പുതിയ കൊറോണ വൈറസ്: യുകെയിൽ നിന്നുള്ള വിമാനങ്ങൾക്ക് കാനഡയുടെ വിലക്ക്

ഒട്ടാവ: പുതിയ കൊറോണ വൈറസ് കണ്ടെത്തിയ സാഹചര്യത്തിൽ യുകെയിൽ നിന്നുള്ള വിമാനങ്ങൾക്ക് കാനഡ വിലക്ക് ഏർപ്പെടുത്തി. വാണിജ്യ, യാത്രാ വിമാനങ്ങൾക്ക് 72 മണിക്കൂർ താൽകാലിക വിലക്കാണ് ഏർപ്പെടുത്തിയത്. ഇന്ന് അർധരാത്രി മുതൽ വിലക്ക് പ്രാബല്യത്തിൽ വരും.

കനേഡിയൻ പബ്ലിക് ഹെൽത്ത് ഏജൻസിയുടെ ശിപാർശ പ്രകാരം മുൻകരുതലിന്‍റെ ഭാഗമായാണ് നടപടിയെന്ന് പ്രധാനമന്ത്രി ജസ്റ്റിൽ ട്രൂഡോ അറിയിച്ചു. യുകെയിൽ നിന്ന് ഞായറാഴ്ച എത്തിയ വിമാന യാത്രക്കാർക്ക് പരിശോധന, ക്വാറന്‍റീൻ അടക്കമുള്ള സൗകര്യങ്ങൾ അധികൃതർ ഒരുക്കിയിരുന്നു.

നേരത്തെ, നെതർലാൻഡ്‌സ്, ബെൽജിയം എന്നീ രാജ്യങ്ങൾ യുകെയിൽ നിന്നുള്ള വിമാന സർവീസുകൾ നിരോധിച്ചിരുന്നു. ഫ്രാൻസും ഇറ്റലിയും ജർമ്മനിയും സമാനമായ നടപടികൾ സ്വീകരിക്കാൻ ഒരുങ്ങുന്നതായും സൂചനയുണ്ട്​. കഴിഞ്ഞ ദിവസം ലണ്ടനിൽ നിന്ന് റോമിലെത്തിയ ആൾക്ക് പുതിയ വൈറസ് സ്ഥിരീകരിച്ചിരുന്നു. ഇയാളെ പ്രത്യേക നിരീക്ഷണത്തിലേക്ക് മാറ്റിയിട്ടുണ്ട്.

യു.കെയിൽ പു​തു​താ​യി കോ​വി​ഡ് ബാ​ധി​ച്ച ആ​യി​ര​ത്തി​ല​ധി​കം രോ​ഗി​ക​ളി​ലാണ് പു​തി​യ ഇ​നം വൈ​റ​സി​ന്‍റെ സാ​ന്നി​ധ്യം സ്ഥി​രീ​ക​രി​ച്ച​ത്. ലണ്ടനിലും തെക്ക്-കിഴക്കൻ ഇംഗ്ലണ്ടിലും വൈറസ് അതിവേഗം വ്യാപിച്ചിട്ടുണ്ട്​. കോ​വി​ഡ്​ വ്യാ​പ​നം കൂ​ടു​ത​ൽ ശ​ക്ത​മാ​യ സാ​ഹ​ച​ര്യ​ത്തി​ൽ ല​ണ്ട​നി​ൽ തി​യ​റ്റ​റു​ക​ൾ, പ​ബ്ബു​കൾ, റ​സ്​​റ്റാ​റ​ൻ​റു​ക​ൾ എന്നിവക്ക് നി​യ​ന്ത്ര​ണ​ങ്ങ​ൾ ക​ർ​ക്ക​ശ​മാ​ക്കി.

ജ​നി​ത​ക​ വ്യ​തി​യാ​ന​മു​ള്ള പു​തി​യ ഇ​നം വൈ​റ​സി​നെ ക​ണ്ടെ​ത്തി​യി​ട്ടു​ണ്ടെ​ന്നും ഇ​പ്പോ​ൾ കോ​വി​ഡി​ന്​ കാ​ര​ണ​മാ​യ വൈ​റ​സി​നെ​ക്കാ​ൾ ഗു​രു​ത​ര​മാ​ണെ​ന്ന്​ ക​ണ്ടെ​ത്തി​യി​ട്ടി​ല്ലെ​ന്നും ലോ​കാ​രോ​ഗ്യ​ സം​ഘ​ട​ന അറിയിച്ചിരുന്നു.