വിമർശനങ്ങൾ ഉൾക്കൊള്ളാൻ ഇസ്രായേലിന് കഴിയുന്നില്ല; മറുപടിയുമായി തുർക്കിയ

ഇസ്തംബുൾ: ഇസ്രായേലിന്റെ ആരോപണങ്ങളിൽ പ്രതികരിച്ച് തുർക്കിയ. രാജ്യത്തിന്റെ വിദേശകാര്യമന്ത്രാലയമാണ് ഇസ്രായേലിന് മറുപടിയുമായി രംഗത്തെത്തിയത്. വിമർശനങ്ങളേയും അപലപിക്കലിനേയും ​ഉൾക്കൊള്ളാൻ പോലും ഇസ്രായേലിന് സാധിക്കുന്നില്ലെന്ന് തുർക്കിയ വിമർശിച്ചു.

ലോകത്തിന് മുമ്പിൽ മനുഷ്യത്വത്തിന് എതിരായ കുറ്റകൃത്യം ചെയ്തിട്ട് പോലും വിമർശനങ്ങളെ ഉൾക്കൊള്ളാൻ അവർക്ക് സാധിക്കുന്നില്ലെന്ന് തുർക്കിയ വ്യക്തമാക്കി. നയതന്ത്ര ഉദ്യോഗസ്ഥരെ പിൻവലിക്കാനുള്ള ഇസ്രായേൽ തീരുമാനത്തിന് പിന്നാലെയാണ് തുർക്കിയയുടെ പരാമർശം. തുർക്കിയയുമായുള്ള ബന്ധ​ത്തിൽ പുനഃപരിശോധനയുണ്ടാവുമെന്നും ഇസ്രായേൽ അറിയിച്ചിരുന്നു.

തുർക്കിയ പ്രസിഡന്റ് റജബ് ത്വയ്യിബ് ഉർദുഗാൻ യഹൂദ വിരോധിയാണെന്ന യു.എന്നിലെ ഇസ്രായേൽ അംബാസിഡറുടെ ആരോപണത്തിനും അവർ മറുപടി നൽകി. ജൂതർക്ക് ഏറ്റവും സുരക്ഷിതമായ രാജ്യം തുർക്കിയയാണെന്ന മറുപടിയാണ് അംബാസിഡറിന്റെ ആരോപണത്തിന്  നൽകിയത്.

അതേസമയം ഇസ്രായേലിനെ തുർക്കിയ പ്രസിഡന്റ് റജബ് ത്വയിബ് ഉർദുഗാൻ ​ഭ്രാന്തൻ രാഷ്ട്രമെന്ന് വിശേഷിപ്പിച്ചിരുന്നു. ഭ്രാന്തൻ അവസ്ഥയിൽ നിന്നും ഇസ്രായേൽ എത്രയും ​പെട്ടെന്ന് പുറത്ത് വന്ന് ഗസ്സ മുനമ്പിലെ ആക്രമണം നിർത്തണമെന്നും അദ്ദേഹം ആവശ്യപ്പെട്ടിരുന്നു.

ഇസ്രായേൽ ഗസ്സയിൽ ബോംബാക്രമണം തുടരുകയാണ്. കഴിഞ്ഞ രാത്രി അത് കൂടുതൽ ശക്തമാക്കി. വീണ്ടും സ്ത്രീകളേയും കുട്ടികളേയും നിരപരാധികളായ പൗരൻമാരേയും ലക്ഷ്യമിട്ടാണ് ആക്രമണം. ഇത് ഗസ്സയിലെ പ്രതിസന്ധി വർധിപ്പിക്കുകയാണെന്നും അദ്ദേഹം പറഞ്ഞു. തുർക്കിയയിൽ നടന്ന ഫലസ്തീൻ അനുകൂല റാലിയെ അഭിസംബോധന ചെയ്ത് അദ്ദേഹം സംസാരിക്കുകയും ചെയ്തിരുന്നു.

ഒ​ക്ടോ​ബ​ർ ഏ​ഴി​നു ശേ​ഷം വെ​ള്ള​വും ഭ​ക്ഷ​ണ​വും വൈ​ദ്യു​തി​യും ഇ​ന്ധ​ന​വും മു​ട​ക്കി​യ​തി​നു പി​ന്നാ​ലെ വെ​ള്ളി​യാ​ഴ്ച വൈ​കീ​ട്ടു മു​ത​ൽ മു​ഴു​വ​ൻ വാ​ർ​ത്താ​വി​നി​മ​യ സം​വി​ധാ​ന​ങ്ങ​ളും റ​ദ്ദാ​ക്കി ഗസ്സയില ഇസ്രായേൽ വ്യോ​മാ​ക്ര​മ​ണ​വും ക​ര​യാ​ക്ര​മ​ണ​വും തു​ട​രു​ക​യാ​ണ്. പു​റം​ലോ​ക​ത്തേ​ക്ക് വി​വ​ര​ങ്ങ​ളൊ​ന്നും ല​ഭി​ക്കാ​ത്ത​തി​നാ​ൽ കൊ​ല്ല​പ്പെ​ട്ട​വ​രു​ടെ കൃത്യമായ എ​ണ്ണ​മോ ത​ക​ർ​ച്ച​യു​ടെ ആ​ഴ​മോ അ​റി​വാ​യി​ട്ടി​ല്ല. മരണം 7,700 കവിഞ്ഞു​െവന്നാണ് ഗസ്സ ആരോഗ്യ മന്ത്രാലയം പുറത്തുവിട്ട ഏകദേശ കണക്ക്.

ഒ​ക്ടോ​ബ​ർ ഏ​ഴി​നു​ശേ​ഷ​മു​ള്ള ഏ​റ്റ​വും ക​ടു​ത്ത ബോം​ബി​ങ്ങി​നൊ​പ്പം ക​ര​വ​ഴി​യും ഗ​സ്സ​ക്കു​ള്ളി​ൽ സേ​ന ആ​ക്ര​മ​ണം ന​ട​ത്തു​ന്ന​താ​യി ഇ​സ്രാ​യേ​ൽ ത​ന്നെ അ​റി​യി​ച്ചു. നി​ര​വ​ധി കേ​ന്ദ്ര​ങ്ങ​ളി​ൽ ഇ​സ്രാ​യേ​ൽ സേ​ന​യു​മാ​യി ഏ​റ്റു​മു​ട്ടി​യ​താ​യി ഹ​മാ​സ് പ​റ​ഞ്ഞു. വാ​ർ​ത്താ​വി​നി​മ​യ സം​വി​ധാ​ന​ങ്ങ​ൾ സ​മ്പൂ​ർ​ണ​മാ​യി റ​ദ്ദാ​ക്ക​പ്പെ​ട്ട ഗ​സ്സ​യി​ൽ ജ​ന​ങ്ങ​ൾ ത​ങ്ങ​ളു​ടെ പ്രി​യ​പ്പെ​ട്ട​വ​ർ​ക്ക് എ​ന്തു സം​ഭ​വി​ച്ചു​വെ​ന്ന് അ​റി​യാ​ൻ ക​ഴി​യാ​ത്ത ഭീ​ക​ര​മാ​യ മാ​ന​സി​കാ​വ​സ്ഥ​യി​ലാ​ണ്.