കാഞ്ചീപുരം പട്ടുസാരിയണിഞ്ഞ് കാൻ ചലച്ചിത്ര മേളയിൽ ശ്രദ്ധനേടി നടി ഖുശ്ബു സുന്ദർ. കാനിൽ പങ്കെടുക്കാൻ സാധിച്ചതിൽ ഏറെ അഭിമാനമുണ്ടെന്ന് ഖുശ്ബു റെഡ്കാർപ്പറ്റിൽ നിന്നുള്ള ചിത്രം പങ്കുവെച്ചുകൊണ്ട് സോഷ്യൽ മീഡിയയിൽ കുറിച്ചു.നമ്മുടെ രാജ്യത്തിന്റെ സംസ്‌കാരത്തെയും പാരമ്പര്യത്തെയും അഭിമാനത്തോടെ മുന്നോട്ടുകൊണ്ടു പോകുമെന്നും താരം കൂട്ടിച്ചേർത്തു. മണിപ്പൂരി ചിത്രം ഇഷ്നോവിന്റെ പ്രദർശനത്തിനോട് അനുബന്ധിച്ചാണ് ഖുശ്ബു എത്തിയത്.
'നമ്മുടെ മനോഹരമായ രാജ്യത്തിന്റെ സംസ്‌കാരത്തെയും പാരമ്പര്യത്തെയും അഭിമാനത്തോടെ മുന്നോട്ട്‌കൊണ്ടു പോകും. തെന്നിന്ത്യയിലെ പരമ്പരാഗത കാഞ്ചീപുരം സാരി ധരിച്ച് കാനിലെ റെഡ്കാര്‍പ്പറ്റില്‍. കൈത്തറിയില്‍ നെയ്‌തെടുത്ത ഓരോ സാരിയും നമ്മുടെ നെയ്ത്തുകാരുടെ കലയെ ജീവനോടെ നിര്‍ത്തുന്നു.കാനില്‍ പങ്കെടുക്കാന്‍ സാധിച്ചതില്‍ അഭിമാനമുണ്ട്'- ഖുശ്ബു പറഞ്ഞു.
ഇന്ത്യൻ സിനിമാ ലോകത്തെ പ്രമുഖരാണ് കാനിൽ എത്തുന്നത്. ഐശ്വര്യ റായ് ബച്ചന്‍, വിജയ് വര്‍മ, മാനുഷി ചില്ലാര്‍, മൃണാല്‍ താക്കൂര്‍, ഉര്‍വശി റൗട്ടേല, സാറാ അലി ഖാന്‍ തുടങ്ങിയവർ റെഡ് കാര്‍പ്പറ്റിലെത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.