വേട്ടക്കൊരുങ്ങി റോയൽ എൻഫീൽഡ്​ ഹണ്ടർ; ഹോണ്ട ഹൈനസിന്​ എതിരാളിയാകും

റോയൽ എൻഫീൽഡ്​ നിരയിൽനിന്ന്​ മറ്റൊരു ബൈക്കുകൂടി നിരത്തിലിറങ്ങാൻ തയ്യാറായതായി സൂചന. നിർമാണം പൂർത്തിയായ ഹണ്ടർ ബൈക്കി​െൻറ ചിത്രങ്ങൾ സമൂഹമാധ്യമങ്ങളിൽ പ്രചരിച്ചിട്ടുണ്ട്​. പുതിയ തലമുറ ക്ലാസിക്​ 350ന്​​ പിന്നാലെയാകും ഹണ്ടർ നിരത്തിലെത്തുക. മെറ്റിയർ 350​െൻറ വമ്പിച്ച വിജയത്തിനുശേഷം തികഞ്ഞ ആത്മവിശ്വാസത്തിലാണ്​ റോയൽ എൻഫീൽഡ്​​. നിലവിൽ മെറ്റിയറി​െൻറ കാത്തിരിപ്പ് കാലാവധി ആറ്​ മാസമാണ്. ഹോണ്ടയുടെ ഹൈനസ്​ 350യുടെ എതിരാളിയായിരിക്കും ഹണ്ടർ എന്നാണ്​ ചിത്രങ്ങൾ നൽകുന്ന സൂചന. ​

നിയോ റെട്രോ സ്​റ്റൈലിലുള്ള വാഹനമാണിത്​. ഹണ്ടറി​െൻറ നിർമാണ നാമം വ്യത്യസ്​തമായിരിക്കാനും സാധ്യതയുണ്ട്​. ഷെർപ, ഷോട്ട്ഗൺ തുടങ്ങിയ പേരുകളും നിലവിൽ റോയൽ എൻഫീൽഡ്​ രജിസ്​റ്റർ ചെയ്​തിട്ടുണ്ട്​.വളരെ ഒതുക്കമുള്ള രൂപമാണ്​ ഹണ്ടറിനുള്ളത്​​. പ്രധാനമായും നഗര ഉപയോഗത്തിനായി രൂപകൽപ്പന ചെയ്​ത വാഹനമാണിത്​. ഓറഞ്ച് ടേൺ ഇൻഡിക്കേറ്ററുകളുള്ള ഹാലൊജൻ ഹെഡ്‌ലാമ്പാണ്​ മുന്നിൽ. ടെയിൽ ലൈറ്റ് എൽഇഡി യൂനിറ്റാണ്​. ടേൺ ഇൻഡിക്കേറ്ററുകൾ ഹാലൊജെൻ ആയിരിക്കും. ഹെഡ്‌ലൈറ്റും ടേൺ ഇൻഡിക്കേറ്ററുകളും ടെയിൽ ലൈറ്റും വൃത്താകൃതിയിലാണെന്നതും പ്രത്യേകതയാണ്​.

അനലോഗ് സ്​പീഡോമീറ്ററും ചെറിയ ഡിജിറ്റൽ സ്ക്രീനും ഓഡോമീറ്ററും വാഹനത്തിലുണ്ട്​. സീറ്റ് സിംഗിൾ-പീസ് യൂനിറ്റാണ്. എഞ്ചിൻ മാറ്റ് ബ്ലാക്ക് നിറത്തിലാണ്​ പൂർത്തിയാക്കിയിട്ടുള്ളത്​. മീറ്റിയോറിൽ കണ്ട 350 സി.സി എഞ്ചിനാണിത്. എയർ- ഓയിൽ കൂൾഡ് യൂനിറ്റ്​ 20.2 എച്ച്പി കരുത്തും 27 എൻഎം ടോർക്കും ഉത്പാദിപ്പിക്കും. അഞ്ച്​ സ്പീഡ് ആണ്​ ഗിയർബോക്​സും മുന്നിലും പിന്നിലും ഡിസ്​ക്​ ബ്രേക്കുകളും ചെറിയ മഡ്​ഗാർഡുകളും ഹണ്ടറിന്​ ആകർഷകമായി രൂപഭംഗി നൽകുന്നുണ്ട്​.