ഫലസ്തീൻ-മൃത്യുരാഷ്ട്രീയത്തിനെതിരെ ആഗോള ഐക്യദാർഢ്യങ്ങൾ

ഫ​ല​സ്തീ​ൻ യു​ദ്ധ​ത്തി​ൽ സൈ​നി​ക​മാ​യും രാ​ഷ്ട്രീ​യ​മാ​യും ന​യ​ത​ന്ത്ര​പ​ര​മാ​യും ബ​ഹു​മു​ഖ​മാ​യ പ​രാ​ജ​യ​മാ​ണ് ഇ​സ്രാ​യേ​ലി​ന് സം​ഭ​വി​ക്കു​ന്ന​ത്. മൃ​ത്യു​രാ​ഷ്ട്രീ​യ​ത്തി​ന്റെ എ​ല്ലാ പോ​സ്റ്റ്ഹ്യൂ​മ​ൻ യു​ക്തി​ക​ളും ഉ​പ​യോ​ഗി​ച്ച് ന​ട​ത്തു​ന്ന യു​ദ്ധ​മാ​യി​ട്ടും ഇ​സ്രാ​യേ​ൽ അ​നു​ദി​നം അ​നി​ശ്ചി​ത​ത്വ​ത്തി​ലേ​ക്ക് കൂ​പ്പു​കു​ത്തു​ക​യാ​ണ്. യു​ദ്ധം വി​ജ​യി​ക്കു​ന്ന​ത് അ​തി​ന്റെ സാ​ധൂ​ക​ര​ണം​കൂ​ടി സ​ർ​വ​സ​മ്മ​ത​മാ​വു​മ്പോ​ൾ മാ​ത്ര​മാ​ണ്. അ​മേ​രി​ക്ക​ൻ കാ​മ്പ​സു​ക​ളി​ൽ ആ​രം​ഭി​ച്ച് ഇ​പ്പോ​ൾ ആ​ഗോ​ള​ത​ല​ത്തി​ൽ ഉ​യ​ർ​ന്നു​വ​ന്ന ഫ​ല​സ്തീ​ൻ അ​നു​കൂ​ല വി​ദ്യാ​ർ​ഥി പ്ര​ക്ഷോ​ഭ​ങ്ങ​ളു​ടെ അ​ടി​സ്ഥാ​ന​ത്തി​ൽ മാ​ത്ര​മു​ള്ള ഒ​രു വി​ല​യി​രു​ത്ത​ല​ല്ല ഇ​ത്. 2023 ഒ​ക്ടോ​ബ​ർ ഏ​ഴി​ന് ഹ​മാ​സി​ന്റെ റോ​ക്ക​റ്റ് ആ​ക്ര​മ​ണ​ത്തി​ന് കൃ​ത്യം ആ​റു​മാ​സ​ത്തി​നു​ശേ​ഷം, 2024 ഏ​പ്രി​ൽ ഏ​ഴി​ന് ഇ​സ്രാ​യേ​ൽ പ്ര​തി​രോ​ധ​സേ​ന​യു​ടെ (ഐ.​ഡി.​എ​ഫ്) 98ാം ഡി​വി​ഷ​ൻ ഗ​സ്സ​യി​ലെ ര​ണ്ടാ​മ​ത്തെ വ​ലി​യ ന​ഗ​ര​മാ​യ ഖാ​ൻ യൂ​നി​സി​ൽ​നി​ന്ന് പി​ൻ​വാ​ങ്ങി എ​ന്ന​തു​മു​ത​ൽ അ​ന്താ​രാ​ഷ്ട്ര കോ​ട​തി​യു​ടെ​യും (ഐ.​സി.​സി) ലോ​ക​ജ​ന​ത​യു​ടെ​യും മു​ന്നി​ൽ ഇ​സ്രാ​യേ​ൽ യു​ദ്ധ​ക്കു​റ്റ​വാ​ളി​യാ​കു​ന്നു എ​ന്ന​തു​വ​രെ​യു​ള്ള വ​സ്തു​ത​ക​ൾ ന​മ്മു​ടെ മു​ന്നി​ലു​ണ്ട്. ഇ​സ്രാ​യേ​ൽ അ​ഭി​മു​ഖീ​ക​രി​ക്കു​ന്ന​ത് ആ​ഗോ​ള ജ​നാ​ഭി​പ്രാ​യം ഏ​താ​ണ്ട് പൂ​ർ​ണ​മാ​യും ത​ങ്ങ​ൾ​ക്കെ​തി​രെ തി​രി​ഞ്ഞി​രി​ക്കു​ന്നു എ​ന്ന യാ​ഥാ​ർ​ഥ്യ​മാ​ണ്. നെ​ത​ന്യാ​ഹു​വി​ന്റെ പ​രി​ഭ്ര​മ​ങ്ങ​ൾ അ​തി​ന്റെ പ​ര​കോ​ടി​യി​ൽ എ​ത്തി​യി​രി​ക്കു​ന്നു.

ഫ​ല​സ്തീ​നെ​തി​രെ സൈ​ന്യ​ത്തെ അ​യ​ച്ച​പ്പോ​ൾ പ​ശ്ചി​മ യൂ​റോ​പ്പി​ലും അ​മേ​രി​ക്ക​യി​ലു​മാ​യി​രു​ന്നു കൂ​ടു​ത​ൽ സ​ഹ​താ​പ​വും പി​ന്തു​ണ​യും ഇ​സ്രാ​യേ​ലി​ന് ഉ​ണ്ടാ​യി​രു​ന്ന​ത്. ഏ​ഴു​മാ​സ​ങ്ങ​ൾ​ക്കു​ശേ​ഷം കു​ട്ടി​ക​ളും സ്ത്രീ​ക​ളു​മ​ട​ക്കം നാ​ൽ​പ​തി​നാ​യി​ര​ത്തോ​ളം ഫ​ല​സ്തീ​നി​ക​ൾ കൊ​ല്ല​പ്പെ​ടു​ക​യും ഗ​സ്സ​യു​ടെ ഭൂ​രി​ഭാ​ഗം പ്ര​ദേ​ശ​ങ്ങ​ളി​ലും എ​ല്ലാ അ​ടി​സ്ഥാ​ന​സൗ​ക​ര്യ​ങ്ങ​ളും ത​ക​ർ​ക്കു​ക​യും അ​വ​ശേ​ഷി​ക്കു​ന്ന​വ​രെ ക​ടു​ത്ത പ​ട്ടി​ണി​യി​ലേ​ക്കും ചി​കി​ത്സ തേ​ടാ​ൻ​പോ​ലും അ​വ​സ​ര​മി​ല്ലാ​തെ രോ​ഗ​ദു​രി​ത​ത്തി​ലേ​ക്കും വ​ലി​ച്ചെ​റി​യു​ക​യും​ചെ​യ്ത യു​ദ്ധ​ത്തി​ൽ, ആ​ഗോ​ള ജ​നാ​ഭി​പ്രാ​യ​ത്തി​നാ​യു​ള്ള പോ​രാ​ട്ട​ത്തി​ലും ന​യ​ത​ന്ത്ര​ത്തി​ലും സ​യ​ണി​സം സ​മൂ​ല​മാ​യി പ​രാ​ജ​യ​പ്പെ​ട്ടു​നി​ൽ​ക്കു​ന്നു. പ​തി​നാ​യി​ര​ത്തി​ല​ധി​കം​പേ​രെ കാ​ണാ​താ​വു​ക​യും അ​നേ​കം​പേ​ർ ത​ക​ർ​ന്ന കെ​ട്ടി​ട​ങ്ങ​ളു​ടെ​യും മ​റ്റും അ​വ​ശി​ഷ്ട​ങ്ങ​ൾ​ക്കി​ട​യി​ൽ​പെ​ടു​ക​യും ചെ​യ്തി​ട്ടു​ണ്ട്. അ​തു​പോ​ലെ, നി​ർ​മി​ത​ബു​ദ്ധി ഉ​പ​യോ​ഗി​ച്ചു​ള്ള യു​ദ്ധ​വും ഇ​സ്രാ​യേ​ലി​നെ ധാ​ർ​മി​ക​മാ​യി പ്ര​തി​രോ​ധ​ത്തി​ലാ​ക്കി​യി​ട്ടു​ണ്ട്. ഇ​സ്രാ​യേ​ലി​ലെ +972 മാ​ഗ​സി​ൻ പ്ര​സി​ദ്ധീ​ക​രി​ച്ച റി​പ്പോ​ർ​ട്ടു​ക​ൾ പ​റ​യു​ന്ന​ത് ഹ​മാ​സി​ന്റെ​യും ഇ​സ്‍ലാ​മി​ക് ജി​ഹാ​ദി​ന്റെ​യും പ്ര​വ​ർ​ത്ത​ക​രെ ബോം​ബാ​ക്ര​മ​ണ​ത്തി​ന് മാ​ർ​ക്ക് ചെ​യ്യാ​ൻ​വേ​ണ്ടി ‘ദ ​ഗോ​സ്പ​ൽ’, ‘ലാ​വ​ണ്ട​ർ’ എ​ന്നീ പേ​രു​ക​ളി​ൽ എ.​ഐ ഉ​പ​ക​ര​ണ​ങ്ങ​ൾ ഇ​സ്രാ​യേ​ൽ വി​ക​സി​പ്പി​ട്ടു​ണ്ട് എ​ന്നാ​ണ്. ആ​യി​ര​ക്ക​ണ​ക്കി​ന് ഹ​മാ​സ് അം​ഗ​ങ്ങ​ളു​ടെ വീ​ടു​ക​ൾ ആ​ക്ര​മി​ക്കു​ന്ന ‘കൊ​ല​പാ​ത​ക ഫാ​ക്ട​റി​ക​ൾ’ സൃ​ഷ്ടി​ക്കാ​ൻ അ​ൽ​ഗോ​രി​ത​ങ്ങ​ൾ ഉ​പ​യോ​ഗി​ച്ചി​ട്ടു​ണ്ടെ​ന്നാ​ണ് ആ​രോ​പ​ണം.

ഇ​റാ​ന്റെ നേ​രി​ട്ടു​ള്ള പ്ര​ത്യാ​ക്ര​മ​ണ​വും ഇ​സ്രാ​യേ​ലി​ന്റെ ദൗ​ർ​ബ​ല്യ​ങ്ങ​ൾ വ്യ​ക്ത​മാ​കു​ന്ന​താ​യി​രു​ന്നു. പാ​ശ്ചാ​ത്യ-​അ​റ​ബ് രാ​ജ്യ​ങ്ങ​ളു​ടെ ഒ​രു കൂ​ട്ടു​കെ​ട്ട് മി​ഡി​ൽ ഈ​സ്റ്റി​ലെ ആ​കാ​ശ​ത്ത് യു​ദ്ധ​വി​മാ​ന​ങ്ങ​ൾ വി​ന്യ​സി​ക്കു​ക​യും ഇ​സ്രാ​യേ​ലി​ന്റെ മി​സൈ​ൽ-​പ്ര​തി​രോ​ധ സം​വി​ധാ​ന​ങ്ങ​ൾ​ക്കൊ​പ്പം​നി​ന്ന് ഇ​റാ​ന്റെ ഭീ​ഷ​ണി​ക​ളെ ത​ട​സ്സ​പ്പെ​ടു​ത്തു​ക​യും ചെ​യ്ത​ത് ആ ​ആ​ക്ര​മ​ണ​ത്തി​ന്റെ ആ​ഘാ​ത​ങ്ങ​ൾ ല​ഘൂ​ക​രി​ച്ചെ​ങ്കി​ലും ഇ​ത് ശാ​ശ്വ​ത​മാ​യ ഒ​രു പ്ര​തി​രോ​ധ​രീ​തി​യ​ല്ലെ​ന്ന് ഇ​സ്രാ​യേ​ലി​ന് അ​റി​യാം. അ​മേ​രി​ക്ക ഉ​ൾ​പ്പെ​ടെ​യു​ള്ള സ​ഖ്യ​രാ​ഷ്ട്ര​ങ്ങ​ൾ ഇ​സ്രാ​യേ​ലി​നു​ള്ള പി​ന്തു​ണ​യു​ടെ പേ​രി​ൽ സ്വ​ന്തം ജ​ന​ത​ക​ളി​ൽ​നി​ന്ന് തെ​രു​വു​ക​ളി​ൽ പ​ര​സ്യ​വി​ചാ​ര​ണ നേ​രി​ടു​ക​യാ​ണ്. ഇ​സ്രാ​യേ​ലി​നു​ള്ള ആ​യു​ധ​ക്ക​യ​റ്റു​മ​തി പ​രി​മി​ത​പ്പെ​ടു​ത്ത​ണോ എ​ന്ന് അ​വ​ർ​ക്ക് ആ​ലോ​ചി​ക്കേ​ണ്ടി​വ​രു​ന്നു.

ആ​ളി​പ്പ​ട​രു​ന്ന വി​ദ്യാ​ർ​ഥി പ്ര​ക്ഷോ​ഭം

അ​മേ​രി​ക്ക​യി​ലും യൂ​റോ​പ്പി​ലും ഫ​ല​സ്തീ​ൻ അ​നു​കൂ​ല വി​ദ്യാ​ർ​ഥി പ്ര​ക്ഷോ​ഭ​ങ്ങ​ൾ ആ​ളി​ക്ക​ത്തു​ക​യാ​ണ്. കാ​ലി​ഫോ​ർ​ണി​യ സ​ർ​വ​ക​ലാ​ശാ​ല​യി​ൽ ഈ ​അ​ടു​ത്ത​ദി​വ​സം രാ​ത്രി ന​ട​ത്തി​യ ഓ​പ​റേ​ഷ​നി​ൽ ഫ​ല​സ്തീ​ൻ അ​നു​കൂ​ല വി​ദ്യാ​ർ​ഥി ക്യാ​മ്പ് പൊ​ലീ​സ് നീ​ക്കം​ചെ​യ്യു​ക​യും വി​ദ്യാ​ർ​ഥി​ക​ളും അ​ധ്യാ​പ​ക​രും ഉ​ൾ​പ്പെ​ടെ നൂ​റു​ക​ണ​ക്കി​ന് പ്ര​ക​ട​ന​ക്കാ​രെ അ​റ​സ്റ്റ് ചെ​യ്യു​ക​യും ചെ​യ്തി​രു​ന്നു. അ​മേ​രി​ക്ക​യി​ലെ കാ​മ്പ​സ് അ​റ​സ്റ്റു​ക​ൾ ഇ​പ്പോ​ൾ 2200 ക​വി​ഞ്ഞി​രി​ക്കു​ന്നു. കൊ​ളം​ബി​യ സ​ർ​വ​ക​ലാ​ശാ​ല​യി​ൽ ഏ​പ്രി​ൽ 17ന്, ​ഇ​സ്രാ​യേ​ൽ ഗ​സ്സ​യി​ൽ ബോം​ബാ​ക്ര​മ​ണം ന​ട​ത്തി​യ​തി​ൽ രോ​ഷാ​കു​ല​രാ​യ നൂ​റു​ക​ണ​ക്കി​ന് വി​ദ്യാ​ർ​ഥി​ക​ൾ കാ​മ്പ​സി​ന്റെ പു​ൽ​ത്ത​കി​ടി​യി​ൽ ‘ഗ​സ്സ ഐ​ക്യ​ദാ​ർ​ഢ്യ ക്യാ​മ്പ്’ സ്ഥാ​പി​ക്കു​ക​യും ഇ​സ്രാ​യേ​ലു​മാ​യി ബ​ന്ധ​മു​ള്ള ക​മ്പ​നി​ക​ളി​ലെ നി​ക്ഷേ​പ​ങ്ങ​ളി​ൽ​നി​ന്ന് പി​ന്മാ​റാ​ൻ സ​ർ​വ​ക​ലാ​ശാ​ല​യോ​ട് ആ​വ​ശ്യ​പ്പെ​ടു​ക​യും ചെ​യ്തു. ഈ ​സ​മ​ര​മാ​ണ് മ​റ്റു കാ​മ്പ​സു​ക​ളി​ലേ​ക്കും പ​ട​ർ​ന്നു​പി​ടി​ച്ച​ത്. സൈ​നി​കാ​ക്ര​മ​ണ​ത്തി​ൽ കാ​റി​ൽ പ​രി​ക്കു​ക​ളോ​ടെ കു​ടു​ങ്ങി​പ്പോ​യ​പ്പോ​ൾ വൈ​ദ്യ​സ​ഹാ​യം നി​ഷേ​ധി​ച്ചും ആം​ബു​ല​ൻ​സ് ക​ത്തി​ച്ചും ഇ​സ്രാ​യേ​ൽ കൊ​ല​പ്പെ​ടു​ത്തി​യ ഫ​ല​സ്തീ​നി​യ​ൻ ബാ​ലി​ക ആ​റു​വ​യ​സ്സു​കാ​രി ഹി​ന്ദ് റി​ജാ​ബി​ന്റെ പേ​രി​ൽ വി​ദ്യാ​ർ​ഥി​ക​ൾ അ​വി​ട​ത്തെ ‘ഹാ​മി​ൽ​ട്ട​ൺ ഹാ​ൾ’ പു​ന​ർ​നാ​മ​ക​ര​ണം ചെ​യ്യു​ക​യു​ണ്ടാ​യി.

ഫ്ര​ഞ്ച് സ​ർ​വ​ക​ലാ​ശാ​ല​ക​ളി​ലെ കാ​മ്പ​സു​ക​ളി​ലെ ഇ​രി​പ്പു​സ​മ​ര​ങ്ങ​ളി​ൽ​നി​ന്നും ഒ​ത്തു​കൂ​ട​ലു​ക​ളി​ൽ​നി​ന്നും ഒ​ഴി​പ്പി​ക്ക​പ്പെ​ട്ട വി​ദ്യാ​ർ​ഥി​ക​ൾ വെ​ള്ളി​യാ​ഴ്ച പാ​രീ​സി​ലെ പ​ന്തീ​യോ​ണി​ന് പു​റ​ത്ത് വ​ലി​യ പ്ര​തി​ഷേ​ധ​മാ​ണ് സം​ഘ​ടി​പ്പി​ച്ച​ത്. അ​യ​ർ​ല​ൻ​ഡി​ലെ ട്രി​നി​റ്റി കോ​ള​ജി​ലെ​യും സ്വി​റ്റ്‌​സ​ർ​ല​ൻ​ഡി​ലെ ലോ​സാ​ൻ യൂ​നി​വേ​ഴ്‌​സി​റ്റി​യി​ലെ​യും വി​ദ്യാ​ർ​ഥി​ക​ൾ ട്രി​നി​റ്റി ഇ​സ്രാ​യേ​ലു​മാ​യു​ള്ള അ​ക്കാ​ദ​മി​ക ബ​ന്ധം വി​ച്ഛേ​ദി​ക്ക​ണ​മെ​ന്നും ഇ​സ്രാ​യേ​ലു​മാ​യി ബ​ന്ധ​മു​ള്ള ക​മ്പ​നി​ക​ളി​ൽ​നി​ന്ന് നി​ക്ഷേ​പ​ങ്ങ​ൾ പി​ൻ​വ​ലി​ക്ക​ണ​മെ​ന്നും ആ​വ​ശ്യ​പ്പെ​ട്ട് ഇ​രി​പ്പു​സ​മ​രം ന​ട​ത്തു​ന്നു​ണ്ട്. ആ​സ്ത്രേ​ലി​യ​യി​ലെ​യും കാ​ന​ഡ​യി​ലെ​യും സ​ർ​വ​ക​ലാ​ശാ​ല​ക​ളി​ലും ഫ​ല​സ്തീ​ൻ അ​നു​കൂ​ല പ്ര​തി​ഷേ​ധ​ങ്ങ​ൾ ന​ട​ക്കു​ന്നു​ണ്ട്. ജ​ർ​മ​ൻ വി​ദ്യാ​ർ​ഥി​ക​ൾ വ്യാ​ഴാ​ഴ്ച ബെ​ർ​ലി​നി​ൽ ഇ​സ്രാ​യേ​ൽ സൈ​നി​ക ആ​ക്ര​മ​ണ​ത്തി​നെ​തി​രെ പ്ര​ക​ട​നം ന​ട​ത്തി, ഫ്രീ ​യൂ​നി​വേ​ഴ്‌​സി​റ്റി​ക്ക് മു​ന്നി​ൽ പ​താ​ക​ക​ൾ വീ​ശു​ക​യും ഫ​ല​സ്തീ​ൻ ജ​ന​ത​യോ​ട് ഐ​ക്യ​ദാ​ർ​ഢ്യം പ്ര​ക​ടി​പ്പി​ക്കു​ക​യും ചെ​യ്തു. ഇ​സ്രാ​യേ​ലി സ്ഥാ​പ​ന​ങ്ങ​ളു​മാ​യു​ള്ള ഇ​റ്റാ​ലി​യ​ൻ സ​ർ​വ​ക​ലാ​ശാ​ല​ക​ളു​ടെ സ​ഹ​ക​ര​ണ​ത്തി​നെ​തി​രെ പ്ര​തി​ഷേ​ധി​ക്കു​ന്ന വി​ദ്യാ​ർ​ഥി​ക​ൾ ചൊ​വ്വാ​ഴ്ച റോ​മി​ലെ ലാ ​സ​പി​യ​ൻ​സ യൂ​നി​വേ​ഴ്സി​റ്റി​യി​ൽ സ​മ​രം ചെ​യ്യു​ക​യും പൊ​ലീ​സ് അ​വ​ർ​ക്കു​നേ​രെ ബ​ലം പ്ര​യോ​ഗി​ക്കു​ക​യും ചെ​യ്ത​തി​നെ​തു​ട​ർ​ന്ന് ഇ​റ്റ​ലി​യി​ലും സ​മ​രം വ്യാ​പി​ക്കു​ക​യാ​ണ്. ഇം​ഗ്ല​ണ്ടി​ൽ, മാ​ഞ്ച​സ്റ്റ​ർ, ന്യൂ​കാ​സി​ൽ, ലീ​ഡ്സ് എ​ന്നി​വ​യു​ൾ​പ്പെ​ടെ​യു​ള്ള ന​ഗ​ര​ങ്ങ​ളി​ൽ ഫ​ല​സ്തീ​ൻ അ​നു​കൂ​ല പ്ര​ക്ഷോ​ഭ​ക​ർ സ​ർ​വ​ക​ലാ​ശാ​ല കെ​ട്ടി​ട​ങ്ങ​ൾ​ക്കു പു​റ​ത്ത് കൂ​ടാ​ര​ങ്ങ​ൾ സ്ഥാ​പി​ച്ച് ഇ​രി​പ്പു​സ​മ​രം തു​ട​ങ്ങി​യി​ട്ടു​ണ്ട്. ല​ണ്ട​ൻ യൂ​ണി​വേ​ഴ്‌​സി​റ്റി​യി​ലെ വി​ദ്യാ​ർ​ഥി​ക​ൾ ലൈ​ബ്ര​റി​യി​ൽ ഇ​രി​പ്പു​സ​മ​രം ന​ട​ത്തു​ന്നു. വാ​ർ​വി​ക്ക് സ​ർ​വ​ക​ലാ​ശാ​ല​യി​ൽ ജീ​വ​ന​ക്കാ​രും വി​ദ്യാ​ർ​ഥി​ക​ളും അ​ട​ങ്ങു​ന്ന ഫ​ല​സ്തീ​ൻ ഐ​ക്യ​ദാ​ർ​ഢ്യ​സ​മി​തി ഇ​രി​പ്പു​സ​മ​രം തു​ട​ങ്ങി​യി​ട്ടു​ണ്ട്. യൂ​റോ​പ്പി​ലെ മ​റ്റു ക​ലാ​ല​യ​ങ്ങ​ളി​ലും ഫ​ല​സ്തീ​ൻ ഐ​ക്യ​ദാ​ർ​ഢ്യ​റാ​ലി​ക​ളും പ്ര​തി​ഷേ​ധ​ങ്ങ​ളും ന​ട​ക്കു​ന്നു.

ഫ​ല​സ്തീ​നു​വേ​ണ്ടി​യു​ള്ള ആ​ഗോ​ള സാ​ഹോ​ദ​ര്യം

നി​ര​ന്ത​ര​മു​ള്ള ബോം​ബാ​ക്ര​മ​ണ​ത്തി​ൽ അ​ഭ​യാ​ർ​ഥി​ക​ളാ​യ ഒ​രു ദ​ശ​ല​ക്ഷ​ത്തി​ല​ധി​കം​പേ​ർ അ​ഭ​യം​തേ​ടി​യി​ട്ടു​ള്ള റ​ഫ​യി​ലേ​ക്ക് സൈ​ന്യ​ത്തെ അ​യ​ക്കു​മെ​ന്ന​താ​ണ് മാ​സ​ങ്ങ​ളാ​യു​ള്ള ഇ​സ്രാ​യേ​ലി​ന്റെ ഭീ​ഷ​ണി. ബ​ന്ദി​ക​ളെ മോ​ചി​പ്പി​ക്കാ​ൻ ഇ​സ്രാ​യേ​ൽ അ​ന്ത്യ​ശാ​സ​നം ന​ൽ​കി​യി​രി​ക്കു​ക​യാ​ണെ​ന്നും അ​ത് ക​ഴി​ഞ്ഞാ​ൽ ഇ​സ്രാ​യേ​ൽ റ​ഫ ആ​ക്ര​മി​ക്കു​മെ​ന്നു​മാ​ണ് ഇ​പ്പോ​ൾ പാ​ശ്ചാ​ത്യ​മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യു​ന്ന​ത്. എ​ന്നാ​ൽ, അ​മേ​രി​ക്ക​പോ​ലും ഇ​ത് ഒ​ഴി​വാ​ക്കാ​നോ വൈ​കി​ക്കാ​നോ സ​മ്മ​ർ​ദം ചെ​ലു​ത്തു​ന്ന സാ​ഹ​ച​ര്യ​മാ​ണു​ള്ള​ത്. റ​ഫ ആ​ക്ര​മ​ണം ല​ക്ഷ​ക്ക​ണ​ക്കി​ന് സി​വി​ലി​യ​ൻ മ​ര​ണ​ങ്ങ​ൾ​ക്ക് കാ​ര​ണ​മാ​വു​മെ​ന്ന് ലോ​കാ​രോ​ഗ്യ​സം​ഘ​ട​ന​ത​ന്നെ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്. മ​ര​ണ​ത്തി​ന്റെ ക​ണ​ക്കു​കാ​ട്ടി മൃ​ത്യു​രാ​ഷ്ട്രീ​യ​ത്തി​ന്റെ ഉ​പാ​സ​ക​രെ പി​ന്തി​രി​പ്പി​ക്കാ​ൻ ക​ഴി​യി​ല്ലെ​ങ്കി​ലും ഇ​ത് അ​വ​ഗ​ണി​ച്ച് റ​ഫ ആ​ക്ര​മി​ച്ചാ​ൽ അ​തു​ണ്ടാ​ക്കു​ന്ന പ്ര​ത്യാ​ഘാ​ത​ങ്ങ​ൾ പ്ര​വ​ച​നാ​തീ​ത​മാ​ണ് എ​ന്ന​ത് ഇ​സ്രാ​യേ​ലി​ന് അ​വ​ഗ​ണി​ക്കാ​ൻ ക​ഴി​യി​ല്ല. ഉ​ട​ന​ടി​യു​ള്ള യു​ദ്ധ​വി​രാ​മം, ഫ​ല​സ്തീ​ൻ ത​ട​വു​കാ​രു​ടെ മോ​ച​നം, ഗ​സ്സ​യി​ൽ​നി​ന്നു​ള്ള ഇ​സ്രാ​യേ​ലി​ന്റെ സ​മ്പൂ​ർ​ണ​മാ​യ സൈ​നി​ക പി​ന്മാ​റ്റം എ​ന്നി​വ​യാ​ണ് പ്ര​ശ്ന​പ​രി​ഹാ​ര​ത്തി​നു​ള്ള ലോ​ക​സ്വീ​കാ​ര്യ​മാ​യ ക​ർ​മ​മാ​ർ​ഗം.

ഇ​സ്രാ​യേ​ലി​ന്റെ അ​ധി​നി​വേ​ശ രാ​ഷ്ട്രീ​യ​ത്തി​നും അ​തി​നെ താ​ങ്ങി​നി​ർ​ത്തു​ന്ന സാ​മ്രാ​ജ്യ​ത്വ-​സൈ​നി​ക മൂ​ല​ധ​ന ശ​ക്തി​ക​ൾ​ക്കു​മെ​തി​രെ​യു​ള്ള ആ​ഗോ​ള സാ​ഹോ​ദ​ര്യം അ​നു​ദി​നം ശ​ക്തി​പ്പെ​ടു​ക​യാ​ണ്. ഫ​ല​സ്തീ​നെ ചു​ടു​കാ​ടാ​ക്കാ​മെ​ന്ന ഈ ​ശാ​ക്തി​ക​ചേ​രി​യു​ടെ ദു​ഷ്ട​ല​ക്ഷ്യം, ഉ​യ​രു​ന്ന യു​ദ്ധ​വി​രു​ദ്ധ മൈ​ത്രി​യു​ടെ ധാ​ർ​മി​ക​ബ​ല​ത്തി​ന് മു​ന്നി​ൽ ചൂ​ളി​പ്പോ​വു​ന്ന കാ​ഴ്ച​യാ​ണ് ഇ​പ്പോ​ൾ സ​ർ​വ​ക​ലാ​ശാ​ല​ക​ളി​ലും തെ​രു​വു​ക​ളും കാ​ണു​വാ​ൻ ക​ഴി​യു​ന്ന​ത്. വി​യ​റ്റ്‌​നാം യു​ദ്ധ​കാ​ല​ത്തെ ജ​ന​കീ​യ​മു​ന്നേ​റ്റ​ത്തെ അ​നു​സ്മ​രി​പ്പി​ക്കു​ന്ന​ത് ത​ന്നെ​യാ​ണ് ഈ ​പ്ര​ക്ഷോ​ഭം. അ​തി​നു​മ​പ്പു​റം, പു​തി​യ പോ​സ്റ്റ്ഹ്യൂ​മ​ൻ എ.​ഐ മൂ​ല​ധ​ന​ത്തി​ന്റെ മൃ​ത്യു​രാ​ഷ്ട്രീ​യ​ത്തെ​യും അ​തി​ന്റെ ആ​ഗോ​ള​മു​ഖ​മാ​യ യൂ​റോ-​അ​മേ​രി​ക്ക​ൻ-​ഇ​സ്രാ​യേ​ൽ അ​ച്ചു​ത​ണ്ടി​ന്റെ നി​ഷേ​ധ​വാ​ഴ്ച​ക്കെ​തി​രെ​യു​മു​ള്ള വി​ചാ​ര​ണ​കൂ​ടി​യാ​യി ഈ ​യു​ദ്ധ​വി​രു​ദ്ധ സൗ​ഭ്രാ​ത്രം രൂ​പാ​ന്ത​ര​പ്പെ​ടു​ക​യാ​ണ്. സ​ർ​വ​ക​ലാ​ശാ​ല​ക​ളു​ടെ ഇ​സ്രാ​യേ​ൽ ബ​ന്ധ​ങ്ങ​ൾ അ​വ​സാ​നി​പ്പി​ക്കാ​ൻ​കൂ​ടി ആ​വ​ശ്യ​പ്പെ​ട്ടു​കൊ​ണ്ടു​ള്ള വി​ദ്യാ​ർ​ഥി പ്ര​ക്ഷോ​ഭ​ങ്ങ​ളി​ൽ നി​ലീ​ന​മാ​യി​രി​ക്കു​ന്ന​ത് പു​തി​യ ആ​ഗോ​ള നൈ​തി​ക​ത​ക്കാ​യു​ള്ള നി​ല​പാ​ടു​ക​ളാ​ണ്.