ര​ണ്ട് ഫലസ്തീൻ കുട്ടികളെ ഇസ്രായേൽ വെ​ടി​വെ​ച്ചു​കൊ​ന്നു

വെ​സ്റ്റ്ബാ​ങ്ക്: ഗ​സ്സ​യി​ൽ താ​ൽ​ക്കാ​ലി​ക വെ​ടി​നി​ർ​ത്ത​ൽ തു​ട​ര​വെ വെ​സ്റ്റ്ബാ​ങ്കി​ൽ ന​ര​നാ​യാ​ട്ട് തു​ട​ർ​ന്ന് ഇ​സ്രാ​യേ​ൽ സേ​ന. വെ​സ്റ്റ് ബാ​ങ്ക് ന​ഗ​ര​മാ​യ ജെ​നി​നി​ലേ​ക്ക് ഇ​ര​ച്ചു​ക​യ​റി​യ സേ​ന അ​ഭ​യാ​ർ​ഥി ക്യാ​മ്പി​ൽ ര​ണ്ട് ഫലസ്തീൻ കുട്ടികളെ വെ​ടി​വെ​ച്ചു​കൊ​ന്നു. ആദം സമർ അൽ ഗൗൽ എന്ന എട്ടുവയസ്സുകാരനെ തലയ്ക്ക് വെടിവെച്ചും ബാസിൽ സുലൈമാൻ അബു അൽ വഫ എന്ന 15കാരനെ നെഞ്ചിൽ വെടിവെച്ചുമാണ് കൊലപ്പെടുത്തിയത്.

ചൊ​വ്വാ​ഴ്ച രാ​ത്രി വീ​ടു​ക​ൾ ബു​ൾ​ഡോ​സ​ർ​കൊ​ണ്ട് ന​ശി​പ്പി​ക്കു​ക​യും ഡ്രോ​ൺ ആ​ക്ര​മ​ണം ന​ട​ത്തു​ക​യും ചെ​യ്തു. റോ​ഡു​ക​ൾ​ക്കും നി​ര​വ​ധി വാ​ഹ​ന​ങ്ങ​ൾ​ക്കും ​കേ​ടു​പാ​ട് സം​ഭ​വി​ച്ചതായി ഫ​ല​സ്തീ​ൻ വാ​ർ​ത്ത ഏ​ജ​ൻ​സി​യാ​യ ‘വ​ഫ’ റി​പ്പോ​ർ​ട്ട് ചെ​യ്തു.

ഖ​ലീ​ൽ സു​ലൈ​മാ​ൻ ആ​ശു​പ​ത്രി വ​ള​ഞ്ഞ ഇ​സ്രാ​യേ​ൽ അധിനിവേശ സേന പ​രി​ക്കേ​റ്റ​വ​രെ പ്ര​വേ​ശി​പ്പി​ക്കാ​ൻ അ​നു​വ​ദി​ക്കു​ന്നി​ല്ലെ​ന്ന് മെ​ഡി​സി​ൻ​സ് സാ​ൻ​സ് ഫ്രോ​ണ്ടി​യേ​ഴ്‌​സ് ഇ​ന്റ​ർ​നാ​ഷ​ന​ൽ ഡ​യ​റ​ക്ട​ർ ക്രി​സ്റ്റോ​സ് ക്രി​സ്റ്റോ പ​റ​ഞ്ഞു.

ജെ​നി​ൻ സ​ർ​ക്കാ​ർ ആ​ശു​പ​ത്രി​യു​ടെ പ്ര​വേ​ശ​ന ക​വാ​ടം ഇ​സ്രാ​യേ​ൽ സൈ​ന്യം 40 മി​നി​റ്റോ​ളം ഉ​പ​രോ​ധി​ച്ചു. കാ​ലി​ൽ വെ​ടി​യേ​റ്റ​യാ​ളെ ആ​ശു​പ​ത്രി​യി​ലേ​ക്ക് മാ​റ്റു​ന്ന​ത് ത​ട​ഞ്ഞു. പി​ന്നീ​ട് ഇ​യാ​ളെ അ​റ​സ്റ്റ് ചെ​യ്ത​താ​യി ഫ​ല​സ്തീ​ൻ റെ​ഡ് ക്ര​സ​ന്റ് സൊ​സൈ​റ്റി അ​റി​യി​ച്ചു.

ഗ​സ്സ​യി​ൽ​നി​ന്ന് ഹ​മാ​സ് ആ​ക്ര​മ​ണം ആ​രം​ഭി​ച്ച​തു​മു​ത​ൽ ഐ.​ഡി.​എ​ഫു​മാ​യി തു​ട​ർ​ച്ച​യാ​യ ഏ​റ്റു​മു​ട്ട​ലാ​ണ് ജെ​നി​ൻ പ്ര​ദേ​ശ​ത്ത് ന​ട​ക്കു​ന്ന​ത്. ഈ ​മാ​സ​മാ​ദ്യം ന​ട​ന്ന ഏ​റ്റു​മു​ട്ട​ലി​ൽ 14 പേ​രും ഈ​യാ​ഴ്ച അ​ഞ്ചു​പേ​രും കൊ​ല്ല​പ്പെ​ട്ടി​രു​ന്നു.