വീറോടെ രണ്ടാംഘട്ടം; വയനാട്ടിൽ കുതിപ്പ്, കോട്ടയം പിന്നിൽ
text_fields
പാലയൂരിൽ കോവിഡ് ബാധിതരായ ദമ്പതികൾ വോട്ട് ചെയ്യാനെത്തിയപ്പോൾ
തിരുവനന്തപുരം: തദ്ദേശ തെരഞ്ഞെടുപ്പിെൻറ രണ്ടാംഘട്ടത്തിലും ജനം കോവിഡിെന അവഗണിച്ച് ആവേശത്തോടെ വോട്ട് ചെയ്തു. കോട്ടയം, എറണാകുളം, തൃശൂർ, പാലക്കാട്, വയനാട് ജില്ലകളിൽ 76.38 ശതമാനമാണ് പോളിങ്. 2015ൽ 78.74 ശതമാനമായിരുന്നു. അത് മറികടന്നിെല്ലങ്കിലും മഹാമാരി കാലത്ത് മികച്ചതെന്നാണ് വിലയിരുത്തൽ. സംസ്ഥാനത്തുതന്നെ ഏറ്റവും ഉയർന്ന പോളിങ് കഴിഞ്ഞ തവണ രേഖപ്പെടുത്തിയ വയനാട് ഇക്കുറിയും കുതിപ്പ് ആവർത്തിച്ചു. കുറവ് കോട്ടയത്താണ്. കൊച്ചി, തൃശൂർ കോർപറേഷനുകളിൽ പോളിങ് കുറഞ്ഞു.
പ്രിസൈഡിങ് ഒാഫിസർമാരുടെ ഡയറിയിലെ വിവരം കൂടി വരുേമ്പാൾ കണക്കിൽ നേരിയ മാറ്റം വരാം. ഒന്നാംഘട്ടത്തിൽ അഞ്ച് തെക്കൻ ജില്ലകളിൽ 73.13 ശതമാനം പേർ വോട്ട് ചെയ്തിരുന്നു.
ജില്ലകളിലെ പോളിങ് ശതമാനം: (2015ലെ പോളിങ് ശതമാനം ബ്രാക്കറ്റിൽ). കോട്ടയം 73.92 (78.3), എറണാകുളം 77.13 (78.5), തൃശൂർ 75.05 (76.5), പാലക്കാട് 78.01 (78.9), വയനാട് 79.51 (81.5).
കോർപറേഷനുകളിലെ പോളിങ് ശതമാനം: (2015ലെ ശതമാനം ബ്രാക്കറ്റിൽ). കൊച്ചി 62.01 (69.62), തൃശൂർ 63.77 (71.88). ലഭ്യമായ കണക്ക് പ്രകാരം ഒരു ജില്ലയിലും പോളിങ് 2015 നെ മറികടന്നില്ല. തുടക്കം മുതൽ വോട്ട് ചെയ്യാൻ വൻ തിരക്കായിരുന്നു. ചുരുക്കം ചില ബൂത്തുകളിൽ യന്ത്രത്തകരാർ മൂലം വോെട്ടടുപ്പ് വൈകി.
ആദ്യ ഒരു മണിക്കൂറിൽ 6.50 ശതമാനം പേർ വോട്ട് ചെയ്തു. ഉച്ചക്ക് ഒന്നിന് 52.04 ശതമാനമെത്തി. അവസാന സമയങ്ങളിൽ കോവിഡ് രോഗികളും സമ്പർക്ക വിലക്കിലായവരും പി.പി.ഇ കിറ്റ് അണിഞ്ഞ് വോട്ട് ചെയ്തു. ഇൗരാറ്റുപേട്ട (85.35 ശതമാനം), മൂവാറ്റുപുഴ, പെരുമ്പാവൂർ, നോർത്ത് പറവൂർ, അങ്കമാലി, ഏലൂർ, ചിറ്റൂർ തത്തമംഗലം, ചെർപ്പുളശ്ശേരി, മാനന്തവാടി മുനിസിപ്പാലിറ്റികളിൽ 80 ശതമാനത്തിലേറെ പോളിങ് രേഖപ്പെടുത്തി.
വയനാട്ടിൽ തെരഞ്ഞെടുപ്പ് ഡ്യൂട്ടിക്കിടെ പൊലീസുകാരൻ കുഴഞ്ഞുവീണു മരിച്ചു. കൽപറ്റ എ.ആർ ക്യാമ്പിലെ സീനിയർ സിവിൽ പൊലീസ് ഓഫിസർ വാകേരി മടൂർ കരുണാകരൻ (45) ആണ് മരിച്ചത്. വയനാട്ടിലും എറണാകുളത്തും ഓരോ വോട്ടർമാരും കുഴഞ്ഞു വീണുമരിച്ചു.
| ജില്ല | പോളിങ് ശതമാനം |
| കോട്ടയം | 73.92 % |
| എറണാകുളം | 77.13 % |
| തൃശൂർ | 75.05 % |
| പാലക്കാട് | 78.01 % |
| വയനാട് | 79.51 % |
| ആകെ | 76.38 % |
കൊച്ചി കോർപറേഷൻ = 60.04 %, തൃശൂർ കോർപറേഷൻ= 62.19 %
ഒന്നാംഘട്ട വോട്ടെടുപ്പിലെ ശതമാനം = 73.12
Live Updates
- 10 Dec 2020 5:22 AM GMT
എറണാകുളം ജില്ല - പോളിംഗ് ശതമാനം - 26.04 (10.35 am)
കൊച്ചി കോർപ്പറേഷൻ*- 18.75
നഗരസഭകൾ
കൂത്താട്ടുകുളം - 34.38
തൃപ്പൂണിത്തുറ - 22.67
മുവാറ്റുപുഴ - 32.07
കോതമംഗലം - 26.24
പെരുമ്പാവൂർ - 29.96
ആലുവ - 32.07
കളമശേരി - 24.36
നോർത്ത് പറവൂർ - 28.34
അങ്കമാലി - 27.97
ഏലൂർ - 30.75
തൃക്കാക്കര - 21.51
മരട് - 26.84
പിറവം - 28.45
10 Dec 2020 4:52 AM GMTമാള ഗ്രാമ പഞ്ചായത്ത്‌ വാർഡ് 18, വടമ സിവിൽ സ്റ്റേഷനിലെ ഒന്നാം നമ്പർ ബൂത്തിൽ തകരാറിലായ കൺട്രോൾ യൂണിറ്റ് മാറ്റി സ്ഥാപിച്ചു. വോട്ടിങ്ങിൽ തകരാറ് കാണിച്ച കൺട്രോൾ യൂണിറ്റ് മാറ്റിസ്ഥാപിച്ചതിനെ തുടർന്ന് വോട്ടിങ്ങ് സാധാരണ ഗതിയിലായി.
- 10 Dec 2020 4:35 AM GMT
നഗരസഭകളിലെ പോളിംഗ് ശതമാനം (രാവിലെ 9.15 വരെ)
കോട്ടയം
കോട്ടയം - 16.39
വൈക്കം -16.74
ചങ്ങനാശേരി -15.45
പാല-17.19
ഏറ്റുമാനൂർ -15.49
ഈരാറ്റുപേട്ട -18.23
എറണാകുളം
തൃപ്പൂണിത്തുറ - 14.52
മുവാറ്റുപുഴ - 20.92
കോതമംഗലം - 16.07
പെരുമ്പാവൂർ - 18.48
ആലുവ - 20.84
കളമശേരി - 15.03
നോർത്ത് പറവൂർ - 18.80
അങ്കമാലി- 16.81
ഏലൂർ - 19.43
തൃക്കാക്കര - 14.20
മരട് - 17.03
പിറവം - 18.82
കൂത്താട്ടുകുളം - 21.76
തൃശൂർ
ഇരിങ്ങാലക്കുട - 13.81
കൊടുങ്ങല്ലൂർ - 13.77
കുന്നംകുളം - 14.00
ഗുരുവായൂർ- 15.35
ചാവക്കാട് - 15.13
ചാലക്കുടി -14.85
വടക്കാഞ്ചേരി- 14.79
പാലക്കാട്
ഷൊർണ്ണൂർ - 14.87
ഒറ്റപ്പാലം - 14.06
ചിറ്റൂർ തത്തമംഗലം- 18.74
പാലക്കാട് - 13.61
മണ്ണാർക്കാട് - 16.85
ചെർപ്പുളശേരി -15.52
പട്ടാമ്പി -19.37
വയനാട്
മാനന്തവാടി - 16.60
സുൽത്താൻ ബത്തേരി - 16.82
കൽപ്പറ്റ -19.89
- 10 Dec 2020 4:17 AM GMT
ജനങ്ങൾ അസ്വസ്ഥർ, തെരഞ്ഞെടുപ്പ് ജനാധിപത്യത്തിന്‍റെ വിജയമാകണമെന്ന് ജി. സുകുമാരന്‍ നായര്‍
ജി സുകുമാരൻ നായർ
കോട്ടയം: രാഷ്ട്രീയ വിവാദങ്ങൾ തദ്ദേശ തെരഞ്ഞെടുപ്പിനെ സ്വാധീനിക്കുമെന്ന് എൻ.എസ്.എസ് ജനറല്‍ സെക്രട്ടറി ജി. സുകുമാരൻ നായർ. തെരഞ്ഞെടുപ്പ് ഫലത്തിൽ ഇത് പ്രതിഫലിക്കും. ജനങ്ങൾ അസ്വസ്ഥരാണ്. അതുകൊണ്ടുതന്നെ ഈ തെരഞ്ഞെടുപ്പ് ജനാധിപത്യത്തിന്‍റെ വിജയമാകണമെന്നും സുകുമാരന്‍ നായര്‍ പറഞ്ഞു.
അതേസമയം എൽ.ഡി.എഫിന് മികച്ച ഭൂരിപക്ഷം ലഭിക്കുമെന്ന് വോട്ട് ചെയ്ത ശേഷം മന്ത്രി എ.സി മൊയ്തീന്‍ പ്രതികരിച്ചു. സർക്കാർ തുടരണമെന്ന ജനങ്ങളുടെ ആഗ്രഹം ജയിക്കും. യു.ഡി.എഫിനകത്ത് കലാപമാണ്. ഐക്യമില്ലാത്തവർ എങ്ങനെ തദ്ദേശ സ്ഥാപനങ്ങൾ ഭരിക്കും. അവിശുദ്ധ സഖ്യമുണ്ടാക്കുന്ന യു.ഡി.എഫിനും ബി.ജെ.പിക്കും തിരിച്ചടിയുണ്ടാകും.
വടക്കാഞ്ചേരി ഫ്ലാറ്റിനെ ചൊല്ലിയുള്ളത് അനാവശ്യ വിവാദമാണ്. വീട് മുടക്കുന്നവർക്കല്ല കൊടുക്കുന്നവർക്കാണ് വോട്ട് ലഭിക്കുകയെന്നും മന്ത്രി അവകാശപ്പെട്ടു. എൽ.ഡി.എഫ് മികച്ച ഭൂരിപക്ഷത്തിൽ ജയിക്കുമെന്ന് മന്ത്രിമാരായ സി.രവീന്ദ്രനാഥും വി.എസ് സുനില്‍ കുമാറും പ്രതികരിച്ചു. സർക്കാരിന്‍റെ പ്രവർത്തനങ്ങളുടെ വിലയിരുത്തലാകും തെരഞ്ഞെടുപ്പ് ഫലമെന്നും രവീന്ദ്രനാഥ് പറഞ്ഞു.
- 10 Dec 2020 4:09 AM GMT
ഏഴിന് മുമ്പ് വോട്ട് ചെയ്തെന്ന്; മന്ത്രി മൊയ്തീനെതിരെ പരാതിയുമായി അനിൽ അക്കര എം.എൽ.എ
തൃശൂർ: വോട്ടെടുപ്പ് ആരംഭിക്കുന്ന ഏഴ് മണിക്ക് മുമ്പ് മന്ത്രി എ.സി മൊയ്തീന്‍ വോട്ട് രേഖപ്പെടുത്തിയെന്ന് പരാതി. മന്ത്രിയുടെ നടപടി ചട്ടവിരുദ്ധമാണെന്ന് ചൂണ്ടിക്കാട്ടി അനില്‍ അക്കര എം.എല്‍.എ രംഗത്തെത്തി. പോളിങ്ങ് ഔദ്യോഗികമായി തുടങ്ങുന്നതിന് മുമ്പ് തന്നെ മന്ത്രി വോട്ട് ചെയ്തുവെന്നാണ് പരാതി. ഇതുമായി ബന്ധപ്പെട്ട് തിരഞ്ഞെടുപ്പ് കമ്മീഷനെ സമീപിക്കുമെന്നും അനില്‍ അക്കരെ വ്യക്തമാക്കി.
രാവിലെ ഏഴ് മുതല്‍ വൈകുന്നേരം ആറ് വരെയാണ് പോളിങ്ങിന്‍റെ ഔദ്യോഗിക സമയം. അതിന് മുമ്പ് വോട്ട് രേഖപ്പെടുത്തുന്നത് ചട്ടവിരുദ്ധമാണ്. മന്ത്രി എ.സി മൊയ്തീന്‍ രാവിലെ 6.56ന് വോട്ട് ചെയ്തുവെന്നാണ് അനില്‍ അക്കരെയുടെ പരാതി. തെക്കുംതറ കല്ലംമ്പാറ ബൂത്തിലാണ് മന്ത്രി വോട്ട് രേഖപ്പെടുത്തിയത്. യു.ഡി.എഫ് തിരഞ്ഞെടുപ്പ് ഏജന്‍റ് പോളിങ്ങ് ഓഫിസര്‍ക്ക് പരാതിനല്‍കിയിട്ടുണ്ട്.
പ്രിസൈഡിങ് ഓഫിസര്‍ ക്ഷണിച്ചിട്ടാണ് വോട്ട് രേഖപ്പെടുത്തിയത്. ഇതില്‍ വിശദീകരണം നല്‍കേണ്ടത് അവരാണെന്നാണ് വിവാദത്തില്‍ മന്ത്രിയുടെ ഓഫിസിന്‍റെ പ്രതികരണം.
- 10 Dec 2020 3:40 AM GMT
മമ്മൂട്ടിയുടെ വോട്ട് അനിശ്ചിതത്വത്തിൽ
കഴിഞ്ഞ ലോക്സഭാ തെരഞ്ഞെടുപ്പിൽ വോട്ട് ചെയ്ത ശേഷം മഷിപുരട്ടിയ വിരൽ കാണിക്കുന്ന മമ്മൂട്ടി
കൊച്ചി: വോട്ടർപട്ടികയിൽ പേരില്ലാത്തതിനാൽ നടൻ മമ്മൂട്ടിയുടെ വോട്ട് അനിശ്ചിതത്വത്തിൽ. നേരത്തേ പനമ്പിള്ളി നഗറിൽനിന്ന് കടവന്ത്രയിലേക്ക് മമ്മൂട്ടി താമസം മാറിയിരുന്നു. ഇതേതുടർന്ന് പനമ്പിള്ളി നഗറിലെ വോട്ടർ പട്ടികയിൽ മമ്മൂട്ടിയുടെ പേര് ഇല്ലാത്തതാണ് അനിശ്ചിതത്വത്തിന് കാരണം.
ഷൂട്ടിങ് തിരക്കുകൾക്കിടയിലും വോട്ട് രേഖപ്പെടുത്താനായി മമ്മൂട്ടി എത്താറുണ്ടായിരുന്നു. ബുധനാഴ്ച വോട്ടർ പട്ടിക പരിശോധിച്ചപ്പോഴാണ് മമ്മൂട്ടിയുടെ പേര് പട്ടികയിലില്ലെന്ന കാര്യം വ്യക്തമായത്. പനമ്പള്ളി നഗറിലെ സ്കൂളിലാണ് എല്ലാ തിരഞ്ഞെടുപ്പിനും മമ്മൂട്ടി വോട്ട് ചെയ്യാൻ എത്താറുള്ളത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
