വിസക്കു വേണ്ടി ഗർഭിണിയുടെ കാത്തുനിൽപിനൊടുവിൽ ഗർഭസ്ഥശിശു മരിച്ച​ു

സാൻറിയാഗോ: ലാറ്റിനമേരിക്കൻ രാജ്യങ്ങളിലെ അഭയാർഥി ദുരിതത്തി​​​െൻറ തീവ്രത കാണിക്കുന്ന വാർത്തകൾക്ക്​ അറുതിയി ല്ല. ചിലിയിലേക്ക്​ കുടിയേറാനുള്ള മണിക്കൂറുകൾ നീണ്ട കാത്തുനിൽപിനൊടുവിൽ​ ഗർഭിണിയായ വെന​ിസ്വേലൻ യുവതിക്ക്​ ന ൽകേണ്ടിവന്നത്​ സ്വന്തം കുഞ്ഞി​​​െൻറ ജീവൻ. പെറുവിൽനിന്ന്​ ചിലിയിലേക്കുള്ള അതിർത്തി കടക്കാൻ വിസ നടപടി​കൾ ശരിയാവാൻ കാത്തുനിൽക്കുകയായിരുന്നു അവർ.

യു.എസിനു പുറമെ, പെറുവും കുടിയേറ്റ നിയമം അടുത്തിടെ കർശനമാക്കിയിരുന്നു. ഇത്​ ഇവിടെയുള്ള കുടിയേറ്റക്കാരെ എത്രയും വേഗം മറ്റ്​ അയൽരാജ്യങ്ങളിലേക്ക്​ കടക്കാൻ നിർബന്ധിതരാക്കി. എക്വഡോറിയൻ-പെറുവിയൻ അതിർത്തി കേന്ദ്രത്തിൽ കുട്ടികളും വൃദ്ധരുമടക്കം ആയിരക്കണക്കിനു പേരാണ്​ പരിമിതമായ സൗകര്യങ്ങൾക്കിടയിൽ വിസ നടപടിക്രമങ്ങൾ കാത്തു കിടക്കുന്നത്​. അതേസമയം, ഗർഭസ്​ഥശിശു മരിക്കാനിടയായതിൽ ഖേദിക്കുന്നുവെന്നും അയൽരാജ്യങ്ങളിൽനിന്നുള്ള വിദേശികൾക്ക്​ വൈദ്യസഹായം നൽകുക എന്നത്​ സാധ്യമായ ഒന്നല്ലെന്നും ചിലി വിദേശകാര്യ മന്ത്രാലയം പ്രസ്​താവനയിൽ പറഞ്ഞു.

പറഞ്ഞറിയിക്കാനാവാത്ത ദുരിതങ്ങളിലൂടെയാണ്​ വെനിസ്വേലയിലെ അമ്മമാർ കടന്നുപോവുന്നത്​. കു​ടിക്കാൻ വെള്ളമോ വിശപ്പകറ്റാൻ ഭക്ഷണമോ ഇല്ലാത്ത അവസ്​ഥയിൽനിന്ന്​ രക്ഷ​െപ്പടാൻ കുഞ്ഞുങ്ങളെയുമെടുത്ത്​ ദിവസ​ങ്ങളോളം നടന്ന്​ മലയും നദികളും താണ്ടിയാണ്​​ ഭൂരിഭാഗം പേരും അതിർത്തി കടക്കുന്നത്​. ട്രാവൽ ഏജൻറുമാരാൽ കൊള്ളയടിക്കപ്പെടുന്ന കഥകളും നിരവധി. മരണത്തെ മുഖാമുഖം കണ്ടുകൊണ്ടുള്ള യാത്രയിൽ പലർക്കും ജീവൻ നഷ്​ടമാവുന്നു.

ലാറ്റിനമേരിക്ക ചരിത്രത്തിലെ ഏറ്റവും വലിയ അഭയാർഥി പ്രവാഹത്തിനാണ് സാക്ഷ്യം വഹിക്കുന്നത്​. സാമ്പത്തികമായി തകർന്ന വെനിസ്വേലയിൽനിന്നാണ്​ ഏറ്റവുമധികം ​േപർ പലായനം ചെയ്യുന്നത്​. അയൽരാജ്യമായ ചിലിയിൽ എത്തുന്നവരുടെ എണ്ണം കഴിഞ്ഞ 30 വർഷത്തിനിടെ ആറുമടങ്ങ്​ വർധിച്ചതായി കണക്കുകൾ പറയുന്നു. 1992​െല സെൻസസ്​ അനുസരിച്ച്​ അഭയാർഥികൾ 1,14,500 ആണെങ്കിൽ കഴിഞ്ഞ വർഷം ഇത്​ 7,46,465 ആയി ഉയർന്നു. മെക്​സികോയിലെ റയാ ഗ്രാൻഡെ നദി നീന്തിക്കടന്ന്​ എൽസാൽവദോറിൽനിന്ന്​ യു.എസിലെത്താൻ ശ്രമിച്ച പിതാവി​​​െൻറയും രണ്ടു വയസ്സുകാരിയുടെയും ചേതനയറ്റ ശരീരം കണ്ട മരവിപ്പ്​ മാറുന്നതിനുമുമ്പാണ്​ വീണ്ടും ഒരു ദാരുണമരണം.