രുചികരം മാങ്കോ സൽസ

പഴുത്ത മാങ്ങയുടെ കാലമായി തുടങ്ങിയല്ലോ.ചെറിയ വിലക്കും ഇപ്പോൾ മാങ്ങ മാർക്കറ്റുകളിൽ ലഭ്യമാണ്.ഇത്‌ ഹെൽത്തിയും ആണ് കളർ ഫുള്ളും ആണ്.ഒരുപാട് ഗുണകണങ്ങൾ അടങ്ങിയ ഒരു സാലഡ് ആണിത്

ചേരുവകൾ

• പഴുത്ത മാങ്ങ- 3
• ചുവന്ന കാപ്സിക്കം-1
• സവോള- അരകപ്പ്
• മല്ലിയില- കാൽ കപ്പ്
• ചുവന്നമുളക്- 1
• നാരങ്ങ- 1
• ഉപ്പ്- ആവശ്യത്തിന്

തയാറാക്കുന്ന വിധം

ഒരു ബൗളിൽ മാങ്ങയും കാപ്സിക്കവും സവോളയും മല്ലിയിലയും മുളകും ചെറുതായി അരിഞ്ഞുവച്ചത് മിക്സ് ചെയ്യുക. ഇതിലേക്ക് ഒരുനാരങ്ങയുടെ നീര് മുഴുവൻ പിഴിഞ്ഞൊഴിക്കുക. ആവശ്യത്തിന് ഉപ്പിട്ട് വീണ്ടും ഇളക്കുക. പത്തുമിനിറ്റിനു ശേഷം ഉപയോ​ഗിക്കാം.