ബാ​ബു​ഷ്കി​ൻ​സ്കാ​യ

വി​ൻ​സെ​ന്റ് വാ​ൻ​ഗോ​ഗി​ന്റെ ‘ന​ക്ഷ​ത്രാ​ങ്കി​ത​മാ​യ രാ​ത്രി’​യെ ഓ​ർ​മി​പ്പി​ക്കു​ന്ന ഒ​രു രാ​ത്രി​യാ​യി​രു​ന്നു അ​ത്. മോ​സ്കോ ന​ഗ​രം ശീ​ത​കാ​ല രാ​ത്രി​ക​ളി​ലാ​ണ് കാ​ണേ​ണ്ട​തെ​ന്ന് ഞാ​ൻ പ​റ​ഞ്ഞാ​ൽ അ​ധി​ക​മാ​രും എ​ന്നോ​ട് യോ​ജി​ക്ക​ണ​മെ​ന്നി​ല്ല. കാ​ര​ണം സൂ​ര്യ​നെ​യും പ​ക​ലി​നെ​യും വേ​ന​ലി​നെ​യും എ​ല്ലാം സ്നേ​ഹി​ക്കു​ന്ന ധാ​രാ​ളം സ​ഞ്ചാ​രി​ക​ളു​ണ്ട് ന​മ്മു​ടെ ഈ ​ലോ​ക​ത്ത്.

അ​വ​ർ​ക്ക് ഇ​ഷ്ടം സൂ​ര്യ​ൻ ക​ത്തി​നി​ൽ​ക്കു​ന്ന സ​മ​യ​ത്ത് മോ​സ്കോ ന​ഗ​ര​ത്തി​ലൂ​ടെ ഇ​റ​ങ്ങി​ന​ട​ന്ന് കാ​ഴ്ച​ക​ൾ കാ​ണാ​നാ​ണ്. അ​വ​ർ ശീ​ത​കാ​ല​ത്തെ വെ​റു​ക്കു​ന്നു. എ​ന്നാ​ൽ, ഞാ​ൻ ആ ​കൂ​ട്ട​ത്തി​ൽ​പെ​ടു​ന്ന ആ​ള​ല്ല. ഞാ​ൻ ശീ​ത​കാ​ല​ത്തെ സ്നേ​ഹി​ക്കു​ന്നു, ത​ണു​പ്പി​നെ സ്നേ​ഹി​ക്കു​ന്നു. രാ​ത്രി​യെ, രാ​ത്രി​കാ​ല​ങ്ങ​ളെ സ്നേ​ഹി​ക്കു​ന്നു. പ​തി​വു​പോ​ലെ, ആ ​രാ​ത്രി​യി​ലും ഞാ​ൻ വ​ള​രെ സം​തൃ​പ്ത​ൻ ആ​യി​രു​ന്നു.

സെ​​ന്റ് ബാ​സി​ൽ​സ് ക​ത്തീ​ഡ്ര​ലും അ​തു​ക​ഴി​ഞ്ഞ് മോ​സ്കോ ന​ദി​യി​ലൂ​ടെ​യു​ള്ള ബോ​ട്ടു​യാ​ത്ര​ക്കും ശേ​ഷം, ബാ​ബു​ഷ്കി​ൻ​സ്കാ​യ​യി​ലു​ള്ള എ​ന്റെ താ​മ​സ​സ്ഥ​ല​ത്തേ​ക്ക് അ​ണ്ട​ർ​ഗ്രൗ​ണ്ട് മെ​ട്രോ​യി​ലൂ​ടെ പോ​കു​ന്ന സ​മ​യ​ത്താ​ണ് ഞാ​ൻ അ​വ​ളെ ആ​ദ്യ​മാ​യി കാ​ണു​ന്ന​ത്. ​ഒ​രു റ​ഷ്യ​ൻ സു​ന്ദ​രി. ​അ​വ​ൾ ഇ​രു​പ​തു​ക​ളി​ലു​ള്ള ഒ​രു​വ​ള​ല്ല; ​അ​വ​ൾ​ക്ക് മു​പ്പ​തി​നു മു​ക​ളി​ൽ പ്രാ​യ​മു​ണ്ട്.

മു​ടി ന​ന്നാ​യി മു​റു​ക്കി പി​റ​കി​ലോ​ട്ട് കെ​ട്ടി​വെ​ച്ചി​രി​ക്കു​ന്നു. മ​ഞ്ഞി​ൽ​നി​ന്നു ര​ക്ഷ​നേ​ടാ​ൻ അ​വ​ൾ ആ​വ​ശ്യ​ത്തി​ല​ധി​കം വ​സ്ത്ര​ങ്ങ​ളും ജാ​ക്ക​റ്റും ധ​രി​ച്ചി​രു​ന്നു. ബ്ലോ​ണ്ട് നി​റ​മു​ള്ള മു​ടി​യും പാ​ൽ​പ്പ​ാട​യു​ടെ നി​റ​മു​ള്ള ജാ​ക്ക​റ്റും ഇ​റു​കി​യ ക​റു​ത്ത ജീ​ൻ​സും ​ഒ​ക്കെ​യാ​യി​രു​ന്നു ​അ​വ​ൾ​ക്ക് ഉ​ണ്ടാ​യി​രു​ന്ന​ത്. അ​വ​ളെ ഞാ​ൻ നോ​ക്കു​ന്ന​ത​റി​ഞ്ഞ് അ​വ​ൾ ഒ​ന്നു ര​ണ്ടു​വ​ട്ടം എ​ന്നെ തി​രി​ച്ചു​നോ​ക്കു​ക​യും ചെ​യ്തി​രു​ന്നു. അ​വ​ൾ മ​റ്റു​ള്ള​വ​രെ പോ​ലെ ഫോ​ണി​ൽ അ​ല്ല, ചി​ന്ത​യി​ലാ​ണ്. അ​വ​ൾ​ക്ക് ര​ണ്ട് കു​ട്ടി​ക​ൾ ഉ​ണ്ടാ​യി​രു​ന്നു.

സ​മ​യം നോ​ക്കാ​ൻ വേ​ണ്ടി അ​വ​ൾ ഫോ​ൺ തു​റ​ന്ന​പ്പോ​ളാ​ണ് ഞാ​ൻ അ​വ​ളു​ടെ കു​ട്ടി​ക​ളെ കാ​ണു​ന്ന​ത്. പ​ത്തി​ൽ താ​ഴേ പ്രാ​യം തോ​ന്നി​ക്കു​ന്ന ര​ണ്ട് പെ​ൺ​കു​ട്ടി​ക​ൾ. ര​ണ്ട് കു​ട്ടി​ക​ൾ​ക്കും അ​വ​ളെ​പ്പോ​ലെ​ത്ത​ന്നെ ബ്ലോ​ണ്ട് മു​ടി. ഈ ​കു​ട്ടി​ക​ൾ ആ​യി​രു​ന്നു അ​വ​ളു​ടെ വാ​ൾ​പേ​പ്പ​ർ. ഈ ​പ​ടം ക​ണ്ട സ​മ​യ​ത്താ​ണ് അ​വ​ളു​ടെ കൈ​യി​ലെ നെ​യി​ൽ​പോ​ളി​ഷ് എ​ന്റെ ക​ണ്ണി​ൽ​പെ​ടു​ന്ന​ത്.

ന​ല്ല ചു​വ​ന്ന നി​റ​മു​ള്ള നെ​യി​ൽ​പോ​ളി​ഷ്. ​അ​തോ​ടെ ഞാ​ൻ അ​വ​ളു​ടെ ​നീ​ള​ൻ വി​ര​ലു​ക​ളി​ലേ​ക്ക് നോ​ക്കു​ന്ന​ത് അ​വ​ൾ കാ​ണു​ക​യും​ചെ​യ്തു. ഒ​രു ചെ​റു​പു​ഞ്ചി​രി അ​വ​ളു​ടെ മു​ഖ​ത്ത് എ​പ്പോ​ഴു​മു​ണ്ട്. ‘​അ​ൺ​ഫെ​യ്ത്ത്ഫു​ൾ’ ​സി​നി​മ​യി​ലെ ഡ​യാ​ൻ ലെ​യ്‌​നി​നെ ഓ​ർ​മി​പ്പി​ക്കു​ന്ന രൂ​പ​മാ​യി​രു​ന്നു അ​വ​ൾ​ക്ക്. ന​ല്ല ​ഉ​യ​ര​മു​ണ്ടെ​ന്ന ​വ്യ​ത്യാ​സം മാ​ത്രം. ഏ​തോ വ​ലി​യ സ്ഥാ​ന​ത്ത് ഇ​രി​ക്കു​ന്ന ഒ​രു സ്ത്രീ​യാ​യാ​ണ് എ​നി​ക്ക് അ​വ​ളെ തോ​ന്നി​യ​ത്. അ​വ​ൾ മെ​ട്രോ​യി​ൽ എ​നി​ക്കു​നേ​രെ ഇ​രി​ക്കു​ന്ന​തു​കൊ​ണ്ട് അ​വ​ളെ നോ​ക്കാ​ൻ വ​ലി​യ ബു​ദ്ധി​മു​ട്ട് ഉ​ണ്ടാ​യി​രു​ന്നി​ല്ല.

അ​വ​സാ​ന​മാ​യി ഞാ​ൻ നോ​ക്കി​യ​ത് അ​വ​ളു​ടെ മു​ടി​യി​ലേ​ക്കാ​ണ്. അ​വ​ൾ ഷ​വ​റി​ൽ​നി​ന്നു പു​റ​ത്തു​വ​ന്നി​ട്ട് അ​ധി​ക​നേ​ര​മാ​യി​ക്കാ​ണി​ല്ല. ​കാ​ര​ണം അ​വ​ളു​ടെ മു​ടി​ക​ൾ ന​ന്നാ​യി ഈ​റ​ന​ണി​ഞ്ഞി​രു​ന്നു. പി​ന്നെ ഞാ​ൻ അ​വ​ളെ അ​ധി​കം നോ​ക്കി​യി​ല്ല എ​ന്ന് വേ​ണ​മെ​ങ്കി​ൽ പ​റ​യാം. കാ​ര​ണം, പെ​ട്ടെ​ന്നാ​ണ് അ​വ​ളു​ടെ പി​ന്നി​ലു​ള്ള വി​ൻ​ഡോ ഗ്ലാ​സി​ൽ വോ​ൾ​ഗ​യു​ടെ മു​ഖം ഞാ​ൻ പ്ര​തി​ഫ​ലി​ച്ചു ക​ണ്ട​ത്.

അ​തോ​ടെ ഞാ​ൻ എ​ന്റെ കാ​ഴ്ച​ക​ൾ അ​വ​സാ​നി​പ്പി​ച്ചു. കാ​ര​ണം, വോ​ൾ​ഗ എ​ന്റെ കാ​മു​കി​യാ​ണ്. അ​വ​ളെ കാ​ണാ​ൻ വേ​ണ്ടി​യാ​ണ് ലീ​വി​ൽ അ​ബൂദ​ബി​യി​ൽ​നി​ന്നു ഞാ​ൻ മോ​സ്കോ​യി​ലേ​ക്ക് വ​ന്ന​ത്. വോ​ൾ​ഗ​യു​ടെ അ​പ്പാ​ർ​ട്മെ​ന്റി​ലാ​ണ് ഞാ​ൻ താ​മ​സി​ക്കു​ന്ന​ത്. അ​വ​ൾ എ​ന്നെ പു​റ​ത്താ​ക്കി​യാ​ൽ എ​നി​ക്ക് ഈ ​ത​ണു​പ്പു​കാ​ല​ത്ത് മോ​സ്കോ​യി​ൽ താ​മ​സി​ക്കാ​ൻ വേ​റെ ​സ്ഥ​ല​മൊ​ന്നു​മി​ല്ല.

ഈ ​മ​ഞ്ഞി​ൽ ഞാ​ൻ പു​റ​ത്തുകി​ട​ക്കേ​ണ്ടി​വ​രും. ഹോ​ട്ട​ലി​ൽ മു​റി എ​ടു​ക്കാ​ൻ കൈ​യി​ൽ റൂ​ബി​ളി​ല്ല. ഉ​ണ്ടാ​യി​രു​ന്ന പ​ണ​മെ​ല്ലാം വി​മാ​ന​ടി​ക്ക​റ്റി​ന് കൊ​ടു​ത്തു​തീ​ർ​ന്നി​രു​ന്നു. അ​തു​കൊ​ണ്ട് എ​ന്റെ നി​ല​നി​ൽ​പി​നു​വേ​ണ്ടി ഞാ​ൻ ആ ​റ​ഷ്യ​ൻ സു​ന്ദ​രി​യെ നോ​ക്കു​ന്ന പ്ര​വൃ​ത്തി​യി​ൽ​നി​ന്ന് പി​ന്തി​രി​ഞ്ഞു. തു​ട​ർ​ന്ന് എ​ന്റെ ചി​ന്ത​ക​ള​ത്ര​യും പോ​യ​ത് ഞാ​ൻ ആ ​റ​ഷ്യ​ൻ സു​ന്ദ​രി​യെ നോ​ക്കു​ന്ന​ത് വോ​ൾ​ഗ ക​ണ്ടോ എ​ന്ന​തി​ലേ​ക്കാ​യി​രു​ന്നു. ഇ​ത് ആ​ലോ​ചി​ച്ച ഞാ​ൻ കു​റ​ച്ചൊ​ന്നു​മ​ല്ല ഭ​യ​ന്ന​ത്.

അ​വ​ൾ ക​ണ്ടി​രു​ന്നെ​ങ്കി​ൽ ഇ​നി​യു​ള്ള ദി​വ​സ​ങ്ങ​ൾ ഭ​ക്ഷ​ണ​വും വെ​ള്ള​വും ഇ​ല്ലാ​തെ മോ​സ്കോ തെ​രു​വു​ക​ളി​ലെ മ​ഞ്ഞി​ൽ ഞാ​ൻ കി​ട​ക്കേ​ണ്ടി​വ​ന്നേ​നെ. ആ ​ഭീ​ക​ര​ക്കാ​ഴ്ച മ​ന​സ്സി​ൽ​നി​ന്ന് വി​ട്ടു​പോ​കാ​ൻ കു​റ​ച്ചു സ​മ​യം എ​ടു​ത്തു. കാ​ര​ണം ഒ​ട്ടും ദ​യ ഇ​ല്ലാ​ത്ത​വ​ളാ​യി​രു​ന്നു എ​ന്റെ വോ​ൾ​ഗ. പ​ക്ഷേ, ഭാ​ഗ്യ​ത്തി​ന് അ​വ​ൾ ഒ​ന്നും ക​ണ്ടി​ട്ടി​ല്ല.

അ​വ​ൾ ഞ​ങ്ങ​ൾ സെ​ന്റ് ബാ​സി​ൽ​സ് ക​ത്തീ​ഡ്ര​ലി​ൽ​നി​ന്ന് എ​ടു​ത്ത പ​ട​ങ്ങ​ൾ നോ​ക്കി​യും എ​ഡി​റ്റ് ചെ​യ്തും, മോ​സ്കോ ന​ദി​ക്ക​ര​യി​ലൂ​ടെ ബോ​ട്ടു പി​ടി​ക്കാ​ൻ കൈ​ക​ൾ കോ​ർ​ത്തു​പി​ടി​ച്ചു ഓ​ടി​യ​തും (ഇ​തു മാ​സ​ങ്ങ​ൾ​ക്കുശേ​ഷം ഞ​ങ്ങ​ൾ വേ​ർ​പി​രി​ഞ്ഞ​പ്പോ​ൾ ഉ​ണ്ടാ​യ ഒ​രു സം​ഭാ​ഷ​ണ​ത്തി​നി​ട​യി​ൽ അ​വ​ൾ പ​റ​ഞ്ഞ​താ​ണ്) ഒ​ക്കെ ഓ​ർ​ത്ത് സ​ന്തോ​ഷ​ത്തി​ൽ ഒ​രു മാ​യി​ക​ലോ​ക​ത്താ​യി​രു​ന്നു.

അ​വ​ൾ ശ്ര​ദ്ധി​ച്ചി​ല്ല എ​ന്ന് ഉ​റ​പ്പു വ​ന്ന​പ്പോ​ൾ മാ​ത്ര​മാ​ണ് എ​ന്റെ ശ്വാ​സം നേ​രെവീ​ണ​ത്. അ​തി​നു​ശേ​ഷം ഭ​യം കാ​ര​ണം ഞാ​ൻ ആ ​റ​ഷ്യ​ൻ സു​ന്ദ​രി​യെ അ​ധി​കം നോ​ക്കി​യി​ല്ല. ഒ​ന്നു​ര​ണ്ട് വ​ട്ടം ഞാ​ൻ നോ​ക്കാ​ത്ത​ത് കാ​ര​ണം അ​വ​ൾ എ​ന്നെ ഇ​ങ്ങോ​ട്ട് നോ​ക്കി​യെ​ങ്കി​ലും, ഞാ​ൻ തി​രി​ച്ച് നോ​ക്കി​യി​ല്ല. അ​ധി​കം വൈ​കാ​തെ അ​വ​ളു​ടെ സ്റ്റേ​ഷ​ൻ എ​ത്തു​ക​യും ഒ​രു ജ​ന​ക്കൂ​ട്ട​ത്തോ​ടൊ​പ്പം ആ ​കൊ​ലു​ന്ന ​റ​ഷ്യ​ൻ ​സു​ന്ദ​രി ​ന​ട​ന്ന​ക​ന്നു പോ​കു​ന്ന​ത് ഞാ​ൻ കാ​ണു​ക​യും ചെ​യ്തു. അ​താ​ണ് അ​വ​സാ​ന​മാ​യി ഞാ​ൻ അ​വ​ളെ ക​ണ്ട കാ​ഴ്ച. ഞാ​ൻ ക​ണ്ട റ​ഷ്യ​ൻ ​സ്ത്രീ​ക​ളി​ൽ​വെ​ച്ച് ഏ​റ്റ​വും സൗ​ന്ദ​ര്യം കൂ​ടി​യ​വ​രി​ൽ ഒ​രാ​ളാ​യി​രു​ന്നു അ​വ​ൾ.

അ​തി​നു​ശേ​ഷം ഞാ​ൻ ജീ​വി​ത​ത്തി​ൽ ഒ​രിക്ക​ലും ആ ​റ​ഷ്യ​ക്കാ​രി​യെ ​ക​ണ്ടി​ട്ടി​ല്ല. ഇ​നി ഒ​രി​ക്ക​ലും കാ​ണു​മെ​ന്ന പ്ര​തീ​ക്ഷ​യു​മി​ല്ല. ജ​ന​ക്കൂ​ട്ടം ഒ​ഴി​ഞ്ഞു​പോ​യ​തോ​ടെ പി​ന്നെ വ​ള​രെ കു​റ​ച്ചു പേ​ർ മാ​ത്ര​മേ ആ ​ചു​വ​ന്ന മെ​ട്രോ സീ​റ്റു​ക​ളി​ൽ അ​വ​ശേ​ഷി​ച്ചു​ള്ളൂ. ഉ​ട​നെ ഞ​ങ്ങ​ളു​ടെ സ്റ്റേ​ഷ​നും എ​ത്തി. ഞ​ങ്ങ​ളും ഇ​റ​ങ്ങി.

ബാ​ബു​ഷ്കി​ൻ​സ്‌​കാ​യ​യി​ലെ ​അ​ണ്ട​ർ​ഗ്രൗ​ണ്ട് ​പ​ടി​ക​ളി​ലെ മ​ഞ്ഞി​ന് അ​പ്പോ​ൾ തൂ​വെ​ള്ള നി​റ​മാ​യി​രു​ന്നി​ല്ല. അ​വി​ട​വി​ടെ ബൂ​ട്ടു​ക​ളു​ടെ പാ​ടു​മാ​യി ചേ​റി​ന്റെ നി​റ​മാ​യി​രു​ന്നു. ​ആ പ​ടി​ക​ൾ ​ക​യ​റു​മ്പോ​ഴേ​ക്കും ഞാ​ൻ റ​ഷ്യ​ൻ ​പെ​ണ്ണി​നെ ​മ​റ​ന്നു​ക​ഴി​ഞ്ഞി​രു​ന്നു. മ​ഞ്ഞു വ​ള​രെ ശ​ക്ത​മാ​യി വീ​ഴാ​ൻ തു​ട​ങ്ങി​യ​ത് കാ​ര​ണം നേ​രെ നോ​ക്കാ​ൻ ബു​ദ്ധി​മു​ട്ടി​യെ​ങ്കി​ലും ഞ​ങ്ങ​ൾ ഒ​രു വി​ധം ന​ട​ന്ന് വോ​ൾ​ഗ​യു​ടെ അ​പ്പാ​ർ​ട്മെ​ന്റി​ൽ എ​ത്തി. അ​വി​ടെ ഞ​ങ്ങ​ളെ കാ​ത്ത് വോ​ൾ​ഗ​യു​ടെ മ​മ്മ ഉ​ണ്ടാ​ക്കി​യ ചൂ​ട് മ​ഷ്റൂം സൂ​പ്പ് ഇ​രി​ക്കു​ന്നു​ണ്ടാ​യി​രു​ന്നു.