കോവിഡ്​ വില്ലനായ മരണത്തിനും ഇൗ ദമ്പതികളെ പിരിക്കാനായില്ല

വേർപിരിക്കാനാവാത്ത ദമ്പതികൾ എന്നായിരുന്നു ബന്ധുക്കളും നാട്ടുകാ​രും അവരെ വിളിച്ചിരുന്നത്​. ലോകമാകെ പടർന്ന കോവിഡ്​ ബാധ വില്ലനായി എത്തിയപ്പോഴും മരണത്തിനും അവരെ പിരിക്കാനായില്ല. ഫ്ലോറിഡയിലെ 74 കാരനായ സ്​റ്റുവ ാർട്ട്​ ബെയ്​ക്കറും 72 കാരിയായ അഡ്രിയാൻ ബെയ്​ക്കറും നീണ്ട 51 വർഷത്തെ ദാമ്പത്യം ആഘോഷിക്കുന്നതിനിടയിലാണ്​ കോവി ഡ്​ അവരെ കീഴ്​പ്പെടുത്തിയത്​. ആറുമിനിറ്റി​െൻറ വ്യത്യാസത്തിലായിരുന്നു ഇരുവരുടെയും മരണം.

കോവിഡ്​ എത്രത്തോളം ഭീകരമാ​െണന്ന്​ അറിയിക്കുന്നതിനായി ദാരുണ സംഭവം വിവരിക്കുന്ന വിഡിയോ മകൻ ബഡ്ഡി ​ബെയ്​ക്കർ പുറത്തുവിട്ടു. പിതാവി​​​െൻറയും മാതാവി​​െൻറയും സ്​നേഹ​ത്തി​​െൻറ ഓർമയിൽ എന്ന ചെറുകുറിപ്പോടെയാണ്​ മകൻ സംഭവം വിവരിക്കുന്നത്​.

കോവിഡ്​ പടർന്നു പിടിച്ച മാർച്ച്​ പകുതിയോടെ ഇരുവരെയും വീട്ടുനിരീക്ഷണത്തിലാക്കിയിരുന്നു. കുറച്ചു ദിവസങ്ങൾക്ക്​ ശേഷം പിതാവ്​ സ്​റ്റുവാർട്ടി​​െൻറ ആരോഗ്യനിലയിൽ ചെറിയ മാറ്റങ്ങൾ ശ്രദ്ധയിൽപ്പെട്ടതോടെ ആശുപത്രിയിലേക്ക്​ മാറ്റി. ആ സമയം അഡ്രിയാനിന്​ ശാരീരിക അസ്വസ്​ഥതകൾ ഒന്നുമില്ലായിരുന്നു.

പിന്നീട്​ ആശുപത്രിയിൽനിന്ന്​ ​സ്​റ്റുവാർട്ടിന്​ കോവിഡ്​ 19 പോസിറ്റീവാണെന്ന്​ അറിയിച്ചു. ഇതേ തുടർന്ന്​ അഡ്രിയാനെയും മുൻകരുതലി​​െൻറ ഭാഗമായി ആശുപത്രിയിൽ പ്രവേശിപ്പിച്ചു. അമ്മയിൽ യാതൊരു തരത്തിലുള്ള രോഗലക്ഷണമുണ്ടായിരുന്നില്ലെന്നും മകൻ പറയുന്നു. എന്നാൽ പരിശോധനയിൽ അഡ്രിയാ​​െൻറ ശരീരത്തിലെ ഒാക്​സിജ​​െൻറ അളവ്​ വളരെ താഴെയായിരുന്നു. കൂടാതെ ആന്തരികാവയവങ്ങളുടെ പ്രവർത്തനവും മന്ദഗതിയിലായിരുന്നു. തുടർന്ന്​ ഇരുവരെയും ഒരു മുറിയിലെ വ​െൻറിലേറ്റർ സൗകര്യത്തിലേക്ക്​ മാറ്റി. എന്നാൽ മിനിട്ടുകളുടെ വ്യത്യാസത്തിൽ ഇരുവരും മരണത്തിന്​ കീഴടങ്ങുകയായിരുന്നു.