സൽമാൻ ഖാൻ നടൻ എന്നതിനപ്പുറം നല്ല വ്യക്തിത്വത്തിന് ഉടമയാണെന്ന് നടി അയിഷ ജുൽക്ക. മിഡ് ഡേക്ക് നൽകിയ അഭിമുഖത്തിലാണ് ഇക്കാര്യം പറഞ്ഞത്. ഷൂട്ടിങ്ങിന് ശേഷം രാത്രികളിൽ യാചകർക്ക് ഭക്ഷണവുമായി സൽമാൻ എത്താറുണ്ടെന്ന് നടി അഭിമുഖത്തിൽ പറഞ്ഞു.
1991-ൽ പുറത്ത് ഇറങ്ങിയ സൽമാൻ ഖാന്റെ കുർബാന എന്ന ചിത്രത്തിലൂടെയാണ് അയിഷ ബോളിവുഡിൽ എത്തുന്നത്. ഈ സിനിമയിൽ നടനോടൊപ്പമുള്ള അനുഭവം പങ്കുവെക്കവെയാണ് ഇക്കാര്യം പറഞ്ഞത്.
'സൽമാൻ ഖാനെ എനിക്ക് വളരെ ഇഷ്ടമാണ്, കാരണം ഒരു മികച്ച വ്യക്തിയാണ്. ഇപ്പോഴും ഞാൻ ഓർക്കുന്നു, ഞങ്ങള്‍ ഷൂട്ട് പൂര്‍ത്തിയാക്കി വീട്ടിലേക്ക് മടങ്ങുമ്പോള്‍, അദ്ദേഹം പാവപ്പെട്ടവര്‍ക്കായി ഭക്ഷണം പാക്ക് ചെയ്യുകയായിരിക്കും. രാത്രി എത്ര വൈകിയാലും റോഡില്‍ കിടന്നുറങ്ങുന്നവരെ വിളിച്ചുണര്‍ത്തി ഭക്ഷണം കൊടുത്തിട്ടെ അദ്ദേഹം പോകാറുള്ളൂ'; പഴയ ഓർമ പങ്കുവെച്ച് കൊണ്ട് നടി പറഞ്ഞു.
ഒരു ചെറിയ ഇടവേളക്ക് ശേഷം ആയിഷ ജുല്‍ക്ക അഭിനയരംഗത്തേക്ക് മടങ്ങി വന്നിരിക്കുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.