അ​രു​ന്ധ​തി​യു​ടെ ലേ​ഖ​ന​വും അ​നാ​വ​ശ്യ വി​വാ​ദ​വും

കോ​ഴി​ക്കോ​ട് സ​ര്‍വ​ക​ലാ​ശാ​ല അ​രു​ന്ധ​തി റോ​യി​യു​ടെ 'കം ​സെ​പ്റ്റം​ബ​ര്‍' (Come September) എ​ന്ന ലേ​ഖ​നം പാ​ഠ്യ​പ​ദ്ധ​തി​യി​ല്‍ ഉ​ള്‍പ്പെ​ടു​ത്തി​യ​തി​നെ​തി​രെ സം​ഘ്​​പ​രി​വാ​ര്‍ പ്ര​തി​ഷേ​ധ​വു​മാ​യി എ​ത്തി​യി​രി​ക്കു​ന്നു. സ​ര്‍വ​ക​ലാ​ശാ​ല​ക​ളു​ടെ സ്വ​യം​ഭ​ര​ണം ഏ​താ​ണ്ട് പൂ​ര്‍ണ​മാ​യും ഇ​ല്ലാ​താ​യി​ക്കൊ​ണ്ടി​രി​ക്കു​ന്ന ഈ ​കാ​ല​ത്ത് വ​ള​രെ വേ​ഗം ഇ​തി​നു വ​ഴ​ങ്ങു​ക​യാ​വും സ​ര്‍വ​ക​ലാ​ശാ​ല ചെ​യ്യു​ക എ​ന്ന കാ​ര്യ​ത്തി​ല്‍ സം​ശ​യി​ക്കേ​ണ്ട​തി​ല്ല. കാ​ര​ണം, ഇ​ത്ത​രം രാ​ഷ്​​ട്രീ​യ​സ​മ്മ​ർ​ദ​ങ്ങ​ള്‍ താ​ങ്ങാ​ന്‍ ക​ഴി​വു​ള്ള ക​രു​ത്തു​റ്റ സ്വ​യം​നി​ർ​ണ​യാ​വ​കാ​ശ​ങ്ങ​ള്‍ ഇ​പ്പോ​ള്‍ സ​ർ​വ​ക​ലാ​ശാ​ല​ക​ള്‍ക്ക് ലോ​ക​മെ​മ്പാ​ടും ത​ന്നെ ഇ​ല്ലാ​താ​വു​ക​യാ​ണ്. ഭ​ര​ണ​കൂ​ട​ങ്ങ​ളും ഫാ​ഷി​സ്​​റ്റ്​ ശ​ക്തി​ക​ളും നി​ര​ന്ത​രം സ​ര്‍വ​ക​ലാ​ശാ​ല ഭ​ര​ണ​ത്തി​ല്‍ കൈ​ക​ട​ത്തു​ന്ന അ​വ​സ്ഥാ​വി​ശേ​ഷം എ​ണ്‍പ​തു​ക​ൾ​ക്കു​ശേ​ഷം ഉ​യ​ര്‍ന്നു​വ​ന്ന ആ​ഗോ​ള ന​വ​ലി​ബ​റ​ല്‍ രാ​ഷ്​​ട്രീ​യ​ത്തി​െ​ൻ​റ ഭാ​ഗം ത​ന്നെ​യാ​ണ്.

ഭ​ര​ണ​കൂ​ട​ങ്ങ​ള്‍ വി​ശാ​ല​മാ​യ അ​ർ​ഥ​ത്തി​ല്‍ തീ​ര്‍ത്തും നി​ബ​ന്ധ​ന​ര​ഹി​ത​മാ​യി ന​ല്‍കി​വ​ന്ന സാ​മ്പ​ത്തി​ക​പി​ന്തു​ണ ക്ര​മാ​നു​ഗ​ത​മാ​യി പി​ന്‍വ​ലി​ക്ക​പ്പെ​ടു​ക​യും ഉ​ന്ന​ത വി​ദ്യാ​ഭ്യാ​സ​മേ​ഖ​ല വി​പ​ണി​യു​ടെ ഔ​ദാ​ര്യ​ങ്ങ​ള്‍ക്ക് കൈ​നീ​ട്ടി നി​ല്‍ക്കു​ന്ന അ​വ​സ്ഥ സം​ജാ​ത​മാ​വു​ക​യും ചെ​യ്ത​ത് ഈ ​പു​തി​യ ആ​ഗോ​ള സാ​മ്പ​ത്തി​ക​ക്ര​മ​ത്തി​െ​ൻ​റ ഫ​ല​മാ​യി​രു​ന്നു. ഭ​ര​ണ​കൂ​ട​ത്തി​ന്​ മേ​ല്‍ക്കൈ ഉ​ണ്ടാ​യി​രു​ന്ന ദേ​ശീ​യ സാ​ങ്കേ​തി​ക വ്യ​വ​സ്ഥ​യി​ല്‍നി​ന്ന് ഭ​ര​ണ​കൂ​ടം പി​ന്മാ​റി​യ​തോ​ടെ ത​ന്നെ ഒ​രു വ​ശ​ത്ത് സ​ര്‍വ​ക​ലാ​ശാ​ല​ക​ള്‍ ഏ​താ​ണ്ട് പ്ര​ത്യ​യ​ശാ​സ്ത്ര​പ​ര​മാ​യി അ​സ്ഥി​ര​പ്പെ​ട്ട് നി​ല​നി​ൽ​പി​ന്​ വി​പ​ണി​യു​ടെ ആ​ശ്രി​ത​രാ​വു​ക​യും മ​റു​വ​ശ​ത്ത് ഭ​ര​ണ​കൂ​ടം സ്വ​ന്തം ന​വ​ലി​ബ​റ​ല്‍ ന​യ​ങ്ങ​ളു​മാ​യി സ​ര്‍വ​ക​ലാ​ശാ​ല​ക​ളു​ടെ സ്വ​യം​ഭ​ര​ണാ​വ​കാ​ശ​ങ്ങ​ള്‍ ക​വ​ര്‍ന്നെ​ടു​ക്കാ​ന്‍ തു​ട​ങ്ങു​ക​യു​മാ​യി​രു​ന്നു. ചു​രു​ക്ക​ത്തി​ല്‍ ഇ​ന്ന​ത്തെ സ​ര്‍വ​ക​ലാ​ശാ​ല​ക​ള്‍ ഭ​ര​ണ​കൂ​ട​ത്തി​െ​ൻ​റ​യും വി​പ​ണി​യി​ലെ പ്ര​ധാ​ന ക​ളി​ക്കാ​രു​ടെ​യും അ​ടി​മ​ത്ത​മാ​ണ് അ​നു​ഭ​വി​ക്കു​ന്ന​ത്.

ഈ ​സാ​ഹ​ച​ര്യ​ത്തി​ലാ​ണ് അ​രു​ന്ധ​തി​യു​ടെ ലേ​ഖ​നം സ​ര്‍വ​ക​ലാ​ശാ​ല ഈ ​പ്ര​തി​ഷേ​ധ​ത്തി​െ​ൻ​റ പേ​രി​ല്‍ പി​ന്‍വ​ലി​ക്കാ​നി​ട​യു​ണ്ടെ​ന്ന് ഞാ​ന്‍ പ​റ​ഞ്ഞ​ത്. ബി.​എ ഇം​ഗ്ലീ​ഷ് മൂ​ന്നാം സെ​മ​സ്​​റ്റ​റി​ലെ പാ​ഠ​പു​സ്ത​ക​ത്തി​ലാ​ണ് അ​രു​ന്ധ​തി റോ​യി​യു​ടെ 'കം ​സെ​പ്​​റ്റം​ബ​ർ' ഉ​ൾ​പ്പെ​ടു​ത്തി​യ​താ​യി പ​റ​യ​പ്പെ​ടു​ന്ന​ത്‌. ഇ​ത് ദേ​ശ​വി​രു​ദ്ധ​ലേ​ഖ​ന​മാ​ണെ​ന്നും രാ​ജ്യ​ദ്രോ​ഹ​മാ​ണെ​ന്നും രാ​ജ്യ​ദ്രോ​ഹ​ക്കു​റ്റ​ത്തി​ന് കേ​സെ​ടു​ക്ക​ണ​മെ​ന്നു​മൊ​ക്കെ ആ​വ​ശ്യം ഉ​യ​ർ​ത്തു​ന്ന​തി​െ​ൻ​റ അ​ടി​സ്ഥാ​ന​മെ​ന്താ​ണ്‌? കാ​ലാ​കാ​ല​ങ്ങ​ളാ​യി ഇ​ന്ത്യ​യു​ടെ ആ​ഭ്യ​ന്ത​ര വി​ദേ​ശ​ന​യ​ങ്ങ​ളെ​ക്കു​റി​ച്ചു ന​ട​ക്കു​ന്ന സു​താ​ര്യ​മാ​യ ച​ര്‍ച്ച​ക​ളി​ല്‍ ഒ​രു എ​ഴു​ത്തു​കാ​രി അ​വ​രു​ടെ അ​ഭി​പ്രാ​യ​ങ്ങ​ള്‍ രേ​ഖ​പ്പെ​ടു​ത്തു​ന്ന ലേ​ഖ​ന​മാ​ണി​ത്. ആ​ഗോ​ള സാ​മ്പ​ത്തി​ക​ക്ര​മ​ത്തി​െ​ൻ​റ പ​ശ്ചാ​ത്ത​ലം അ​തി​നെ നി​ല​നി​ര്‍ത്താ​ന്‍ ശ്ര​മി​ക്കു​ന്ന അ​മേ​രി​ക്ക​ന്‍ സൈ​നി​ക​ശ​ക്തി​യു​ടെ ക​ട​ന്നു​ക​യ​റ്റ​ങ്ങ​ളാ​ണ് എ​ന്നാ​ണ്​ ഈ ​ലേ​ഖ​നം സൂ​ചി​പ്പി​ക്കാ​ന്‍ ശ്ര​മി​ക്കു​ന്ന​ത്. ആ​നു​ഷം​ഗി​ക​മാ​യ മ​റ്റു പ​രാ​മ​ര്‍ശ​ങ്ങ​ളും ഇ​തി​ല്‍ ക​ട​ന്നു​വ​രു​ന്നു​ണ്ട്. ആ ​പ​രാ​മ​ര്‍ശം ത​ന്നെ എ​ന്താ​ണ്?

ക​ശ്മീ​രി​ൽ ഇ​ന്ത്യ ന​ട​ത്തു​ന്ന​ത് ഭീ​ക​ര​വാ​ദ​മാ​ണെ​ന്ന് ലേ​ഖ​നം ആ​രോ​പി​ക്കു​ന്നു, കേ​ന്ദ്ര സ​ർ​ക്കാ​ർ ന്യൂ​ന​പ​ക്ഷ​ങ്ങ​ളെ ഇ​ല്ലാ​താ​ക്കു​ക​യാ​ണെ​ന്നു ലേ​ഖ​നം വാ​ദ​മു​യ​ർ​ത്തു​ന്നു, ഇ​ന്ത്യ​യു​ടെ ആ​ണ​വ​പ​രീ​ക്ഷ​ണ​ത്തെ​യും അ​ണ​ക്കെ​ട്ടു​ക​ളെ​യും ലേ​ഖ​നം ചോ​ദ്യം​ചെ​യ്യു​ന്നു, ഹി​ന്ദു​ക്ക​ൾ ഇ​ന്ത്യ​യി​ൽ ഫാ​ഷി​സം ന​ട​പ്പാ​ക്കു​ക​യാ​ണെ​ന്ന് പ​ര​സ്യ​മാ​യി ലേ​ഖ​നം ആ​രോ​പി​ക്കു​ന്നു... ഇ​ങ്ങ​നെ പോ​കു​ന്നു സം​ഘ്​​പ​രി​വാ​ര്‍ വി​മ​ര്‍ശ​ന​ങ്ങ​ള്‍. ഇ​തൊ​ന്നും ഇ​ന്ത്യ​യി​ല്‍ ഇ​ല്ലാ​ത്ത വി​മ​ര്‍ശ​ന​ങ്ങ​ള​ല്ല എ​ന്ന​ത് അ​വി​ടെ നി​ല്‍ക്ക​ട്ടെ. ലേ​ഖ​നം ഒ​രി​ക്ക​ലെ​ങ്കി​ലും വാ​യി​ച്ച​വ​ര്‍ ഇ​തു​പോ​ലു​ള്ള ആ​രോ​പ​ണ​ങ്ങ​ള്‍ ഉ​ന്ന​യി​ക്കു​മോ? ഇ​തൊ​ന്നും ലേ​ഖ​ന​ത്തി​ല്‍ പ​റ​ഞ്ഞി​ട്ടു​ള്ള​ത​ല്ല. മ​റി​ച്ച്, ലേ​ഖ​നം പ​റ​യു​ന്ന​ത് അ​മേ​രി​ക്ക​യി​ല്‍ ചെ​യ്യു​ന്ന​തു​പോ​ലെ ലോ​ക​ത്തി​ലെ മ​റ്റു രാ​ജ്യ​ങ്ങ​ളി​ലും ഇ​ന്ത്യ​യി​ലും ഇ​ത്ത​രം ആ​ഭ്യ​ന്ത​ര​വി​മ​ര്‍ശ​ന​ങ്ങ​ള്‍ ഉ​ന്ന​യി​ക്കു​ന്ന​വ​രെ ദേ​ശ​വി​രു​ദ്ധ​ര്‍ എ​ന്ന് വി​ളി​ക്കു​ന്ന പ്ര​വ​ണ​ത ശ​ക്ത​മാ​കു​ന്നു എ​ന്നു മാ​ത്ര​മാ​ണ്.

ഏ​റ്റ​വും പ്ര​ധാ​ന​കാ​ര്യം ഈ ​ലേ​ഖ​നം എ​ഴു​തി​യ​ത് 18 വ​ര്‍ഷ​ങ്ങ​ള്‍ക്കു​മു​മ്പാ​ണ് എ​ന്ന​താ​ണ്. 2002ൽ ​ചെ​യ്ത ഒ​രു പ്ര​ഭാ​ഷ​ണ​മാ​ണ​ത്. അ​തി​ല്‍ എ​ന്താ​ണ് പ​റ​യു​ന്ന​ത്? ''ഇ​ന്ത്യ​യി​ലെ അ​ണു​ബോം​ബി​നെ​ക്കു​റി​ച്ച്, വ​ന്‍കി​ട അ​ണ​ക്കെ​ട്ടു​ക​ളെ​ക്കു​റി​ച്ച്, കോ​ര്‍പ​റേ​റ്റ് ആ​ഗോ​ളീ​ക​ര​ണ​ത്തെ​ക്കു​റി​ച്ച്, ഹൈ​ന്ദ​വ വ​ർ​ഗീ​യ​ത​യു​ടെ വ​ള​ര്‍ച്ച​യെ​ക്കു​റി​ച്ച് സം​സാ​രി​ക്കു​ന്ന ഞ​ങ്ങ​ളെ​പ്പോ​ലെ ചി​ല​രെ -ചു​രു​ക്ക​ത്തി​ല്‍ സ​ര്‍ക്കാ​റി​െ​ൻ​റ നി​ല​പാ​ടു​ക​ള്‍ക്ക് വി​രു​ദ്ധ​മാ​യ വീ​ക്ഷ​ണ​ങ്ങ​ള്‍ ഉ​ള്ള​വ​രെ- ദേ​ശ​വി​രു​ദ്ധ​രാ​യി മു​ദ്ര​കു​ത്താ​റു​ണ്ട്. ഇ​ത് കേ​ള്‍ക്കു​മ്പോ​ള്‍ എ​നി​ക്ക് വ​ലി​യ അ​ലോ​സ​ര​മൊ​ന്നും തോ​ന്നാ​റി​ല്ലെ​ങ്കി​ലും ഇ​ത് ഞാ​ന്‍ യ​ഥാ​ർ​ഥ​ത്തി​ല്‍ ചെ​യ്യു​ന്ന​തി​െ​ൻ​റ​യും ചി​ന്തി​ക്കു​ന്ന​തി​െ​ൻ​റ​യും ഒ​രു ശ​രി​യാ​യ വി​വ​ര​ണ​മ​ല്ല. കാ​ര​ണം 'ദേ​ശ​വി​രു​ദ്ധ' എ​ന്ന് പ​റ​യു​ന്ന​ത് സ്വ​ന്തം രാ​ജ്യ​ത്തി​നെ​തി​രെ നി​ൽ​ക്കു​ന്ന വ്യ​ക്തി​യും അ​തു​കൊ​ണ്ടു​ത​ന്നെ മ​റ്റൊ​രു രാ​ജ്യ​ത്തി​നു​വേ​ണ്ടി നി​ല്‍ക്കു​ന്ന​യാ​ളു​മാ​ണ്‌. 'ദേ​ശീ​യ​ത എ​ന്ന ആ​ശ​യ​ത്തെ​ക്കു​റി​ച്ച് സം​ശ​യാ​ലു​വാ​യി​രി​ക്കു​ന്ന​തി​ന്, 'ദേ​ശീ​യ​ത വി​രു​ദ്ധ' ആ​വു​ന്ന​തി​ന്, 'ദേ​ശ​വി​രു​ദ്ധ' ആ​വേ​ണ്ട കാ​ര്യ​മി​ല്ല. വി​വി​ധ രൂ​പ​ത്തി​ലു​ള്ള ദേ​ശീ​യ​ത പ്ര​ത്യ​യ​ശാ​സ്ത്ര​ങ്ങ​ളാ​ണ് ഇ​രു​പ​താം നൂ​റ്റാ​ണ്ടി​ല്‍ അ​ധി​ക വം​ശ​ഹ​ത്യ​ക​ള്‍ക്കും കാ​ര​ണ​മാ​യ​ത്.

കൊ​ടി​ക​ള്‍ പ​ല​പ്പോ​ഴും ഭ​ര​ണ​കൂ​ട​ങ്ങ​ള്‍ ജ​ന​ങ്ങ​ളു​ടെ ചി​ന്ത​യെ മൂ​ടി​വെ​ക്കാ​നും മ​രി​ച്ച​വ​രെ അ​ട​ക്കാ​നും ഉ​പ​യോ​ഗി​ക്കു​ന്നു. സ്വ​ത​ന്ത്ര​ചി​ന്ത​യു​ള്ള​വ​ര്‍ (ഇ​തി​ല്‍ ഞാ​ന്‍ കോ​ർ​പ​റേ​റ്റ് മാ​ധ്യ​മ​ങ്ങ​ളെ ഉ​ള്‍പ്പെ​ടു​ത്തു​ന്നി​ല്ല) കൊ​ടി​ക​ള്‍ക്ക് താ​ഴെ അ​ണി​നി​ര​ക്കു​മ്പോ​ള്‍, എ​ഴു​ത്തു​കാ​ര്‍ക്കും ചി​ത്ര​കാ​രി​ക​ള്‍ക്കും സം​ഗീ​ത​ജ്ഞ​ര്‍ക്കും സി​നി​മ​പ്ര​വ​ര്‍ത്ത​ക​ര്‍ക്കും ഒ​ക്കെ സ്വ​ന്തം നീ​തി​ബോ​ധം റ​ദ്ദു​ചെ​യ്തു​കൊ​ണ്ട് സ്വ​ന്തം ക​ല​യെ അ​ന്ധ​മാ​യി രാ​ഷ്​​ട്ര​സേ​വ​ന​ത്തി​െ​ൻ​റ നു​ക​ത്തി​ല്‍ കെ​ട്ടേ​ണ്ടി​വ​രു​ന്നു. ഇ​ങ്ങ​നെ സം​ഭ​വി​ക്കു​ന്ന​ത്‌ ന​മ്മെ​യെ​ല്ലാം ഇ​രു​ത്തി​ച്ചി​ന്തി​പ്പി​ക്കേ​ണ്ട​തും ദുഃ​ഖി​പ്പി​ക്കേ​ണ്ട​തു​മാ​യ കാ​ര്യ​മാ​ണ്. ഇ​ന്ത്യ​യി​ല്‍ 1998ലെ ​അ​ണു​പ​രീ​ക്ഷ​ണം ക​ഴി​ഞ്ഞ സ​മ​യ​ത്തും 1999ലെ ​പാ​കി​സ്​​താ​നെ​തി​രെ​യു​ള്ള കാ​ര്‍ഗി​ല്‍ യു​ദ്ധം ക​ഴി​ഞ്ഞ സ​മ​യ​ത്തും ഈ ​അ​വ​സ്ഥ ഉ​ണ്ടാ​യ​ത് നാം ​ക​ണ്ട​താ​ണ്. അ​മേ​രി​ക്ക​യി​ല്‍ ഗ​ള്‍ഫ് യു​ദ്ധ​ത്തി​െ​ൻ​റ സ​മ​യ​ത്തും നാ​മി​ത് ക​ണ്ടി​ട്ടു​ണ്ട്. ഇ​പ്പോ​ള്‍ 'ഭീ​ക​ര​തെ​ക്കെ​തി​രെ​യു​ള്ള യു​ദ്ധ'​ത്തി​െ​ൻ​റ സ​മ​യ​ത്തും നാ​മ​ത് കാ​ണു​ന്നു". ഇ​താ​ണ് ലേ​ഖ​ന​ത്തി​ലെ വി​വാ​ദ പ​രാ​മ​ര്‍ശം.

ചു​രു​ക്കി​പ്പ​റ​ഞ്ഞാ​ല്‍ ഈ ​ലേ​ഖ​ന​ത്തി​ലെ നി​ല​പാ​ടി​നെ സാ​ധൂ​ക​രി​ക്കു​ന്ന വി​മ​ര്‍ശ​ന​വു​മാ​യാ​ണ് ഈ ​ലേ​ഖ​നം വാ​യി​ക്കാ​തെ എ​ന്ന് ഉ​റ​പ്പി​ച്ചു​പ​റ​യാ​വു​ന്ന ത​ര​ത്തി​ല്‍ ആ​രോ​പ​ണ​ങ്ങ​ള്‍ ഉ​യ​ര്‍ത്ത​പ്പെ​ട്ടി​ട്ടു​ള്ള​ത്. മാ​ത്ര​മ​ല്ല, പി​ന്നീ​ട് അ​രു​ന്ധ​തി ന​ട​ത്തു​ന്ന ആ​നു​ഷം​ഗി​ക​മാ​യ ചി​ല പ​രാ​മ​ര്‍ശ​ങ്ങ​ളും ഇ​ത്ത​ര​ത്തി​ല്‍ തെ​റ്റി​ദ്ധാ​ര​ണ പ​ര​ത്തു​ന്ന രീ​തി​യി​ലാ​ണ് ആ​രോ​പ​ണ​ക​ര്‍ത്താ​ക്ക​ള്‍ ഉ​യ​ര്‍ത്തി​യി​ട്ടു​ള്ള​ത്. ല​ക്ഷ​ക്ക​ണ​ക്കി​ന്​​ഇ​ന്ത്യ​ക്കാ​ര്‍ ക​ശ്മീ​രി​ല്‍ ന​ട​ക്കു​ന്ന ഭ​ര​ണ​കൂ​ട ഭീ​ക​ര​ത​യോ​ട്‌, ഗു​ജ​റാ​ത്തി​ല്‍ ന​ട​ന്ന മു​സ്​​ലിം വം​ശ​ഹ​ത്യ​യോ​ടു യോ​ജി​ക്കു​ന്ന​വ​ര​ല്ല എ​ന്നും അ​തു​കൊ​ണ്ട് സ​ര്‍ക്കാ​റി​നെ വി​മ​ര്‍ശി​ക്കു​ന്ന​വ​രെ എ​ല്ലാം ദേ​ശ​വി​രു​ദ്ധ​ര്‍ എ​ന്ന് ആ​രോ​പി​ക്കു​ന്ന​ത് അ​പ​ഹാ​സ്യ​മാ​ണെ​ന്നു​മാ​ണ് അ​രു​ന്ധ​തി ചൂ​ണ്ടി​ക്കാ​ട്ടു​ന്ന​ത്. ഇ​ത്ത​രം നി​ല​പാ​ടു​ക​ള്‍ ഇ​വി​ട​ത്തെ മ​നു​ഷ്യാ​വ​കാ​ശ പ്ര​സ്ഥാ​ന​ങ്ങ​ള്‍ എ​ല്ലാ കാ​ല​ത്തും സ്വീ​ക​രി​ച്ചി​ട്ടി​ല്ലേ? ആ ​വ്യ​ത്യ​സ്ത ചി​ന്താ​ഗ​തി​യെ​ക്കു​റി​ച്ച് സൂ​ചി​പ്പി​ച്ചാ​ല്‍ അ​തും ദേ​ശ​വി​രു​ദ്ധ​മാ​കു​ന്ന​തെ​ങ്ങ​നെ?

ഏ​താ​നും വ​ര്‍ഷ​ങ്ങ​ള്‍ക്കു​മു​മ്പ്, കൃ​ത്യ​മാ​യി പ​റ​ഞ്ഞാ​ല്‍ 2013ല്‍, ​ഗ്വ​ണ്ടാ​ന​മോ ത​ട​വു​കാ​ര​നാ​യി​രു​ന്ന അ​ല്‍ റു​ബാ​യി​ഷി​െ​ൻ​റ 'ക​ട​ലി​നു ഒ​രു ഗീ​തം' എ​ന്ന ഇം​ഗ്ലീ​ഷ് ബി​രു​ദ​പ​ഠ​ന​ത്തി​നു ഉ​ള്‍ക്കൊ​ള്ളി​ച്ചി​രു​ന്ന ക​വി​ത കോ​ഴി​ക്കോ​ട് സ​ര്‍വ​ക​ലാ​ശാ​ല തി​ടു​ക്ക​പ്പെ​ട്ടു പി​ന്‍വ​ലി​ച്ചി​രു​ന്നു. അ​ന്ന് ഞാ​ന്‍ ആ ​തീ​രു​മാ​ന​ത്തെ ശ​ക്ത​മാ​യി എ​തി​ര്‍ത്തി​രു​ന്നു. ഈ ​ക​വി​ത പ​ഠി​പ്പി​ക്ക​രു​ത് എ​ന്ന് ആ​വ​ശ്യ​പ്പെ​ട്ട​ത് സം​ഘ്​​പ​രി​വാ​ര്‍ ആ​യി​രു​ന്നു. ക​വി​ത എ​ഴു​തി​യ​ത് അ​ൽ​ഖാ​ഇ​ദ​യു​ടെ ഭാ​ഗ​മാ​യ അ​ല്‍ റു​ബാ​യി​ഷ്​​ എ​ന്ന ഭീ​ക​ര​വാ​ദി ആ​ണെ​ന്നും അ​തി​നാ​ല്‍ അ​ദ്ദേ​ഹ​ത്തി​െ​ൻ​റ ക​വി​ത പ​ഠി​പ്പി​ക്ക​രു​തെ​ന്നു​മാ​യി​രു​ന്നു ആ​വ​ശ്യം. സ്വാ​ത​ന്ത്ര്യ​ത്തെ​ക്കു​റി​ച്ചും മ​നു​ഷ്യാ​വ​കാ​ശ​ത്തെ​ക്കു​റി​ച്ചു​മു​ള്ള ചി​ല ക​വി​ത​ക​ള്‍ സ​മാ​ഹ​രി​ച്ചു കു​ട്ടി​ക​ളെ പ​ഠി​പ്പി​ക്കാ​നു​ള്ള തീ​രു​മാ​ന​ത്തി​െ​ൻ​റ ഭാ​ഗ​മാ​യി​ട്ടാ​യി​രു​ന്നു ഈ ​ക​വി​ത​യും ഉ​ള്‍പ്പെ​ടു​ത്തി​യ​ത്. അ​ല്‍ റു​ബാ​യി​ഷി​െ​ൻ​റ ക​വി​ത മ​നു​ഷ്യ​െ​ൻ​റ മോ​ച​ന​പ്ര​തീ​ക്ഷ​യു​ടെ തീ​ക്ഷ്ണ​മാ​യ ഒ​രു സ​ന്ദ​ര്‍ഭ​ത്തെ ആ​വി​ഷ്ക​രി​ക്കു​ന്ന​താ​ണ് എ​ന്ന​താ​യി​രു​ന്നു അ​ത് തി​ര​ഞ്ഞെ​ടു​ക്ക​പ്പെ​ടാ​നു​ള്ള കാ​ര​ണം.

കോ​ണ്‍സെ​ൻ​ട്രേ​ഷ​ന്‍ ക്യാ​മ്പു​ക​ളി​ലും ​േല​ബ​ര്‍ക്യാ​മ്പു​ക​ളി​ലും ഒ​ക്കെ ക​ഴി​ഞ്ഞി​രു​ന്ന നി​സ്സ​ഹാ​യ​രും നി​ര​പ​രാ​ധി​ക​ളു​മാ​യ ത​ട​വു​കാ​രെ​പ്പോ​ലെ ഗ്വ​ണ്ടാ​ന​മോ ത​ട​വ​റ​യി​ലെ ദു​സ്സ​ഹ​മാ​യ സാ​ഹ​ച​ര്യ​ങ്ങ​ളി​ല്‍ ജീ​വി​ക്കു​ന്ന​വ​രും അ​ട​ങ്ങാ​ത്ത സ്വാ​ത​ന്ത്ര്യ​വാ​ഞ്​ഛ​യാ​ൽ ക​രി​കൊ​ണ്ടും പേ​സ്​​റ്റ്​ കൊ​ണ്ടു​മൊ​ക്കെ ചു​വ​രി​ലും പാ​ത്ര​ങ്ങ​ളി​ലും മ​റ്റും എ​ഴു​തി​യ ക​വി​ത​ക​ള്‍ 'Poems from Guantanamo: The Detainees Speak' എ​ന്ന പേ​രി​ല്‍ പ്ര​സി​ദ്ധീ​ക​രി​ക്ക​പ്പെ​ട്ട​തി​ല്‍ നി​ന്നാ​ണ് അ​ന്ന് സ​ര്‍വ​ക​ലാ​ശാ​ല ഈ ​ക​വി​ത തെ​ര​ഞ്ഞെ​ടു​ത്തി​രു​ന്ന​ത്. അ​ഞ്ചു​വ​ർ​ഷം ഗ്വ​ണ്ടാ​ന​മോ​യി​ല്‍ ത​ട​വി​ലാ​യി​രു​ന്ന അ​ദ്ദേ​ഹം പി​ന്നീ​ട് മോ​ചി​ത​നാ​യി.

അ​മേ​രി​ക്ക​യി​ലെ നോ​ര്‍ത്തേ​ന്‍ ഇ​ല​നോ​യ്​ യൂ​നി​വേ​ഴ്​​സി​റ്റി​യി​ലെ നി​യ​മ​വി​ഭാ​ഗ​ത്തി​ല്‍ അ​ധ്യാ​പ​ക​നാ​യി​രു​ന്ന പ്ര​ഫ​സ​ര്‍ ഫ​ല്‍ക്കൊ​ഫ് എ​ഡി​റ്റ്‌ ചെ​യ്ത് അ​മേ​രി​ക്ക​യി​ലെ അ​യോ​വ സ​ര്‍വ​ക​ലാ​ശാ​ല പ്ര​സി​ദ്ധീ​ക​രി​ച്ച ഒ​രു പു​സ്ത​ക​ത്തി​ലെ ക​വി​ത​യാ​ണ് ഇ​വി​ടെ നി​രോ​ധി​ക്ക​ണം എ​ന്ന് പ​റ​ഞ്ഞ്​ അ​ന്ന് ശ​ബ്​​ദ​മു​യ​ർ​ത്തി​യ​തും സ​ര്‍വ​ക​ലാ​ശാ​ല അ​തി​നു വ​ഴ​ങ്ങി​യ​തും. വീ​ണ്ടും ച​രി​ത്രം ആ​വ​ര്‍ത്തി​ക്കു​ക​യാ​ണ്. ഒ​രി​ക്ക​ലെ​ന്നോ ദു​ര​ന്ത​മാ​യി നാം ​ക​ണ്ട ഫാ​ഷി​സ്​​റ്റ്​ ഇ​ട​പെ​ട​ലി​െ​ൻ​റ നി​ര​വ​ധി പ്ര​ഹ​സ​ന​പ്പ​തി​പ്പു​ക​ള്‍ നി​ത്യ​മെ​ന്നോ​ണം എ​ത്തു​ക​യാ​ണ്. സ​ര്‍വ​ക​ലാ​ശാ​ല ഇ​ക്കാ​ര്യ​ത്തി​ല്‍ അ​തി​െ​ൻ​റ സ്വ​യം​ഭ​ര​ണാ​വ​കാ​ശം ഉ​യ​ര്‍ത്തി​പ്പി​ടി​ച്ച്​ ജ​നാ​ധി​പ​ത്യ​വി​രു​ദ്ധ​മാ​യ ഇ​ത്ത​രം നി​രോ​ധ​നാ​വ​ശ്യ​ങ്ങ​ളെ പാ​ടെ ത​ള്ളി​ക്ക​ള​യു​ക​യാ​ണ് വേ​ണ്ട​ത്. അ​തി​നു സ​ര്‍ക്കാ​റും സ​ര്‍വ​ക​ലാ​ശാ​ല​ക്കൊ​പ്പ​മു​ണ്ടാ​വ​ണം.

●