ഈ​ജി​പ്ഷ്യ​ൻ തീ​ര​ത്ത്, എ​ണ്ണ പ​ര്യ​വേ​ക്ഷ​ണ​ത്തി​ന് ഖ​ത്ത​ർ എ​ന​ർ​ജി​യും

ദോ​ഹ: ഈ​ജി​പ്ഷ്യ​ൻ തീ​ര​ത്തു​നി​ന്നും പ​ത്ത് കി​ലോ​മീ​റ്റ​ർ ഉ​ൾ​ക്ക​ട​ലി​ലാ​യി എ​ണ്ണ, പ്ര​കൃ​തി വാ​ത​ക പ​ര്യ​വേ​ക്ഷ​ണ​ത്തി​ന് ക​രാ​റി​ലെ​ത്തി ഖ​ത്ത​ർ എ​ന​ർ​ജി. മെ​ഡി​റ്റ​റേ​നി​യ​ൻ ക​ട​ലി​ലെ നോ​ർ​ത്ത് അ​ൽ ദാ​ബ (എ​ച്ച് ഫോ​ർ) ​േബ്ലാ​ക്കി​ന്റെ പ​ര്യ​വേ​ക്ഷ​ണ​ത്തി​ൽ 23 ശ​ത​മാ​ന​ത്തി​ന്റെ ഓ​ഹ​രി​ക​ളാ​ണ് പ്ര​വ​ർ​ത്ത​ന ചു​മ​ത​ല വ​ഹി​ക്കു​ന്ന അ​മേ​രി​ക്ക​ൻ ഊ​ർ​ജ ക​മ്പ​നി​യാ​യ ഷെ​വ്റോ​ണി​ൽ​നി​ന്നും ഖ​ത്ത​ർ എ​ന​ർ​ജി സ്വ​ന്ത​മാ​ക്കു​ന്ന​ത്.

വി​വി​ധ മേ​ഖ​ല​ക​ളി​ലെ എ​ണ്ണ, പ്ര​കൃ​തി വാ​ത​ക പ​ര്യ​വേ​ക്ഷ​ണം വി​പു​ലീ​ക​രി​ക്കു​ന്ന​തി​ന്റെ ഭാ​ഗ​മാ​യാ​ണ് ഈ​ജി​പ്ഷ്യ​ൻ പു​റം​ക​ട​ലി​ലേ​ക്കും ഖ​ത്ത​ർ എ​ന​ർ​ജി​യു​ടെ പ്ര​വേ​ശ​നം.

ഷെ​വ്റോ​ണി​നാ​ണ് 40 ശ​ത​മാ​നം ഓ​ഹ​രി​ക​ളു​ള്ള​ത്. വു​ഡ്സൈ​ഡ് 27 ശ​ത​മാ​ന​വും, ഈ​ജി​പ്ഷ്യ​ൻ സ​ർ​ക്കാ​റി​ന്റെ ഉ​ട​മ​സ്ഥ​ത​യി​ലു​ള്ള ത​ർ​വ പെ​​ട്രോ​ളി​യം ക​മ്പ​നി പ​ത്തു​ശ​ത​മാ​നം ഓ​ഹ​രി​യും കൈ​വ​ശം​വെ​ക്കും. തീ​ര​ത്തു​നി​ന്നും പ​ത്തു കി.​മീ അ​ക​ലെ സ​മു​​ദ്രോ​പ​രി​ത​ല​ത്തി​ൽ​നി​ന്നും നൂ​റ് മു​ത​ൽ 3000 മീ​റ്റ​ർ വ​രെ​യാ​ണ് പ​ര്യ​വേ​ക്ഷ​ണ സാ​ധ്യ​ത​യു​ള്ള​ത്.

ഈ​ജി​പ്തി​ന്റെ എ​ണ്ണ, വാ​ത​ക പ​ര്യ​വേ​ക്ഷ​ണ​ത്തി​ലെ ഞ​ങ്ങ​ളു​ടെ പ്ര​തി​ബ​ദ്ധ​ത​യു​ടെ ഭാ​ഗ​മാ​ണ് പു​തി​യ ക​രാ​റെ​ന്ന് ഖ​ത്ത​ർ എ​ന​ർ​ജി സി.​ഇ.​ഒ​യും ഊ​ർ​ജ സ​ഹ​മ​ന്ത്രി​യു​മാ​യ സ​അ​ദ് ഷെ​രി​ദ അ​ൽ ക​അ​ബി പ​റ​ഞ്ഞു.

പു​തി​യ ​േബ്ലാ​ക്കി​ലെ ആ​ദ്യ​ത്തെ പ​ര്യ​വേ​ക്ഷ​ണ​ത്തി​ലൂ​ടെ വി​ജ​യ​ക​ര​മാ​യ ഫ​ലം പ്ര​തീ​ക്ഷി​ക്കു​ന്ന​താ​യും, ത​ങ്ങ​ളി​ൽ വി​ശ്വാ​സ​മ​ർ​പ്പി​ച്ച ഈ​ജി​പ്ഷ്യ​ൻ അ​ധി​കാ​രി​ക​ൾ​ക്ക് ന​ന്ദി അ​റി​യി​ക്കു​ന്ന​താ​യും അ​ദ്ദേ​ഹം പ​റ​ഞ്ഞു. ഈ​ജി​പ്ഷ്യ​ൻ തീ​ര​ത്തെ മ​റ്റൊ​രു എ​ണ്ണ പ​ര്യ​വേ​ക്ഷ​ണം സം​ബ​ന്ധി​ച്ച് ക​ഴി​ഞ്ഞ മേ​യ് മാ​സ​ത്തി​ൽ ഖ​ത്ത​ർ എ​ന​ർ​ജി​യും എ​ക്സോ​ൺ മൊ​​ബി​ലും ക​രാ​റി​ൽ ഒ​പ്പു​വെ​ച്ചി​രു​ന്നു. ര​ണ്ട് ​േബ്ലാ​ക്കു​ക​ളി​ലാ​യി 40 ശ​ത​മാ​ന​ത്തി​ന്റെ പ​ങ്കാ​ളി​ത്ത​മാ​ണ് ധാ​ര​ണ​യാ​യ​ത്.