ലണ്ടൻ: പ്രശസ്ത സൗദി മാധ്യമപ്രവർത്തകനും വാഷിങ്ടൺ പോസ്റ്റ് പത്രത്തിെൻറ കോളമിസ്റ്റുമായിരുന്ന ജമാൽ ഖഷോഗിയെ കൊലപ്പെടുത്തിയ സംഭവവുമായി ബന്ധപ്പെട്ട് സൗദി റോയൽ ഗാർഡ് മുൻ അംഗം പാരിസിൽ അറസ്റ്റിൽ. 33കാരനായ ഖാലിദ് ആഇദ് അൽഉതൈബിയാണ് പാരിസിലെ ചാൾസ് ഡി ഗോൾ വിമാനത്താവളത്തിൽ അറസ്റ്റിലായതെന്ന് ഫ്രഞ്ച് പൊലീസ് അറിയിച്ചു.
റിയാദിലേക്കുള്ള വിമാനം കയറുന്ന സമയത്താണ് ഇയാൾ പിടിയിലായത്. ഖഷോഗി വധക്കേസിൽ തുർക്കി അന്വേഷിക്കുന്ന 26 സൗദികളിൽ ഒരാളായിരുന്നു ഇയാൾ. സ്വന്തം പേരിലാണ് ഇയാൾ യാത്രക്ക് ശ്രമിച്ചതെന്നും ഇപ്പോൾ കസ്റ്റഡിയിലാണെന്നും ആർ.ടി.എൽ റേഡിയോ റിപ്പോർട്ട് ചെയ്തു.
2018 ഒക്ടോബറിൽ തുർക്കിയിലെ ഇസ്തംബൂളിലുള്ള സൗദി കോൺസുലേറ്റിലാണ് സൗദി ഭരണകൂടത്തിെൻറ കടുത്ത വിമർശകനായിരുന്ന ഖഷോഗി കൊല്ലപ്പെട്ടത്. സംഭവത്തിൽ സൗദിക്കെതിരെ ആഗോള വിമർശനം ഉയർന്നിരുന്നു. കേസിൽ പേര് വെളിപ്പെടുത്താത്ത എട്ടുപേരെ 2019ൽ സൗദി കോടതി ശിക്ഷിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.