കേന്ദ്ര ബഹിരാകാശ വകുപ്പിനു കീഴിലുള്ള തിരുവനന്തപുരത്തെ (വലിയമല) ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പേസ് സയൻസ് ആൻഡ് ടെക്നോളജി (െഎ.ഐ.എസ്.ടി) ഇക്കൊല്ലത്തെ ഇനി പറയുന്ന അണ്ടർ ഗ്രാജ്വേറ്റ് പ്രോഗ്രാമുകളിൽ പ്രവേശനത്തിന് അപേക്ഷ ക്ഷണിച്ചു. പ്രവേശന വിജ്ഞാപനവും ഇൻഫർമേഷൻ ബ്രോഷറും www.iist.ac.in/admissions/undergraduateൽനിന്ന് ഡൗൺലോഡ് ചെയ്യാം.
ബി.ടെക് (നാലു വർഷം)- എയ്റോസ്പേസ് എൻജിനീയറിങ്- സീറ്റുകൾ -70, ഇലക്േട്രാണിക്സ് ആൻഡ് കമ്യൂണിക്കേഷൻ എൻജിനീയറിങ് (ഏവിയോണിക്സ്) -70.
ഡ്യുവൽ ഡിഗ്രി (അഞ്ചു വർഷം)- ബി.ടെക്+ എം.എസ്സി/എം.ടെക് -22 (എം.എസ്സി കോഴ്സിൽ അസ്ട്രോണമിയും അസ്ട്രോ ഫിസിക്സും സോളിഡ് സ്റ്റേറ്റ് ഫിസിക്സും എം.ടെക് കോഴ്സിൽ എർത്ത് സിസ്റ്റം സയൻസും ഒപ്ടിക്കൽ എൻജിനീയറിങ്ങും പഠിക്കാം). ബി.ടെക് കോഴ്സിൽ എൻജിനീയറിങ് ഫിസിക്സാണ് പഠിക്കേണ്ടത്.
പ്രവേശന യോഗ്യത: ഭാരത പൗരന്മാരായിരിക്കണം. ജനറൽ, ഇ.ഡബ്ല്യു.എസ്, ഒ.ബി.സി-എൻ.സി.എൽ വിഭാഗത്തിൽപെടുന്നവർ 1996 ഒക്ടോബർ ഒന്നിനോ അതിനുശേഷമോ ജനിച്ചവരാകണം. എസ്.സി/എസ്.ടി/പി.ഡി (ഭിന്നശേഷി) വിഭാഗങ്ങളിൽപെടുന്നവർ 1991 ഒക്ടോബർ ഒന്നിനോ അതിനുശേഷമോ ജനിച്ചവരായിരുന്നാൽ മതി.ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങളോടെ ഹയർ സെക്കൻഡറി/പ്ലസ്ടു/തത്തുല്യ ബോർഡ് പരീക്ഷ പാസായിരിക്കണം. ഇക്കൊല്ലം മാർക്ക് നിബന്ധനകളില്ല.ജെ.ഇ.ഇ (അഡ്വാൻസ്ഡ്) 2021ൽ ജനറൽ വിഭാഗത്തിൽപെടുന്നവർ ഫിസിക്സ്, കെമിസ്ട്രി, മാത്തമാറ്റിക്സ് വിഷയത്തിൽ ഓരോന്നിനും നാലു ശതമാനം മാർക്കിൽ കുറയാതെയും മൊത്തത്തിൽ 16 ശതമാനം മാർക്കിൽ കുറയാതെയും നേടിയിരിക്കണം. ഇ.ഡബ്ല്യു.എസ്, ഒ.ബി.സി-എൻ.സി.എൽ വിഭാഗത്തിൽപെടുന്നവർക്ക് യഥാക്രമം 3.6 ശതമാനം, 14.4 ശതമാനം മാർക്കും എസ്.സി/എസ്.ടി/പി.ഡി വിഭാഗങ്ങളിൽപെടുന്നവർക്ക് യഥാക്രമം 2 ശതമാനം, 8 ശതമാനം മാർക്കും മതിയാകും.
രജിസ്ട്രേഷൻ ഫീസ് ജനറൽ, ഇ.ഡബ്ല്യു.എസ്, ഒ.ബി.സി-എൻ.സി.എൽ വിഭാഗത്തിൽപെടുന്ന പുരുഷന്മാർക്ക് 600 രൂപ. വനിതകൾക്കും എസ്.സി/എസ്.ടി/പി.ഡി വിഭാഗങ്ങളിൽപെടുന്നവർക്കും 300 രൂപ മതി.രജിസ്ട്രേഷൻ http://admission.iist.ac.inൽ അണ്ടർ ഗ്രാജ്വേറ്റ് അഡ്മിഷൻ 2021 ലിങ്കിൽ ഒക്ടോബർ 20നകം സമർപ്പിക്കണം. ഇതിനുള്ള നിർദേശങ്ങൾ ഇൻഫർമേഷൻ ബ്രോഷറിലുണ്ട്.അഡ്മിഷൻ റാങ്ക്ലിസ്റ്റ് ഒക്ടോബർ 21ന് പ്രസിദ്ധപ്പെടുത്തും. സീറ്റ് അലോട്ട്മെൻറ് ഒക്ടോബർ 23ന് ആരംഭിക്കും. അന്വേഷണങ്ങൾക്ക് ugadmission@iist.ac.in.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.