സേ​ന​യി​ലെ വി​മ​ത​രും കു​തി​ര​ക്ക​ച്ച​വ​ട​ക്കാ​രും

ഏക് നാഥ് ഷി​ൻ​ഡെ ദേവേന്ദ്ര ഫ​ഡ്നാ​വി​സിനൊപ്പംമ​ഹാ​രാ​ഷ്ട്ര​യി​ൽ ഉ​ദ്ധ​വ് താ​ക്ക​റെ​യു​ടെ നേ​തൃ​ത്വ​ത്തി​ലു​ള്ള ശി​വ​സേ​ന, എ​ൻ.​സി.​പി, കോ​ൺ​ഗ്ര​സ് സ​ഖ്യ മ​ഹാ​വി​കാ​സ് അ​ഘാ​ഡി സ​ർ​ക്കാ​റി​നെ മ​റി​ച്ചി​ട്ട​തി​നു പി​ന്നി​ൽ രാ​ഷ്ട്രീ​യ പ​ക മാ​ത്ര​മ​ല്ല; ശി​വ​സേ​ന​യു​ടെ പു​ന​ർ നി​ർ​മാ​ണ​വും അ​തി​ന് എ​ല്ലാ വി​ഭാ​ഗം ജ​ന​ങ്ങ​ളി​ലു​മു​ണ്ടാ​യ സ്വീ​കാ​ര്യ​ത​യും പ്ര​ധാ​ന ഘ​ട​ക​മാ​ണ്. ബാ​ൽ താ​ക്ക​റെ​യു​ടെ ശി​വ​സേ​ന​യി​ൽനി​ന്ന് ഉ​ദ്ധ​വ് താ​ക്ക​റെ​യു​ടെ ശി​വ​സേ​ന​യി​ലേ​ക്ക് വ​ലി​യ ദൂ​ര​മു​ണ്ട്. പ്രാ​ദേ​ശി​ക പാ​ർ​ട്ടി​യി​ൽനി​ന്ന് മു​ഖ്യ​ധാ​ര​യി​ലേ​ക്ക് പാ​ർ​ട്ടി​യെ ന​യി​ച്ചു​വ​രു​ന്ന​തി​നി​ട​യി​ലാ​ണ് ശി​വ​സേ​ന​യു​ടെ നെ​ടു​കെ പി​ള​ർ​ത്താ​നു​ള്ള വി​മ​ത​ശ്ര​മം. ബാ​ൽ താ​ക്ക​റെ​യു​ടെ ക​ടു​ത്ത ഹി​ന്ദു​ത്വ​യി​ൽ​നി​ന്ന് സ​ർ​വ​ധ​ർ​മ സ​മ​ഭാ​വ് ലി​ബ​റ​ൽ സ്വ​ഭാ​വ​ത്തി​ലേ​ക്ക് ശി​വ​സേ​ന​യെ പു​ന​ർ​നി​ർ​വ​ചി​ക്കു​ക​യാ​യി​രു​ന്നു ഉ​ദ്ധ​വ്. വി​മ​തനീ​ക്ക​ത്തി​ൽ ഉ​ദ്ധ​വ് വീ​ഴു​മെ​ന്നാ​യ​പ്പോ​ൾ മു​സ്‍ലിം​ക​ളും സോ​ഷ്യ​ലി​സ്റ്റു​ക​ളും ഇ​ട​ത​രും അ​ട​ക്കം മു​മ്പ് ശി​വ​സേ​ന​യെ ത​ള്ളി​പ്പ​റ​ഞ്ഞ​വ​രൊ​ക്കെ അ​ദ്ദേ​ഹ​ത്തി​നാ​യു​ള്ള പ്രാ​ർ​ഥ​ന​യി​ലാ​യി​രു​ന്നു. വി​ശ്വാ​സവോ​ട്ടി​നു നി​ൽ​ക്കാ​തെ ഉ​ദ്ധ​വ് രാ​ജി​വെ​ച്ച​തോ​ടെ അ​വ​ർ അ​തീ​വ​ദുഃ​ഖി​ത​രു​മാ​യി. അ​തേ​സ​മ​യം, താ​ക്ക​റെ​മാ​ർ​ക്കുവേ​ണ്ടി ചാ​വേ​റു​ക​ളാ​യി​രു​ന്ന ശി​വ​സൈ​നി​ക​രി​ലു​ണ്ടാ​യ ആ​ശ​യ​ക്കു​ഴ​പ്പ​വും കാ​ണാ​തി​രു​ന്നു​കൂ​ടാ.

ഉ​ദ്ധ​വി​ന്റെ വി​ശ്വ​സ്ത​നാ​യ ഏ​ക് നാ​ഥ് ഷി​ൻ​ഡെ​യു​ടെ നേ​തൃ​ത്വ​ത്തി​ൽ 39 ശി​വ​സേ​ന എം.​എ​ൽ.​എ​മാ​രാ​ണ് വി​മ​ത​നീ​ക്കം ന​ട​ത്തി​യ​ത്. 55 ശി​വ​സേ​ന എം.​എ​ൽ.​എ​മാ​രി​ൽ മൂ​ന്നി​ൽ ര​ണ്ട് ഭൂ​രി​പ​ക്ഷ​മാ​യ 37ലേ​റെ പേ​ർ ത​ങ്ങ​ൾ​ക്ക് ഒ​പ്പ​മാ​ണെ​ന്നും അ​തി​നാ​ൽ യ​ഥാ​ർ​ഥ ശി​വ​സേ​ന ത​ങ്ങ​ളാ​ണെ​ന്നു​മാ​ണ് വി​മ​ത​പ​ക്ഷ​ത്തി​ന്റെ അ​വ​കാ​ശ​വാ​ദം. അ​വ​ര​തി​ൽ ഉ​റ​ച്ചുനി​ൽ​ക്കു​ന്നു. ഇ​ത് ഉ​ദ്ധ​വ് താ​ക്ക​റെ​ക്ക് വ​ൻ​വെ​ല്ലു​വി​ളി​യാ​ണ് ഉ​യ​ർ​ത്തു​ന്ന​ത്. ബാ​ൽ​താ​ക്ക​റെ പ​ഠി​പ്പി​ച്ച ഹി​ന്ദു​ത്വ​യു​ടെ പേ​രി​ലാ​ണ് വി​മ​ത​നീ​ക്കം. എ​ൻ.​സി.​പി​യും കോ​ൺ​ഗ്ര​സു​മാ​യി ചേ​ർ​ന്നു​ള്ള ഭ​ര​ണ​ത്തി​ൽ ഉ​ദ്ധ​വ് ഹി​ന്ദു​ത്വ​യെ മ​റ​ന്നെ​ന്നും ബി.​ജെ.​പി​യാ​ണ് സ്വാ​ഭാ​വി​ക സ​ഖ്യ​ക​ക്ഷി​യെ​ന്നു​മാ​ണ് വി​മ​ത​രു​ടെ വാ​ദ​ങ്ങ​ൾ. എ​ന്നാ​ൽ, വി​മ​ത​നീ​ക്ക​ത്തി​നു പി​ന്നി​ൽ പ്ര​ത്യ​യ​ശാ​സ്ത്ര പ്ര​തി​സ​ന്ധി​യ​ല്ല എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റ് (ഇ.​ഡി) അ​ട​ക്ക​മു​ള്ള കേ​ന്ദ്ര ഏ​ജ​ൻ​സി​ക​ളു​ടെ തീട്ടൂ​ര​മാ​ണെ​ന്ന വാ​ദ​മാ​ണ് ഔ​ദ്യോ​ഗി​ക​പ​ക്ഷം ഉ​ന്ന​യി​ക്കു​ന്ന​ത്. അ​മി​ത് ഷാ​യു​ടെ​യും മു​ൻ മു​ഖ്യ​മ​ന്ത്രി​യും നി​ല​വി​ലെ ഉ​പ​മു​ഖ്യ​മ​ന്ത്രി​യു​മാ​യ ദേ​വേ​ന്ദ്ര ഫ​ഡ്നാ​വി​സി​ന്റെ​യും നി​ർ​ദേ​ശ​ങ്ങ​ളാ​ണ് കേ​ന്ദ്ര ഏ​ജ​ൻ​സി​ക​ൾ ന​ട​പ്പാ​ക്കു​ന്ന​തെ​ന്നും ആ​രോ​പി​ക്കു​ന്നു.

വി​മ​ത​പ​ക്ഷ​ത്തെ പ്ര​ധാ​നി​ക​ളി​ൽ ഒ​ന്ന് പ്ര​താ​പ് സ​ർ​നാ​യി​കാ​ണ്. ഇ.​ഡി അ​ന്വേ​ഷ​ണ​വും സ്വ​ത്ത് ക​ണ്ടു​കെ​ട്ട​ലു​മൊ​ക്കെ​യാ​യി പൊ​റു​തി​മു​ട്ടി​യ ഇ​ദ്ദേ​ഹ​മാ​ണ് ഒ​രു വ​ർ​ഷം മു​മ്പ് ബി.​ജെ.​പി സ​ഖ്യ​ത്തി​ലേ​ക്ക് തി​രി​ച്ചു​പോ​ക​ണ​മെ​ന്ന് ആ​വ​ശ്യ​പ്പെ​ട്ട് ഉ​ദ്ധ​വി​ന് ക​ത്തെ​ഴു​തി​യ​ത്. താ​നു​ൾ​പ്പെ​ടെ പ​ല​രും അ​വ​രു​ടെ കു​ടും​ബ​വും ഏ​ജ​ൻ​സി​ക​ളു​ടെ അ​ന്വേ​ഷ​ണം നേ​രി​ടു​ക​യാ​ണെ​ന്നും അ​തി​ൽ​നി​ന്ന് ര​ക്ഷ​പ്പെ​ടാ​ൻ മ​റ്റു മാ​ർ​ഗ​മി​ല്ലെ​ന്നു​മാ​ണ് സ​ർ​നാ​യി​ക് ക​ത്തി​ൽ പ​റ​ഞ്ഞ​ത്. ഷി​ൻ​ഡെ ഉ​ൾ​പ്പെ​ടെ ശി​വ​സേ​ന നേ​താ​ക്ക​ൾ​ക്ക് റി​യ​ൽ എ​സ്റ്റേ​റ്റ് വ്യ​വ​സാ​യ​മു​ണ്ട്. ഇ​തി​ൽ പി​ടി​ച്ചാ​ണ് കേ​ന്ദ്ര ഏ​ജ​ൻ​സി​ക​ളു​ടെ നീ​ക്കം. വി​മ​ത​രി​ൽ പ​കു​തി​യി​ലേ​റെ പേ​ർ​ക്ക് ഇ.​ഡി നോ​ട്ടീ​സ് ന​ൽ​കി​യി​ട്ടു​ണ്ട്. ഏ​ക് നാ​ഥ് ഷി​ൻ​ഡെ​യെ മു​ന്നി​ൽ നി​ർ​ത്തി വി​മ​ത​നീ​ക്ക​ത്തി​ന് മാ​സ​ങ്ങ​ളാ​യി ഫ​ഡ്നാ​വി​സ് ശ്ര​മം ന​ട​ത്തു​ന്നു. എ​ന്നാ​ൽ, ഉ​ദ്ധ​വി​നെ ച​തി​ക്കാ​ൻ ഷി​ൻ​ഡെ ഒ​രു​ക്ക​മാ​യി​രു​ന്നി​ല്ല. ഇ.​ഡി അ​ന്വേ​ഷ​ണം നേ​രി​ടു​ന്ന നേ​താ​ക്ക​ൾ ഷി​ൻ​ഡെ​യോ​ടാ​യി​രു​ന്നു ത​ങ്ങ​ളു​ടെ ദുഃ​ഖം പ​ങ്കു​വെ​ച്ച​ത്. ഷി​ൻ​ഡെ​ക്കും താ​ണെ, ന​വി മും​ബൈ മേ​ഖ​ല​യി​ൽ റി​യ​ൽ എ​സ്റ്റേ​റ്റ് വ്യ​വ​സാ​യ​മു​ണ്ട്. ത​ന്റെ വി​ശ്വ​സ്ത​ൻ സ​ച്ചി​ൻ ജോ​ഷി​യും ഇ.​ഡി റ​ഡാ​റി​ലാ​യ​തോ​ടെ​യാ​ണ് ഷി​ൻ​ഡെ ഫ​ഡ്നാ​വി​സി​ന്റെ വ​ല​യി​ൽ വീ​ണ​തെ​ന്നാ​ണ് ശി​വ​സേ​ന​യി​ലെ അ​ട​ക്കം​പ​റ​ച്ചി​ൽ. ജൂ​ൺ 20ന് ​നി​യ​മ​സ​ഭ കൗ​ൺ​സി​ൽ തെ​ര​ഞ്ഞെ​ടു​പ്പും വോ​ട്ടെ​ണ്ണ​ലും ക​ഴി​ഞ്ഞ് എം.​എ​ൽ.​എ​മാ​രു​മാ​യി അ​ത്താ​ഴ​വി​രു​ന്നി​ന് പോ​യ ഷി​ൻ​ഡെ പി​ന്നീ​ട് വി​മ​ത​നേ​താ​വാ​യാ​ണ് കാ​ണ​പ്പെ​ട്ട​ത്.

ആ​ഭ്യ​ന്ത​രം കൈ​യി​ലു​ണ്ടാ​യി​ട്ടും വ​ൻ ആ​സൂ​ത്ര​ണ​വും നീ​ക്ക​വും അ​ഘാ​ഡി അ​റി​ഞ്ഞി​ല്ല. അ​ത്താ​ഴ​വി​രു​ന്നി​ന് പോ​യ എം.​എ​ൽ.​എ​മാ​ർ കേ​ന്ദ്ര ഏ​ജ​ൻ​സി​ക​ളു​ടെ വ​ല​യി​ലാ​യി​രു​ന്നു എ​ന്നാ​ണ് സൂ​റ​ത്തി​ലെ ഹോ​ട്ട​ലി​ൽ​നി​ന്ന് ചാ​ടി​പ്പോ​ന്ന നി​തി​ൻ ദേ​ശ്മു​ഖ്, കൈ​ലാ​ശ് പാ​ട്ടീ​ൽ എ​ന്നി​വ​ർ ആ​രോ​പി​ച്ച​ത്. വി​മ​ത​രെ ആ​ദ്യം പാ​ർ​പ്പി​ച്ച​ത് സൂ​റ​ത്തി​ലെ ന​ക്ഷ​ത്ര ഹോ​ട്ട​ലി​ലാ​യി​രു​ന്നു. വി​മ​ത​രി​ൽ ര​ണ്ടു​പേ​ർ ചാ​ടി​പ്പോ​കു​ക​യും ശേ​ഷി​ച്ച​വ​രി​ൽ പ​ല​രും ഔ​ദ്യോ​ഗി​ക​പ​ക്ഷ​വു​മാ​യി ബ​ന്ധ​പ്പെ​ടു​ക​യും ചെ​യ്ത​തോ​ടെ ക്യാ​മ്പ് അ​സ​മി​ലെ ഗു​വാ​ഹ​തി​യി​ലേ​ക്ക് മാ​റ്റി. വി​മ​ത​ർ മും​ബൈ​യി​ലെ​ത്തി​യാ​ൽ ക്യാ​മ്പ് പൊ​ട്ടു​മെ​ന്ന പ്ര​തീ​ക്ഷ​യി​ലാ​യി​രു​ന്നു ഉ​ദ്ധ​വും എ​ൻ.​സി.​പി അ​ധ്യ​ക്ഷ​ൻ ശ​ര​ത് പ​വാ​റും. എ​ന്തെ​ന്നാ​ൽ, താ​ക്ക​റെ​മാ​രേ​ക്കാ​ൾ വ​ലു​ത​ല്ല ശി​വ​സൈ​നി​ക​ർ​ക്ക് മ​റ്റെ​ന്തും. എ​ന്നാ​ൽ, ക​ണ​ക്കു​കൂ​ട്ട​ലു​ക​ൾ തെ​റ്റി​ച്ച് കൂ​ടു​ത​ൽ പേ​ർ ഗു​വാ​ഹ​തി​യി​ലെ ഹോ​ട്ട​ലി​ലേ​ക്ക് പോ​കു​ന്ന​താ​ണ് ക​ണ്ട​ത്. ഇ​തോ​ടെ, ഉ​ദ്ധ​വി​ലെ പ്ര​തീ​ക്ഷ​യ​റ്റു. രാ​ജി​ക്ക് ഏ​ത് നി​മി​ഷ​വും ത​യാ​റാ​യി​രു​ന്ന ഉ​ദ്ധ​വി​നെ അ​വ​സാ​ന നി​മി​ഷം​വ​രെ പി​ടി​ച്ചു​നി​ർ​ത്തി​യ​ത് ശ​ര​ത് പ​വാ​റാ​ണ്.

ഛക​ൻ ഭു​ജ്ബ​ൽ, നാ​രാ​യ​ൺ റാ​ണെ, രാ​ജ് താ​ക്ക​റെ എ​ന്നി​വ​രു​ടെ വി​മ​ത​നീ​ക്ക​ങ്ങ​ൾ ശി​വ​സേ​ന സ്ഥാ​പ​ക​ൻ ബാ​ൽ താ​ക്ക​റെ അ​ഭി​മു​ഖീ​ക​രി​ച്ച​താ​ണ്. എ​ന്നാ​ൽ, മ​ക​ൻ ഉ​ദ്ധ​വി​നു മു​ന്നി​ൽ ഷി​ൻ​ഡെ ന​ട​ത്തി​യ വി​മ​ത​നീ​ക്കം ശി​വ​സേ​ന​യു​ടെ വേ​ര​റു​ക്കാ​നു​ള്ള നീ​ക്ക​മാ​യാ​ണ് കാ​ണു​ന്ന​ത്. 2019ലെ ​നി​യ​മ​സ​ഭ തെ​ര​ഞ്ഞെ​ടു​പ്പ് ബി.​ജെ.​പി​യു​മാ​യി ചേ​ർ​ന്ന് മ​ത്സ​രി​ച്ചി​ട്ടും ദേ​വേ​ന്ദ്ര ഫ​ഡ്നാ​വി​സി​നെ അ​ധി​കാ​ര​ത്തി​ൽ നി​ന്ന​ക​റ്റാ​ൻ ശ​ര​ത് പ​വാ​റു​മാ​യി ചേ​ർ​ന്ന് ഉ​ദ്ധ​വ് ന​ട​ത്തി​യ നീ​ക്കം ബി.​ജെ.​പി​ക്ക് അ​ഥ​വാ അ​മി​ത് ഷാ​ക്കും ദേ​വേ​ന്ദ്ര ഫ​ഡ്നാ​വി​സി​നും പൊ​റു​ക്കാ​നാ​കു​ന്ന​ത​ല്ല. ര​ണ്ട​ര വ​ർ​ഷം ശി​വ​സേ​ന​ക്ക് മു​ഖ്യ​മ​ന്ത്രി പ​ദം ന​ൽ​കാ​മെ​ന്ന് അ​മി​ത് ഷാ ​വാ​ക്കു​ത​ന്ന​താ​യാ​ണ് ഉ​ദ്ധ​വ് അ​വ​കാ​ശ​പ്പെ​ട്ട​ത്. എ​ന്നാ​ൽ, അ​മി​ത് ഷാ​യും ഫ​ഡ്നാ​വി​സും അ​ത് നി​ഷേ​ധി​ച്ചു. പ​വാ​റി​നൊ​പ്പം ചേ​ർ​ന്ന് മ​ഹാ​വി​കാ​സ് അ​ഘാ​ഡി രൂ​പ​വ​ത്ക​രി​ക്കു​ക​യും പ​വാ​റി​ന്റെ നി​ർ​ബ​ന്ധ​ത്തി​ന് വ​ഴ​ങ്ങി ഉ​ദ്ധ​വ് മു​ഖ്യ​മ​ന്ത്രി​യാ​കു​ക​യും ചെ​യ്ത​തോ​ടെ ഫ​ഡ്നാ​വി​സും അ​മി​ത് ഷാ​യും കൃ​ത്യ​സ​മ​യ​ത്തി​നാ​യി കാ​ത്തു​നി​ൽ​ക്കു​ക​യാ​യി​രു​ന്നു. അ​ഭി​പ്രാ​യ​ഭി​ന്ന​ത​ക​ൾ​ക്കി​ട​യി​ലും മൂ​ന്ന് പാ​ർ​ട്ടി​ക​ളും ഒ​ന്നി​ച്ച​തോ​ടെ എം.​എ​ൽ.​എ​മാ​രെ പി​ള​ർ​ത്തു​ക അ​ത്ര എ​ളു​പ്പ​മാ​യി​രു​ന്നി​ല്ല. പി​ന്നീ​ട് തെ​ര​ഞ്ഞെ​ടു​പ്പി​ൽ ജ​യി​ക്കി​ല്ലെ​ന്ന ഭീ​തി ഭ​ര​ണ​പ​ക്ഷ എം.​എ​ൽ.​എ​മാ​ർ​ക്കു​മു​ണ്ടാ​യി. പി​ന്നീ​ട് വ​ന്ന ഉ​പ​തെ​ര​ഞ്ഞെ​ടു​പ്പു​ക​ളി​ലും ത​ദ്ദേ​ശ സ്ഥാ​പ​ന​ങ്ങ​ളി​ലേ​ക്കു​ള്ള തെ​ര​ഞ്ഞെ​ടു​പ്പു​ക​ളി​ലും അ​ഘാ​ഡി സ​ഖ്യം ഭീ​ഷ​ണി​യാ​കു​ന്ന​ത് ബി.​ജെ.​പി തി​രി​ച്ച​റി​ഞ്ഞു. മു​ൻ പ​രി​ച​യ​ങ്ങ​ളൊ​ന്നു​മി​ല്ലാ​ത്ത യാ​ദൃ​ച്ഛി​ക മു​ഖ്യ​മ​ന്ത്രി​യാ​യി​ട്ടും ഉ​ദ്ധ​വ് രാ​ജ്യ​ത്തെ മി​ക​ച്ച മു​ഖ്യ​മ​ന്ത്രി​മാ​രി​ൽ ഒ​രാ​ളാ​യി ജ​ന​സ​മ്മ​തി നേ​ടി. ഉ​ദ്യോ​ഗ​സ്ഥ​ന്മാ​രെ അ​വ​രു​ടെ ക​ഴി​വി​നും പ​രി​ച​യ​സ​മ്പ​ത്തി​നും അ​നു​സ​രി​ച്ച് സ്വ​ത​ന്ത്ര​രാ​യി പ്ര​വ​ർ​ത്തി​ക്കാ​ൻ വി​ട്ട് അ​വ​ർ​ക്കും പ്രി​യ​പ്പെ​ട്ട​വ​നാ​യി. ഉ​ദ്ധ​വ് ജ​ന​ങ്ങ​ളി​ലേ​ക്ക് ഇ​റ​ങ്ങു​ന്നി​ല്ല എ​ന്ന ആ​രോ​പ​ണ​മാ​ണ് ബി.​ജെ.​പി ഉ​ന്ന​യി​ച്ച​ത്. എ​ന്നാ​ൽ, ഓ​രോ തീ​രു​മാ​ന​വും ഫേ​സ്ബു​ക്ക് ലൈ​വി​ലൂ​ടെ ജ​ന​ങ്ങ​ളെ നേ​രി​ട്ട​റി​യി​ക്കു​ന്ന​താ​യി​രു​ന്നു ഉ​ദ്ധ​വി​ന്റെ ശൈ​ലി.

1966 ജൂ​ൺ 19നാ​ണ് കാ​ർ​ട്ടൂ​ണി​സ്റ്റാ​യി​രു​ന്ന ബാ​ൽ താ​ക്ക​റെ ശി​വ​സേ​ന​ക്ക് രൂ​പം ന​ൽ​കി​യ​ത്. തു​ട​ക്ക​ക്കാ​ല​ത്ത് കോ​ൺ​ഗ്ര​സി​നോ​ടാ​യി​രു​ന്നു ചാ​യ്‍വ്. ആ​ദ്യം മ​ണ്ണി​ന്റെ മ​ക്ക​ൾ വാ​ദ​വു​മാ​യി ആ​ളി​ക്ക​ത്തി​യ ശി​വ​സേ​ന പി​ന്നീ​ട് ഹി​ന്ദു​ത്വ​യെ പു​ൽ​കി. ക​ടു​ത്ത വ​ർ​ഗീ​യ​ത ശി​വ​സേ​ന തു​റ​ന്നു​വി​ട്ടു. 1989ലാ​ണ് ബി.​ജെ.​പി​യു​മാ​യി തെ​ര​ഞ്ഞെ​ടു​പ്പ് സ​ഖ്യ​ത്തി​ലാ​കു​ന്ന​ത്. താ​ക്ക​റെ, പ്ര​മോ​ദ് മ​ഹാ​ജ​ൻ, എ​ൽ.​കെ. അ​ദ്വാ​നി എ​ന്നി​വ​രാ​യി​രു​ന്നു സ​ഖ്യ​ശി​ൽ​പി. തെ​ര​ഞ്ഞെ​ടു​പ്പു​ക​ളി​ൽ മ​ഹാ​രാ​ഷ്ട്ര​യി​ൽ ശി​വ​സേ​ന​ക്കും ദേ​ശീ​യ​ത​ല​ത്തി​ൽ ബി.​ജെ.​പി​ക്കും മു​ൻ​കൈ എ​ന്ന​താ​യി​രു​ന്നു ധാ​ര​ണ. അ​ത​നു​സ​രി​ച്ചാ​യി​രു​ന്നു സീ​റ്റു​വി​ഭ​ജ​ന​ങ്ങ​ൾ. താ​ക്ക​റെ​യു​ടെ വ​സ​തി​യാ​യ 'മാ​തോ​ശ്രീ' മ​റ്റൊ​രു അ​ധി​കാ​ര​കേ​ന്ദ്ര​മാ​യി മാ​റി. 1992ലെ ​മും​ബൈ ക​ലാ​പാ​ന​ന്ത​രം 1995ലാ​ണ് ശി​വ​സേ​ന-​ബി.​ജെ.​പി സ​ഖ്യ​സ​ർ​ക്കാ​ർ നി​ല​വി​ൽ വ​ന്ന​ത്. താ​ക്ക​റെ​യു​ടെ വി​ശ്വ​സ്ത​രാ​യ മ​നോ​ഹ​ർ ജോ​ഷി​യും പി​ന്നീ​ട് നാ​രാ​യ​ൺ റാ​ണെ​യും മു​ഖ്യ​മ​ന്ത്രി​മാ​രാ​യി. അ​ഴി​മ​തി ആ​രോ​പ​ണ​ത്തി​ൽ ജോ​ഷി​യെ മാ​റ്റി റാ​ണ​യെ മു​ഖ്യ​നാ​ക്കു​ക​യാ​യി​രു​ന്നു. കൊ​ണ്ടും കൊ​ടു​ത്തു​മാ​യി​രു​ന്നു ശി​വ​സേ​ന​യു​ടെ അ​തി​ജീ​വ​നം. മും​ബൈ​യി​ൽ താ​ക്ക​റെ നേ​രി​ട്ട് ഇ​ട​പെ​ട്ട​പ്പോ​ൾ താ​ണെ ആ​ന​ന്ദ് ദി​ഘെ​ക്കും കൊ​ങ്ക​ൺ നാ​രാ​യ​ൻ റാ​ണെ​ക്കും നാ​സി​ക് ഭു​ജ്ബ​ലി​നും ന​വി മും​ബൈ ഗ​ണേ​ഷ് നാ​യി​കി​നും വി​ട്ടു​ന​ൽ​കി. ഇ​വ​രാ​രും ഇ​ന്ന് ശി​വ​സേ​ന​യി​ലി​ല്ലെ​ന്ന​താ​ണ് വാ​സ്ത​വം. ആ​ന​ന്ദ് ദി​ഘെ വാ​ഹ​നാ​പ​ക​ട​ത്തി​ൽ കൊ​ല്ല​പ്പെ​ടു​ക​യാ​യി​രു​ന്നു. താ​ണെ ന​ഗ​ര​സ​ഭ​യി​ൽ കൂ​റു​മാ​റി​യ ശി​വ​സേ​ന കോ​ർ​പ​റേ​റ്റ​റെ കൊ​ന്ന് തു​ണ്ട​മാ​ക്കി​യ ദി​ഘെ പ​ല​ർ​ക്കും പേ​ടി​സ്വ​പ്ന​മാ​യി​രു​ന്നു. കാ​ലു​മാ​റ്റ​ക്കാ​രെ ജീ​വ​നോ​ടെ​യോ ശ​വ​മാ​യോ കൊ​ണ്ടു​വ​ര​ണം എ​ന്ന​താ​യി​രു​ന്നു താ​ക്ക​റെ​യു​ടെ ദി​ഘെ​യോ​ടു​ള്ള ക​ൽ​പ​ന. 12 ശി​വ​സേ​ന എം.​എ​ൽ.​എ​മാ​രു​മാ​യി ഭു​ജ്ബ​ൽ മു​ങ്ങി​യ​പ്പോ​ഴും ഇ​തേ ക​ൽ​പ​ന​യാ​ണ് താ​ക്ക​റെ ദി​ഘെ​ക്ക് ന​ൽ​കി​യ​ത്. താ​ക്ക​റെ​യെ​ക്കാ​ൾ ക​ടു​ത്ത ഹി​ന്ദു​ത്വ​വാ​ദി​യാ​യി​രു​ന്നു ദി​ഘെ. ശി​വ​സേ​ന വി​ടാ​ൻ നീ​ക്ക​ങ്ങ​ൾ ന​ട​ത്തു​ന്ന​തി​നി​ടെ​യാ​യി​രു​ന്നു അ​പ​ക​ട​വും മ​ര​ണ​വും. ദി​ഘെ​യു​ടെ പി​ൻ​ഗാ​മി​യാ​ണ് ഏ​ക് നാ​ഥ് ഷി​ൻ​ഡെ എ​ന്ന​ത് മ​റ്റൊ​രു യാ​ഥാ​ർ​ഥ്യം. ബി.​ജെ.​പി ബാ​ന്ധ​വ​ത്തി​നി​ട​യി​ലും കോ​ൺ​ഗ്ര​സി​നെ ആ​വ​ശ്യ​മു​ള്ള​പ്പോ​ഴൊ​ക്കെ ശി​വ​സേ​ന സ​ഹാ​യി​ച്ചു. 2007ലെ​യും 2012ലെ​യും രാ​ഷ്ട്ര​പ​തി തെ​ര​ഞ്ഞെ​ടു​പ്പു​ക​ളി​ൽ കോ​ൺ​ഗ്ര​സി​നാ​യി​രു​ന്നു താ​ക്ക​റെ​യു​ടെ പി​ന്തു​ണ.

ബി.​ജെ.​പി കേ​ന്ദ്രം ഭ​രി​ച്ച​പ്പോ​ഴൊ​ക്കെ പ്ര​ധാ​ന​മ​ന്ത്രി എ.​ബി. വാ​ജ്പേ​യി​യും ഉ​പ​പ്ര​ധാ​ന​മ​ന്ത്രി അ​ദ്വാ​നി​യും മും​ബൈ​യി​ലെ​ത്തി​യാ​ൽ 'മാ​തോ​ശ്രീ'​യി​ൽ ചെ​ന്നാ​ണ് താ​ക്ക​റെ​യെ ക​ണ്ട​ത്.

2014ൽ ​ന​രേ​ന്ദ്ര മോ​ദി കേ​ന്ദ്ര​ത്തി​ൽ അ​ധി​കാ​ര​ത്തി​ൽ വ​ന്ന​തോ​ടെ ആ ​പ​തി​വ് അ​വ​സാ​നി​പ്പി​ച്ചു. 2004ലാ​ണ് അ​തു​വ​രെ ഫോ​ട്ടോ​ഗ്ര​ഫി​യി​ൽ അ​ലി​ഞ്ഞി​രു​ന്ന ഉ​ദ്ധ​വ് താ​ക്ക​റെ​യെ വ​ർ​ക്കി​ങ് പ്ര​സി​ഡ​ന്റാ​യി പി​താ​വ് ബാ​ൽ താ​ക്ക​റെ പാ​ർ​ട്ടി നേ​തൃ​ത്വ​ത്തി​ലേ​ക്ക് കൊ​ണ്ടു​വ​രു​ന്ന​ത്. അ​ന്നു​വ​രെ താ​ക്ക​റെ​യു​ടെ നി​ഴ​ലാ​യി ഒ​പ്പ​മു​ണ്ടാ​യി​രു​ന്ന സ​ഹോ​ദ​ര​പു​ത്ര​ൻ രാ​ജ് താ​ക്ക​റെ​യെ ത​ഴ​ഞ്ഞാ​യി​രു​ന്നു ഈ ​നീ​ക്കം. ഉ​ദ്ധ​വി​ന്റെ വ​ര​വി​നെ ചോ​ദ്യം​ചെ​യ്ത് ആ​ദ്യം നാ​രാ​യ​ൺ റാ​ണെ​യും പി​ന്നീ​ട് രാ​ജ് താ​ക്ക​റെ​യും ശി​വ​സേ​ന വി​ട്ടു. റാ​ണെ കോ​ൺ​ഗ്ര​സി​ലേ​ക്ക് പോ​യ​പ്പോ​ൾ രാ​ജ് താ​ക്ക​റെ മ​ഹാ​രാ​ഷ്ര​ട ന​വ​നി​ർ​മാ​ൺ സേ​ന​ക്ക് (എം.​എ​ൻ.​എ​സ്) രൂ​പം ന​ൽ​കി. ശി​വ​സേ​ന​യു​ടെ ഹി​ന്ദു​ത്വ​യി​ൽ​നി​ന്ന് ലി​ബ​റ​ൽ ചി​ന്ത​ക​ളി​ലേ​ക്ക് മാ​റ്റം തു​ട​ങ്ങി​യ​തി​നു പി​ന്നി​ൽ രാ​ജ് താ​ക്ക​റെ​യാ​ണ്. മു​സ്‍ലിം​ക​ളെ​യും ദ​ലി​തു​ക​ളെ​യും ഉ​ൾ​ക്കൊ​ള്ളു​ന്ന​താ​യി​രു​ന്നു പാ​ർ​ട്ടി​യു​ടെ കൊ​ടി. അ​ത് പി​ന്നീ​ട് ശി​വ​സേ​ന അ​ഘാ​ഡി സ​ഖ്യ​മാ​യ​തോ​ടെ രാ​ജ് മാ​റ്റി കാ​വി കൊ​ടി​യാ​ക്കി. ഉ​ദ്ധ​വി​ന്റെ ശി​വ​സേ​ന​ക്ക് എ​തി​രെ രാ​ജി​നെ ബി.​ജെ.​പി ട്യൂ​ൺ ചെ​യ്യു​ക​യാ​ണെ​ന്നാ​ണ് സം​സാ​രം. 2019ലെ ​ലോ​ക്സ​ഭ തെ​ര​ഞ്ഞെ​ടു​പ്പി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കെ​തി​രെ വി​ഡി​യോ പ്ര​ദ​ർ​ശ​ന​വു​മാ​യി ശ്ര​ദ്ധേ​യ റാ​ലി​ക​ൾ ന​ട​ത്തി​യ രാ​ജ് നി​യ​മ​സ​ഭ തെ​ര​ഞ്ഞെ​ടു​പ്പി​ൽ നേ​രെ തി​രി​ച്ചാ​യി. ഇ​തി​നി​ട​യി​ൽ കോ​ഹി​നൂ​ർ ന​ക്ഷ​ത്ര ഹോ​ട്ട​ൽ കേ​സി​ൽ രാ​ജി​നും ഇ.​ഡി സ​മ​ൻ​സ​യ​ച്ചി​രു​ന്നു. രാ​ജി​ലൂ​ടെ ശി​വ​സേ​ന വോ​ട്ട് ബാ​ങ്കി​ൽ വി​ള്ള​ലു​ണ്ടാ​ക്കു​ക​യാ​യി​രു​ന്നു ബി.​ജെ.​പി​യു​ടെ ല​ക്ഷ്യം. രാ​ജ് ശി​വ​സേ​ന​വി​ട്ട് എം.​എ​ൻ.​എ​സു​ണ്ടാ​ക്കി​യ​തോ​ടെ ഉ​ദ്ധ​വി​നെ​യും ശി​വ​സേ​ന​യെ​യും പ​ല​രും എ​ഴു​തി​ത്ത​ള്ളി​യ​താ​ണ്. പ്ര​സം​ഗ​ത്തി​ലും രൂ​പ​ത്തി​ലും ബാ​ൽ​താ​ക്ക​റെ​യു​ടെ ത​നി പ​ക​ർ​പ്പാ​യി​രു​ന്നു രാ​ജ്. ഒ​രു ക​ലാ​കാ​ര​ന്റെ മൃ​ദു​ല​ത​യാ​യി​രു​ന്നു ഉ​ദ്ധ​വി​ന്. എ​ന്നാ​ൽ, പി​ന്നീ​ട് രാ​ജ് പി​ന്നോ​ട്ടും ഉ​ദ്ധ​വ് മു​ന്നോ​ട്ടും കു​തി​ക്കു​ന്ന​താ​ണ് ക​ണ്ട​ത്.

2014ലെ ​ലോ​ക്സ​ഭ തെ​ര​ഞ്ഞെ​ടു​പ്പി​ൽ മോ​ദി​ത​രം​ഗ​ത്തി​ൽ ബി.​ജെ.​പി വ​ൻ​വി​ജ​യം നേ​ടി​യ​തോ​ടെ തൊ​ട്ടു​പി​റ​കെ വ​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ ബി.​ജെ.​പി​യാ​ണ് ശി​വ​സേ​ന​യു​മാ​യു​ള്ള സ​ഖ്യം ആ​ദ്യം അ​വ​സാ​നി​പ്പി​ച്ച​ത്. 25 വ​ർ​ഷം നീ​ണ്ട ബ​ന്ധ​ത്തി​ന് ത​ട​യി​ട്ട​ത് ആ​ദ്യം ബി.​ജെ.​പി​യാ​ണ്. എ​ന്നാ​ൽ, ഭ​രി​ക്കാ​നു​ള്ള കേ​വ​ല​ഭൂ​രി​പ​ക്ഷ​മി​ല്ലാ​തെ വ​ന്ന​തോ​ടെ ശി​വ​സേ​ന​യെ ഭ​ര​ണ​ത്തി​ൽ ഒ​പ്പം​കൂ​ട്ടേ​ണ്ടി​വ​രു​ക​യാ​യി​രു​ന്നു. ഉ​പ​മു​ഖ്യ​മ​ന്ത്രി പ​ദ​മെ​ന്ന ശി​വ​സേ​ന​യു​ടെ ആ​വ​ശ്യം അ​ന്ന് ബി.​ജെ.​പി അം​ഗീ​ക​രി​ച്ചി​ല്ല. 2019ലെ ​ലോ​ക്സ​ഭ തെ​ര​ഞ്ഞെ​ടു​പ്പി​ന് മു​മ്പാ​ണ് ബി.​ജെ.​പി ശി​വ​സേ​ന​യു​മാ​യി സ​ഖ്യം പു​നഃ​സ്ഥാ​പി​ച്ച​ത്. അ​ന്ന് അ​മി​ത് ഷാ ​ര​ണ്ട​ര​വ​ർ​ഷം ശി​വ​സേ​ന​ക്ക് മു​ഖ്യ​മ​ന്ത്രി​പ​ദ​മെ​ന്ന ഉ​റ​പ്പു ന​ൽ​കി​യ​താ​യാ​ണ് ഉ​ദ്ധ​വ് അ​വ​കാ​ശ​പ്പെ​ട്ട​ത്. തെ​ര​ഞ്ഞെ​ടു​പ്പി​ൽ ബി.​ജെ.​പി 106ഉം ​ശി​വ​സേ​ന 56ഉം ​സീ​റ്റു​ക​ൾ നേ​ടി അ​ധി​കാ​ര​മു​റ​പ്പി​ച്ചി​രി​ക്കെ ആ​ദ്യ ര​ണ്ട​ര​വ​ർ​ഷം മു​ഖ്യ​മ​ന്ത്രി​പ​ദ​ത്തി​നാ​യി ശി​വ​സേ​ന വാ​ദ​മു​ന്ന​യി​ച്ചു. അ​ങ്ങ​നെ​യൊ​രു വാ​ക്ക് ന​ൽ​കി​യി​ട്ടി​ല്ലെ​ന്നാ​ണ് അ​മി​ത് ഷാ​യും ഫ​ഡ്നാ​വി​സും പ​റ​ഞ്ഞ​ത്. വാ​ക്കു പാ​ലി​ക്കാ​ത്ത​തോ​ടെ ഉ​ദ്ധ​വ് പ​ര​മ്പ​രാ​ഗ​ത സ​ഖ്യം വി​ട്ട് എ​ൻ.​സി.​പി​യും കോ​ൺ​ഗ്ര​സു​മാ​യി ചേ​ർ​ന്നു. അ​ന്ന് തൊ​ട്ടു​ള്ള പ​ക​യാ​ണ് ശി​വ​സേ​ന​യെ അ​ടി​യ​റു​ക്കും​വി​ധം വി​മ​ത​നീ​ക്ക​ത്തി​ലെ​ത്തി​ച്ച​ത്.

മ​ഹാ​രാ​ഷ്ട്ര ഗ​വ​ർ​ണ​ർ ഭ​ഗ​ത് സി​ങ് കോ​ശി​യാ​രി​യും മു​ഖ്യ​മ​ന്ത്രി​യാ​യ ഉ​ദ്ധ​വി​ന് ചി​ല്ല​റ വെ​ല്ലു​വി​ളി​ക​ള​ല്ല തീ​ർ​ത്ത​ത്. പ​ര​സ്യ​മാ​യി ബി.​ജെ.​പി ചാ​യ്‍വ് ഗ​വ​ർ​ണ​ർ കാ​ണി​ച്ചു. ഫ​ഡ്നാ​വി​സി​ന്റെ നി​ർ​ദേ​ശ​ങ്ങ​ളാ​ണ് ഗ​വ​ർ​ണ​ർ ന​ട​പ്പാ​ക്കു​ന്ന​തെ​ന്ന ആ​ക്ഷേ​പ​മു​ണ്ടാ​യി. ഉ​ദ്ധ​വി​ന്റെ കാ​ല​ത്ത് സ്പീ​ക്ക​ർ തെ​ര​ഞ്ഞെ​ടു​പ്പി​ന് ക​ണ്ട ത​ട​സ്സം ഗ​വ​ർ​ണ​ർ ഏ​ക് നാ​ഥ് ഷി​ൻ​ഡെ സ​ർ​ക്കാ​റി​നു കീ​ഴി​ലെ സ്പീ​ക്ക​ർ തെ​ര​ഞ്ഞെ​ടു​പ്പി​ൽ ക​ണ്ടി​ല്ല. 2021 ഫെ​ബ്രു​വ​രി​യി​ൽ നാ​ന പ​ടോ​ലെ രാ​ജി​വെ​ച്ച​ത് മു​ത​ൽ സ്പീ​ക്ക​ർ പ​ദ​വി ഒ​ഴി​ഞ്ഞു​കി​ട​ക്കു​ക​യാ​യി​രു​ന്നു. ത​ല​യെ​ണ്ണി സ്പീ​ക്ക​ർ തെ​ര​ഞ്ഞെ​ടു​പ്പ് ന​ട​ത്താ​നാ​വ​ശ്യ​പ്പെ​ട്ട് അ​ഘാ​ഡി ന​ൽ​കി​യ അ​പേ​ക്ഷ ഗ​വ​ർ​ണ​ർ സ്വീ​ക​രി​ച്ചി​ല്ല. മു​ഖ്യ​മ​ന്ത്രി പ​ദം ഏ​റ്റെ​ടു​ക്കു​മ്പോ​ൾ ഉ​ദ്ധ​വ് എം.​എ​ൽ.​എ​യോ നി​യ​മ​സ​ഭ കൗ​ൺ​സി​ൽ അം​ഗ​മോ ആ​യി​രു​ന്നി​ല്ല. അ​തി​നാ​ൽ അ​ധി​കാ​ര​മേ​റ്റ് ആ​റു​മാ​സ​ത്തി​ന​കം ര​ണ്ടാ​ലൊ​രു സ​ഭ​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട​ണം. കോ​വി​ഡ് മൂ​ർ​ച്ഛി​ക്കു​ന്ന​തി​നി​ട​യി​ലാ​ണ് ഉ​ദ്ധ​വി​ന്റെ കാ​ലാ​വ​ധി. തെ​ര​ഞ്ഞെ​ടു​പ്പു​ക​ൾ താ​ൽ​ക്കാ​ലി​ക​മാ​യി നി​ർ​ത്തി​വെ​ച്ചി​രി​ക്കു​ക​യാ​യി​രു​ന്നു. ഗ​വ​ർ​ണ​ർ ക്വോ​ട്ട​യി​ൽ ക​ലാ​കാ​ര​ന്മാ​ർ​ക്കും മ​റ്റു​മു​ള്ള നി​യ​മ​സ​ഭ കൗ​ൺ​സി​ൽ അം​ഗ​ത്വ​മാ​യി​രു​ന്നു അ​ന്ന് ഏ​ക പോം​വ​ഴി. ഫോ​ട്ടോ​ഗ്രാ​ഫ​റാ​യ ഉ​ദ്ധ​വ് അ​ട​ക്കം 12 പേ​രു​ടെ പ​ട്ടി​ക അ​ഘാ​ഡി ഗ​വ​ർ​ണ​ർ​ക്ക് ശി​പാ​ർ​ശ​യാ​യി ന​ൽ​കി. എ​ന്നാ​ൽ, ഗ​വ​ർ​ണ​ർ അ​ത് ഇ​ന്നേ​വ​രെ അം​ഗീ​ക​രി​ച്ചി​ല്ല. ഫ​ഡ്നാ​വി​സി​ന്റെ ക​ടു​ത്ത എ​തി​രാ​ളി​യും ബി.​ജെ.​പി വി​ട്ട് എ​ൻ.​സി.​പി​യി​ൽ ചേ​രു​ക​യും ചെ​യ്ത ഏ​ക് നാ​ഥ് ഖ​ഡ്സെ​യും പ​ട്ടി​ക​യി​ലു​ണ്ടാ​യി​രു​ന്നു. സ​ർ​ക്കാ​ർ ശി​പാ​ർ​ശ ഗ​വ​ർ​ണ​ർ അം​ഗീ​ക​രി​ക്കാ​ത്ത​തോ​ടെ ക​ടു​ത്ത പ്ര​തി​സ​ന്ധി​യി​ലാ​യ ഉ​ദ്ധ​വ് ഒ​ടു​വി​ൽ പ്ര​ധാ​ന​മ​ന്ത്രി​യു​ടെ സ​ഹാ​യം തേ​ടു​ക​യാ​യി​രു​ന്നു. അ​തോ​ടെ, നി​യ​മ​സ​ഭ കൗ​ൺ​സി​ൽ തെ​ര​ഞ്ഞെ​ടു​പ്പി​ന് ക​ള​മൊ​രു​ങ്ങു​ക​യും ഉ​ദ്ധ​വ് എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ടു​ക​യും ചെ​യ്തു.

ഉ​ദ്ധ​വ് ഭ​ര​ണം പൊ​ടി​പൊ​ടി​ക്കു​ന്ന​തി​നി​ട​യി​ലാ​ണ് മ​ന്ത്രി​യും വി​ശ്വ​സ്ത​നു​മാ​യ അ​നി​ൽ പ​ര​ബി​ന് ഇ.​ഡി നോ​ട്ടീസ് വ​രു​ന്ന​ത്. ഉ​ദ്ധ​വി​ന്റെ ഭാ​ര്യാ​സ​ഹോ​ദ​ര​നും ഇ.​ഡി​യു​ടെ നോ​ട്ട​പ്പു​ള്ളി​യാ​യി. മും​ബൈ ന​ഗ​ര​സ​ഭ സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​നാ​യി​രു​ന്ന യ​ശ്വ​ന്ത് ജാ​ദ​വ്, ഭാ​ര്യ​യും എം.​എ​ൽ.​എ​യു​മാ​യ യാ​മി​നി ജാ​ദ​വ്, മു​ൻ എം.​പി ആ​ന​ന്ദ് റാ​വു അ​ഡ്സു​ൽ, എം.​പി ഭാ​വ​ന ഗാ​വ് ലി, ​ര​വീ​ന്ദ്ര വാ​യി​ക്ക​ർ, സ​ഞ്ജ​യ് റാ​വു​ത്ത് തു​ട​ങ്ങി ഇ.​ഡി​യു​ടെ റ​ഡാ​റി​ലു​ള്ള ശി​വ​സേ​ന നേ​താ​ക്ക​ളു​ടെ എ​ണ്ണം കൂ​ടു​ന്നു. അ​ജി​ത് പ​വാ​ർ ഉൾ​പ്പെ​ടെ എ​ൻ.​സി.​പി നേ​താ​ക്ക​ളും കേ​ന്ദ്ര ഏ​ജ​ൻ​സി​ക​ളു​ടെ നോ​ട്ട​പ്പു​ള്ളി​ക​ളാ​യി. എ​ന്നി​ട്ടും ഉ​ദ്ധ​വ് സ​ർ​ക്കാ​റി​ന് കോ​ട്ടം ത​ട്ടി​യി​ല്ല. ഒ​ടു​വി​ലാ​ണ് ഷി​ൻ​ഡെ കെ​ണി​യി​ലാ​കു​ന്ന​ത്.

എ​ന്തു​കൊ​ണ്ട് ഷി​ൻ​ഡെ എ​ന്ന​താ​ണ് മ​റ്റൊ​രു ചോ​ദ്യം. ഉ​ദ്ധ​വി​ന്റെ വി​ശ്വ​സ്ത​നെ​ങ്കി​ലും ഫ​ഡ്നാ​വി​സു​മാ​യും അ​ടു​പ്പ​മു​ണ്ട്. താ​ണെ​യി​ലെ മു​ടി​ചൂ​ടാ​മ​ന്നൻ. താ​ണെ, ക​ല്യാ​ൺ, അം​ബ​ർ​നാ​ഥ്, ന​വി​മും​ബൈ മേ​ഖ​ല​ക​ളി​ൽ ശി​വ​സേ​ന​യെ ത​ക​ർ​ത്ത് ബി.​ജെ.​പി​യെ പ​ട​ർ​ത്താ​ൻ പ​റ്റി​യ പി​ടി​വ​ള്ളി. ക​ടു​ത്ത ഹി​ന്ദു​ത്വ​വാ​ദി ആ​ന​ന്ദ് ദി​ഘെ​യു​ടെ അ​നു​യാ​യി. ആ​ന​ന്ദ് ദി​ഘെ​യു​ടെ ക​ഥ പ​റ​യു​ന്ന, ഷി​ൻ​ഡെ നി​ർ​മി​ച്ച മ​റാ​ത്തി ചി​ത്രം 'ധ​രം​വീ​ർ' ഈ​യി​ടെ​യാ​ണ് തി​യ​റ്റ​റു​ക​ളി​ലെ​ത്തി​യ​തെ​ന്ന​ത് മ​റ്റൊ​രു 'യാ​ദൃ​ച്ഛി​ക​ത'. 55 ശി​വ​സേ​ന എം.​എ​ൽ.​എ​മാ​രി​ൽ 38 പേ​രു​ടെ പി​ന്തു​ണ​യു​ള്ള ഏ​ക് നാഥ് ഷി​ൻ​ഡെ മ​റ്റൊ​രു പാ​ർ​ട്ടി ഉ​ണ്ടാ​ക്കാ​തെ​യും ബി.​ജെ.​പി​യു​മാ​യി ല​യി​ക്കാ​തെ​യു​മാ​ണ് മു​ന്നോ​ട്ടു​പോ​യ​ത്. ത​ങ്ങ​ളാ​ണ് യ​ഥാ​ർ​ഥ ശി​വ​സേ​ന​യെ​ന്നാ​ണ് വാ​ദം. ഷി​ൻ​ഡെ​യെ പാ​ർ​ട്ടി നി​യ​മ​സ​ഭ ക​ക്ഷി നേ​താ​വ് പ​ദ​വി​യി​ൽ​നി​ന്ന് മാ​റ്റി അ​ജ​യ് ചൗ​ധ​രി​യെ നി​യോ​ഗി​ച്ച ഔ​ദ്യോ​ഗി​ക​പ​ക്ഷ​ത്തി​ന്റെ നീ​ക്കം പു​തി​യ സ്പീ​ക്ക​ർ രാ​ഹു​ൽ ന​ർ​വേ​ക്ക​ർ ത​ള്ളി. ഇ​ത് ഔ​ദ്യോ​ഗി​ക പ​ക്ഷ​ത്തി​ന് വ​ലി​യ തി​രി​ച്ച​ടി​യാ​ണ്. വി​മ​ത​രെ അ​യോ​ഗ്യ​രാ​ക്കാ​നു​ള്ള ഡെ​പ്യൂ​ട്ടി സ്പീ​ക്ക​റു​ടെ നോ​ട്ടീ​സി​നെ​തി​രെ വി​മ​ത​ർ ന​ൽ​കി​യ ഹ​ര​ജി​യും വി​മ​ത​രെ സ​ഭ​യി​ൽ പ്ര​വേ​ശി​ക്കു​ന്ന​ത് ത​ട​യ​ണ​മെ​ന്ന് ആ​വ​ശ്യ​പ്പെ​ട്ട് ഔ​ദ്യോ​ഗി​ക​പ​ക്ഷം ന​ൽ​കി​യ ഹ​ര​ജി​യും സു​പ്രീം​കോ​ട​തി​യു​ടെ പ​രി​ഗ​ണ​ന​യി​ലാ​ണ്. അ​ർ​ഹി​ക്കു​ന്ന പ്രാ​ധാ​ന്യ​ത്തോ​ടെ കോ​ട​തി ഹ​ര​ജി​ക​ൾ പ​രി​ഗ​ണി​ച്ചി​ല്ലെ​ന്ന പ​രാ​തി ഔ​ദ്യോ​ഗി​ക​പ​ക്ഷം ഉ​ന്ന​യി​ക്കു​ന്നു.

അ​വ​സാ​ന​നി​മി​ഷം ദേ​വേ​ന്ദ്ര ഫ​ഡ്നാ​വി​സി​നെ ഉ​പ​മു​ഖ്യ​മ​ന്ത്രി​യാ​യി പ്ര​ഖ്യാ​പി​ച്ച് ബി.​ജെ.​പി​യു​ടെ കേ​ന്ദ്ര​നേ​തൃ​ത്വം മ​റ്റൊ​രു മാ​സ്റ്റ​ർ​സ്ട്രോ​ക്കു​കൂ​ടി ന​ൽ​കി. ഷി​ൻ​ഡെ​യെ മു​ഖ്യ​മ​ന്ത്രി​യാ​യി പ്ര​ഖ്യാ​പി​ക്കെ താ​ൻ മ​ന്ത്രി​സ​ഭ​യി​ൽ ഉ​ണ്ടാ​കി​ല്ലെ​ന്ന് പ​റ​ഞ്ഞു ഫ​ഡ്നാ​വി​സ് നാ​വെ​ടു​ക്കും മു​മ്പേ​യാ​ണ് കേ​ന്ദ്ര​തീ​രു​മാ​നം പ​ര​സ്യ​മാ​ക്കു​ന്ന​ത്. ക​ളി​ക​ളെ​ല്ലാം ക​ളി​ച്ചെ​ങ്കി​ലും ക്ലൈ​മാ​ക്സ് ഫ​ഡ്നാ​വി​സ് അ​റി​യാ​തെ കേ​ന്ദ്രനേ​തൃ​ത്വം തീ​രു​മാ​നി​ച്ച​താ​ണെ​ന്ന് വ്യ​ക്തം. മു​ഖ്യ​മ​ന്ത്രി​യാ​യി പോ​പു​ല​റാ​യ ഫ​ഡ്നാ​വി​സി​ന്റെ ചി​റ​ക​രി​ഞ്ഞ​താ​ണെ​ന്ന വാ​ദ​വു​മു​ണ്ട്. ആ​ർ.​എ​സ്.​എ​സി​ന് പ്രി​യ​പ്പെ​ട്ട ഫ​ഡ്നാ​വി​സി​ന്റെ പ്ര​ധാ​ന​മ​ന്ത്രി​പ​ദ യോ​ഗ്യ​ത​യി​ലേ​ക്കു​ള്ള വ​ള​ർ​ച്ച​ക്ക് ത​ട​യി​ട​ലാ​ണ് ല​ക്ഷ്യ​മെ​ന്നും പ​റ​യു​ന്നു. എ​ന്നാ​ൽ, ഫ​ഡ്നാ​വി​സി​നെ ഉ​പ​മു​ഖ്യ​മ​ന്ത്രി​യാ​ക്കി ഭ​ര​ണം പൂ​ർ​ണ​മാ​യും കൈ​ക​ളി​ലൊ​തു​ക്കു​ക​യാ​ണ് ബി.​ജെ.​പി​യു​ടെ ത​ന്ത്രം. ഉ​പ​മു​ഖ്യ​നാ​ണെ​ങ്കി​ലും ഫ​ഡ്നാ​വി​സാ​കും കാ​ര്യ​ങ്ങ​ൾ തീ​രു​മാ​നി​ക്കു​ക​യെ​ന്ന് ഷി​ൻ​ഡെ അ​ധി​കാ​ര​മേ​റ്റ​തി​നു തൊ​ട്ടുപി​ന്നാ​ലെ ന​ട​ന്ന മ​ന്ത്രി​സ​ഭാ യോ​ഗ​ങ്ങ​ൾ ബോ​ധ്യ​പ്പെ​ടു​ത്തു​ന്നു.

ഉ​ദ്ധ​വ് താ​ക്ക​റെ​ക്ക് കാ​ര്യ​ങ്ങ​ളി​നി അ​ത്ര എ​ളു​പ്പ​മാ​കി​ല്ല. ഏ​ക് നാ​ഥ് ഷി​ൻ​ഡെ​യി​ലൂ​ടെ സ​ർ​ക്കാ​റി​നെ മ​റി​ച്ചി​ടു​ക മാ​ത്ര​മ​ല്ല ഉ​ദ്ധ​വി​നെ അ​ടി​മു​ടി ത​ക​ർ​ക്കു​ക​യു​മാ​ണ് ബി.​ജെ.​പി​യു​ടെ ല​ക്ഷ്യം. അ​താ​ണ് ഏ​ക് നാ​ഥ് ഷി​ൻ​ഡെ​യെ മു​ഖ്യ​മ​ന്ത്രി​യാ​ക്കു​ന്ന​തി​ലൂ​ടെ ബി.​ജെ.​പി ന​ൽ​കു​ന്ന സൂ​ച​ന. 'ഹി​ന്ദു​സാ​മ്രാ​ട്ട്' ബാ​ൽ താ​ക്ക​റെ​യു​ടെ ഹി​ന്ദു​ത്വ​ക്കാ​ണ് പി​ന്തു​ണ​യെ​ന്ന് ഷി​ൻ​ഡെ​യെ മു​ഖ്യ​നാ​യി പ്ര​ഖ്യാ​പി​ക്കെ ബി.​ജെ.​പി നേ​താ​വ് ദേ​വേ​ന്ദ്ര ഫ​ഡ്നാ​വി​സ് പ​റ​ഞ്ഞ​ത് ശ്ര​ദ്ധേ​യ​മാ​ണ്. 2019ൽ ​ഒ​ന്നി​ച്ച് മ​ത്സ​രി​ച്ചി​ട്ടും ഒ​ടു​വി​ൽ കാ​ലു​മാ​റി ഫ​ഡ്നാ​വി​സി​നെ​യും അ​മി​ത് ഷാ​യെ​യും അ​പ​മാ​നി​ച്ച​തി​ലു​ള്ള പ​ക​യാ​ണി​ത്.

വി​മ​ത​ർ യ​ഥാ​ർ​ഥ ശി​വ​സേ​ന ത​ങ്ങ​ളാ​ണെ​ന്ന അ​വ​കാ​ശ​വാ​ദ​വു​മാ​യി കേ​ന്ദ്ര തെ​ര​ഞ്ഞെ​ടു​പ്പ് ക​മീ​ഷ​നെ സ​മീ​പി​ക്കു​ന്ന​പ​ക്ഷം ത​ർ​ക്ക​മു​ണ്ടാ​കു​ക​യും ശി​വ​സേ​ന​യു​ടെ 'അ​മ്പും വി​ല്ലും' ചി​ഹ്നം മ​ര​വി​പ്പി​ക്ക​പ്പെ​ടു​ക​യും ചെ​യ്തേ​ക്കാം. ന​ഗ​ര​സ​ഭ തെ​ര​ഞ്ഞെ​ടു​പ്പ് ആ​സ​ന്ന​മാ​യി​രി​ക്കെ നീ​ക്കം ഔ​ദ്യോ​ഗി​ക​പ​ക്ഷ​ത്തി​ന് തി​രി​ച്ച​ടി​യാ​കും. പ​തി​റ്റാ​ണ്ടു​ക​ളാ​യി ശി​വ​സേ​ന വാ​ഴു​ന്ന മും​ബൈ ന​ഗ​ര​സ​ഭ പി​ടി​ച്ചെ​ടു​ക്കു​ക​കൂ​ടി​യാ​ണ് ബി.​ജെ.​പി​യു​ടെ മ​റ്റൊ​രു ല​ക്ഷ്യം.

കോ​ൺ​ഗ്ര​സും എ​ൻ.​സി.​പി​യു​മാ​യി സ​ഖ്യ​ത്തി​ലാ​യ​ത് മു​ത​ൽ മാ​റ്റി​വെ​ച്ച ക​ടു​ത്ത ഹി​ന്ദു​ത്വ​യു​മാ​യി ഉ​ദ്ധ​വി​ന് രം​ഗ​ത്തി​റ​ങ്ങേ​ണ്ടി​വ​രും. അ​തി​ന്റെ തു​ട​ക്ക​മാ​ണ് അ​വ​സാ​ന മ​ന്ത്രി​സ​ഭ യോ​ഗ​ത്തി​ലെ ഔ​റം​ഗാ​ബാ​ദി​ന്റെ പേ​ര് മാ​റ്റ​ൽ. മൃ​ദു​ഹി​ന്ദു​ത്വ​വു​മാ​യി വി​മ​ത​രോ​ടും ബി.​ജെ.​പി​യോ​ടും പി​ടി​ച്ചു​നി​ൽ​ക്കാ​ൻ ക​ഴി​യി​ല്ല. അ​ണി​ക​ളി​ൽ വി​ശ്വാ​സ​വും താ​ക്ക​റെ​യു​ടെ ക​ടു​ത്ത ഹി​ന്ദു​ത്വ പാ​ര​മ്പ​ര്യ​വും വീ​ണ്ടെ​ടു​ക്കാ​ൻ ഉ​ദ്ധ​വ് ക​ഠി​നാ​ധ്വാ​നം ചെ​യ്യേ​ണ്ടി​വ​രും. പാ​ർ​ട്ടി​യെ നി​ല​നി​ർ​ത്താ​ൻ നി​യ​മ​പോ​രാ​ട്ട​ങ്ങ​ളും അ​ഭി​മു​ഖീ​ക​രി​ക്കേ​ണ്ടി​വ​രും. താ​ക്ക​റെ​മാ​രി​ല്ലാ​ത്ത ശി​വ​സേ​ന​ക്ക് അ​തി​ജീ​വ​ന​മു​ണ്ടാ​കി​ല്ലെ​ന്നാ​ണ് രാ​ജ്യ​സ​ഭാം​ഗ​വും പ​ത്ര​പ്ര​വ​ർ​ത്ത​ക​നു​മാ​യ കു​മാ​ർ കേ​ത്ക​ർ പ​റ​യു​ന്ന​ത്. ഹി​ന്ദു​ത്വ പ്ര​ത്യ​യ​ശാ​സ്ത്ര​ങ്ങ​ൾ​ക്ക​പ്പു​റം വി​കാ​ര​മാ​ണ് ശി​വ​സൈ​നി​ക​രെ​യും താ​ക്ക​റെ​മാ​രെ​യും കോ​ർ​ത്തി​ണ​ക്കു​ന്ന​ത്.