കിടപ്പുരോഗികളെ പരിചരിക്കുമ്പോൾ ഇക്കാര്യങ്ങൾ ശ്രദ്ധിക്കാം

കിടപ്പു രോഗികളെ പരിചരിക്കുമ്പോൾ ശ്രദ്ധിക്കേണ്ട കാര്യങ്ങളെന്തൊക്കെ?. രോഗിയെ പ്രയാസപ്പെടുത്താതെ വേണം പരിചരണം

സ്വയം പ​രി​ച​ര​ണം അ​സാ​ധ്യ​മാ​യ കി​ട​പ്പു​രോ​ഗി​ക​ളെ​യും ദീ​ർ​ഘ കാ​ല രോ​ഗി​ക​ളെ​യും വീ​ട്ടി​ലെ സാ​ഹ​ച​ര്യ​ങ്ങ​ളും സൗ​ക​ര്യ​ങ്ങ​ളും ഉ​പ​യോ​ഗി​ച്ച് പ​ര​മാ​വ​ധി ആ​ശ്വാ​സം ല​ഭി​ക്കു​ന്ന രീ​തി​യി​ൽ പ​രി​ച​രി​ക്കാ​ൻ കു​ടും​ബാം​ഗ​ങ്ങ​ളെ സ​ഹാ​യി​ക്കു​ന്ന ചി​ല പ​രി​ച​ര​ണ രീ​തി​ക​ളാ​ണ് താ​ഴെ പ​റ​യു​ന്ന​ത്

എ​ല്ലാ പ​രി​ച​ര​ണ​ങ്ങ​ളും ചെ​യ്യു​മ്പോ​ഴും എ​ന്താ​ണ് ചെ​യ്യാ​ൻ പോ​കു​ന്ന​ത് എ​ന്ന് രോ​ഗി​യോ​ട് പ​റ​ഞ്ഞ്​ മ​ന​സ്സി​ലാ​ക്കേ​ണ്ട​താ​ണ്.

വാ​യ​യു​ടെ പ​രി​ച​ര​ണം

ശ​രീ​ര​ത്തിന്‍റെ പ്ര​ധാ​ന പ്ര​വേ​ശ​ന ക​വാ​ട​ങ്ങ​ളി​ൽ ഒ​ന്നാ​ണ് വാ​യ. അ​ന്ന​നാ​ളം, ശ്വാ​സ​നാ​ളം, മൂ​ക്ക്, ചെ​വി ഉ​മി​നീ​ർ​ന്ഥി​ക​ൾ എ​ന്നി​വ​യി​ലേ​ക്ക് വാ​യയി​ൽനി​ന്ന്​ പ്ര​വേ​ശ​ന ദ്വാ​ര​ങ്ങ​ളു​ണ്ട് . ആ​യ​തി​നാ​ൽ വാ​യ​യു​ടെ പ​രി​ച​ര​ണം വ​ള​രെ അ​ത്യാ​വ​ശ്യ​വും പ്ര​ധാ​ന​വു​മാ​ണ്.

രാ​വി​ലെ​യും രാ​ത്രി​യും വാ​യ വൃ​ത്തി​യാ​ക്കു​ക. സാ​ധാ​ര​ണ​പോ​ലെ ബോ​ധ​മു​ള്ള രോ​ഗി​യാ​ണെ​ങ്കി​ൽ ബ്ര​ഷും പേ​സ്റ്റും ഉ​പ​യോ​ഗി​ച്ച് പ​ല്ല് മോ​ണ നാ​വ് ക​വി​ൾ എ​ല്ലാം വൃ​ത്തി​യാ​ക്കി കു​ലു​ക്കി തു​പ്പി​യാ​ൽ മ​തി​യാ​വും. അ​തി​നു​വേ​ണ്ടി ഒ​രു ബേ​സി​ൻ ഉ​പ​യോ​ഗി​ക്കാ​വു​ന്ന​താ​ണ്. രോ​ഗി​യു​ടെ ക​ഴു​ത്തി​ൽ ഒ​രു ട​വ്വ​ൽ വി​രി​ച്ച് വെ​ച്ചാ​ൽ മ​റ്റു ഭാ​ഗ​ങ്ങ​ളി​ൽ ആ​വു​ന്ന​ത് ത​ട​യാം.

വാ​യ തു​റ​ക്കാ​ൻ പ​റ്റാ​ത്ത ആ​ളാ​ണെ​ങ്കി​ൽ ഒ​രു ബ്ര​ഷിൽ തു​ണി ചു​റ്റി വാ​യ തു​റ​ന്ന് കി​ട​ക്കാ​ൻ പാ​ക​ത്തി​ന് അ​ണ​പ്പ​ല്ലിന്‍റെ ഇ​ട​യി​ൽ വ​യ്ക്കു​ക. അ​തി​നു​ശേ​ഷം മ​റ്റൊ​രു ബ്ര​ഷിന്‍റെ നാ​രു​ള്ള ഭാ​ഗ​ത്തുനി​ന്ന് തു​ട​ങ്ങി താ​ഴെ വ​രെ തു​ണി ചു​റ്റി​പ്പി​ടി​ച്ച് പ​ല്ല് മോ​ണ ക​വി​ൾ നാ​വ് എ​ല്ലാം വൃ​ത്തി​യാ​ക്ക​ണം.

അ​ഴു​ക്കാ​വു​ന്ന​തി​ന​നു​സ​രി​ച്ച് തു​ണി മാ​റ്റി ഉ​പ​യോ​ഗി​ക്ക​ണം. വാ​യ വ​ര​ൾ​ച്ച ഉ​ണ്ടെ​ങ്കി​ൽ ഉ​പ്പു​വെ​ള്ള​ത്തി​ൽ ഒ​രു തു​ള്ളി നാ​ര​ങ്ങാ​നീ​ര് ചേ​ർ​ത്താ​ൽ ഉ​മി​നി​യ​ർ ഗ്ര​ന്ഥി​യെ ഉ​ത്തേ​ജി​പ്പി​ക്കാ​ൻ സാ​ധി​ക്കും. മോ​ണ​യി​ൽനി​ന്ന് ര​ക്തം വ​രു​ന്നു​ണ്ടെ​ങ്കി​ൽ ഐ​സ് വെ​ള്ള​ത്തി​ൽ മു​ക്കി​യ തു​ണി ഉ​പ​യോ​ഗി​ച്ച് അ​വി​ടെ അ​മ​ർ​ത്തി​പ്പി​ടി​ക്കു​ക.

കു​ളി​പ്പി​ക്കു​ന്ന വി​ധം

കു​ളി​മു​റി​യി​ൽ എ​ത്തി​ക്കാ​നും ഇ​രു​ത്ത​ാനും ക​ഴി​യു​ന്ന ആ​ളാ​ണെ​ങ്കി​ൽ സാ​ധാ​ര​ണ പോ​ലെ രോ​ഗി​ക്ക് ബു​ദ്ധി​മു​ട്ടി​ല്ലാ​തെ കു​ളി​പ്പി​ക്കാ​വു​ന്ന​താ​ണ്. മ​റി​ച്ചാ​ണെ​ങ്കി​ൽ അ​ത്ത​രം ആ​ളു​ക​ളെ ദി​വ​സ​വും ന​ന​ച്ചു തു​ട​പ്പി​ക്കു​ക. ഒ​രു റ​ബ​ർ /പ്ലാ​സ്റ്റി​ക് ഷീ​റ്റി​ൽ രോ​ഗി​യെ കി​ട​ത്തി​യ​ശേ​ഷം ഇ​ളം ചൂ​ടു​വെ​ള്ള​ത്തി​ൽ തു​ണി മു​ക്കി ശ​രീ​ര​ഭാ​ഗ​ങ്ങ​ൾ മു​ഖം തു​ട​ങ്ങി മു​ഴു​വ​ൻ ഭാ​ഗ​വും തു​ട​ക്കു​ക.

പി​ന്നീ​ട് സോ​പ് പ​ത​പ്പി​ച്ചു എ​ല്ലാ​ഭാ​ഗ​ത്തും തേ​ക്കു​ക. ശേ​ഷം ശു​ദ്ധ ജ​ലം കൊ​ണ്ടു ഒ​ന്ന് ര​ണ്ടു ത​വ​ണ​കൂ​ടി പൂ​ർ​ണ​മാ​യും തു​ട​ച്ച​ശേ​ഷം ഉ​ണ​ങ്ങി​യ തു​ണി കൊ​ണ്ടു ശ​രീ​രം ഒ​പ്പി​യെ​ടു​ക്കാം. വെ​ള്ളം എ​ത്താ​ൻ സാ​ധ്യ​ത ഇ​ല്ലാ​ത്ത ഭാ​ഗ​ങ്ങ​ൾ മ​ട​ക്കു​ക​ൾ, ചെ​വി, ക​ണ്ണ്, മൂ​ക്, വി​ര​ലു​ക​ൾ, ഗു​ഹ്യ ഭാ​ഗം, പൊ​ക്കി​ൾ, തു​ട​യി​ടു​ക്കു​ക​ൾ പ്രത്യേ​കം വൃ​ത്തി​യാ​ക്ക​ണം.

അ​തി​നു ശേ​ഷം വാ​സ​ലി​ൻ, ലി​ക്യു​ഡ്പ​രാ​ഫി​ൻ പോ​ലു​ള്ള മൊ​യ്സ്ച്ചു​റൈ​സേ​ർ പു​ര​ട്ടി ശ​രീ​രം മൊ​ത്തം വ​ട്ട​ത്തി​ൽ മൃ​ദു വാ​യി മ​സാ​ജ് ചെ​യ്യു​ക. ചെ​റി​യ തു​ണി മ​ട​ക്കിയെ​ടു​ത്ത് മ​ട​ക്കു​ക​ളി​ൽ വെ​ച്ച് കൊ​ടു​ത്താ​ൽ തൊ​ലി ത​മ്മി​ലു​ര​ഞ്ഞു പൊ​ട്ടു​ന്ന​തും അ​ഴു​കു​ന്ന​തും ത​ട​യാം.

ത​ല​മു​ടി ക​ഴു​കു​ന്ന​തി​നാ​യി ക​ട്ടി​ലി​ൽ പ്ലാ​സ്റ്റി​ക് ഷീ​റ്റ് വി​രി​ച്ച് രോ​ഗി​യെ ക​ട്ടി​ലി​ന് അ​റ്റ​ത്തേ​ക്ക് ത​ല വ​രു​ന്ന രീ​തി​യി​ൽ കി​ട​ത്തു​ക റ​ബ്ബ​ർ ഷീ​റ്റിന്‍റെ ഒ​രു ഭാ​ഗം ക​ട്ടി​ലി​ന് താ​ഴെ ഒ​രു ബ​ക്ക​റ്റ് വെ​ച്ച് അ​തി​ലേ​ക്ക് ഇ​റ​ക്കി വെ​ക്കു​ക. രോ​ഗി​ക്ക് ക​ഴു​ത്ത് വേ​ദ​ന ഇ​ല്ലാ​തി​രി​ക്കാ​ൻ ഒ​രു തു​ണി മ​ട​ക്കി ക​ഴു​ത്തി​ന​ടി​യി​ൽ വെ​ച്ചു കൊ​ടു​ക്കു​ക.

റ​ബ്ബ​ർ ഷീ​റ്റിന്‍റെ ഇ​രു​വ​ശ​വും പൊ​ക്കി വെ​ച്ചാ​ൽ മ​റ്റു ഭാ​ഗ​ങ്ങ​ളി​ലേ​ക്ക് വെ​ള്ളം ആ​വു​ന്ന​ത് ത​ട​യാം. ചെ​വി​ക​ൾ കോ​ട്ട​ൺ വ​ച്ച് അ​ട​ക്കു​ക. ക​ണ്ണു​ക​ൾ ഒ​രു ട​വ്വ​ൽ ഉ​പ​യോ​ഗി​ച്ച് മൂ​ടു​ക ത​ല​യും മു​ടി​യും ന​ന​ച്ച ശേ​ഷം ഷാം​പൂ/​താ​ളി ഉ​പ​യോ​ഗി​ച്ച് ന​ന്നാ​യി ക​ഴു​കു​ക. ട​വ്വ​ൽ ഉ​പ​യോ​ഗി​ച്ച് തു​ട​ച്ച് ഉ​ണ​ങ്ങാ​ൻ അ​നു​വ​ദി​ക്കു​ക.

ക​ണ്ണിന്‍റെ പ​രി​ച​ര​ണം

പ​ഞ്ഞി​യോ കോ​ട്ട​ൺ തു​ണി​യോ ത​ണു​ത്ത വെ​ള്ള​ത്തി​ൽ മു​ക്കി ക​ൺ​പോ​ള​ക​ൾ, മൂ​ക്കിന്‍റെ ഭാ​ഗ​ത്തു​നി​ന്ന് ചെ​വി​യു​ടെ ഭാ​ഗ​ത്തേ​ക്ക് തു​ട​ക്കുക. ഒ​രു പ്രാ​വ​ശ്യം ഉ​പ​യോ​ഗി​ച്ച തു​ണി പി​ന്നീ​ട് ഉ​പ​യോ​ഗി​ക്ക​രു​ത്. സ്വ​യം മു​ഖം ക​ഴു​കാ​ൻ പ​റ്റു​ന്ന രോ​ഗി​യാ​ണെ​ങ്കി​ൽ ദി​വ​സ​വും പ​ല​ത​വ​ണ ത​ണു​ത്ത വെ​ള്ള​ത്തി​ൽ ക​ഴു​ക​ണം.

മൂ​ക്കിന്‍റെ പ​രി​ച​ര​ണം

തു​ണി തി​രി പോ​ലെ ആ​ക്കി​യോ, വി​ര​ലി​ൽ തു​ണി ചു​റ്റി​യോ മൂ​ക്ക് വൃ​ത്തി​യാ​ക്ക​ണം. ഭ​ക്ഷ​ണ​ത്തി​നാ​യി മൂ​ക്കി​ലൂ​ടെ ട്യൂ​ബ് ഇ​ട്ട രോ​ഗി​യാ​ണെ​ങ്കി​ൽ പ്ര​ത്യേ​ക പ​രി​ച​ര​ണം ആ​വ​ശ്യ​മു​ണ്ട്.

ചെ​വി​യു​ടെ പ​രി​ച​ര​ണം

ചെ​വി​യു​ടെ പു​റം​ഭാ​ഗ​വും പി​ന്നീ​ട് മ​ട​ക്കു​ക​ളും ഉ​ൾ​ഭാ​ഗ​വും വെ​ള്ള​ത്തി​ൽ മു​ക്കി പി​ഴി​ഞ്ഞ തു​ണി വി​ര​ലു​ക​ളി​ൽ ചു​റ്റി തു​ട​ച്ചു വൃ​ത്തി​യാ​ക്കു​ക. ആ​വ​ശ്യ​മെ​ങ്കി​ൽ ബ​ഡ്സ് ഉ​പ​യോ​ഗി​ച്ച് വൃ​ത്തി​യാ​ക്കാം. ചെ​വി​യു​ടെ ദ്വാ​ര​ത്തി​നുള്ളി​ലേ​ക്ക് ഒ​രു കാ​ര​ണ​വ​ശാ​ലും ഈ​ർ​ക്കി​ൾ, പി​ൻ പോ​ലു​ള്ള വ​സ്തു​ക്ക​ൾ ക​ട​ത്തരു​ത്.

ശ​യ്യാ​വൃണം വ​രാ​തി​രി​ക്കാ​ൻ വേ​ണ്ട മു​ൻ​ക​രു​ത​ലു​ക​ൾ

● ദി​വ​സ​വും കു​ളി​പ്പി​ക്കു​ക​യോ ന​ന​ച്ചു തു​ട​ക്കു​ക​യോ ചെ​യ്യു​ക
● ന​ന​വു​ക​ൾ ഒ​പ്പി​യെ​ടു​ത്ത് പാ​ര​ഫി​ൻ/​വാ​സ​ലി​ൻ പു​ര​ട്ടി വ​ട്ട​ത്തി​ൽ മ​സാ​ജ് ചെ​യ്യു​ക
● അ​യ​ഞ്ഞ വ​സ്ത്ര​ങ്ങ​ൾ ധ​രി​പ്പിക്കു​ക
● ബെ​ഡ്ഷീ​റ്റ് ചു​ളി​വു​ക​ൾ ഇ​ല്ലാ​തെ വി​രി​ക്കു​ക
● ബെ​ഡ്ഷീ​റ്റ് മാ​റ്റു​ന്ന സ​മ​യ​ത്ത് വ​ലി​ച്ചെ​ടു​ക്കാ​തെ രോ​ഗി​യെ ച​രി​ച്ചു കി​ട​ത്തി​യ ശേ​ഷം പ​ഴ​യ ബെ​ഡ്ഷീ​റ്റ് രോ​ഗി​യു​ടെ അ​ടു​ത്തേ​ക്ക് ചു​രു​ട്ടി വെ​ച്ച് പ​ക​രം പു​തി​യ ബെ​ഡ്ഷീ​റ്റ് പ​കു​തി വി​രി​ച്ചു വ​യ്ക്കു​ക, ശേ​ഷം എ​തി​ർ​വ​ശ​ത്തേ​ക്ക് ച​രി​ച്ചു കി​ട​ത്തി പ​ഴ​യ ഷീ​റ്റ് എ​ടു​ത്തു​മാ​റ്റി ബാ​ക്കി​യു​ള്ള പു​തി​യ ഷീ​റ്റ് ചു​ളി​വു​ക​ൾ ഇ​ല്ലാ​തെ വി​രി​ക്കു​ക
● ബെ​ഡ്ഷീ​റ്റ് ബെ​ഡി​ന് നാ​ലു​വ​ശ​വും ഉ​ള്ളി​ലേ​ക്ക് മ​ട​ക്കി വെ​ക്കു​ക (രോ​ഗി​യെ ഇ​ട​തു​വ​ശ​ത്തേ​ക്ക് ച​രി​ക്കു​മ്പോ​ൾ വ​ല​തു​കാ​ൽ മ​ട​ക്കി വെ​ച്ച​തി​നു​ശേ​ഷം ച​രി​ക്കു​ക. അ​പ്പോ​ൾ എ​ളു​പ്പ​ത്തി​ൽ ച​രി​ക്കാ​ൻ സാ​ധി​ക്കും)
● എ​യ​ർ ബെ​ഡ് / വാ​ട്ട​ർ ബെ​ഡ് ഇ​ടു​ക
● ക​ട്ടി​ൽ ചു​മ​ലി​നോ​ട് ചേ​ർ​ത്ത് ഇ​ടാ​തി​രി​ക്കു​ക
● ബെ​ഡി​ൽ ഭ​ക്ഷ​ണ അ​വ​ശി​ഷ്ട​ങ്ങ​ൾ മ​റ്റു സാ​ധ​ന​ങ്ങ​ൾ ഒ​ന്നും ആ​വാ​തെ സൂ​ക്ഷി​ക്കു​ക
● മ​ല​മൂ​ത്ര-വി​സ​ർ​ജ​നം, വി​യ​ർ​പ്പ്, വെ​ള്ളം തുടങ്ങിയ നനവുകളു​ണ്ടെ​ങ്കി​ൽ ഉ​ട​നെ ബെ​ഡ്ഷീ​റ്റ് മാ​റ്റ​ണം
● ഓ​രോ ര​ണ്ടു മ​ണി​ക്കൂ​ർ കൂ​ടു​മ്പോ​ൾ തി​രി​ച്ചും മ​റി​ച്ചും കി​ട​ത്തേ​ണ്ട​താ​ണ്. ആ ​സ​മ​യ​ത്ത് മ​സാ​ജ് ചെ​യ്തു കൊ​ടു​ക്കണം.

മൂ​ത്ര​ത്തി​നു ട്യൂ​ബി​ട്ട രോ​ഗി​ക​ളും പ​രി​ചാ​ര​ക​രും ശ്ര​ദ്ധി​ക്കേ​ണ്ട കാ​ര്യ​ങ്ങ​ൾ

● രോ​ഗി​യു​ടെ അ​വ​സ്ഥ അ​നു​സ​രി​ച്ചു കു​ളി​പ്പി​ക്കു​ക​യോ തു​ട​ക്കു​ക​യോ ചെ​യ്യു​ക
● ട്യൂ​ബി​ട്ട ഭാ​ഗ​ത്തെ രോ​മ​ങ്ങ​ൾ ക​ത്രി​ക ഉ​പ​യോ​ഗി​ച്ച് മു​റി​ച്ചു മ​റ്റേ​ണ്ട​താ​ണ്
● പൊക്കിളിനു താഴോട്ട് ട്യൂബിട്ടഭാഗവും, തുടയിടുക്കുകളും സോപ്പും വെള്ളവും ഉപയോഗിച്ച് വൃത്തിയായി രാവിലെയും വൈകിട്ടും കഴുകുക. പുരുഷൻ മാർ ആണെങ്കിൽ അഗ്രചർമ്മം നീക്കിയശേഷം വൃത്തിയായി കഴുകി തൊലി യഥാസ്ഥാനത്താക്കുക.
● ട്യൂ​ബിന്‍റെ മ​ഞ്ഞ നി​റ​ത്തി​ലു​ള്ള ഭാ​ഗം പ്രേ​ത്യേ​കം ക​ഴു​കാ​ൻ ശ്രെ​ദ്ധി​ക്കേ​ണ്ട​താ​ണ്.
● മലവിസർജനം നടത്തുമ്പോ​ൾ മ​ലം ട്യൂ​ബി​ലോ ട്യൂ​ബി​ട്ട ഭാ​ഗ​ത്തോ ആ​കാ​തെ ശ്രെ​ദ്ധി​ക്കു​ക.
● യൂ​റി​ൻ ബാ​ഗ് ട്യൂ​ബി​ൽനി​ന്ന് ഊ​രാ​ൻ പാ​ടി​ല്ല. അ​ങ്ങി​നെ സം​ഭ​വി​ച്ചാ​ൽ യോ​ജിപ്പി​ക്കു​ന്ന ഭാ​ഗം തി​ള​പ്പി​ച്ച​ാറി​യ വെ​ള്ള​ത്തി​ൽ ക​ഴു​കി​യ​തി​നു ശേ​ഷം യോ​ജി​പ്പി​ക്കു​ക.
● ട്യൂ​ബ് വ​ലി​ഞ്ഞു പോ​കാ​തി​രി​ക്കാ​ൻ മു​ട്ടി​നു മു​ക​ളി​ൽ ക​ട്ടി​ലി​നു വ​ശ​ങ്ങളി​ലാ​യി ബാ​ഗ് കെ​ട്ടേ​ണ്ട​താ​ണ്. അ​ല്ലെ​ങ്കി​ൽ ട്യൂ​ബ് വ​ലി​ഞ്ഞു ര​ക്തം വ​രാ​ൻ സാ​ധ്യ​ത ഉ​ണ്ട്.
● ര​ണ്ടു മ​ണി​ക്കൂ​ർ കൂ​ടു​മ്പോ​ഴെ​ങ്കി​ലും ബാ​ഗി​ൽ വ​രു​ന്ന മൂ​ത്രം ഒ​ഴി​വാ​ക്ക​ണം.
● മൂ​ത്ര​ത്തിന്‍റെ ബാ​ഗ് അ​ര​ക്കു താ​ഴെ വ​രു​ന്ന രീ​തി​യി​ൽ ആ​ണ് കെ​ട്ടേ​ണ്ട​ത്.
● ട്യൂ​ബി​ട്ട​വ​ർ ന​ന്നാ​യി വെ​ള്ളം കു​ടി​ക്ക​ണം (ഡോ​ക്ട​ർ മ​റി​ച്ച് നി​ർ​ദ്ദേ​ശി​ച്ചി​ട്ടി​ല്ലെ​ങ്കി​ൽ).
● ദി​വ​സ​വും മല വിസർജനമുണ്ടെന്ന്​ ഉ​റ​പ്പു വ​രു​ത്ത​ണം.
● ട്യൂ​ബ് മാ​സ​ത്തി​ൽ ഒ​രി​ക്ക​ൽ മ​ാറ്റുക.
● ട്യൂ​ബ് ലീ​ക്കാ​കു​ക​യോ, ബ്ലോ​ക്കാ​കു​ക​യോ, പ​ഴു​പ്പ് കാ​ണു​ക​യോ ചെ​യ്താ​ൽ വി​വ​രം ന​ഴ്സി​നെ​യോ, ആ​രോ​ഗ്യ പ്ര​വ​ർ​ത്ത​ക​രെ​യോ അ​റി​യി​ക്കണം.

മൂക്കി​ലി​ട്ട ട്യൂ​ബി​ലൂ​ടെ ഭ​ക്ഷ​ണം കൊ​ടു​ക്കു​മ്പോ​ൾ ശ്ര​ദ്ധി​ക്കേ​ണ്ട കാ​ര്യ​ങ്ങ​ൾ

● മൂ​ക്കും വാ​യും സാ​ധാ​ര​ണ പോ​ലെ വൃ​ത്തി യാ​ക്കേ​ണ്ട​താ​ണ്.
● രോ​ഗി​യു​ടെ ത​ല​ഭാ​ഗം ഉ​യ​ർ​ത്തി വെ​ച്ച​ ശേ​ഷം മാ​ത്ര​ം ഭ​ക്ഷ​ണം നൽകുക.
● ട്യൂ​ബി​ലൂ​ടെ കൊ​ടു​ക്കു​ന്ന ആ​ഹാ​ര സാ​ധ​ന​ങ്ങ​ൾ ന​ന്നാ​യി ജ്യൂ​സ് ആ​ക്കി അ​രി​ച്ച​തി​നു ശേ​ഷം മാ​ത്രം കൊ​ടു​ക്കു​ക.
● ഓരോ ഗ്ലാ​സ് (200എം.എൽ) ആ​ഹാ​ര​വും തി​ള​പ്പി​ച്ച​ാറി​യ വെ​ള്ള​വും രോ​ഗി​യു​ടെ അ​ടു​ത്തുത​ന്നെ എ​ടു​ത്തു വ​ക്കു​ക.
● ട്യൂ​ബ് മ​ട​ക്കിപി​ടി​ച്ചു അ​ട​പ്പ് തു​റ​ന്നു സി​റി​ഞ്ചിലൂ​ടെ ദ്ര​വ​രൂ​പ​ത്തി​ലു​ള്ള ആ​ഹാ​രം ഒ​ഴി​ച്ചു കൊ​ടു​ക്കാം.
● ഭ​ക്ഷ​ണം കൊ​ടു​ക്കു​ന്ന​തി​നു മുമ്പും ശേ​ഷ​വും തി​ള​പ്പി​ച്ചാറി​യ വെ​ള്ളം കൊ​ടു​ക്കണം. ഇ​ത് ട്യൂ​ബ് വൃ​ത്തി​യാ​വ​ാനും ത​ട​സ്സം നീ​ങ്ങാ​നും സ​ഹാ​യി​ക്കും.
● ഭ​ക്ഷ​ണം കൊ​ടു​ത്ത​ശേ​ഷം ട്യൂ​ബ് അ​ട​പ്പി​ട്ട് വെ​ക്കാൻ ശ്രദ്ധിക്കണം.
● അ​ബോ​ധ​വ​സ്ഥ​യി​ലല്ലാ​ത്ത രോ​ഗിയാണെ​ങ്കി​ൽ കൊ​ടു​ക്കു​ന്ന ആ​ഹാ​രം രോ​ഗി​യു​ടെ വാ​യി​ൽ തൊ​ട്ടു വ​ച്ചു കൊ​ടു​ക്കാം.​ ഇ​ത് രു​ചി അ​റി​യാ​ൻ സ​ഹാ​യിക്കും.
● ട്യൂ​ബ് ആ​ദ്യ​ത്തേ​തി​ലും പു​റ​ത്തേ​ക് വ​ന്നി​ട്ടു​ണ്ടെ​ങ്കി​ലോ, ചു​മ ഉ​ണ്ടെ​ങ്കി​ലോ ഭ​ക്ഷ​ണം കൊ​ടു​ക്കാ​ൻ പാ​ടി​ല്ല. ന​ഴ്സിന്‍റെ സ​ഹാ​യം തേ​ടേ​ണ്ട​താ​ണ്.
● ട്യൂ​ബ് പി​ടി​ച്ചു വ​ലി​ക്കാ​തി​രി​ക്കാ​ൻ ചെ​വി​യു​ടെ വശത്ത് ഒ​ട്ടി​ച്ചു വെക്കാ​വു​ന്ന​താ​ണ്.
● ട്യൂ​ബ് ഒ​ട്ടി​ച്ചുവെ​ച്ച പ്ലാ​സ്റ്റ​ർ ഇ​ള​കി​യി​ട്ടു​ണ്ടെ​ങ്കി​ലോ അ​ഴു​ക്കാ​യി​ട്ടു​ണ്ടെ​ങ്കി​ലോ മാ​റ്റി ഒ​ട്ടി​ക്കോനും ശ്രദ്ധിക്കണം.