മന്ത്രിമാരുടെ നേതൃത്വത്തിൽ ചേർന്ന യോഗം
കുവൈത്ത് സിറ്റി: ശുദ്ധീകരിച്ച വെള്ളത്തിന്റെ സുസ്ഥിര വികസന ഉപയോഗത്തെക്കുറിച്ച് കുവൈത്ത് മന്ത്രിതല സമിതി ചർച്ച ചെയ്തു. പൊതുമരാമത്ത് മന്ത്രി ഡോ. നൂറ അൽ മശാൻ, മന്ത്രി ഡോ. മഹ്മൂദ് ബുശഹ്‌രി എന്നിവർ സമിതിയുടെ യോഗത്തിന് നേതൃത്വം നൽകിയതായി വൈദ്യുതി-ജലം-പുനരുപയോഗ ഊർജ മന്ത്രാലയം അറിയിച്ചു. നിരവധി സംസ്ഥാന ബോഡികൾ അടങ്ങിയതാണ് സമിതി.
സമിതിയുടെ ലക്ഷ്യങ്ങളും സംവിധാനങ്ങളും മീറ്റിങ് രൂപപ്പെടുത്തിയെന്നും മന്ത്രാലയം വ്യക്തമാക്കി.കാർഷിക റിസർവുകളിലും അതിർത്തി പ്രദേശങ്ങളിലും ശുദ്ധീകരിച്ച വെള്ളം ഉപയോഗിച്ച് കൃത്രിമ തടാകങ്ങളും വിപുലമായ ജലപാതകളും സൃഷ്ടിക്കുന്നതിനുള്ള സാധ്യത, വ്യവസായങ്ങൾ ഉൾപ്പെടെയുള്ള സുസ്ഥിര വികസന പരിപാടികളിൽ ശുദ്ധീകരിച്ച വെള്ളത്തിന്റെ സാധ്യത തുടങ്ങിയവ സമിതി പരിശോധിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.