ഗസ്നി: കിഴക്കൻ അഫ്ഗാനിസ്താനിലെ ഗസ്നി പ്രവിശ്യയിൽ യാത്രാ വിമാനം തകർന്നു വീണെന്ന് അധികൃതരെ ഉദ്ദരിച്ച് വാർത്താ ഏജൻസികൾ റിപ്പോർട്ട് ചെയ്തു.
ഒൗദ്യോഗിക വിമാനക്കമ്പനിയായ അരിയാന എയർലൈൻസിെൻറ വിമാനമാണ് അപകട ത്തിൽപ്പെട്ടതെന്നായിരുന്നു ആദ്യ റിപ്പോർട്ടുകളെങ്കിലും കമ്പനി നിഷേധിച്ചു. അഫ്ഗാൻ സമയം ഉച്ചക്ക് 1.10ന് ഗസ്നി പ്രവിശ്യയിലെ ദെഹ് യാക് ജില്ലയിലെ സഡോ ഖേൽ പ്രദേശത്ത് അരിയാന എയർലൈൻസിെൻറ വിമാനം തകർന്നുവീണെന്നായിരുന്നു ആദ്യ റിപ്പോർട്ടുകൾ.
83 യാത്രക്കാരാണ് വിമാനത്തിൽ ഉണ്ടായിരുന്നതെന്നും റിപ്പോർട്ടുകളുണ്ടായിരുന്നു. ‘ഒരു വിമാനം തകർന്നിട്ടുണ്ട്. പക്ഷേ അത് അരിയാന എയർലൈൻസിെൻറയല്ല. കാരണം, ഹെറാത്തിൽ നിന്ന് കാബൂളിലേക്കും ഹെറാത്തിൽ നിന്ന് ഡൽഹിയിലേക്കും അരിയാന നടത്തുന്ന ഇന്നത്തെ സർവിസുകൾ സുരക്ഷിതമാണ്’ -സി.ഇ.ഒ മിർവൈസ് മിർസക്വാലിനെ ഉദ്ദരിച്ച് റോയിട്ടേഴ്സ് റിപ്പോർട്ട് ചെയ്തു.
ഹെറാത്തിൽ നിന്ന് ഗസ്നിയിലേക്ക് പോകും വഴി താലിബാൻ നിയന്ത്രണത്തിലുള്ള പ്രദേശത്ത് വിമാനം തകർന്നു വീണെന്നാണ് ആദ്യം പുറത്തുവന്ന വിവരം. വിശദാംശങ്ങൾ ലഭ്യമായിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.