​സി​നെ പ്ര​കോ​പി​പ്പി​ച്ച​ത്. ഇ​വി​ടെ ഒ​രു കാ​ര്യം വ്യ​ക്ത​മാ​ണ്. ഒ​രു കൂ​ലി​ത്തൊ​ഴി​ലാ​ളി​യാ​യ ശ​ര​ത് പൊ​ലീ​സി​നു മു​ന്നി​ൽ പ്ര​ക​ടി​പ്പി​ച്ച ആ​ത്മാ​ഭി​മാ​ന​മാ​ണ് മ​ർ​ദ​ന​ത്തി​ന് കാ​ര​ണം. ശ്രേ​ണീ​കൃ​ത ഉ​ച്ച​നീ​ച​ത്വം അ​ടി​ച്ചേ​ൽ​പി​ക്കു​ന്ന ജാ​തി​ഘ​ട​ന​ക്ക​ക​ത്ത് ഒ​രു ദ​ലി​ത​ന്റെ ആ​ത്മാ​ഭി​മാ​നം എ​പ്ര​കാ​ര​മാ​ണോ ഒ​രു സ​വ​ർ​ണ മേ​ധാ​വി​യെ പ്ര​കോ​പി​പ്പി​ക്കു​ന്ന​ത്, അ​തേ മ​നോ​നി​ല​യാ​ണ് ഹേ​മാം​ബി​ക പൊ​ലീ​സ്​ സ്റ്റേ​ഷ​ൻ എ​സ്.​ഐ റെ​നി​ലി​നെ​യും മ​ർ​ദ​ക​നാ​ക്കു​ന്ന​ത്. ന​മ്മു​ടെ പൊ​ലീ​സും ജ​ന​ങ്ങ​ളും ത​മ്മി​ലു​ള്ള ബ​ന്ധം വി​ധേ​യ​ത്വ​പ​ര​മാ​ണ്. സാ​ധാ​ര​ണ​ക്കാ​രെ ഒ​രു പൗ​ര​നാ​യ​ല്ല ത​ങ്ങ​ൾ​ക്ക് വി​ധേ​യ​പ്പെ​ട്ട് നി​ൽ​ക്കേ​ണ്ട തൊ​മ്മി​ക​ളാ​യാ​ണ​വ​ർ കാ​ണു​ന്ന​ത്.

ഹി​ല്‍പാ​ല​സ് പൊ​ലീ​സ്​ സ്റ്റേ​ഷ​നി​ല്‍ 2013ല്‍ ​എ​സ്.​ഐ ആ​യി​രു​ന്ന പി.​ആ​ര്‍. സ​ന്തോ​ഷ്‌ ഐ​രൂ​ര്‍ സ്വ​ദേ​ശി​നി സു​നി​ത ബാ​ബു​വെ​ന്ന യു​വ​തി​യെ അ​ന്യാ​യ​മാ​യി ക​സ്റ്റ​ഡി​യി​ലെ​ടു​ത്ത് ഭീ​ക​ര​മാ​യി മ​ർ​ദി​ച്ചി​രു​ന്നു. ഭ​ര്‍ത്താ​വി​നെ അ​േ​ന്വ​ഷി​ച്ച് വീ​ട്ടി​ലെ​ത്തി​യ പൊ​ലീ​സ്​ ഭാ​ര്യ സു​നി​ത​യെ അ​കാ​ര​ണ​മാ​യി ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. ക​സ്റ്റ​ഡി​യി​ല്‍ ​െവ​ച്ച് ഏ​ല്‍ക്കേ​ണ്ടിവ​ന്ന മ​ർ​ദ​ന​ത്തി​ലും അ​ത് മൂ​ല​മു​ണ്ടാ​യ അ​പ​മാ​ന​ത്തി​ലും മ​നം​നൊ​ന്ത സു​നി​ത പി​റ്റേ​ന്ന് വീ​ട്ടി​ലെ​ത്തി​യ​ശേ​ഷം ആ​ത്മ​ഹ​ത്യ ചെ​യ്തു. പ്ര​തി​ഷേ​ധ​ത്തെ തു​ട​ർ​ന്ന് സ​ന്തോ​ഷി​നെ മ​ര​ട് സ്റ്റേ​ഷ​നി​ലേ​ക്ക് സ്ഥ​ലം മാ​റ്റി. ഇ​തേ ഉ​ദ്യോ​ഗ​സ്ഥ​ൻ 2016ല്‍ ​മ​ര​ടി​ൽ എ​സ്.​ഐ ആ​യി​രി​ക്കേ സു​ഭാ​ഷ്‌ എ​ന്ന യു​വാ​വി​നെ രാ​ത്രി​യി​ല്‍ റോ​ഡ​രി​കി​ല്‍നി​ന്ന്​ പി​ടി​ച്ചു​കൊ​ണ്ടു​പോ​യി ക​സ്റ്റ​ഡി​യി​ല്‍​വെ​ച്ച് മ​ർ​ദി​ക്കു​ക​യും പി​റ്റേ​ന്ന് വി​ട്ട​യ​ച്ച​ശേ​ഷം അ​പ​മാ​നി​ത​നാ​യ സു​ഭാ​ഷ്‌ ആ​ത്മ​ഹ​ത്യ ചെ​യ്യു​ക​യു​മാ​യി​രു​ന്നു. സു​ഹൃ​ത്തി​നെ കാ​ത്ത് വ​ഴി​യ​രി​കി​ല്‍ നി​ന്നി​രു​ന്ന കാ​ഴ്ചവൈ​ക​ല്യ​മു​ള്ള സു​ഭാ​ഷ്, അ​രി​കി​ല്‍ വ​ന്ന​ത് പൊ​ലീ​സ്​ ആ​ണെ​ന്ന​റി​യാ​തെ ത​ന്റെ സു​ഹൃ​ത്താ​ണെ​ന്ന് ക​രു​തി ചി​രി​ച്ചു​കൊ​ണ്ട് തോ​ളി​ല്‍ കൈ​െ​വ​ച്ചു എ​ന്ന​താ​യി​രു​ന്നു കു​റ്റം. അ​ന്നും ഉ​യ​ര്‍ന്നു വ​ന്ന പ്ര​തി​ഷേ​ധ​ങ്ങ​ളു​ടെ മു​ന​യൊ​ടി​ക്കാ​നാ​യി എ​സ്.ഐ​യെ അ​മ്പ​ല​മേ​ട് സ്റ്റേ​ഷ​നി​േ​ല​ക്ക് സ്ഥ​ലം മാ​റ്റു​ക​യാ​ണ് ചെ​യ്ത​ത്. ഒ​രു കൊ​ല​പാ​ത​ക​ത്തി​ന്റെ പേ​രി​ൽ സ്ഥ​ലം മാ​റ്റി​യ പൊ​ലീ​സു​കാ​ര​ൻ മാ​റി​വ​ന്ന സ്‌​റ്റേ​ഷ​നി​ൽ വീ​ണ്ടും ഒ​രു കൊ​ല​പാ​ത​കം ന​ട​ത്തു​ന്നു. വീ​ണ്ടും ഒ​രു സ്ഥ​ലംമാ​റ്റ​മ​ല്ലാ​തെ മ​റ്റു ന​ട​പ​ടി​െ​യാ​ന്നും ഉ​ണ്ടാ​കു​ന്നി​ല്ല എ​ന്ന​ത് എ​ത്ര​മാ​ത്രം ക്രൂ​ര​മാ​ണ്.

കേ​ര​ള​ത്തി​ലെ പൊ​ലീ​സ്​ സ്റ്റേ​ഷ​നു​ക​ളി​ല്‍ തു​ട​ര്‍ച്ച​യാ​യും നി​ര​ന്ത​ര​മാ​യും ന​ട​ന്നു​കൊ​ണ്ടി​രി​ക്കു​ന്ന അ​നീ​തി​യു​ടെ ചി​ല ഉ​ദാ​ഹ​ര​ണ​ങ്ങ​ളാ​ണ് മു​ക​ളി​ല്‍ വി​വ​രി​ച്ച​ത്. പൊ​ലീ​സിലെ ക്രി​മി​ന​ൽ​വ​ത്ക​ര​ണം ദി​വ​സം​തോ​റും കൂ​ടു​ന്ന​ത​ല്ലാ​തെ കു​റ​യു​ന്നി​ല്ല എ​ന്നാ​ണ് ച​രി​ത്രം പ​ഠി​പ്പി​ക്കു​ന്ന​ത്.

ന​മ്മു​ടെ പൊ​ലീ​സ്​ ഒ​രി​ക്ക​ലും ഒ​രു സി​വി​ക് പൊ​ലീ​സ്​ സം​വി​ധാ​ന​മാ​യി​രു​ന്നി​ല്ല. ഇ​ന്ത്യ​ൻ ജ​ന​ത​യു​ടെ താ​ൽ​പ​ര്യ​ങ്ങ​ളെ മു​ൻ​നി​ർ​ത്തി​യ​ല്ല അ​ത് സൃ​ഷ്ടി​ക്ക​പ്പെ​ട്ട​തും വി​ക​സി​ച്ച​തും. മ​റി​ച്ച് അ​തൊ​രു കൊ​ളോ​ണി​യ​ൽ അ​ധി​നി​വേ​ശ​ത്തി​ന്റെ ഉ​ൽ​പ​ന്ന​മാ​യി​രു​ന്നു. ബ്രി​ട്ടീ​ഷ് കൊ​ളോ​ണി​യ​ലി​സ​ത്തി​ന്റെ മ​ർ​ദ​ന ഉ​പ​ക​ര​ണ​മാ​യാ​ണ് ഇ​ന്ത്യ​ൻ പൊ​ലീ​സ്​ സൃ​ഷ്ടി​ക്ക​പ്പെ​ട്ട​ത്. സ്വാ​ത​ന്ത്ര്യ​ത്തി​​ന്റെ എ​ഴു​പ​ത്തി​യ​ഞ്ച് വ​ർ​ഷ​ത്തി​ന​​ു​ശേ​ഷ​വും അ​തി​ന്റെ അ​ടി​സ്ഥാ​ന സ്വ​ഭാ​വ​ത്തി​ൽ വ​ലി​യ മാ​റ്റ​ങ്ങ​ൾ ഒ​ന്നും ഉ​ണ്ടാ​യി​ട്ടി​ല്ല. പ​രി​ശീ​ല​നം മു​ത​ൽ ജ​ന​ങ്ങ​ളോ​ടു​ള്ള മ​നോ​ഭാ​വ​ത്തി​ലും പൊ​ലീ​സു​കാ​ർ പ​ര​സ്പ​ര​മു​ള്ള ബ​ന്ധ​ത്തി​ലു​മെ​ല്ലാം അ​തി​ന്റെ യ​ഥാ​ർ​ഥ സ്വ​ഭാ​വം പ്ര​ക​ട​മാ​ണ്. ഇ​ന്നും നി​ല​നി​ൽ​ക്കു​ന്ന കൊ​ളോ​ണി​യ​ൽ തു​ട​ർ​ച്ച​യു​ടെ, അ​ഥ​വാ പു​ത്ത​ൻ കൊ​ളോ​ണി​യ​ൽ താ​ൽ​പ​ര്യ​ങ്ങ​ളെ അ​ത് സേ​വി​ച്ചു​പോ​രു​ന്നു. ബ്രി​ട്ടീ​ഷു​കാ​ർ നേ​ര​ത്തേ അ​യ​ർ​ല​ൻ​ഡി​ൽ രൂ​പ​വ​ത്ക​രി​ച്ച ഐ​റി​ഷ് കോ​ൺ​സ്റ്റ​ബു​ല​റി​യു​ടെ രൂ​പ​ത്തി​ലാ​ണ് ബ്രി​ട്ടീ​ഷു​കാ​ർ ഇ​ന്ത്യ​ൻ പൊ​ലീ​സ്​ സം​വി​ധാ​ന​ത്തെ രൂ​പ​പ്പെ​ടു​ത്തി​യ​ത്. ഐ​റി​ഷ് കോ​ൺ​സ്റ്റ​ബു​ല​റി​യു​ടെ അ​ടി​യ​ന്ത​രല​ക്ഷ്യം അ​യ​ർ​ല​ൻ​ഡി​ലെ സ്വാ​ത​ന്ത്ര്യസ​മ​ര​ത്തെ, സാ​യു​ധ ക​ലാ​പ​ങ്ങ​ളെ, കാ​ർ​ഷി​ക അ​സ്വ​സ്ഥ​ത​ക​ളെ ഒ​ക്കെ അ​ടി​ച്ച​മ​ർ​ത്തു​ക എ​ന്ന​താ​യി​രു​ന്നു. ജ​ന​കീ​യ മോ​ഹ​ങ്ങ​ളെ ക്രൂ​ര​മാ​യി അ​ടി​ച്ച​മ​ർ​ത്തി​യാ​ണ​ത് അ​യ​ർ​ല​ൻ​ഡി​ൽ സ​മാ​ധാ​നം സൃ​ഷ്ടി​ക്കാ​ൻ ശ്ര​മി​ച്ച​ത്. ഇ​ന്ത്യ​ൻ സ്വാ​ത​ന്ത്ര്യ​സ​മ​ര​ത്തെ​യും കൊ​ളോ​ണി​യ​ൽ പൊ​ലീ​സ്​ നേ​രി​ട്ട രീ​തി ന​മു​ക്ക​റി​യാം. കൊ​ളോ​ണി​യ​ൽ പൊ​ലീ​സി​ന്റെ അ​തേ സ്വ​ഭാ​വം​ത​ന്നെ​യാ​ണ് പി​ന്നീ​ടു വ​ന്ന സ്വ​ാത​ന്ത്ര്യാ​ന​ന്ത​ര പൊ​ലീ​സും തു​ട​ർ​ന്ന​ത്. പു​ന്ന​പ്ര​യി​ൽ വെ​ടി​യു​തി​ർ​ത്ത പൊ​ലീ​സി​ന്റെ അ​തേ മ​നോ​നി​ല​ത​ന്നെ​യാ​ണ് ച​ന്ദ​ന​ത്തോ​പ്പ് വെ​ടി​വെ​പ്പി​ലും മു​ത്ത​ങ്ങ​യി​ലും പാ​ല​ക്കാ​ടും ബീമാ​പ​ള്ളി​യി​ലു​മൊ​ക്കെ നാം ​കാ​ണു​ന്ന​ത്.

ജ​ന​കീ​യ സ​മ​ര​ങ്ങ​ളെ നേ​രി​ടു​ന്ന​തി​ലും യു.​എ.​പി.​എ മു​ത​ൽ 124 A വ​രെ നീ​ളു​ന്ന കൊ​ളോ​ണി​യ​ൽ തു​ട​ർ​ച്ച​യു​ള്ള നി​യ​മ​ങ്ങ​ൾ നി​ർ​ബാ​ധം എ​ടു​ത്തു പ്ര​യോ​ഗി​ക്കു​ന്ന​തി​ലും പൊ​ലീ​സി​നെ ഉ​ത്സു​ക​മാ​ക്കു​ന്ന​ത് ത​ങ്ങ​ളു​ടെ​ത​ന്നെ ഈ ​ജ​ന​വി​രു​ദ്ധ പാ​ര​മ്പ​ര്യ​മാ​ണ്. അ​തു​കൊ​ണ്ടു​ത​ന്നെ ലോ​ക്ക​പ്പ് കൊ​ല​പാ​ത​ക​ങ്ങ​ൾ മു​ത​ൽ വ്യാ​ജ ഏ​റ്റു​മു​ട്ട​ൽ കൊ​ല​ക​ൾ വ​രെ നീ​ളു​ന്ന പൊ​ലീ​സ്​ ആ​ക്ര​മ​ണ​ങ്ങ​ൾ ഏ​തെ​ങ്കി​ലും കു​റ​ച്ച് പൊ​ലീ​സു​കാ​രു​ടെ ക്രി​മി​ന​ൽ മ​നോ​ഘ​ട​ന​യി​ൽ​നി​ന്ന് ഉ​ണ്ടാ​കു​ന്ന ഒ​റ്റ​പ്പെ​ട്ട സം​ഭ​വ​മാ​യി ചു​രു​ക്കി കാ​ണാ​നാ​വി​ല്ല. പൊ​ലീ​സ്​ പ​രി​ഷ്കാ​ര​ത്തെ മു​ൻ​നി​ർ​ത്തി എ​ത്ര​യോ ക​മീ​ഷ​നു​ക​ളും കോ​ട​തി​ക​ളു​ടെ​ത​ന്നെ നി​ര​വ​ധി വി​ധി​ന്യാ​യ​ങ്ങ​ളും ഉ​ണ്ടാ​യി​ട്ടും ഒ​രു കൂ​സ​ലു​മി​ല്ലാ​തെ നി​യ​മ​ത്തെ വെ​ല്ലു​വി​ളി​ക്കാ​ൻ പൊ​ലീ​സി​ന് ക​ഴി​യു​ന്ന​തും വെ​റു​തെ​യ​ല്ല. ജ​ന​ങ്ങ​ളി​ൽ​നി​ന്ന് ഏ​റെ ഒ​റ്റ​പ്പെ​ട്ട ഭ​ര​ണാ​ധി​കാ​രി​ക​ൾ​ക്ക് ജ​ന​ങ്ങ​ളു​ടെ ജീ​വി​ത​സ​മ​ര​ങ്ങ​ളെ അ​ടി​ച്ച​മ​ർ​ത്താ​നും മ​റ്റു​മാ​യി പൊ​ലീ​സി​നെ വേ​ണം. അ​തു​കൊ​ണ്ടാ​ണ് പൊ​ലീ​സി​ന്റെ മ​നോ​വീ​ര്യം ജ​ന​ങ്ങ​ളു​ടെ ജീ​വ​നെ​ക്കാ​ൾ പ്ര​ധാ​ന​മാ​വു​ന്ന​ത്. ജ​ന​ങ്ങ​ളു​ടെ ക്ഷേ​മ​മ​ല്ല സു​ര​ക്ഷ​യാ​ണ് ഭ​ര​ണ​ക്കാ​രു​ടെ ചു​മ​ത​ല​യെ​ന്ന് ക​രു​തു​ന്ന ഇ​ന്ന​ത്തെ കാ​ല​ത്ത് കു​റ്റ​കൃ​ത്യ​ങ്ങ​ൾ മു​ൻ​കൂ​ട്ടി ത​ട​യ​ലാ​ണ് പ്ര​ധാ​നം. അ​തു​കൊ​ണ്ട് വ​ഴി​യ​രി​കി​ൽ കാ​ണു​ന്ന സാ​ധാ​ര​ണ മ​നു​ഷ്യ​രെ​യെ​ല്ലാം കു​റ്റ​വാ​ളി​ക​ളാ​യി ക​ണ​ക്കാ​ക്കി ഹൈ​പ്പ​ർ ദേ​ശീ​യ​വാ​ദ​ത്തി​ന്റെ എ​ല്ലാ മു​ൻവി​ധി​യോ​ടും കൂ​ടി പാ​ർ​ശ്വ​വ​ത്ക​രി​ക്ക​പ്പെ​ട്ട മ​നു​ഷ്യ​രെ പൊ​ലീ​സ്​ കൈ​കാ​ര്യംചെ​യ്യു​ന്നു. ദ​ലി​ത​രും ആ​ദി​വാ​സി​ക​ളും മു​സ്‍ലിം​ക​ളും ട്രാ​ൻ​സ് വി​ഭാ​ഗ​ങ്ങ​ളും സ്ത്രീ​ക​ളു​മ​ട​ക്ക​മു​ള്ള​വ​രാ​ണ് മ​ർ​ദ​ന​മേ​ൽ​ക്കു​ന്ന​തി​ൽ ഭൂ​രി​ഭാ​ഗ​വും.

അ​​മേ​​രി​​ക്ക​​യ​​ട​​ക്ക​​മു​​ള്ള രാ​​ജ്യ​​ങ്ങ​​ളി​​ൽ പൊ​​ലീ​​സ് അ​​തി​​ക്ര​​മ​​ങ്ങ​​ൾ​​ക്ക് എ​​തി​​രെ ബൂ​​ർ​​ഷ്വാ ജ​​നാ​​ധി​​പ​​ത്യ​​വാ​​ദി​​ക​​ൾ​പോ​​ലും വ​​ലി​​യ പ്ര​​ക്ഷോ​​ഭ​​ങ്ങ​​ൾ ഉ​​യ​​ർ​ത്തു​ന്നു​ണ്ട്. പൊ​​ലീ​​സി​​നു​വേ​​ണ്ടി പ​​ണം ചെ​ല​വ​​ഴി​​ക്കേ​​ണ്ട ആ​​വ​ശ്യം ന​​മു​ക്കി​​ല്ല, പൊ​​ലീ​​സ് ന​​മു​ക്കാവ​ശ്യ​​മി​​ല്ല, ‘ഡി ​​ഫ​​ണ്ട് ദ ​​പൊ​​ലീ​​സ്' തു​​ട​​ങ്ങി​​യ മു​​ദ്രാ​​വാ​​ക്യ​ങ്ങ​​ൾ ഉ​​യ​​ർ​​ത്തി​ക്കൊ​​ണ്ടു വ​​രു​ക​​യും ചെ​​യ്യു​​മ്പോ​​ഴാ​​ണ് പി​​ണ​​റാ​​യി വി​​ജ​​യ​​ൻ ത​​ന്റെ ഭ​​ര​​ണ​​കാ​​ല​​യ​​ള​​വി​​ൽ അ​​മ്പ​തി​​ല​​ധി​​കം സാ​​ധാ​​ര​​ണ മ​​നു​​ഷ്യ​​രെ കൊ​​ല​​പ്പെ​​ടു​​ത്തി​​യ പൊ​​ലീ​​സി​​നെ​​തി​​രെ കാ​​ര്യ​​മാ​​യ ഒ​​രു ന​​ട​​പ​​ടി​​യും കൈ​ക്കൊ​​ള്ളാ​​തെ അ​​വ​​രു​​ടെ മ​​നോ​​വീ​​ര്യം ത​​ക​​രു​​മെ​​ന്ന് വേ​​വ​​ലാ​​തി​കൊ​​ള്ളു​​കയും പോലീസിന് ജുഡീഷ്യൽ പദവി നൽകാൻ ശ്രമിക്കുകയും ചെയ്തത്. . അ​തു​കൊ​ണ്ടു​ത​ന്നെ​യാ​ണ്, അ​ധി​കാ​രി​ക​ളോ​ടും സ​മ്പ​ന്ന​രോ​ടും അ​ങ്ങേ​യ​റ്റം വി​ധേ​യ​ത്വ​വും മ​ർ​ദി​ത​രോ​ട് ക​ടു​ത്ത പു​ച്ഛ​വും പു​ല​ർ​ത്തു​ന്ന, പ​ണ​ക്കൊ​തി​യി​ലും അ​ഴി​മ​തി​യി​ലും മു​ങ്ങി​യ പൊ​ലീ​സി​ന്റെ മ​നോ​വീ​ര്യം ജ​ന​ങ്ങ​ളു​ടെ വി​ഷ​യ​മ​ല്ലെ​ന്നും ജീ​വി​ക്കാ​നു​ള്ള അ​വ​കാ​ശ​മാ​ണ് പ്ര​ധാ​ന​മെ​ന്നും ഒ​രു ക​മ്യൂ​ണി​സ്റ്റ് പാ​ർ​ട്ടി​യു​ടെ പോ​ളി​റ്റ്ബ്യൂ​റോ മെം​ബ​റെ ഓ​ർ​മി​പ്പി​ക്കേ​ണ്ടി വ​രു​ന്ന​ത്.