ജറൂസലം: മുൻ പ്രധാനമന്ത്രി ബിന്യമിൻ നെതന്യാഹു അധികാരത്തിലിരിക്കെ കൈപ്പറ്റിയ വില കൂടിയ സമ്മാനങ്ങൾ തിരിച്ചുനൽകണമെന്നാവശ്യപ്പെട്ട് ഇസ്രായേൽ സർക്കാർ.യു.എസ് മുൻ പ്രസിഡൻറ് ബറാക് ഒബാമ, റഷ്യൻ പ്രസിഡൻറ് വ്ലാദിമിർ പുടിൻ എന്നിവരിൽ നിന്നടക്കം സ്വീകരിച്ച 42 ഓളം സമ്മാനങ്ങൾ തിരിച്ചുനൽകണമെന്നാണ് ഇസ്രായേൽ പ്രധാനമന്ത്രിയുടെ ഓഫിസ് നെതന്യാഹുവിനോട് ആവശ്യെപ്പട്ടത്.
സന്ദർശനത്തിനിടെ, വിദേശ രാഷ്ട്രത്തലവൻമാർ സമ്മാനം നൽകുന്നത് പതിവാണ്. 90 ഡോളറിനു മുകളിൽ വിലയുള്ള സമ്മാനങ്ങളാണെങ്കിൽ അത്, ഇസ്രായേൽ സർക്കാരിെൻറ സ്വത്തായിട്ടാണ് കണക്കുകൂട്ടുന്നത്. ഭരണകാലത്ത് ലഭിച്ച വിലകൂടിയ സമ്മാനങ്ങളിൽ ഒന്നുപോലും നെതന്യാഹുവും ഭാര്യ സാറയും സർക്കാരിനു തിരിച്ചുനൽകിയിട്ടില്ല. ഫ്രാൻസിസ് മാർപാപ്പ, ജർമൻ,ഫ്രഞ്ച് നേതാക്കൾ എന്നിവരും നെതന്യാഹുവിന് സമ്മാനങ്ങൾ നൽകിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.