മക്ക ഹറം പള്ളിയിലേക്ക് പാഞ്ഞുകയറിയ കാർ
മക്ക: ഹറം പള്ളിയിലേക്ക് കാർ ഓടിച്ചുകയറ്റിയ യുവാവ് പിടിയിൽ. വെള്ളിയാഴ്ച രാത്രി 10.30 ഓടെയായിരുന്നു സംഭവം. തിരക്ക് കുറവായിരുന്നതിനാല്‍ ആര്‍ക്കും പരിക്കേറ്റിട്ടില്ലെന്ന് സൗദി പത്രമായ ഒകാസ് റിപോർട്ട് ചെയ്തു.
A driver rammed his car into Door 89 of the Grand Mosque in Mecca (Masjid al-Haram) at 22:25pm Saudi time.
— Faisal | فيصل (@faisaledroos) October 30, 2020
The driver was arrested and based on video footage posted on social media, local media reports, there were no casualties. pic.twitter.com/CzNKWq5OO5
കാറോടിച്ച യുവാവ് മാനസിക വിഭ്രാന്തി പ്രകടിപ്പിക്കുന്നതായി അധികൃതര്‍ പറഞ്ഞു. സൗദി പൗരനായ ഇയാൾ പൊലീസ് കസ്റ്റഡിയിലാണ്. അപകടത്തില്‍ ഹറമിന്‍റെ ഒരു വാതിലും ബാരിക്കേഡും പൊട്ടി.
കഅ്ബ ഉള്‍ക്കൊള്ളുന്ന ഹറം പള്ളിയുടെ തെക്ക് ഭാഗത്തുള്ള റോഡിലൂടെ അതിവേഗത്തില്‍ എത്തിയ കാര്‍ നിയന്ത്രണം വിട്ട് ഹറമിന്‍റെ ഒരു വാതിലിലേക്ക് ഇടിച്ചുകയറുകയായിരുന്നു. വാതിലിനു മുന്നിലുള്ള ബാരിക്കേഡുകള്‍ തകര്‍ത്താണ് കാര്‍ മുന്നോട്ട് പാഞ്ഞത്. സംഭവം സാമൂഹിക മാധ്യമത്തിൽ പ്രചരിച്ചിരുന്നു. പൊതുവെ തിരക്കുണ്ടാവാറുള്ള ഇവിടെ കോവിഡ് പശ്ചാതലത്തിൽ തീർഥാടകർക്കും മറ്റും കടുത്ത നിയന്ത്രണമാണ് ഏർപ്പെടുത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.