ജനവിധി: വോ​ട്ടെണ്ണൽ തത്സമയം

കേന്ദ്ര മന്ത്രി വി. മുരളീധരന്‍റെ വാർഡിൽ എൽ.ഡി.എഫ് ജയം

കേന്ദ്ര മന്ത്രി വി. മുരളീധരന്‍റെ വാർഡിൽ എൽ.ഡി.എഫ് ജയം. ഉള്ളൂർ വാർഡിൽ എൽ.ഡി.എഫിലെ ആതിര എൽ.എസ്. 433 വോട്ടിനാണ് ജയിച്ചത്.

തിരുവനന്തപുരത്തെ ആളൊഴിഞ്ഞ കെ.പി.സി.സി ഓഫീസ്

മാണിയെ ചതിച്ചവർക്കുള്ള മറുപടിയാണ് കേരള കോൺഗ്രസിന്‍റെ വിജയമെന്ന് ജോസ് കെ. മാണി

മാണിയെ ചതിച്ചവർക്കുള്ള മറുപടിയാണ് കേരള കോൺഗ്രസിന്‍റെ വിജയമെന്ന് ജോസ് കെ. മാണി. കേരള കോൺഗ്രസിന്‍റെ പാർട്ടിയെ തകർക്കാൻ പലരും ശ്രമിച്ചു.സംസ്ഥാനത്ത് വലിയ രാഷ്ട്രീയ മാറ്റം ഉണ്ടാകുമെന്നും ജോസ്.  

കോഴിക്കോട്​ എൽ.ഡി.എഫ്​ ആഹ്ലാദ ​പ്രകടനം

കൊല്ലം കോർപറേഷൻ എൽ.ഡി.എഫിന്​

കൊല്ലം കോർപറേഷനിൽ എൽ.ഡി.എഫ്​ ഭരണം നിലനിർത്തും. 55 ഡിവിഷനുകളിൽ 31 എണ്ണത്തിലും എൽ.ഡി.എഫ്​ വിജയിച്ചു. യു.ഡി.എഫ്​ എട്ടു ഡിവിഷനുകളിലും ബി.ജെ.പി ആറു ഡിവിഷനുകളിലും എസ്​.ഡി.പി.ഐ ഒരു സീറ്റിലും വിജയിച്ചു.

വി.വി. രാജേഷിന്​ വിജയം

തിരുവനന്തപുരം കോർപറേഷനിൽ പൂജപ്പുര വാർഡിൽ ബി.ജെ.പി ജില്ലാ പ്രസിഡൻറ്​ വി.വി. രാജേഷ്​ ജയിച്ചു. ബി.ജെ.പിയുടെ സിറ്റിങ്​ സീറ്റായിരുന്നു. 

കൊച്ചി കോർപറേഷനിൽ യു.ഡി.എഫിന്‍റെ ദീപ്തി മേരി വർഗീസിന് ജയം

കൊച്ചി കോർപറേഷനിൽ യു.ഡി.എഫിന്‍റെ ദീപ്തി മേരി വർഗീസിന് ജയം. ഭൂരിപക്ഷം കിട്ടിയാൽ ദീപ്തി മേരി വർഗീസ് മേ‍യറായേക്കും. യു.ഡി.എഫിന്‍റെ മേയർ സ്ഥാനാർഥികളായ എൻ. വേണുഗോപാലും ഡെപ്യൂട്ടി മേയർ കെ.ആർ. പ്രേംകുമാറും പരാജയപ്പെട്ടിരുന്നു. 

കൊച്ചി കോർപറേഷനിൽ യു.ഡി.എഫിന്‍റെ മേയർ സ്ഥാനാർഥികൾ തോറ്റു

കൊച്ചി കോർപറേഷനിൽ യു.ഡി.എഫിന്‍റെ മേയർ സ്ഥാനാർഥികൾ തോറ്റു. എൻ. വേണുഗോപാലും ഡെപ്യൂട്ടി മേയർ കെ.ആർ. പ്രേംകുമാറുമാണ് തോറ്റത്. 

‘കോൺഗ്രസിന്​ സർജറി വേണം’ -ടി.എൻ. പ്രതാപൻ

കോൺഗ്രസിൽ സർജറി വേണമെന്ന്​ ലോക്​സഭ എം.പി ടി.എൻ പ്രതാപൻ. കോണഗ്രസിൽ ആവശ്യമായിടത്ത്​ ശസ്​ത്രക്രിയ വേണമെന്നായിരുന്നു പ്രതാപ​െൻറ പ്രസ്​താവന.

കോട്ടയം ജില്ലാ പൂഞ്ഞാർ ഡിവിഷനിൽ ഷോൺ ജോർജിന് ലീഡ്

കോട്ടയം ജില്ലാ പഞ്ചായത്ത് പൂഞ്ഞാർ ഡിവിഷനിൽ ഷോൺ ജോർജ് ലീഡ് ചെയ്യുന്നു. ജനപക്ഷം നേതാവ് പി.സി. ജോർജ് എം.എൽ.എയുടെ മകനാണ് ഷോൺ.