റാമല്ല: വെസ്റ്റ് ബാങ്കിൽ ഫലസ്തീനി യുവതിയെ വെടിവെച്ച് കൊലപ്പെടുത്തി ഇസ്രായേൽ സൈന്യം. സന അൽ താൽ (19) ആണ് റാമല്ലക്കടുത്ത ബൈതുനിയ നഗരത്തിൽ കൊല്ലപ്പെട്ടത്.
മറ്റൊരു യുവതിക്കും യുവാവിനും വെടിവെപ്പിൽ പരിക്കേറ്റതായി ഫലസ്തീൻ അധികൃതർ അറിയിച്ചു. അൽ തഹ്‍രിയ നഗരത്തിൽനിന്ന് ദക്ഷിണ ഹിബ്രോണിലേക്ക് കാറിൽ പോകുകയായിരുന്നു സന അൽ താൽ.
പരിക്കേറ്റ വഫ, അനസ് ഹസനി എന്നിവരും കാറിലായിരുന്നു. മുന്നറിയിപ്പില്ലാതെ വെടിവെക്കുകയായിരുന്നുവെന്ന് ദൃക്സാക്ഷികളെ ഉദ്ധരിച്ച് അൽജസീറ ചാനൽ റിപ്പോർട്ട് ചെയ്തു. അതേസമയം, സംശയസാഹചര്യത്തിൽ കണ്ട വാഹനം നിർത്താൻ ആവശ്യപ്പെട്ടിട്ടും മുന്നോട്ടെടുത്തപ്പോഴാണ് വെടിവെച്ചതെന്നാണ് ഇസ്രായേൽ സൈന്യം പറയുന്നത്.
കാർ പതിയെ മുന്നോട്ടെടുക്കുമ്പോഴാണ് വെടിവെച്ചതെന്നാണ് സമൂഹമാധ്യമത്തിൽ പ്രചരിക്കുന്ന വിഡിയോ സൂചിപ്പിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.