ന്യൂയോര്‍ക്: ന്യൂയോര്‍ക്കില്‍ സൈറക്ക്യൂസിൽനടന്ന വെടിവെപ്പില്‍ കുട്ടികളടക്കം ഏഴു പേര്‍ കൊല്ലപ്പെട്ടു. നിരവധി പേര്‍ക്ക് പരിക്കേറ്റതായി റിപ്പോർട്ടുണ്ട്. എന്നാല്‍ എത്രപേര്‍ക്ക് വെടിയേറ്റിട്ടുണ്ടെന്നോ പരിക്കു പറ്റിയിട്ടുണ്ടെന്നോ സംബന്ധിച്ച് പൊലീസ് കൃത്യമായ വിവരം പുറത്തുവിട്ടിട്ടില്ല.
സിറ്റിയിലെ മിഡ്‌ലാൻഡ് അവന്യൂവില്‍ മരണാനന്തരചടങ്ങില്‍ പങ്കെടുക്കാനായി എത്തിയവര്‍ക്കിടയിലേക്കാണ് അക്രമികള്‍ വെടിയുതിര്‍ത്തതെന്ന് ന്യൂസ് വെബ്‌സൈറ്റ് ആയ സിറേക്കസ് യൂനിയന്‍ ഫേസ്ബുക്ക് പോസ്റ്റില്‍ വ്യക്തമാക്കി.ഉടൻ പൊലീസ് അകമ്പടിയില്‍ വെടിയേറ്റ ആളുകളെ ആംബുലന്‍സില്‍ ആശുപത്രിയില്‍ എത്തിക്കുകയായിരുന്നു. ഏതാണ്ട് 10 തവണ അക്രമികള്‍ വെടിയുതിര്‍ത്തതായാണ് ദൃക്‌സാക്ഷികള്‍ പറയുന്നത്. സംഭവത്തില്‍ പൊലീസ് അന്വേഷണം ആരംഭിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.