ദോഹ: ആഭ്യന്തര യുദ്ധത്തിന്റെ കെടുതികൾ അനുഭവിക്കുന്ന സുഡാനിലെ ദുരിതാശ്വാസ പ്രവർത്തനങ്ങളിൽ ഖത്തറും ഈജിപ്തും കൈകോർക്കും. കഴിഞ്ഞ ദിവസം അമീർ ശൈഖ് തമീം ബിൻ ഹമദ് ആൽഥാനിയും ഈജിപ്ത് പ്രസിഡന്റ് അബ്ദുൽ ഫത്താഹ് അൽസീസിയും നടത്തിയ ഫോൺ സംഭാഷണത്തിലാണ് സുഡാനിലെ വിവിധ മേഖലകളിൽ സംയുക്തമായി സഹായമെത്തിക്കുന്നതു സംബന്ധിച്ച് തീരുമാനമായത്.
സുഡാനി പൗരന്മാർക്ക് ഭക്ഷണവും മരുന്നും ഉൾപ്പെടെ അവശ്യവസ്തുക്കൾ എത്തിക്കുന്നതിൽ സംയുക്ത ദൗത്യത്തിനാണ് ധാരണയായത്.
നിലവിൽ ഖത്തറിന്റെ നേതൃത്വത്തിൽ വിവിധ ഘട്ടങ്ങളിലായി സുഡാനിൽ സഹായങ്ങൾ എത്തിച്ചിട്ടുണ്ട്. സുഡാനിലെ സംഘർഷങ്ങളുടെ നിലവിലെ സാഹചര്യവും ഇരു രാഷ്ട്ര നേതാക്കളും വിലയിരുത്തി.
ഇരുരാജ്യങ്ങളിലെയും ബന്ധപ്പെട്ട വിഭാഗങ്ങൾ സുഡാനിലെ അഭയാർഥികളുടെ വിഷയം ഉൾപ്പെടെ ചർച്ച ചെയ്യുകയും പദ്ധതി തയാറാക്കുകയും ചെയ്യും. ഫോൺ സംഭാഷണത്തിൽ മേഖലയിലെ മറ്റു വിഷയങ്ങളും ചർച്ച ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.