വാഷിങ്ടൺ: അമേരിക്കയിൽ കോവിഡ് 19 അതിവേഗം പടരുന്നു. ചൊവ്വാഴ്ച മൂന്നുപേർ മരിച്ചു. ഇതോടെ രാജ്യത്ത് മരിച്ചവ രുടെ എണ്ണം ഒമ്പതായി ഉയർന്നു. 120 പേർക്കാണ് രോഗം സ്ഥിരീകരിച്ചത്. അതിൽ 21 പേരും വാഷിങ്ടണിലെ സീറ്റിൽ നഗരത്തിലാണ ്.
രോഗം ബാധിച്ചവർ നഴ്സിങ് ഹോമുകളിലെ ഐസൊലേഷൻ വാർഡുകളിൽ ചികിത്സയിലാണെന്ന് അധികൃതർ അറിയിച്ചു. ചൊവ്വാഴ്ച പുതുതായി 27 പേർക്കാണ് രോഗം സ്ഥിരീകരിച്ചത്. ഇതിൽ ഏഴുപേർ കിങ്കൗണ്ടിയിലാണ്.
കൊറോണ സ്ഥിരീകരിക്കാൻ ഒരാഴ്ചയിൽ 10 ലക്ഷം പേരുടെ രക്തസാമ്പിളുകൾ പരിശോധന നടത്തിയതായി എഫ്.ഡി.എ അറിയിച്ചു. വൈറസ് ബാധിതരുടെ എണ്ണം ഉയർന്നതോടെ ആരോഗ്യ പ്രവർത്തകർക്കും ജാഗ്രത നിർദേശം നൽകി.
അമേരിക്കയിലെ 13 സംസ്ഥാനങ്ങളിലാണ് കൊറോണ റിപ്പോർട്ട് ചെയ്തത്. ഇതിൽ ഏറ്റവും കൂടുതൽ കാലിഫോർണിയയിലും വാഷിങ്ടണിലുമാണ്. അരിസോണ, േഫ്ലാറിഡ, ജോർജിയ, ഇല്ലിനോയിസ്, മസാച്ചുസെറ്റ്സ്, ന്യൂ ഹാംഷെയർ, ന്യൂയോർക്ക്, ന്യൂ കരോലിന, ഒറിഗോൺ, റോഡ് ഐലൻസ്, വിസ്കോസിൻ എന്നീ സംസ്ഥാനങ്ങളിലും രോഗ ബാധ റിപ്പോർട്ട് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.