സൂപ്പർ താരം രജനികാന്ത് അഭിനയം നിർത്തുന്നതായി റിപ്പോർട്ട്. സംവിധായകൻ ലോകേഷ് കനകരാജിന്റെ ചിത്രത്തിന് ശേഷമാകും അഭിനയത്തിൽ നിന്ന് വിടപറയുകയെന്ന് ഒരു തമിഴ് ഓൺലൈൻ മാധ്യമത്തിന് നൽകിയ അഭിമുഖത്തിൽ നടനും സംവിധായകനുമായ മിഷ്കിൻ പറഞ്ഞു.
ലോകേഷ് ചിത്രം കൂടാതെ ജയ് ഭീം സംവിധായകൻ ടി.ജെ ജ്ഞാനവേൽ ചിത്രത്തിലും രജനി അഭിനയിക്കുന്നുണ്ട്. സിനിമയുടെ പേര് വിവരങ്ങൾ പുറത്തുവിട്ടിട്ടില്ല. ഇതിന് ശേഷമാകും ലോകേഷ് ചിത്രത്തിൽ രജനി അഭിനയിക്കുക.
നെൽസൺ സംവിധാനം ചെയ്യുന്ന ജയിലറാണ് ഇനി പുറത്തുവരാനുള്ള രജനികാന്ത് ചിത്രം. ഓഗസ്റ്റ് 10 ന് തിയറ്ററുകളിൽ എത്തുന്ന ചിത്രത്തിൽ മോഹൻലാലും ഒരു പ്രധാനവേഷത്തിൽ എത്തുന്നുണ്ട്. വിനായകൻ, ശിവ രാജ്കുമാർ, സുനിൽ, രമ്യ കൃഷ്ണൻ, ജാക്കി ഷ്റോഫ്, തമന്ന, യോഗി ബാബു എന്നിവരാണ് മറ്റുതാരങ്ങൾ. 'മുത്തുവേൽ പാണ്ഡ്യൻ' എന്ന കഥാപാത്രത്തെയാണ് ജയിലറിൽ രജനി അവതരിപ്പിക്കുന്നത്. 'അണ്ണാത്തെ'യാണ് ഏറ്റവും ഒടുവിൽ പുറത്ത് ഇറങ്ങിയ ചിത്രം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.