വാഷിങ്ടൺ: കോവിഡ് മഹാമാരിയെ പ്രതിരോധിക്കുന്നതിൽ ട്രംപ് ഭരണകൂടം പരാജയപ്പെട്ടെന്ന് വിമർശനമുയർത്തിയ മുൻ അമേരിക്കൻ പ്രസിഡൻറ് ബരാക് ഒബാമക്ക് മറുപടിയുമായി ഡൊണാൾഡ് ട്രംപ്. ബരാക് ഒബാമ ‘കഴിവില്ലാത്ത പ്രസിഡന്റ്’ ആയിരുന്നെന്ന് അമേരിക്കൻ ട്രംപ് പറഞ്ഞു. ഞായറാഴ്ച വൈറ്റ് ഹൗസിലെത്തിയ മാധ്യമങ്ങളോട് പ്രതികരിക്കവെയാണ് ‘ഒബാമ തികച്ചും കഴിവുകെട്ട പ്രസിഡൻറ്’ ആയിരുന്നുവെന്ന് ട്രംപ് വിമർശിച്ചത്.
അമേരിക്കയിലെ കോവിഡ് പ്രതിരോധ പ്രവർത്തനങ്ങൾ ഏകോപിപ്പിക്കുന്നതിൽ ഭരണകൂടത്തിെൻറ പോരായ്മ ചൂണ്ടിക്കാണിച്ച് ഒബാമ രംഗത്ത് എത്തിയിരുന്നു. രാജ്യത്തെ കോവിഡ് വ്യാപന തോത് പ്രതിഫലിപ്പിക്കുന്നത് ശക്തമായ നേതൃത്വമില്ലെന്നതാണെന്നും ഒബാമ പറഞ്ഞിരുന്നു.
അധികാര സ്ഥാനങ്ങളിൽ ഇരിക്കുന്ന പലർക്കും തങ്ങൾ എന്താണ് ചെയ്യുന്നത് എന്ന് പോലും അറിയില്ല എന്നും കോവിഡ് പ്രതിസന്ധി അമേരിക്കയിലെ വംശീയ അസമത്വത്തിന് കൂടി അടിവരയിടുന്നതാണെന്നും ഒബാമ വിമർശിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.