ഇ​ന്ത്യ​യു​മാ​യി ബ​ന്ധം ശ​ക്തി​പ്പെ​ടു​ത്തും –ദിസനായകെ

കൊ​ളം​ബോ: ശ്രീ​ല​ങ്ക​യു​ടെ ഒ​മ്പ​താ​മ​ത്തെ പ്ര​സി​ഡ​ന്റാ​യി അ​നു​ര കു​മാ​ര ദി​സ​നാ​യ​കെ അ​ധി​കാ​ര​മേ​റ്റു. പ്ര​സി​ഡ​ന്റി​ന്റെ ഓ​ഫി​സി​ൽ ന​ട​ന്ന ച​ട​ങ്ങി​ൽ ചീ​ഫ് ജ​സ്റ്റി​സ് ജ​യ​ന്ത ജ​യ​സൂ​രി​യ മു​മ്പാ​കെ​യാ​ണ് സ​ത്യ​പ്ര​തി​ജ്ഞ ​ചെ​യ്ത​ത്. ശ​നി​യാ​ഴ്ച ന​ട​ന്ന തെ​ര​ഞ്ഞെ​ടു​പ്പി​ൽ സ​മാ​ഗി ജ​ന ബ​ല​വേ​ഗാ​യ​യു​ടെ സ​ജി​ത് പ്രേ​മ​ദാ​സ​യെ​യാ​ണ് ജ​ന​ത വി​മു​ക്തി പെ​ര​മു​ന പാ​ർ​ട്ടി നേ​താ​വാ​യ ദി​സ​നാ​യ​കെ തോ​ൽ​പി​ച്ച​ത്. 2022ലെ ​സാ​മ്പ​ത്തി​ക ത​ക​ർ​ച്ച​യി​ൽ മു​ൻ പ്ര​സി​ഡ​ന്റ് ഗോ​ട്ട​ബ​യ രാ​ജ​പ​ക്സ നാ​ടു​വി​ട്ട ശേ​ഷം ന​ട​ന്ന ആ​ദ്യ തെ​ര​ഞ്ഞെ​ടു​പ്പി​ൽ 5.74 ദ​ശ​ല​ക്ഷം വോ​ട്ടു​ക​ൾ നേ​ടി​യാ​യി​രു​ന്നു വി​ജ​യം. അ​ധി​കാ​ര കൈ​മാ​റ്റ​ത്തി​ന്റെ ഭാ​ഗ​മാ​യി പ്ര​ധാ​ന​മ​ന്ത്രി ദി​നേ​ശ് ഗു​ണ​വ​ർ​ധ​നെ​യും രാ​ജി​വെ​ച്ചു.

ജ​ന​വി​ധി അം​ഗീ​ക​രി​ക്കു​ക​യും സ​മാ​ധാ​ന​പ​ര​മാ​യി അ​ധി​കാ​രം കൈ​മാ​റു​ക​യും ചെ​യ്ത സ്ഥാ​ന​മൊ​ഴി​യു​ന്ന പ്ര​സി​ഡ​ൻ​റ് റ​നി​ൽ വി​ക്ര​മ​സിം​ഗെ​ക്ക് അ​ദ്ദേ​ഹം ന​ന്ദി പ​റ​ഞ്ഞു. രാ​ജ്യ​ത്തെ ജ​നാ​ധി​പ​ത്യം സം​ര​ക്ഷി​ക്കാ​നും രാ​ഷ്ടീ​യ നേ​താ​ക്ക​ളി​ൽ ജ​ന​ങ്ങ​ൾ അ​ർ​പ്പി​ച്ച വി​ശ്വാ​സം തി​രി​ച്ചു​പി​ടി​ക്കാ​നും ശ്ര​മി​ക്കു​മെ​ന്ന് ദി​സ​നാ​യ​കെ പ​റ​ഞ്ഞു. ശ്രീ​ല​ങ്ക​ക്ക് ഒ​റ്റ​പ്പെ​ട്ട് നി​ൽ​ക്കാ​ൻ ക​ഴി​യി​ല്ല. അ​ന്താ​രാ​ഷ്ട്ര സ​ഹ​ക​ര​ണം ആ​വ​ശ്യ​മാ​ണ്.

ഞാ​നൊ​രു മ​ന്ത്ര​വാ​ദി​യോ മാ​ന്ത്രി​ക​നോ അ​ല്ല. ഈ ​രാ​ജ്യ​ത്ത് ജ​നി​ച്ച സാ​ധാ​ര​ണ പൗ​ര​നാ​ണ്. എ​നി​ക്ക് ക​ഴി​വു​ക​ളും ക​ഴി​വി​ല്ലാ​യ്മ​ക​ളു​മു​ണ്ട്. അ​റി​യു​ന്ന​തും അ​റി​യാ​ത്ത​തു​മാ​യ കാ​ര്യ​ങ്ങ​ളു​മു​ണ്ട്. ആ​ളു​ക​ളു​ടെ ക​ഴി​വു​ക​ളും അ​റി​വും പ്ര​യോ​ജ​ന​പ്പെ​ടു​ത്തു​ക​യും ഈ ​രാ​ജ്യ​ത്തെ ന​യി​ക്കാ​ൻ മി​ക​ച്ച തീ​രു​മാ​ന​ങ്ങ​ൾ എ​ടു​ക്കു​ക​യും ചെ​യ്യു​ക എ​ന്ന​താ​ണ് എ​ന്റെ ആ​ദ്യ ദൗ​ത്യം - ദി​സ​നാ​യ​കെ കൂ​ട്ടി​ച്ചേ​ർ​ത്തു. ഇ​ന്ത്യ​യു​മാ​യു​ള്ള ഉ​ഭ​യ​ക​ക്ഷി ബ​ന്ധം ശ​ക്തി​പ്പെ​ടു​ത്തു​ന്ന​തി​ന് ശ്ര​മി​ക്കു​മെ​ന്ന് ദി​സ​നാ​യ​കെ പറഞ്ഞു. ഇ​രു രാ​ജ്യ​ങ്ങ​ളി​ലെ​യും ജ​ന​ങ്ങ​ളു​ടെ​യും മേ​ഖ​ല​യു​ടെ​യും പു​രോ​ഗ​തി​ക്കു​വേ​ണ്ടി പ​ര​സ്പ​ര സ​ഹ​ക​ര​ണ​ത്തോ​ടെ പ്ര​വ​ർ​ത്തി​ക്കാ​മെ​ന്നും അ​ദ്ദേ​ഹം വ്യക്തമാക്കി. ‘എ​ക്സ്’​ൽ അ​ഭി​ന​ന്ദ​ന​മ​റി​യി​ച്ച പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ പി​ന്തു​ണ​ക്ക് അദ്ദേഹം ന​ന്ദി പ്ര​ക​ടി​പ്പി​ക്കുകയും ചെയ്തു.