കൊട്ട റാം, ജലാൽ, ഹബീബുൽ റഹ്മാൻ
വളാഞ്ചേരി: ലഹരിമരുന്ന് വിൽപ്പന നടത്തുന്ന അന്തർ സംസ്ഥാന തൊഴിലാളികൾ വളാഞ്ചേരി പൊലീസിന്റെ പിടിയിൽ. ജില്ലാതല കോമ്പിങ് പരിശോധനയിലാണ് രണ്ടുപേരെ വളാഞ്ചേരി ബസ് സ്റ്റാൻഡിൽനിന്നും ഒരാളെ വളാഞ്ചേരി ഹൈസ്കൂൾ പരിസരത്തുനിന്നും അറസ്റ്റ് ചെയ്തത്.
കൊൽക്കത്ത സ്വദേശി കൊട്ട റാം (27), മൂർഷിദബാദ് സ്വദേശി ജലാൽ (36), അസം സ്വദേശി ഹബീബുൽ റഹ്മാൻ (26) എന്നിവരെയാണ് മയക്കുമരുന്ന് സഹിതം പൊലീസ് പിടികൂടിയത്. കൊട്ട റാമിൽനിന്ന് 44 ഗ്രാം കഞ്ചാവും ജലാലിൽനിന്ന് 234 ഗ്രാം കഞ്ചാവും ഹബീബുൽ റഹ്മാനിൽനിന്ന് ഒരു ഗ്രാം ബ്രൗൺ ഷുഗറുമാണ് പിടികൂടിയത്.
വളാഞ്ചേരി എസ്.എച്ച്.ഒ ജലീൽ കറുത്തേടത്തിന്റെ നേതൃത്വത്തിലുള്ള പൊലീസ് സംഘമാണ് പ്രതികളെ അറസ്റ്റ് ചെയ്തത്. ഇവരെ കോടതി മുമ്പാകെ ഹാജരാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.