സ്പേസ് റേ​ഡി​യോ മോ​ണി​റ്റ​റി​ങ് സെ​ന്റ​റു​മാ​യി ഖ​ത്ത​ർ

ദോ​ഹ: ബ​ഹി​രാ​കാ​ശ നി​രീ​ക്ഷ​ണ​ത്തി​ൽ ശ്ര​ദ്ധേ​യ​മാ​യ ചു​വ​ടു​വെ​പ്പാ​യി ഖ​ത്ത​റി​ലെ സ്‍പേ​സ് റേ​ഡി​യോ മോ​ണി​റ്റ​റി​ങ് ​കേ​ന്ദ്രം പ്ര​വ​ർ​ത്ത​ന​മാ​രം​ഭി​ച്ചു. ദോ​ഹ​യി​ൽ ന​ട​ക്കു​ന്ന ജി.​സി.​സി ഇ ​ഗ​വേ​ൺ​മെ​ന്റ് മ​ന്ത്രി​ത​ല യോ​ഗ​ത്തി​ന്റെ ഭാ​ഗ​മാ​യി ന​ട​ന്ന ച​ട​ങ്ങി​ൽ ക​മ്യൂ​ണി​ക്കേ​ഷ​ൻ- വി​വ​ര സാ​​ങ്കേ​തി​ക​ത മ​ന്ത്രി മു​ഹ​മ്മ​ദ് ബി​ൻ അ​ലി അ​ൽ മ​ന്നാ​ഇ ഉ​ദ്ഘാ​ട​നം ചെ​യ്തു. പ്ര​ധാ​ന​മ​ന്ത്രി​യും വി​ദേ​ശ​കാ​ര്യ​മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ​റ​ഹ്മാ​ൻ ആ​ൽ​ഥാ​നി​യു​ടെ ര​ക്ഷാ​ക​ർ​തൃ​ത്വ​ത്തി​ലാ​യി​രു​ന്നു ച​ട​ങ്ങ്.

ബ​ഹി​രാ​കാ​ശ റേ​ഡി​യോ ഫ്രീ​ക്വ​ൻ​സി​ക​ൾ നി​യ​ന്ത്രി​ക്കു​ന്ന​തി​നും നി​രീ​ക്ഷി​ക്കു​ന്ന​തി​ലു​മു​ള്ള കേ​ന്ദ്ര​മെ​ന്ന നി​ല​യി​ലാ​ണ് ഖ​ത്ത​റി​ന്റെ ക​മ്യൂ​ണി​ക്കേ​ഷ​ൻ റെ​​ഗു​ലേ​റ്റ​റി അ​തോ​റി​റ്റി​ക്കു കീ​ഴി​ൽ മേ​ഖ​ല​യി​ലെ​ത​ന്നെ ര​ണ്ടാ​മ​ത്തെ എ​സ്.​ആ​ർ.​എം കേ​ന്ദ്രം ആ​രം​ഭി​ച്ച​ത്. സാ​റ്റ​ലൈ​റ്റ് ക​മ്യൂ​ണി​ക്കേ​ഷ​ൻ അ​ടി​സ്ഥാ​ന സൗ​ക​ര്യം ശ​ക്തി​പ്പെ​ടു​ത്തു​ന്ന​തി​ലും ത​ട​സ്സ​ങ്ങ​ളേ​തു​മി​ല്ലാ​തെ ​ആ​ശ​യ വി​നി​മ​യം സാ​ധ്യ​മാ​ക്കു​ന്ന​തി​ലും സ്‍പേ​സ് റേ​ഡി​യോ സെ​ന്റ​റി​ന്റെ പ്ര​വ​ർ​ത്ത​നം നി​ർ​ണാ​യ​ക​മാ​വും. ഗ്രൗ​ണ്ട് സ്റ്റേ​ഷ​നു​ക​ൾ​ക്കും ഉ​പ​ഗ്ര​ഹ​ങ്ങ​ൾ​ക്കും ഇ​ട​യി​ലെ ഡൗ​ൺ​ലി​ങ്കും, അ​പ് ലി​ങ്കും ഉ​ൾ​പ്പെ​ടെ ആ​ശ​യ വി​നി​മ​യോ​പാ​ധി​യാ​യാ​ണ് സ്‍പേ​സ് റേ​ഡി​യോ മോ​ണി​റ്റ​റി​ങ് കേ​ന്ദ്രം പ്ര​വ​ർ​ത്തി​ക്കു​ന്ന​ത്.

ഉ​പ​ഗ്ര​ഹ​ങ്ങ​ളി​ൽ​നി​ന്നും ഡേ​റ്റ​ക​ൾ സ്വീ​ക​രി​ക്കാ​നും വി​ത​ര​ണം ചെ​യ്യാ​നു​മു​ള്ള മൊ​ബൈ​ൽ വി ​സാ​റ്റ് ടെ​ർ​മി​ന​ൽ സേ​വ​ന​മു​ള്ള ആ​ദ്യ റെ​ഗു​ലേ​റ്റ​റി ബോ​ഡി​യെ​ന്ന നേ​ട്ട​വും എ​സ്.​ആ​ർ.​എം.​സി​യി​ലൂ​ടെ ഖ​ത്ത​ർ ക​മ്യൂ​ണി​ക്കേ​ഷ​ൻ റെ​ഗു​ലേ​റ്റ​റി അ​തോ​റി​റ്റി സ്വ​ന്ത​മാ​ക്കി. സാ​റ്റ​ലൈ​റ്റ് ഓ​പ​റേ​ഷ​നി​ലും വി​വി​ര കൈ​മാ​റ്റ​ത്തി​ലും റേ​ഡി​യോ സ്റ്റേ​ഷ​​ന്റെ സാ​ന്നി​ധ്യം ​ശ്ര​ദ്ധേ​യ​മാ​യി മാ​റും.

ഭൗ​മ​ത​ല, ബ​ഹി​രാ​കാ​ശ റേ​ഡി​യോ​ മോ​ണി​റ്റ​റി​ങ് കേ​ന്ദ്ര​മാ​യ എ​സ്.​ആ​ർ.​എം.​സി​യു​ടെ സ്ഥാ​പ​ന​ത്തോ​ടെ ആ​ഗോ​ള ബ​ഹി​രാ​കാ​ശ ആ​ശ​യ വി​നി​മ​യ​ത്തി​ൽ ഖ​ത്ത​റി​ന്റെ പ​ങ്ക് വ​ർ​ധി​പ്പി​ക്ക​പ്പെ​ടും. മ​ർ​ഖി​യാ​തി​ലെ അ​ൽ ദ​ർ​ബ് മേ​ഖ​ല​യി​ൽ 20,000 ച​തു​ര​ശ്ര മീ​റ്റ​ർ വി​സ്തൃ​തി​യി​ലാ​ണ് അ​ത്യാ​ധു​നി​ക സം​വി​ധാ​ന​ങ്ങ​ളോ​ടെ ഈ ​നി​രീ​ക്ഷ​ണ യൂ​നി​റ്റ് സ്ഥാ​പി​ച്ച​ത്. ക​ൺ​ട്രോ​ൾ സെ​ന്റ​ർ, ആ​ന്റി​ന ഫാം, ​മൊ​ബൈ​ൽ മോ​ണി​റ്റ​റി​ങ് സ്റ്റേ​ഷ​ൻ,​ ഡ്രോ​ൺ മോ​ണി​റ്റ​റി​ങ് യൂ​നി​റ്റ് എ​ന്നി​വ​യോ​ടെ​യു​ള്ള കേ​ന്ദ്രം ഖ​ത്ത​റി​ന്റെ സാ​റ്റ​ലൈ​റ്റ് ക​മ്യൂ​ണി​ക്കേ​ഷ​നി​ലെ സം​യോ​ജി​ത സം​വി​ധാ​ന​മാ​യാ​ണ് ​പ്ര​വ​ർ​ത്തി​ക്കു​ന്ന​ത്.

ബ​ഹി​രാ​കാ​ശ റേ​ഡി​യോ ഫ്രീ​ക്വ​ൻ​സി മാ​നേ​ജ്മെ​ന്റി​ൽ ഖ​ത്ത​റി​ന്റെ മി​ക​വി​ന്റെ അ​ട​യാ​ള​മാ​ണ് എ​സ്.​ആ​ർ.​എം.​സി​യു​ടെ സ്ഥാ​പ​ന​മെ​ന്ന് സി.​ആ​ർ.​എ പ്ര​സി​ഡ​ന്റ് എ​ൻ​ജി. അ​ഹ്മ​ദ് അ​ബ്ദു​ല്ല അ​ൽ മു​സ്‍ലി​മാ​നി പ​റ​ഞ്ഞു. അ​ന്താ​രാ​ഷ്ട്ര ത​ല​ത്തി​ൽ​ത​ന്നെ 16 റേ​ഡി​യോ മോ​ണി​റ്റ​റി​ങ് സെ​ന്റ​റു​ക​ളാ​ണു​ള്ള​ത്. മേ​ഖ​ല​യി​ൽ ഇ​ത് ര​ണ്ടാ​മ​ത്തേ​യും. ഏ​റ്റ​വും മി​ക​ച്ച സാ​​ങ്കേ​തി​ക തി​ക​വു​ള്ള ഉ​പ​ക​ര​ണ​ങ്ങ​ളു​മാ​യി സ്ഥാ​പി​ച്ച കേ​ന്ദ്രം എ​ന്ന പ്ര​ത്യേ​ക​ത​യും ഇ​തി​നു​ണ്ട്. ഖ​ത്ത​ർ ദേ​ശീ​യ വി​ഷ​ൻ 2030, മൂ​ന്നാ​മ​ത് ദേ​ശീ​യ ന​യം എ​ന്നി​വ​യു​മാ​യി ബ​ന്ധ​പ്പെ​ട്ട് കൂ​ടി​യാ​ണ് ശാ​സ്ത്ര​മേ​ഖ​ല​യി​ലെ ഈ ​ചു​വ​ടു​വെ​പ്പെ​ന്നെും അ​ദ്ദേ​ഹം പ​റ​ഞ്ഞു.