പ​ട്ടാ​മ്പി-​ദോ​ഹ വ​ഴി മാ​ര​ത്ത​ൺ ‘സി​ക്സ് സ്റ്റാ​ർ’

ദോ​ഹ: ലോ​ക​മെ​ങ്ങു​മു​ള്ള ദീ​ർ​ഘ​ദൂ​ര ഓ​ട്ട​ക്കാ​രു​ടെ സ്വ​പ്ന​മാ​യ ‘വേ​ൾ​ഡ് മാ​ര​ത്ത​ൺ​ മേ​ജേ​ഴ്സ്’ ഓ​ടി​ത്തീ​ർ​ത്ത് ച​രി​ത്ര​മെ​ഴു​തി ഖ​ത്ത​റി​ൽ​നി​ന്നൊ​രു മ​ല​യാ​ളി ഓ​ട്ട​ക്കാ​ര​ൻ. മാ​ര​ത്ത​ൺ ഓ​ട്ട​ങ്ങ​ളും സാ​ഹ​സി​ക​യാ​ത്ര​ക​ളു​മാ​യി ഖ​ത്ത​റി​ലെ സ്വ​ദേ​ശി​ക​ൾ​ക്കും പ്ര​വാ​സി​ക​ൾ​ക്കു​മി​ട​യി​ൽ പ​രി​ചി​ത​നാ​യ പാ​ല​ക്കാ​ട് പ​ട്ടാ​മ്പി സ്വ​ദേ​ശി അ​ബ്ദു​ൽ​നാ​സ​റാ​ണ് ക​ഴി​ഞ്ഞ ഞാ​യ​റാ​ഴ്ച ന​ട​ന്ന ന്യൂ​യോ​ർ​ക്ക് മാ​ര​ത്ത​ണി​ലൂ​ടെ ​‘വേ​ൾ​ഡ് ​മേ​ജേ​ഴ്സ്’ പ​ട്ട​ത്തി​ന് അ​വ​കാ​ശി​യാ​യ​ത്.

അ​പൂ​ർ​വം ഇ​ന്ത്യ​ക്കാ​ർ മാ​ത്രം എ​ത്തി​പ്പി​ടി​ച്ച ഈ ​​നേ​ട്ട​ത്തി​ലേ​ക്ക് ഓ​ടി​യെ​ത്തി​യ​തി​ന്റെ ത്രി​ല്ലി​ലാ​ണ് നാ​സ​ർ. ലോ​ക​ത്തെ മു​ൻ​നി​ര മാ​ര​ത്ത​ൺ ഓ​ട്ട​ങ്ങ​ളാ​യ ബോ​സ്റ്റ​ൺ, ടോ​ക്യോ, ല​ണ്ട​ൻ, ബെ​ർ​ലി​ൻ, ഷി​കാ​ഗോ, ന്യൂ​യോ​ർ​ക്ക് എ​ന്നി​വ ഓ​ടി​ത്തീ​ർ​ക്കു​ന്ന​വ​രാ​ണ് സി​ക്സ് സ്റ്റാ​ർ മെ​ഡ​ൽ നേ​ട്ട​ത്തോ​ടെ ‘വേ​ൾ​ഡ് മാ​ര​ത്ത​ൺ മേ​ജേ​ഴ്സ്’ എ​ന്ന പ​ട്ടി​ക​യി​ലി​ടം നേ​ടു​ന്ന​ത്.

നി​ല​വി​ൽ ഇ​ന്ത്യ​യി​ൽ​നി​ന്നും പു​രു​ഷ, വ​നി​ത വി​ഭാ​ഗ​ങ്ങ​ളി​ലാ​യി 146 പേ​ർ മാ​ത്ര​മാ​ണ് ഈ ​ആ​റ് മാ​ര​ത്ത​ണു​ക​ളും പൂ​ർ​ത്തി​യാ​ക്കി ഹാ​ൾ ഓ​ഫ് ഫെ​യി​മി​ന് അ​വ​കാ​ശി​ക​ളാ​യ​ത് എ​ന്ന​റി​യു​മ്പോ​ഴാ​ണ് മ​ല​യാ​ളി​യാ​യ നാ​സ​റി​ന്റെ നേ​ട്ട​ത്തി​ന് തി​ള​ക്ക​മേ​റു​ന്ന​ത്.

2019 ഏ​പ്രി​ൽ-​മേ​യ് മാ​സ​ത്തി​ൽ ലോ​ക​ത്തെ ഏ​റ്റ​വും ഉ​യ​രം കൂ​ടി​യ കൊ​ടു​മു​ടി​യാ​യ എ​വ​റ​സ്റ്റി​നെ കാ​ൽ​കീ​ഴി​ലാ​ക്കി​യാ​യി​രു​ന്നു നാ​സ​റി​ന്റെ സാ​ഹ​സി​ക​ത​ക​ളി​ലേ​ക്കു​ള്ള തു​ട​ക്കം. വി​വി​ധ ദൂ​ര​വി​ഭാ​ഗ​ങ്ങ​ളി​ൽ ഓ​ടി​ത്തീ​ർ​ത്ത നാ​സ​ർ ആ​ദ്യ ശ്ര​മ​ത്തി​ൽ ത​ന്നെ 8848 മീ​റ്റ​ർ ഉ​യ​ര​മു​ള്ള എ​വ​റ​സ്റ്റ് കീ​ഴ​ട​ക്കി​യ​പ്പോ​ൾ ഒ​രു സാ​ധാ​ര​ണ പ്ര​വാ​സി​യു​ടെ അ​പൂ​ർ​വ നേ​ട്ട​മാ​യി അ​തു​മാ​റി.

പ്ര​തി​കൂ​ല കാ​ലാ​വ​സ്ഥ​യോ​ട് പ​ട​വെ​ട്ടി ആ​കാ​ശ​ത്തോ​ളം ഉ​യ​രെ ക​യ​റി നേ​ടി​യ വി​ജ​യം ന​ൽ​കി​യ ആ​ത്മ​വി​ശ്വാ​സ​മാ​യി​രു​ന്നു ഖ​ത്ത​ർ എ​ന​ർ​ജി​യി​ലെ ഫി​നാ​ൻ​സ് മേ​ധാ​വി​യാ​യ അ​ബ്ദു​ൽ നാ​സ​റി​ന് മാ​ര​​ത്ത​ൺ മേ​ജേ​ഴ്സി​ന് ഊ​ർ​ജ​മാ​യി മാ​റി​യ​ത്.

സ്വ​പ്ന​യാ​ത്ര​ക്ക് ത​യാ​റെ​ടു​പ്പ് ന​ട​ത്തു​ന്ന​തി​നി​ടെ ലോ​കം കോ​വി​ഡ് ലോ​ക്ഡൗ​ണി​ലാ​യി. കാ​യി​ക​മേ​ള​ക​ളെ​ല്ലാം നി​ർ​ത്തി​വെ​ച്ച ര​ണ്ടു വ​ർ​ഷ​ത്തെ ഇ​ട​വേ​ള​ക്കു​ശേ​ഷം നാ​സ​ർ ​മേ​ജ​ർ സി​ക്സ് മാ​ര​ത്ത​ണി​ലേ​ക്കു​ള്ള പ്ര​യാ​ണം തു​ട​ങ്ങി. 2022ൽ ​​​ലോ​ക​പ്ര​ശ​സ്ത​മാ​യ ബോ​സ്റ്റ​ണും (3:27:49), ബെ​ർ​ലി​നും (3:23:58) ഫി​നി​ഷ് ചെ​യ്തു.

2023ൽ ​ല​ണ്ട​ൻ മാ​ര​ത്ത​ണും (3:14:43), ഷി​കാ​ഗോ മാ​ര​ത്ത​ണും (3:14:37) ഫി​നി​ഷ് ചെ​യ്ത് നാ​ല് വ​ൻ മ​ത്സ​ര​ങ്ങ​ൾ ക​ട​ന്നു. ഈ ​വ​ർ​ഷം ഫെ​ബ്രു​വ​രി​യി​ലാ​യി​രു​ന്നു അ​ഞ്ചാ​മ​ത്തെ മാ​ര​ത്ത​ണാ​യ ജ​പ്പാ​നി​ലെ ടോ​ക്യോ​യി​ൽ (3:07:06) ഫി​നി​ഷി​ങ് ലൈ​ൻ ക​ട​ന്ന​ത്.

ത​ന്റെ മി​ക​ച്ച സ​മ​യം കൂ​ടി​യാ​യി​രു​ന്നു ടോ​ക്യോ​യി​ൽ പൂ​ർ​ത്തി​യാ​ക്കി​യ​തെ​ന്ന് നാ​സ​ർ പ​റ​യു​ന്നു. ഏ​റ്റ​വും ഒ​ടു​വി​ലാ​യി ന​വം​ബ​ർ മൂ​ന്നി​ന് ​ന്യൂ​യോ​ർ​ക്ക് മാ​ര​ത്ത​ൺ 3:21:55 എ​ന്ന സ​മ​യ​ത്തി​ൽ ഫി​നി​ഷ് ചെ​യ്ത് സി​ക്സ് സ്റ്റാ​ർ നേ​ട്ടം സ്വ​ന്ത​മാ​ക്കി.

ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ​നി​ന്ന് 55,000 ത്തോ​ളം പേ​രാ​യി​രു​ന്നു ന്യൂ​യോ​ർ​ക്ക് മാ​ര​ത്ത​ണി​ൽ മാ​റ്റു​ര​ച്ച​ത്. വി​വി​ധ പ്രാ​യ​വി​ഭാ​ഗ​ക്കാ​ർ 42 കി.​മീ ദൈ​ർ​ഘ്യ​മു​ള്ള ഫു​ൾ കോ​ഴ്സി​ൽ പ​​ങ്കെ​ടു​ത്തു.

ലോ​ക​ത്തി​ലെ മ​റ്റു മാ​ര​ത്ത​ണു​ക​ളേ​ക്കാ​ൾ ക​ഠി​ന​വു​മാ​ണ് ന്യൂ​യോ​ർ​ക്കി​ലെ ​ഓ​ട്ടം. ലോ​ക​ത്തി​ന്റെ മു​ൻ​നി​ര ഓ​ട്ട​ക്കാ​ർ വ​രെ ത​ങ്ങ​ളു​ടെ മി​ക​ച്ച സ​മ​യം ക​ണ്ടെ​ത്താ​ൻ വി​ഷ​മി​ക്കു​ന്ന റേ​സ് കോ​ഴ്സ് എ​ന്ന പ്ര​ത്യേ​ക​ത​യു​മു​ണ്ട്.

മ​ത്സ​ര​ശേ​ഷം, ഇ​ന്ത്യ​ൻ പ​താ​ക​യു​മേ​ന്തി ​സി​ക്സ് സ്റ്റാ​ർ ബാ​ഡ്ജ​ണി​ഞ്ഞ റാ​ലി​യെ ന​യി​ക്കു​ക​യും ചെ​യ്ത​തി​ന്റെ അ​ഭി​മാ​ന​വു​മാ​യാ​ണ് നാ​സ​ർ ന്യൂ​യോ​ർ​ക്കി​ൽ​നി​ന്നും മ​ട​ങ്ങി​യെ​ത്തി​യ​ത്. ഖ​ത്ത​റി​​ലെ ചൂ​ടേ​റി​യ കാ​ലാ​വ​സ്ഥ​യി​ൽ വ​ള​രെ ശ്ര​ദ്ധ​യോ​ടെ​യാ​ണ് ത​യാ​റെ​ടു​ത്ത​തെ​ന്ന് ഇ​ദ്ദേ​ഹം പ​റ​യു​ന്നു.​പു​റ​ത്തു​ള്ള പ​രി​ശീ​ല​നം കു​റ​ച്ചും, ജിം​നേ​ഷ്യ​ത്തി​ൽ ട്രെ​ഡ്മി​ല്ലി​ൽ ഓ​ടി​യു​മാ​യി​രു​ന്നു ത​യാ​റെ​ടു​പ്പ്. മാ​ര​ത്ത​ൺ യാ​ത്ര​യി​ലെ വ​ലി​യ സ്വ​പ്നം പൂ​ർ​ത്തി​യാ​ക്കി​യ നാ​സ​ർ ഇ​നി പു​തി​യ സാ​ഹ​സി​ക​ത​യി​ലേ​ക്കു​ള്ള ഒ​രു​ക്ക​ത്തി​ലാ​ണ്.

42 കി​ലോ​മീ​റ്റ​റോ​ളം ദൈ​ർ​ഘ്യ​മു​ള്ള 29ഓ​ളം ഫു​ൾ മാ​ര​ത്ത​ണു​ക​ൾ നാ​സ​ർ ഇ​തി​ന​കം പൂ​ർ​ത്തി​യാ​ക്കി​യി​ട്ടു​ണ്ട്. 90 കി​ലോ​മീ​റ്റ​ർ ദൂ​ര​മു​ള്ള ഖ​ത്ത​റി​ലെ അ​ൾ​ട്രാ റ​ൺ, ദ​ക്ഷി​ണാ​ഫ്രി​ക്ക​യി​ലെ കോ​മ്രേ​ഡ്സ് മാ​ര​ത്ത​ൺ, മ​ല​ക​ളും കു​ന്നു​ക​ളും നി​റ​ഞ്ഞ പാ​ത​യി​ലൂ​ടെ​യു​ള്ള ഒ​മാ​നി​ലെ യു.​ടി.​എം.​ബി തു​ട​ങ്ങി​യ​വ​യും ഓ​ടി​ത്തീ​ർ​ത്തു.

നീ​ന്ത​ലും സൈ​ക്ലി​ങ്ങും ഓ​ട്ട​വും ഉ​ൾ​പ്പെ​ടു​ന്ന അ​യ​ൺ​മാ​ൻ ട്ര​യാ​ത്ത്‍ല​ൺ, ഹാ​ഫ് മാ​ര​ത്ത​ണും ക്രോ​സ്ക​ൺ​ട്രി റേ​സു​ക​ളും ഉ​ൾ​പ്പെ​ടെ നൂ​റാ​യി​രം മ​ത്സ​ര​ങ്ങ​ളും പൂ​ർ​ത്തി​യാ​ക്കി​യ നാ​സ​ർ ഖ​ത്ത​റി​ലെ പു​സ്ത​ക ര​ച​യി​താ​വും പ്ര​ഭാ​ഷ​ക​നു​മെ​ന്ന നി​ല​യി​ലും ശ്ര​ദ്ധേ​യ​നാ​ണ്.