പ​ണി​തീ​രാ​ത്ത ദേ​വാ​ല​യം

യു​നെ​സ്കോ​യു​ടെ ലോ​ക പൈ​തൃ​കപ്പട്ടി​ക​യി​ൽ ഇ​ടംനേ​ടി​യ ദേ​വാ​ല​യ​മാ​ണ് സ്പെ​യി​നി​ലെ ബാ​ഴ്സ​ലോ​ണ​യി​ൽ സ്ഥി​തിചെ​യ്യു​ന്ന ലാ ​സാ​ഗ്ര​ഡ ഫാ​മി​ലി​യ. ഈ ​ദേ​വാ​ല​യ​ത്തി​ന്റെ നി​ർ​മാ​ണം തു​ട​ങ്ങി​യി​ട്ട് ഒ​രു നൂ​റ്റാ​ണ്ടി​ല​ധി​ക​മാ​യെ​ങ്കി​ലും ഇ​തു​വ​രെ പ​ണി പൂ​ർ​ത്തി​യാ​യി​ട്ടി​ല്ലെ​ന്ന​താ​ണ് പ്ര​ത്യേ​ക​ത.

1882ലാ​ണ് ലാ ​സാ​ഗ്ര​ഡ ഫാ​മി​ലി​യ​യു​ടെ നി​ർ​മാ​ണം ആ​രം​ഭി​ക്കു​ന്ന​ത്. അ​ന്ന​ത്തെ പ്ര​മു​ഖ സ്പാ​നി​ഷ് ആ​ർ​ക്കി​ടെ​ക്ടാ​യ ഫ്രാ​ൻ​സി​സ്‌​കോ ഡെ​ൽ വി​ല്ലാ​റി​ന്റെ നേ​തൃ​ത്വ​ത്തി​ലാ​ണ് നി​ർ​മാ​ണം ആ​രം​ഭി​ച്ച​ത്. ഒ​രു വ​ർ​ഷ​ത്തി​നുശേ​ഷം ച​ർ​ച്ച് കൗ​ൺ​സി​ലു​മാ​യു​ള്ള അ​ഭി​പ്രാ​യവ്യ​ത്യാ​സ​ങ്ങ​ൾ കാ​ര​ണം അ​ദ്ദേ​ഹം പ​ദ്ധ​തി ഉ​പേ​ക്ഷി​ച്ചു. തു​ട​ർ​ന്ന് നി​ർ​മാ​ണ​ച്ചു​മ​ത​ല ഏ​റ്റെ​ടു​ത്ത​ത് സ്പാ​നി​ഷ് ആ​ർ​ക്കി​ടെ​ക്ടാ​യി​രു​ന്ന അ​ന്റോ​ണി ഗൗ​ഡി​യാ​യി​രു​ന്നു. 'പാ​വ​ങ്ങ​ളു​ടെ ക​ത്തീ​ഡ്ര​ൽ' എ​ന്ന് വി​ളി​ക്കു​ന്ന ഈ ​പ​ള്ളി​യു​ടെ നി​ർ​മാ​ണം ഗോ​തി​ക് - ക​ർ​വി​ലീ​നി​യ​ർ ശൈ​ലി​ക​ൾ ഉ​പ​യോ​ഗി​ച്ചാ​യി​രു​ന്നു. 1926ൽ ​ഗൗ​ഡി അ​ന്ത​രി​ക്കു​മ്പോ​ൾ പ​ള്ളി​യു​ടെ നി​ർ​മാ​ണ​ത്തി​ന്റെ കാ​ൽ​ഭാ​ഗംപോ​ലും പൂ​ർ​ത്തി​യാ​യി​രു​ന്നി​ല്ല.

1936-1939 സ്പാ​നി​ഷ് ആ​ഭ്യ​ന്ത​ര യു​ദ്ധ​കാ​ല​ത്ത് പ​ള്ളി​യു​ടെ നി​ർ​മാ​ണം ത​ട​സ്സ​പ്പെ​ട്ടു. 1936ൽ ​വി​പ്ല​വ​കാ​രി​ക​ൾ ദേ​വാ​ല​യ​ത്തി​ന് തീ​യി​ടു​ക​യും ഗൗ​ഡി ത​യാ​റാ​ക്കി​യ രൂ​പ​രേ​ഖ​യും മ​റ്റും ഭാ​ഗി​ക​മാ​യി ന​ശി​പ്പി​ക്കു​ക​യും ചെ​യ്തു. തു​ട​ർ​ന്ന് പ​ള്ളി​യു​ടെ നി​ർ​മാ​ണം പൂ​ർ​വാ​വ​സ്ഥ​യി​ലെ​ത്താ​ൻ പി​ന്നെ​യും 16 വ​ർ​ഷ​ങ്ങ​ൾ വേ​ണ്ടിവ​ന്നു. തു​ട​ർ​ന്നി​ങ്ങോ​ട്ട് നി​ർ​മാ​ണപ്ര​വ​ൃത്തി​ക​ൾ വേ​ഗ​ത്തി​ലാ​യി. 2010 ആ​യ​പ്പോ​ഴേ​ക്കും നി​ർ​മാ​ണ​ത്തി​ന്റെ പ​കു​തിഭാ​ഗം പൂ​ർ​ത്തി​യാ​യി. അ​തേ വ​ർ​ഷംത​ന്നെ പോ​പ്പ് ബെ​നഡി​ക്ട് പ​തി​നാ​റാ​മ​ൻ ദേ​വാ​ല​യ​ത്തി​ന്റെ പ്ര​തി​ഷ്ഠാ​ക​ർ​മം നി​ർ​വ​ഹി​ച്ചു. 2026 ഓ​ടെ ദേ​വാ​ല​യ​ത്തി​ന്റെ പണി പൂ​ർ​ത്തി​യാ​ക്കാ​നാ​കു​മെ​ന്ന പ്ര​തീ​ക്ഷ​യി​ലാ​ണ് വി​ശ്വാ​സി​ക​ളും ഭ​ര​ണ​കൂ​ട​വും.