ചോ​ദ്യം ചെ​യ്യ​പ്പെ​ടാ​ത്ത തെ​മ്മാ​ടി​ത്ത​ങ്ങ​ൾ

ഈ ​കു​റി​പ്പ് ക​ഴി​ഞ്ഞ ദി​വ​സം എ​ഴു​താ​നി​രു​ന്നി​ട്ടും അ​ത് പൂ​ർ​ത്തി​യാ​ക്കാ​നാ​യി​ല്ല. - കു​ഞ്ഞു​ങ്ങ​ളെ​യും സ്ത്രീ​ക​ളെ​യു​മു​ൾ​പ്പെ​ടെ ഗ​സ്സ മേ​ഖ​ല​യി​ലു​ട​നീ​ളം ഫ​ല​സ്തീ​നി​ക​ൾ​ക്കെ​തി​രെ ന​ട​ക്കു​ന്ന കൂ​ട്ട​ക്കു​രു​തി​യു​ടെ​യും ന​ശീ​ക​ര​ണ​ത്തി​ന്റെ​യും ദൃ​ശ്യ​ങ്ങ​ളും വി​ഡി​യോ​ക​ളും ക​ണ്ട ഞെ​ട്ട​ലാ​ണ് എ​ന്റെ എ​ഴു​ത്ത് മു​ട​ക്കി​യ​ത്.

പ​രി​ഷ്‍കൃ​ത​മെ​ന്ന് വി​ളി​ക്ക​പ്പെ​ടു​ന്ന നാം ​ജീ​വി​ക്കു​ന്ന ലോ​ക​ത്തി​ന്റെ സ​മീ​പ​കാ​ല ച​രി​ത്ര​ത്തി​ൽ മു​മ്പൊ​രി​ക്ക​ലും ഇ​തു​പോ​ലെ നൂ​റു​ക​ണ​ക്കി​നാ​ളു​ക​ളെ ഇ​ല്ലാ​താ​ക്ക​ണം എ​ന്ന തീ​വ്ര​ല​ക്ഷ്യ​ത്തോ​ടെ ആ​ശു​പ​ത്രി​ക​ളെ ഉ​ന്ന​മി​ട്ടി​ട്ടി​ല്ല! മാ​താ​പി​താ​ക്ക​ൾ, കു​ഞ്ഞു​ങ്ങ​ൾ, കൗ​മാ​ര​ക്കാ​ർ, ആ​രോ​ഗ്യ-​സ​ന്ന​ദ്ധ-​ര​ക്ഷാ​പ്ര​വ​ർ​ത്ത​ക​ർ എ​ന്നി​വ​രെ​യെ​ല്ലാം ലാ​ക്കാ​ക്കി ആ​ക്ര​മ​ണം ന​ട​ക്കു​ന്നു… നൂ​റു​ക​ണ​ക്കി​നാ​ളു​ക​ൾ കൊ​ല്ല​പ്പെ​ടു​ന്നു!

ഫ​ല​സ്തീ​നി​ക​ൾ ക​ട​ന്നു​പോ​കു​ന്ന ദു​ര​ന്ത​ങ്ങ​ളെ വി​വ​രി​ക്കാ​നു​ത​കു​ന്ന വാ​ക്കു​ക​ൾ ക​ണ്ടെ​ത്താ​നാ​വു​ന്നി​ല്ല. ത​ങ്ങ​ളി​ൽ​നി​ന്ന് അ​പ​ഹ​രി​ക്ക​പ്പെ​ട്ട സ്വ​ന്തം നാ​ട്ടി​ൽ സ​മാ​ധാ​ന​ത്തോ​ടെ​യും അ​ന്ത​സ്സോ​ടെ​യും ജീ​വി​ക്കാ​നാ​ണ് അ​വ​ർ ആ​ഗ്ര​ഹി​ക്കു​ന്ന​ത്. അ​തി​ജീ​വ​ന​ത്തി​നു​ള്ള ആ ​അ​ടി​സ്ഥാ​ന അ​വ​കാ​ശം പോ​ലും അ​വ​രി​ൽ​നി​ന്ന് പി​ടി​ച്ചു​പ​റി​ക്ക​പ്പെ​ട്ടി​രി​ക്കു​ന്നു!

മു​ൻ​കാ​ല​ങ്ങ​ളി​ൽ ഫ​ല​സ്തീ​നി​ക​ൾ​ക്ക് നേ​രെ ന​ട​ന്നി​രു​ന്ന അ​തി​ക്ര​മ​ങ്ങ​ൾ​ക്കെ​തി​രെ സ്വ​ത​ന്ത്ര​മാ​യും നി​ർ​ഭ​യ​മാ​യും പ്ര​തി​ക​രി​ക്കാ​ൻ ഇ​ന്ത്യ​യി​ലെ പൗ​ര​ജ​ന​ങ്ങ​ൾ​ക്ക് സാ​ധി​ക്കു​മാ​യി​രു​ന്നു. ഡ​ൽ​ഹി​യി​ലും ല​ഖ്നോ​വി​ലും ശ്രീ​ന​ഗ​റി​ലു​മെ​ല്ലാം ന​ട​ന്ന അ​ത്ത​രം നി​ര​വ​ധി പ്ര​ക​ട​ന​ങ്ങ​ൾ​ക്കും പ്ര​തി​ഷേ​ധ​ങ്ങ​ൾ​ക്കും ഞാ​ൻ നേ​രി​ട്ട് സാ​ക്ഷ്യം​വ​ഹി​ച്ചി​ട്ടു​ണ്ട്.

അ​തി​പ്പോ​ൾ അ​സാ​ധ്യ​മാ​യി​രി​ക്കു​ന്നു​വെ​ന്ന​ത് കാ​ല​ത്തി​ന്റെ അ​സ്വ​സ്ഥ​പ്പെ​ടു​ത്തു​ന്ന സു​പ്ര​ധാ​ന മാ​റ്റ​ങ്ങ​ളി​ലൊ​ന്നാ​ണ്. ഗ​സ്സ​യി​ൽ ന​ട​ക്കു​ന്ന അ​ക്ര​മ​ങ്ങ​ൾ​ക്കെ​തി​രെ ശ​ബ്ദ​മു​യ​ർ​ത്തി ഡ​ൽ​ഹി​യി​ലെ തെ​രു​വു​ക​ളി​ലൂ​ടെ മാ​ർ​ച്ച് ന​ട​ത്തു​ക എ​ന്ന​ത് ജ​നാ​ധി​പ​ത്യ മാ​ർ​ഗ​ത്തി​ലു​ള്ള പ്ര​തി​ഷേ​ധ​ത്തി​ൽ വി​ശ്വ​സി​ക്കു​ന്ന വി​ദ്യാ​ർ​ഥി​ക​ൾ​ക്കും ആ​ക്ടി​വി​സ്റ്റു​ക​ൾ​ക്കു​മൊ​ക്കെ ഇ​പ്പോ​ൾ ഏ​റെ ബു​ദ്ധി​മു​ട്ടു​ള്ള കാ​ര്യ​മാ​ണ്.

ഭ​ര​ണാ​ധി​കാ​രി​ക​ൾ ദ​യ​നീ​യ​മാ​യ ബാ​ല​ൻ​സി​ങ് വേ​ല​യാ​ണ് ന​ട​ത്തി​ക്കൊ​ണ്ടി​രി​ക്കു​ന്ന​ത്. പ​ല രാ​ഷ്ട്ര​ത്ത​ല​വ​ന്മാ​രും ഇ​സ്രാ​യേ​ലി​ന്റെ പ​ക്ഷം ചേ​ർ​ന്നി​രി​ക്കു​ന്നു; ഒ​രു​പ​ക്ഷേ, അ​വ​ർ​ക്ക​തി​ന് വ്യ​ക്ത​മാ​യ രാ​ഷ്ട്രീ​യ ല​ക്ഷ്യ​ങ്ങ​ളും വി​പു​ലീ​ക​ര​ണ പ​ദ്ധ​തി​ക​ളു​മു​ണ്ടാ​വും.

ഈ ​ഭ​ര​ണാ​ധി​കാ​രി​ക​ൾ ന​ട​ത്തു​ന്ന രാ​ഷ്ട്രീ​യ പ്ര​സം​ഗ​ങ്ങ​ളി​ൽ അ​വ​രു​ടെ മു​ൻ​ഗ​ണ​ന​ക​ൾ ത​ങ്ങ​ളി​ലേ​ക്കും സ​ർ​ക്കാ​റു​ക​ളി​ലേ​ക്കും ഒ​തു​ക്കി​ക്കൂ​ടേ? എ​ന്തി​നാ​ണ് ജ​ന​ങ്ങ​ളെ അ​തി​ലേ​ക്ക് വ​ലി​ച്ചി​ഴ​ക്കു​ന്ന​ത്?

ബ​ഹു​ജ​ന​ങ്ങ​ൾ എ​ട്ടും​പൊ​ട്ടും തി​രി​യാ​ത്ത മ​നു​ഷ്യ​ര​ല്ല, ന​ട​മാ​ടു​ന്ന ക്രൂ​ര​ത​ക​ളും കൊ​ല​പാ​ത​ക​ങ്ങ​ളും അ​വ​ർ കാ​ണു​ന്നു​ണ്ട്, ഫ​ല​സ്തീ​നി​ക​ളു​ടെ ന്യാ​യ​വും യു​ക്ത​വു​മാ​യ ആ​വ​ശ്യ​ത്തെ​ക്കു​റി​ച്ച് അ​വ​ർ​ക്ക് ന​ന്നാ​യി അ​റി​യാം. നി​ങ്ങ​ൾ ഏ​ത് ടീ​മി​നൊ​പ്പ​മാ​ണ് എ​ന്ന നാ​ണം​കെ​ട്ട ചോ​ദ്യം ചോ​ദി​ക്കാ​ൻ ഇ​പ്പോ​ൾ ന​ട​ക്കു​ന്ന​ത് ഒ​രു ക്രി​ക്ക​റ്റ് ക​ളി​യ​ല്ല, വം​ശ​ഹ​ത്യ​യാ​ണ്.

മ​നു​ഷ്യ​രു​ടെ നി​ല​വി​ളി ന​മു​ക്ക് കേ​ൾ​ക്കാ​നാ​വു​ന്നി​ല്ലേ! മ​നു​ഷ്യ​ര​ക്ത​ത്തി​ന്റെ വി​ല​യി​ൽ ത​ഴ​ച്ചു​വ​ള​രു​ന്ന ആ​യു​ധ ലോ​ബി​ക​ളെ​യും വ​ണി​ക്കു​ക​ളെ​യും ന​മു​ക്ക് കാ​ണാ​നാ​വു​ന്നി​ല്ലേ? ഇ​ന്ന​ത്തെ ഭ​ര​ണാ​ധി​കാ​രി​ക​ളു​ടെ വി​പു​ലീ​ക​ര​ണ ന​യ​ങ്ങ​ളും രാ​ഷ്ട്രീ​യ ക​ളി​ക​ളും മൂ​ലം മ​നു​ഷ്യാ​ത്മാ​ക്ക​ൾ ത​ക​ർ​ന്നു​വീ​ഴു​ന്ന​ത് നാം ​അ​റി​യു​ന്നി​ല്ലേ?

ഇ​ത്ത​രം സം​ഭ​വ​ങ്ങ​ൾ വെ​സ്റ്റ് ബാ​ങ്കി​ൽ മാ​ത്രം ഒ​തു​ങ്ങു​ന്നു​വെ​ന്ന് നാം ​ക​രു​ത​രു​ത്. നി​ര​വ​ധി രാ​ജ്യ​ങ്ങ​ൾ ക​ടു​ത്ത ആ​ഭ്യ​ന്ത​ര ക​ല​ഹ​ത്തി​ന്റെ ന​ടു​വി​ലാ​ണ് .നൂ​റു​ക​ണ​ക്കി​നാ​ളു​ക​ൾ സ്ഫോ​ട​ന​ങ്ങ​ളി​ൽ കൊ​ല്ല​പ്പെ​ടു​ന്ന​തി​ന്റെ​യും ദേ​ഹ​ത്തി​ൽ വെ​ച്ചു​കെ​ട്ടി​യ ബോം​ബു​ക​ളു​മാ​യി കൗ​മാ​ര​ക്കാ​ർ സ്ഫോ​ട​നം ന​ട​ത്തി​യ​തി​ന്റെ​യും വാ​ർ​ത്ത​ക​ൾ​ കേ​ൾ​ക്കു​മ്പോ​ൾ, സ്ഫോ​ട​ന​ത്തി​ൽ ത​ക​ർ​ന്ന വീ​ടു​ക​ളി​ലും കെ​ട്ടി​ട​ങ്ങ​ളി​ലും മ​രി​ച്ചു കി​ട​ക്കു​ന്ന കു​ഞ്ഞു​ങ്ങ​ളു​ടെ​യും പ​ലാ​യ​നം ചെ​യ്യു​ന്ന കു​ടും​ബ​ങ്ങ​ളു​ടെ​യും ദൃ​ശ്യ​ങ്ങ​ൾ കാ​ണു​മ്പോ​ൾ, ഭീ​ക​ര​വാ​ദി​ക​ളെ തി​ര​യാ​നെ​ന്ന പേ​രി​ൽ ന​ട​ത്തു​ന്ന ഓ​പ​റേ​ഷ​നു​ക​ളി​ൽ ചി​ല പ്ര​ദേ​ശ​ങ്ങ​ൾ ത​ന്നെ ഇ​ല്ലാ​താ​കു​മ്പോ​ൾ ഈ ​കൂ​ട്ട​ക്കൊ​ല​ക​ൾ​ക്കെ​ല്ലാം പി​ന്നി​ൽ ആ​രാ​ണെ​ന്ന ചോ​ദ്യം ഞാ​ൻ എ​ന്നോ​ടു​ത​ന്നെ ചോ​ദി​ക്കാ​റു​ണ്ട്.

ഐ​സി​സ് എ​ന്ന പ​ദം തി​ക​ച്ചും അ​വ്യ​ക്ത​മാ​ണ് എ​ന്ന് തോ​ന്നു​ന്നു. ആ​രാ​ണ​ത് സ്ഥാ​പി​ച്ച​ത്? അ​വ​ർ​ക്ക് ഫ​ണ്ട് കൊ​ടു​ക്കു​ന്ന​താ​രാ​ണ്? കൃ​ത്യ​മാ​യി നി​ർ​ണ​യി​ച്ച ല​ക്ഷ്യ​ങ്ങ​ൾ പ്ര​കാ​രം ലോ​ക​ത്തി​ന്റെ ഒ​ര​റ്റം മു​ത​ൽ​നി​ന്ന് മ​റ്റൊ​ര​റ്റം വ​രെ, ഉ​ന്നം പി​ഴ​ക്കാ​ത്ത​വി​ധ​ത്തി​ൽ വ​ൻ​തോ​തി​ലു​ള്ള നാ​ശ​ങ്ങ​ൾ വ​രു​ത്തി​വെ​ക്കു​ന്ന​ത് ആ​രാ​ണ്? മ​നു​ഷ്യ​രു​ടെ അ​ടി​സ്ഥാ​ന​പ​ര​മാ​യ നി​ല​നി​ൽ​പ്പി​നെ അ​സ്വ​സ്ഥ​മാ​ക്കു​ന്ന ഈ ​മാ​ര​ക ത​ന്ത്ര​ങ്ങ​ൾ​ക്ക് പി​ന്നി​ലെ സൂ​ത്ര​ധാ​ര​ൻ ആ​രാ​ണ്?

അ​തി​ർ​ത്തി ഗാ​ന്ധി എ​ന്ന് നാം ​ആ​ദ​ര​പൂ​ർ​വം വി​ളി​ക്കു​ന്ന ഖാ​ൻ അ​ബ്ദു​ൽ ഗ​ഫാ​ർ ഖാ​ന്റെ ചെ​റു​മ​ക​ൻ അ​സ് ഫ​ന്ദ്യാ​ർ വാ​ലി ഖാ​ൻ, മു​മ്പ് ഒ​രു അ​ഭി​മു​ഖ​ത്തി​ൽ ഇ​ന്ന​ത്തെ ലോ​ക​ത്ത് വ​ർ​ധി​ച്ചു​വ​രു​ന്ന പ്ര​ക്ഷു​ബ്ധ​ത​യെ​ക്കു​റി​ച്ച് അ​തീ​വ ല​ളി​ത​മാ​യ ഒ​രു വി​ശ​ദീ​ക​ര​ണം ന​ൽ​കി​യി​രു​ന്നു.

ഒ​രു ഗ്രാ​മ​ത്തി​ൽ ര​ണ്ട് തെ​മ്മാ​ടി​ക​ൾ ഉ​ണ്ടെ​ങ്കി​ൽ വ​ലി​യ കു​ഴ​പ്പ​മി​ല്ല, എ​ന്തെ​ന്നാ​ൽ അ​വ​ന്മാ​ർ​ക്ക് ത​മ്മി​ൽ ത​ല്ലാ​നേ നേ​ര​മു​ണ്ടാ​വൂ. പ​ക്ഷേ, ഒ​രു തെ​മ്മാ​ടി മാ​ത്രം അ​വ​ശേ​ഷി​ച്ചാ​ൽ കാ​ര്യ​ങ്ങ​ൾ വ​ല്ലാ​ത്ത കു​ഴ​പ്പ​ത്തി​ലാ​വും. സ​മ​കാ​ലി​ക ലോ​ക​ത്തെ പ്ര​ശ്ന​വും അ​തു ത​ന്നെ​യാ​ണ്.

അ​ഫ്ഗാ​നി​സ്താ​നി​ൽ അ​ടി​ത്ത​റ സൃ​ഷ്ടി​ക്കാ​ൻ അ​മേ​രി​ക്ക​ക്കാ​ർ മ​ത​ത്തെ ഉ​പ​യോ​ഗി​ക്കു​ക​യാ​യി​രു​ന്നു. അ​തു​വ​രെ​യും അ​ഫ്ഗാ​നി​ക​ളു​ടെ പോ​രാ​ട്ട​ങ്ങ​ൾ മ​ത​ത്തെ ആ​സ്പ​ദ​മാ​ക്കി​യാ​യി​രു​ന്നി​ല്ല, ദേ​ശീ​യ​ത​യെ അ​ടി​സ്ഥാ​ന​മാ​ക്കി​യു​ള്ള​താ​യി​രു​ന്നു. 9 /11 ന്​ ​ശേ​ഷം ഇ​റാ​ഖി​ലെ​യും അ​ഫ്ഗാ​നി​സ്താ​നി​ലെ​യും അ​വ​സ്ഥ​ക​ൾ സ​മാ​ന​മാ​ണെ​ന്ന മ​ട്ടി​ൽ വി​ല​യി​രു​ത്ത​പ്പെ​ട്ടു, പ​ക്ഷേ അ​താ​യി​രു​ന്നി​ല്ല യാ​ഥാ​ർ​ഥ്യം.

നി​ർ​ഭാ​ഗ്യ​വ​ശാ​ൽ ഇ​സ്‍ലാ​മി​ന്റെ യ​ഥാ​ർ​ഥ സ​ത്ത​ക്ക് മേ​ലും ഈ ​അ​രാ​ജ​ക​ത്വ​ത്തി​ന്റെ നി​ഴ​ൽ പ​തി​ച്ചു. തൊ​ണ്ണൂ​റു​ക​ളു​ടെ തു​ട​ക്ക​ത്തി​ൽ അ​ഫ്ഗാ​ൻ-​പാ​കി​സ്താ​ൻ അ​തി​ർ​ത്തി​ക​ളി​ൽ സി.​ഐ.​എ ഒ​രു മ​റ​യാ​യി മ​ദ്റ​സ​ക​ളും മ​റ്റ് മ​ത​സ്ഥാ​പ​ന​ങ്ങ​ളും സ്ഥാ​പി​ച്ചി​രു​ന്നു എ​ന്ന​ത് ര​ഹ​സ്യ​മ​ല്ലാ​ത്ത വ​സ്തു​ത​യാ​ണ്.

ലി​ബി​യ​യു​ടെ മു​ൻ ഭ​ര​ണാ​ധി​കാ​രി കേ​ണ​ൽ മു​അ​മ്മ​ർ ഗ​ദ്ദാ​ഫി​യു​ടെ മ​ക​ൻ സൈ​ഫ് ഇ​ൽ ഇ​സ്‍ലാ​മി​നെ അ​ഭി​മു​ഖം ചെ​യ്ത വേ​ള​യി​ൽ പ​ടി​ഞ്ഞാ​റ​ൻ ശ​ക്തി​ക​ൾ അ​വ​ർ​ക്ക് ചാ​ർ​ത്തി​ക്കൊ​ടു​ത്തി​രി​ക്കു​ന്ന ഭീ​ക​ര​മു​ദ്ര​ക​ളെ​ക്കു​റി​ച്ച് ഞാ​ൻ ചോ​ദി​ച്ചി​രു​ന്നു. അ​ദ്ദേ​ഹം മ​റു​പ​ടി പ​റ​ഞ്ഞ​ത്: അ​തെ​ല്ലാം നി​ങ്ങ​ളു​ടെ കാ​ഴ്പ്പാ​ടു​ക​ൾ​ക്ക​നു​സൃ​ത​മാ​ണ് എ​ന്നാ​യി​രു​ന്നു.

പ​ല നാ​ടു​ക​ളി​ലെ​യും വി​മോ​ച​ന നാ​യ​ക​രെ തീ​വ്ര​വാ​ദി​ക​ളാ​യാ​ണ് ഗ​ണി​ച്ചി​രു​ന്ന​ത്, എ​ന്നാ​ൽ പി​ന്നീ​ട് അ​വ​ർ വീ​ര​നാ​യ​ക​രാ​യി മാ​റി. നെ​ൽ​സ​ൺ മ​ണ്ടേ​ല പ്ര​തി​സ​ന്ധി​യി​ൽ അ​ക​പ്പെ​ട്ട വേ​ള​യി​ൽ ഞ​ങ്ങ​ൾ അ​ദ്ദേ​ഹ​ത്തെ സ​ഹാ​യി​ച്ചു, മു​ഗാ​ബേ പ്ര​ശ്ന​ത്തി​ൽ​പെ​ട്ട​പ്പോ​ൾ അ​ദ്ദേ​ഹ​ത്തെ​യും സ​ഹാ​യി​ച്ചു- അ​തി​ന​ർ​ഥം ഞ​ങ്ങ​ൾ തീ​വ്ര​വാ​ദ ഗ്രൂ​പ്പു​ക​ളെ സ​ഹാ​യി​ച്ചു എ​ന്നാ​ണോ?! അ​വ​ർ ര​ണ്ടു​പേ​രും വി​മോ​ച​ന​പോ​രാ​ട്ട​ങ്ങ​ൾ ന​ട​ത്തി വീ​ര​നാ​യ​ക​രാ​യി ഉ​യ​ർ​ന്ന​വ​രാ​ണ് എ​ന്ന​ത് മ​റ​ക്ക​രു​ത്.

ഇ​റ്റ​ലി​യി​ൽ​നി​ന്ന് വി​മോ​ച​നം പ്രാ​പ്ത​മാ​ക്കാ​നു​ള്ള യു​ദ്ധ​ത്തി​ൽ ജ​ന​സം​ഖ്യ​യു​ടെ മു​ക്കാ​ൽ ഭാ​ഗ​മാ​ണ് എ​ന്റെ രാ​ജ്യ​ത്തി​ന്റെ ന​ഷ്ട​മാ​യ​ത്. ആ​യ​തി​നാ​ൽ പ്ര​ശ്ന​ങ്ങ​ളെ കൃ​ത്യ​മാ​യി മ​ന​സ്സി​ലാ​ക്കു​ക ... ഇ​തെ​ല്ലാം കാ​ഴ്ച​പ്പാ​ടു​ക​ളു​ടെ​യും പ്ര​തി​ച്ഛാ​യ​യു​ടെ​യും പ്ര​ശ്ന​ങ്ങ​ളാ​ണ്. ”

നോം ​ചോം​സ്‌​കി പ​റ​ഞ്ഞ​തു​പോ​ലെ, “റീ​ഗ​ന്റെ ഭ​ര​ണ​കാ​ല​യ​ള​വി​ൽ മാ​ത്രം, അ​മേ​രി​ക്ക സ്​​പോ​ൺ​സ​ർ ചെ​യ്ത ഭ​ര​ണ​കൂ​ട ഭീ​ക​ര​ർ ല​ക്ഷ​ക്ക​ണ​ക്കി​നാ​ളു​ക​ളെ പീ​ഡി​പ്പി​ക്കു​ക​യും ​കൊ​ല​പ്പെ​ടു​ത്തി മൃ​ത​ദേ​ഹ​ങ്ങ​ൾ വി​കൃ​ത​മാ​ക്കു​ക​യും ദ​ശ​ല​ക്ഷ​ക്ക​ണ​ക്കി​നാ​ളു​ക​ളെ അ​നാ​ഥ​രാ​ക്കു​ക​യും ചെ​യ്തു, നാ​ല് രാ​ജ്യ​ങ്ങ​ളെ അ​തീ​വ നാ​ശ​ത്തി​ലേ​ക്ക് ത​ള്ളി​യി​ട്ടു.

ഇ​തേ കാ​ല​യ​ള​വി​ൽ ത​ന്നെ പ​ടി​ഞ്ഞാ​റ​ൻ രാ​ജ്യ​ങ്ങ​ളു​ടെ പി​ന്തു​ണ​യോ​ടെ ദ​ക്ഷി​ണാ​ഫ്രി​ക്ക​യി​ൽ ന​ട​ത്തി​യ പെ​രും​കൊ​ള്ള​യി​ൽ 1.5 ദ​ശ​ല​ക്ഷം ആ​ളു​ക​ൾ കൊ​ല്ല​പ്പെ​ട്ടു. പ​ശ്ചി​മേ​ഷ്യ​യെ​ക്കു​റി​ച്ചോ മ​റ്റെ​ന്തെ​ങ്കി​ലും കാ​ര്യ​ങ്ങ​ളെ​ക്കു​റി​ച്ചോ ഞാ​ൻ പ​റ​യേ​ണ്ട​തി​ല്ല ...ഇ​തെ​ല്ലാം, ഭീ​ക​ര​ത​യു​ടെ ച​രി​ത്രാ​ഖ്യാ​ന​ത്തി​ൽ​നി​ന്ന് ല​ളി​ത​മാ​യ ഒ​രു ഉ​പാ​യ​ത്താ​ൽ ത​ട​യ​പ്പെ​ട്ടി​രി​ക്കു​ന്നു, രാ​ഷ്ട്രീ​യ വ്യ​വ​ഹാ​ര​ത്തി​ലെ മി​ക്ക പ്ര​യോ​ഗ​ങ്ങ​ൾ​ക്കു​മെ​ന്ന​പോ​ലെ ‘ഭീ​ക​ര​വാ​ദം’ എ​ന്ന പ​ദ​ത്തി​നും ര​ണ്ട് അ​ർ​ഥ​ങ്ങ​ളു​ണ്ട് - ഒ​ന്ന് അ​ക്ഷ​രാ​ർ​ഥ​ത്തി​ലു​ള്ള​ത്.

അ​ടു​ത്ത​ത് പ്രൊ​പ്പ​ഗ​ണ്ട​ക​ൾ​ക്കാ​യു​ള്ള​ത്. അ​മേ​രി​ക്ക​ക്കും അ​വ​രു​ടെ സു​ഹൃ​ത്തു​ക്ക​ൾ​ക്കും സ​ഖ്യ​ക​ക്ഷി​ക​ൾ​ക്കും എ​തി​രെ​യു​ള്ള ഭീ​ക​ര​ത​യാ​ണ് ഭീ​ക​ര​വാ​ദ​ം എ​ന്ന പ്രൊ​പ്പ​ഗ​ണ്ട​യാ​ണ് അ​മേ​രി​ക്ക പ​രി​പോ​ഷി​പ്പി​ക്കു​ക​യും പി​ന്തു​ട​രു​ക​യും ചെ​യ്യു​ന്ന​ത് എ​ന്ന് കൂ​ട്ടി​ച്ചേ​ർ​ക്കേ​ണ്ട​തി​ല്ല’’.