ലഹരിക്കേസുമായി ബന്ധപ്പെട്ട് ശ്രീ​നാ​ഥ് ഭാ​സിയെയും പ്ര​യാ​ഗ മാ​ർ​ട്ടി​നെയും ഇന്ന് ചോദ്യംചെയ്യും

കൊ​ച്ചി: കു​പ്ര​സി​ദ്ധ ഗു​ണ്ട ഓം​പ്ര​കാ​ശ് പ്ര​തി​യാ​യ ല​ഹ​രി​ക്കേ​സു​മാ​യി ബ​ന്ധ​പ്പെ​ട്ട് സി​നി​മ അ​ഭി​നേ​താ​ക്ക​ളാ​യ ശ്രീ​നാ​ഥ് ഭാ​സി​യെയും പ്ര​യാ​ഗ മാ​ർ​ട്ടി​നെയും ഇന്ന് ചോദ്യംചെയ്യും. രാ​വി​ലെ 10ന്​ ​മ​ര​ട് സ്റ്റേ​ഷ​നി​ൽ ഹാ​ജ​രാ​കാൻ പൊ​ലീ​സ് നോ​ട്ടീ​സ് നൽകിയിരുന്നു. എ​റ​ണാ​കു​ളം അ​സി. ക​മീ​ഷ​ണ​ർ പി. ​രാ​ജ്കു​മാ​റി​ന്‍റെ നേ​തൃ​ത്വ​ത്തി​ലു​ള്ള സം​ഘ​മാ​യി​രി​ക്കും ചോ​ദ്യം​ചെ​യ്യ​ലി​ന് നേ​തൃ​ത്വം ന​ൽ​കു​ക.

ഓം​പ്ര​കാ​ശി​ന്‍റെ മു​റി​യി​ൽ ശ്രീ​നാ​ഥ് ഭാ​സി​യും പ്ര​യാ​ഗ മാ​ർ​ട്ടി​നും ല​ഹ​രി പാ​ർ​ട്ടി​യി​ൽ പ​ങ്കെ​ടു​ക്കാ​നാ​ണെ​ത്തി​യ​തെ​ന്ന വി​വ​ര​വു​മാ​യി ബ​ന്ധ​പ്പെ​ട്ടാ​യി​രി​ക്കും ചോ​ദ്യം​ചെ​യ്യ​ൽ. ഹോ​ട്ട​ലി​ലെ ല​ഹ​രി​സാ​ന്നി​ധ്യം ഉ​റ​പ്പി​ക്കു​ന്ന​തി​ന് ഫോ​റ​ൻ​സി​ക് പ​രി​ശോ​ധ​ന ന​ട​ത്തി​യി​രു​ന്നു. ഇ​തി​ന്‍റെ ഫ​ലം ഉ​ട​നെ​യെ​ത്തു​മെ​ന്നാ​ണ് പൊ​ലീ​സ് വ്യ​ക്ത​മാ​ക്കു​ന്ന​ത്.

ബു​ധ​നാ​ഴ്ച ഗു​ണ്ട സം​ഘ​വു​മാ​യി ബ​ന്ധ​മു​ള്ള മൂ​ന്നു​പേ​രെ ചോ​ദ്യം​ചെ​യ്തു. ല​ഹ​രി പാ​ർ​ട്ടി​യി​ൽ പ​ങ്കെ​ടു​ത്ത എല്ലാവർ​ക്കും നോ​ട്ടീ​സ് ന​ൽ​കും. ഓം​പ്ര​കാ​ശി​ന് മു​റി​ക​ൾ എ​ടു​ത്ത് ന​ൽ​കി​യ തി​രു​വാ​ങ്കു​ള​ത്ത് താ​മ​സി​ക്കു​ന്ന തി​രു​വ​ന​ന്ത​പു​രം സ്വ​ദേ​ശി ബോ​ബി ച​ല​പ​തി ഒ​ളി​വി​ലാ​ണ്. ഇ​യാ​ളു​ടെ മൊ​ബൈ​ൽ സ്വി​ച്ഓ​ഫ് ചെ​യ്ത നി​ല​യി​ലാ​ണ്. അ​തേ​സ​മ​യം, പ്ര​യാ​ഗ​യെ അ​നാ​വ​ശ്യ ആ​രോ​പ​ണ​ങ്ങ​ളി​ലൂ​ടെ മോ​ശ​ക്കാ​രി​യാ​ക്കാ​ൻ ശ്ര​മി​ക്ക​രു​തെ​ന്ന് പി​താ​വ് പ്ര​തി​ക​രി​ച്ചു.