ദോഹ: അമേരിക്കൻ പ്രസിഡൻറ് പദവിയിലേക്ക് രണ്ടാം തവണയും തെരഞ്ഞെടുക്കപ്പെട്ട ഡോണൾഡ് ട്രംപിനെ അഭിനന്ദിച്ച് ഖത്തർ അമീർ ശൈഖ് തമീം ബിൻ ഹമദ് ആൽഥാനി. ‘എക്സ്’ സന്ദേശത്തിലൂടെയാണ് അമീർ 47ാമത് പ്രസിഡൻറായി തെരഞ്ഞെടുക്കപ്പെട്ട ട്രംപിനെ അഭിനന്ദിച്ചത്.
‘അമേരിക്കൻ പ്രസിഡൻറ് തെരഞ്ഞെടുപ്പിലെ വിജയത്തിന് എല്ലാ അഭിനന്ദനങ്ങളും നേരുന്നു. പുതിയ ഭരണകാലയളവിൽ നിങ്ങൾക്ക് എല്ലാ ആശംസകളും നേരുന്നു. ഇരുരാജ്യങ്ങൾക്കുമിടയിൽ ശക്തമായ ബന്ധവും പങ്കാളിത്തവും സ്ഥാപിക്കുന്നതിനും, ഒരുമിച്ച് പ്രവർത്തിക്കാനും മേഖലയിലും ആഗോളതലത്തിലും സുരക്ഷയും സ്ഥിരതയും പ്രോത്സാഹിപ്പിക്കുന്നതിനും കഴിയട്ടെയെന്ന് ആശംസിക്കുന്നു’ -അമീർ സന്ദേശത്തിൽ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.