സോൾ: പട്ടാളനിയമം പ്രഖ്യാപിച്ചതിന് പിന്നാലെ പ്രസിഡന്റ് യൂൻ സുക് യോലിനെ പുറത്താക്കാൻ പ്രതിപക്ഷം കൊണ്ടുവന്ന ഇംപീച്ച്മെന്റ് പ്രമേയം റദ്ദാക്കി. ശനിയാഴ്ച പ്രമേയത്തിന്മേൽ നടന്ന വോട്ടെടുപ്പ് ഭരണകക്ഷിയായ പീപ്ൾ പവർ പാർട്ടി അംഗങ്ങൾ ബഹിഷ്‍കരിക്കുകയായിരുന്നു.
300 അംഗ നാഷനൽ അസംബ്ലിയിൽ 200 അംഗങ്ങളുടെ പിന്തുണയുണ്ടെങ്കിൽ പ്രമേയം പാസാകുമായിരുന്നു. എന്നാൽ, പ്രതിപക്ഷത്തിന്റെ 192 അംഗങ്ങൾക്കൊപ്പം പീപ്ൾ പവർ പാർട്ടിയുടെ മൂന്ന് അംഗങ്ങൾ മാത്രമാണ് വോട്ടെടുപ്പിൽ പങ്കെടുത്തത്. ഏറ്റവും കുറഞ്ഞ അംഗങ്ങളുടെ എണ്ണം 200 പോലും തികയാത്തതിനാൽ വോട്ടെണ്ണാതെ പ്രമേയം റദ്ദാക്കുകയായിരുന്നു. ഇതോടെ യൂനിനെ പുറത്താക്കണമെന്നാവശ്യപ്പെട്ട് രാജ്യത്ത് നടക്കുന്ന പ്രക്ഷോഭം ശക്തമാകുമെന്നുറപ്പായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.