തൂണേരി: കെ.ടി.കെ. നിര്യാതനായി. തൂണേരി മഹല്ല് കമ്മിറ്റി ട്രഷറർ, സിറാജുൽ ഹുദ മദ്റസ കമ്മിറ്റി പ്രസിഡൻറ്, കുണ്ടാഞ്ചേരി പള്ളി കമ്മിറ്റി വൈസ് പ്രസിഡൻറ് എന്നീ സ്ഥാനങ്ങൾ വഹിച്ചിരുന്നു. പൂച്ചാക്കൂൽ മജ്‌ലിസ്‌ ഉപദേശക സമിതിയിൽ പ്രവർത്തിച്ചുവരുകയായിരുന്നു. ഭാര്യ: അയിശു. മക്കൾ : അമ്മദ് ഹാജി, കെ.ടി.കെ മൂസ, ഹമീദ്, ഇസ്മായിൽ, ഇബ്രാഹിം, സഫിയ, നഫീസ. മരുമക്കൾ: അബ്ദുല്ല, മഹ്മൂദ്, ജമീല, സറീന, ഫൗസിയ, ഹാജറ, സലീന. ബൈക്ക് അപകടത്തിൽ യുവാവ് മരിച്ചു വാണിമേൽ: പുതുക്കയം തെക്കേ നെല്ലിയുളള പറമ്പത്ത് രഞ്ജിഷ് എന്ന രഞ്ചു (32) ബൈക്ക് അപകടത്തിൽ മരിച്ചു. കൂടെയുണ്ടായിരുന്ന പുതുക്കയം പായികുണ്ടുമ്മൽ ധനേഷിനെ (34) പരിക്കുകളോടെ കോഴിക്കോട് സ്വകാര്യ ആശുപത്രിയിൽ പ്രവേശിപ്പിച്ചു. ഞായറാഴ്ച രാത്രി 10.30 നാണ് അപകടം. കുളമ്പറമ്പിലെ എ.ടി.എം കൗണ്ടറിൽനിന്നും പണമെടുത്ത് തിരിച്ചു വരുന്നതിനിടെ ഭൂമിവാതുക്കൽ ടൗണിലെ ഇറക്കത്തിലാണ് ബൈക്ക് അപകടത്തിൽപെട്ടത്. ഒരാൾ റോഡിൽ വീണ നിലയിലും മറ്റൊരാൾ സമീപത്തെ കെട്ടിടത്തിന് സമീപത്തേക്ക് തെറിച്ച നിലയിലുമായിരുന്നു. പരിസരവാസികളാണ് രണ്ടുപേരെയും ആശുപത്രിൽ എത്തിച്ചത്. രഞ്ജിഷ് ആശുപത്രിയിലേക്കുളള വഴിയിൽ മരിച്ചു. വിദേശത്ത് അക്കൗണ്ടൻറായ രഞ്ജിഷ് ആറുമാസം മുമ്പാണ് നാട്ടിലെത്തിയത്. ശേഷം ബംഗളൂരൂവിൽ സുഹൃത്തിനോടൊപ്പം ഹോട്ടൽ കച്ചവടം നടത്തിവരുകയായിരുന്നു. പുതുക്കയത്ത് വ്യാപാരിയായ തെക്കേ നെല്ലിയുള്ള പറമ്പത്ത് കൃഷ്ണ‍ൻെറയും ശോഭയുടെയും മകനാണ്. ഭാര്യ: വൈഷ്ണ. മകൻ: ആദ്മിക് മിഷാൻ. സഹോദരങ്ങൾ: രനീഷ്, രജീഷ്. മമ്മു നാദാപുരം: കുമ്മങ്കോട് പുത്തൂക്കണ്ടി മമ്മു (68) നിര്യാതനായി. ഭാര്യ: സൈനബ. മക്കൾ: ഹാരിസ് (ദുബൈ), റംല, സൽമ, സമീറ, നംസീറ, ഹഫ്സ. മരുമക്കൾ: ഉബൈദ്, അബ്ദുല്ല, സുലൈമാൻ, സജീർ, നൗഷാദ്. സഹോദരൻ: മൊയ്‌തുഹാജി.
