ബ്രസൽസ്: ബെൽജിയം തലസ്ഥാനമായ ബ്രസൽസിൽ പട്രോളിങ്ങിനിടെ പൊലീസ് ഉദ്യോഗസ്ഥനെ കുത്തിക്കൊന്നു. മറ്റൊരു പൊലീസുകാരന് പരിക്കേറ്റു. അക്രമിയെ വെടിവെച്ച് വീഴ്ത്തി. അക്രമിയും പരിക്കേറ്റു ഒരു പൊലീസുകാരനും ആശുപത്രിയില്‍ ചികിത്സയിലാണ്.
പതിവ് പട്രോളിങ്ങിനിടെയാണ് പൊലീസുകാരന് കുത്തേറ്റത്. കത്തിയുമായെത്തിയ അക്രമി പൊലീസുകാരന്‍റെ കഴുത്തില്‍ ആഴത്തിൽ കുത്തുകയായിരുന്നു. ഉദ്യോഗസ്ഥൻ സംഭവ സ്ഥലത്തുവെച്ച് തന്നെ മരിച്ചു. സംഭവം കണ്ട മറ്റൊരു ഉദ്യോഗസ്ഥൻ അക്രമിയെ വെടിവെച്ച് വീഴ്ത്തുകയായിരുന്നു.
തീവ്രവാദ വിരുദ്ധ പ്രോസിക്യൂട്ടർമാർ അന്വേഷണത്തിന്റെ ചുമതല ഏറ്റെടുത്തിരിക്കുകയാണ്. സംഭവം ഭീകരാക്രമണമാണോയെന്ന് സംശയിക്കുന്നതായി പ്രോസിക്യൂട്ടറുടെ ഓഫീസ് വക്താവ് പറഞ്ഞു.
അക്രമി വ്യാഴാഴ്ച നഗരത്തിലെ ഒരു പൊലീസ് സ്റ്റേഷനിലെത്തി താൻ പൊലീസിനെ ആക്രമിക്കുമെന്ന് മുന്നറിയിപ്പ് നൽകിയിരുന്നെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.