Begin typing your search above and press return to search.
exit_to_app
exit_to_app
Posted On
date_range 5 Nov 2023 5:51 AM GMT Updated On
date_range 6 Nov 2023 6:28 PM GMTകുട്ടികൾക്കായി തയ്യാറാക്കാം ചോക്ലേറ്റ് കുനാഫ
text_fieldsbookmark_border
തണുപ്പുള്ള ഡെസ്സേർട് ഇഷ്ടപ്പെടാത്തവർക്കും പ്രായമായാവർക്കും എല്ലാം തന്നെ കഴിക്കാൻ പറ്റുന്ന ഒരു മധുര വിഭവമാണ് കുനാഫ. കുനാഫെയിൽ നമുക്കിഷ്ടപ്പെട്ട ഫ്ളേവറുകൾ ഇട്ട് ചെയ്യാം. ചോക്ലേറ്റ് , പിസ്താ, ബിസ്കോഫി സ്ട്രോബെറി അങ്ങനെ അങ്ങനെ. ചോക്ലേറ്റ് ഇഷ്ടപ്പെടുന്നവർക്കു ഈ കുനാഫ ഏറെ പ്രിയമാവും.
ആവശ്യമുള്ളവ
- കതൈഫി (കുനാഫ മാവ്) – കാൽ കിലോ
- വെണ്ണ – മൂന്നു വലിയ സ്പൂൺ ഉരുക്കിയത്
- പാൽ – ഒരു കപ്പ്
- കോൺഫ്ളോർ – ഒരു വലിയ സ്പൂൺ
- ക്രീം – അരക്കപ്പ്
- ചീസ് ഗ്രേറ്റ് ചെയ്തത് – ഒരു കപ്പ്
- പഞ്ചസാര – ഒരു കപ്പ്
- വെള്ളം – അരക്കപ്പ്
- നാരങ്ങാനീര് – ഒരു ചെറിയ സ്പൂൺ
- കുക്കിങ് ചോക്ലേറ്റ് -1 കപ്പ് (ഡാർക്ക് ,വൈറ്റ്)
പാകം ചെയ്യുന്ന വിധം
- അവ്ൻ 1800C ൽ ചൂടാക്കിയിടുക.
- കുനാഫ മാവ് ഒരു പാത്രത്തിലാക്കി അതിൽ വെണ്ണ ചേർത്തു നന്നായി യോജിപ്പിക്കുക.
- മൂന്നാമത്തെ ചേരുവ യോജിപ്പിച്ച് അടുപ്പിൽ വച്ചു കുറുക്കുക. ഇത് ഏകദേശം കുറുകിയ ശേഷം അടുപ്പിൽ നിന്നു മാറ്റണം.
- ബേക്കിങ് പാനിൽ കുനാഫയുടെ മാവിന്റെ പകുതി അമർത്തി വച്ച ശേഷം അതിനു മുകളിൽ പാൽ മിശ്രിതം ഒഴിച്ച് ചീസ് വിതറുക.
- ഇതിനു മുകളിൽ ബാക്കി മാവ് അമർത്തി വച്ച ശേഷം ചൂടാക്കിയിട്ടിരിക്കുന്ന അവ്നിൽ വച്ച് 20–30 മിനിറ്റ് ബേക്ക് ചെയ്യണം. ഗോൾഡൻ നിറമാകുന്നതാണ് പാകം.
- പഞ്ചസാര വെള്ളം ചേർത്തു ചെറുതീയിൽ വച്ചു നന്നായി തിളപ്പിച്ച ശേഷം നാരങ്ങാനീര് ചേർക്കുക. ഇത് അഞ്ചു മിനിറ്റ് അടുപ്പിൽ വച്ച് സിറപ്പാക്കി എടുക്കണം. കുക്കിങ് ചോക്ലേറ്റ് ഡബിൾ ബോയിൽ ചെയ്തെടുത്തു ഗണാശ്ശേ ഉണ്ടാക്കി എടുക്കണം.
- തയാറാക്കിയ കുനാഫയിൽ സിറപ്പ് ഒഴിച്ച് ചോക്ലേറ്റ് ഗണാശ്ശേ മുകളിൽ ഒഴിച്ച് ടൂതു പിക്കു കൊണ്ട് നമുക്കിഷ്ടമുള്ള രീതീയിൽ അലങ്കരിച്ചു വിളമ്പാം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story