ponnani obit asker 41 നിയന്ത്രണംവിട്ട ലോറിയിടിച്ച് ബൈക്ക് യാത്രികൻ മരിച്ചു പൊന്നാനി: പൊന്നാനി-കുറ്റിപ്പുറം ദേശീയപാതയിൽ ബാർലിക്കുളത്തെ റോഡിലെ കുഴിയിൽ വീണ് നിയന്ത്രണംവിട്ട ലോറിയിടിച്ച് ബൈക്ക് യാത്രികൻ മരിച്ചു. പുതുപൊന്നാനി പള്ളിപ്പടി സ്വദേശി വളപ്പിലകത്ത് ബാവയുടെ മകൻ അഷ്കറാണ് (41) മരിച്ചത്. കൂടെയുണ്ടായിരുന്ന ഭാര്യയെയും രണ്ട് മക്കളെയും പരിക്കുകളോടെ എടപ്പാളിലെ സ്വകാര്യ ആശുപത്രിയിൽ പ്രവേശിപ്പിച്ചു. രാത്രി എേട്ടാടെയാണ് അപകടം. എറണാംകുളത്തുനിന്ന് മംഗലാപുരത്തേക്ക് പോവുകയായിരുന്ന ലോറിയാണ് ദേശീയപാതയിലെ കുഴിയിൽ വീണ് നിയന്ത്രണംവിട്ടത്. അഷ്കർ സഞ്ചരിച്ച ബൈക്ക് എതിർദിശയിൽനിന്ന് വരുന്നതിനിടെ നിയന്ത്രണംവിട്ട ലോറി ഇടിച്ചുതെറിപ്പിക്കുകയായിരുന്നു. തുടർന്ന് ലോറി റോഡരികിലെ താഴ്ചയിലേക്ക് മറിഞ്ഞു. അപകടസ്ഥലത്ത് തന്നെ അഷ്കർ മരിച്ചു. ഭാര്യ: സഫ്റീന. മക്കൾ: ഹിബ, ആദിൽ.
