ഐ.ഒ.സി കേരള ചാപ്റ്റർ സലാലയിൽ സംഘടിപ്പിച്ച ഓണാഘോഷം
സലാല: ഇന്ത്യൻ ഓവർസീസ് കോൺഗ്രസ് സലാലയിൽ ഓണാഘോഷം സംഘടിപ്പിച്ചു. ലുബാൻ പാലസ് ഹാളിൽ നടന്ന പരിപാടി ഐ.ഒ.സി ഒമാൻ നാഷനൽ പ്രസിഡന്റ് സിയ ഉൽ ഹഖ് ലാറി ഉദ്ഘാടനം ചെയ്തു.
നിരവധി കലാപരിപാടികളും കുട്ടികൾക്കും മുതിർന്നവർക്കുമുള്ള മത്സരങ്ങളും ഓണസദ്യയും ഒരുക്കിയിരുന്നു. ഐ.ഒ.സി ഒമാൻ കേരള ചാപ്റ്റർ പ്രസിഡന്റ് ഡോ. നിഷ്താർ അധ്യക്ഷത വഹിച്ചു.
ജനറൽ സെക്രട്ടറി ഹരികുമാർ ഓച്ചിറ, സുഹാന മുസ്തഫ, ബി. ഗോപകുമാർ എന്നിവർ സംസാരിച്ചു. ഉമ്മൻ ചാണ്ടിയുടെ പേരിൽ ഐ.ഒ.സി ഏർപ്പെടുത്തിയ സ്നേഹ സേവന അവാർഡ് ഈ വർഷം സലാല കെ.എം.സി.സി ജനറൽ സെക്രട്ടറി ഷബീർ കാലടിക്ക് സമ്മാനിക്കുമെന്ന് ഭാരവാഹികൾ അറിയിച്ചു.
ഡോ. കെ. സനാതനൻ, രാകേഷ് കുമാർ ഝ, ഡോ. അബൂബക്കർ സിദ്ദീഖ്, എ.പി. കരുണൻ, ഡോ. ഷാജി പി.ശ്രീധർ എന്നിവർ ആശംസകൾ നേർന്നു. ബി.വി. അനീഷ്, ശ്യാം മോഹൻ, രഘു എന്നിവർ നേതൃത്വം നൽകി. വിവിധ സംഘടന പ്രതിനിധികളും കുടുംബങ്ങളും ഉൾപ്പെടെ നിരവധി പേർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.