വാഷിങ്ടണ്‍: അമേരിക്കയില്‍ മുത്തച്ഛന്‍െറ തോക്കെടുത്ത് മൂന്നു വയസ്സുകാരി അബദ്ധത്തില്‍ വെടിപൊട്ടിച്ചപ്പോള്‍ സഹോദരി കൊല്ലപ്പെട്ടു. എട്ടു വയസ്സുകാരിയായ കിംബേര്‍ലി റെയിലാന്‍ഡറാണ് കൊല്ലപ്പെട്ടത്. തലക്ക് പരിക്കേറ്റ് രക്തം ഒഴുകുന്നത് കണ്ടതിനെ തുടര്‍ന്ന് നടത്തിയ പരിശോധനയിലാണ വെടിയേറ്റതായി കണ്ടത്.
കുട്ടികളുടെ മുത്തശ്ശിയും അമ്മാവനും വീട്ടില്‍ പ്രാര്‍ഥന നടത്തുന്നതിനിടയില്‍ മേശപ്പുറത്തുവെച്ചിരുന്ന തോക്ക് ഉപയോഗിച്ച് കുട്ടി അബദ്ധത്തില്‍ വെടിവെച്ചത്. കുട്ടിയെ ശനിയാഴ്ച ആശുപത്രിയില്‍ പ്രവേശിപ്പിച്ചെങ്കിലും ചികിത്സക്കിടെ മരിക്കുകയായിരുന്നു.
അമേരിക്കയില്‍ കുട്ടികള്‍ തോക്കു ഉപയോഗിച്ചിട്ടുള്ള അപകടങ്ങള്‍ വര്‍ധിച്ചുവരികയാണ്.
2015ല്‍മാത്രം മൂന്നോ അതിനടുത്തോ വയസ്സുള്ള കുട്ടികളുടെമാത്രം തോക്കുപ്രയോഗത്തില്‍ 40ലധികം അപകടങ്ങള്‍ റിപ്പോര്‍ട്ട് ചെയ്തു. ഈ വര്‍ഷം ഇത്തരത്തില്‍ കൊല്ലപ്പെടുന്ന അഞ്ചാമത്തെ സംഭവമാണ് കിംബേര്‍ലിയുടെത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.