വാഷിങ്ടൺ: ഇസ്രായേൽ പതാകയെ അപമാനിച്ചുവെന്നാരോപിച്ച് വിദ്യാർഥിയുടെ തലവെട്ടുമെന്ന് ഭീഷണിപ്പെടുത്തിയ യു.എസ് അധ്യാപകൻ അറസ്റ്റിൽ. ഡിസംബർ ഏഴിനാണ് സംഭവം നടന്നത്. മറ്റൊരു അധ്യാപകനാണ് സംഭവം പൊലീസിന്റെ ശ്രദ്ധയിൽപെടുത്തിയത്. 51കാരനായ അധ്യാപകൻ മൂന്ന് വിദ്യാർഥികളെ ഭീഷണിപ്പെടുത്തുന്നത് മറ്റ് അധ്യാപകർ കേട്ടിരുന്നു.
ക്ലാസ്റൂമിൽ വെച്ച് ഇസ്രായേൽ പതാകയെ കുറിച്ച് ചോദിക്കാനാണ് താൻ അധ്യാപകന്റെ അടുത്തേക്ക് പോയതെന്ന് വിദ്യാർഥികളിലൊരാളായ പെൺകുട്ടി പറഞ്ഞു. ക്ലാസ്മുറിയിൽ ഇസ്രായേലി പതാക തൂക്കിയിട്ടത് എന്തിനാണെന്നായിരുന്നു വിദ്യാർഥികളിലൊരാൾ ചോദിച്ചത്. താനൊരു ജൂതനാണെന്നും തന്റെ കുടുംബാംഗങ്ങൾ ഇസ്രായേലിലാണുള്ളതെന്നുമായിരുന്നു അതിന് അധ്യാപകന്റെ മറുപടി. എന്നാൽ ഇത്തരത്തിൽ പതാക തൂക്കിയിട്ടത് തെറ്റാണെന്നും ഇസ്രായേലികൾ ഫലസ്തീനികളെ കൊന്നൊടുക്കുകയാണെന്നും കുട്ടി പറഞ്ഞു. ഇതാണ് അധ്യാപകനെ പ്രകോപിപ്പിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.