ഭാഷാശ്രി പുരസ്കാരം കെ. കൊമ്മാട്ടിന്

​കോഴി​ക്കോട്: ഭാഷാശ്രീ സാംസ്കാരിക മാസിക മുൻപത്രാധിപർ ആർ.കെ. രവിവർമ്മ സംസ്ഥാന സാഹിത്യ പുരസ്കാരം 2022 കെ.കൊമ്മാട്ടിന്റെ (കുഞ്ഞിരാമൻ കൊമ്മാട്ട്) ഫാം റോഡ് എന്ന ചെറുകഥ സമാഹാരത്തിനു ലഭിച്ചു. കേരള പബ്ലിക് സർവീസ് കമ്മീഷൻ കോഴിക്കോട് ജില്ല ഓഫീസിൽ നിന്നും റിട്ടയർ ചെയ്ത വേളം പെരുവയൽ സ്വദേശിയായ കെ. കൊമ്മാട്ട് പേരാമ്പ്ര മിഡറ്റ് കോളജിലും, കോഴിക്കോട് സാക്ഷരതാ മിഷൻ പ്ലസ് ടു വിഭാഗത്തിലും  അധ്യാപകനാണ്. 

ഒക്ടോബർ 15ന് ശനിയാഴ്ച രണ്ടുമണിക്ക് പേരാമ്പ്ര റീജനൽ കോ-ഓപ്പറേറ്റീവ് ബാങ്ക് ഓഡിറ്റോറിയത്തിൽ നടക്കുന്ന ചടങ്ങിൽ തുറമുഖ വകുപ്പ് മന്ത്രി അഹമ്മദ് ദേവർകോവിൽ പുരസ്കാര സമർപ്പണം നടത്തും. പേരാമ്പ്ര പഞ്ചായത്ത് പ്രസിഡന്റ് വി.കെ. പ്രമോദ് അധ്യക്ഷതവഹിക്കും. ചടങ്ങിൽ സാഹിത്യകാരൻ രാജഗോപാലൻ കാരപ്പറ്റ മുഖ്യപ്രഭാഷണം നടത്തും.കെ. കൊമ്മാട്ടിന്റെ രണ്ടാമത്തെ ചെറുകഥാസംഹാരമായ `ചോലവനങ്ങൾക്കിടയിലൂടെ'ജനുവരിയിൽ പുറത്തിറങ്ങാനിരിക്കയാണ്.