അഫ്​ഗാൻ സർക്കാറും താലിബാനും: സുപ്രധാന ചർച്ച തിങ്കളാഴ്​ച

ദോഹ: 19 വർഷമായി തുടരുന്ന അഫ്​ഗാൻ യുദ്ധം അവസാനിപ്പിച്ച്​ രാജ്യത്ത്​ സമാധാനം സ്​ഥാപിക്കാനായുള്ള ചരിത്രപ്രധാനമായ ചർച്ചകൾ ദോഹയിൽ തുടങ്ങി. അഫ്​ഗാൻ സർക്കാറും താലിബാനും തമ്മിൽ​ ഖത്തറി​െൻറ മധ്യസ്​ഥതയിൽ ഒരുമേശക്കുചുറ്റുമിരിക്കുന്ന സു​പ്രധാന സെഷൻ തിങ്കളാഴ്​ചയാണ്​ നടക്കുക​. ശനിയാഴ്​ച നടന്ന ഉദ്​ഘാടന സെഷനിൽ യു.എസ്​ സ്​റ്റേറ്റ്​ സെക്രട്ടറി മൈക്​ പോംപിയോ, ഖത്തർ വിദേശകാര്യമന്ത്രിയും ഉപപ്രധാനമന്ത്രിയുമായ ശൈഖ്​ മുഹമ്മദ്​ ബിൻ അബ്​ദുറഹ്​മാൻ ആൽഥാനി, അഫ്​ഗാൻ ദേശീയ അനുരഞ്ജന ഉന്നതസമിതി ചെയർപേഴ്​സൺ അബ്​ദുല്ല അബ്​ദുല്ല, താലിബാൻ ഉപനേതാവ്​ മുല്ലാ അബ്​ദുൽ ഗനി ബറാദർ എന്നിവരാണ്​ പ​ങ്കെടുത്തത്​.

ഇരുകക്ഷികളും തമ്മിൽ ഉടമ്പടിയിൽ എത്തിയാൽ അഫ്​ഗാനിൽ ശാശ്വതസമാധാനം കൈവരുമെന്ന്​ അബ്​ദുല്ല അബ്​ദുല്ല പറഞ്ഞു.

അഫ്​ഗാൻ ഇസ്​ലാമിൻ​െൻറ അടിസ്​ഥാനത്തിലുള്ള സ്വതന്ത്രവും വികസനവുമുള്ള രാജ്യമാവുകയാണ്​ തങ്ങളു​െട നിലപാടെന്നും അതാണ്​ എല്ലാ പൗരൻമാരും ആഗ്രഹിക്കുന്നതെന്നും​ ബറാദർ പറഞ്ഞു. ഏതെങ്കിലും പക്ഷം വിജയിക്കുകയോ കീഴടക്കുകയോ ചെയ്യുക എന്നതല്ല ചർച്ചയുടെ സ്വഭാവമെന്നും ശാശ്വതസമാധാനം പുലരുകയാണ്​ ലക്ഷ്യമെന്നും ഖത്തർ വിദേശകാര്യമന്ത്രി പറഞ്ഞു.

അഫ്​ഗാനിലെ പ്രശ്​നങ്ങൾക്ക്​ സൈനികമായ പരിഹാരം സാധ്യമല്ലെന്നാണ്​ ചരിത്രം നമ്മെ പഠിപ്പിച്ചത്​. പെ​ട്ടെന്നും ശാശ്വതമായതുമായി വെടിനിർത്തൽ ഉടൻ നിലവിൽ വരണം. ഇതിന്​ അഫ്​ഗാനിലെ എല്ലാ ഗ്രൂപ്പുകളമായും പാർട്ടികളുമായി ചർച്ചകൾ നടത്തേണ്ടതുണ്ട്​. ഇതിന്​ ശേഷം അന്തിമമായ കരാർ സാധ്യമാവും. ആരെങ്കിലും വിജയിക്കുകയോ പരാജയപ്പെടുകയോ എന്നത്​ അടിസ്​ഥാനപ്പെടുത്തിയുള്ള കരാർ ആയിരിക്കില്ല അത്​.

ദീർഘകാലമായി നടക്കുന്ന ചർച്ചകളിലൂടെ സമാധാനഉടമ്പടി സാധ്യമാവണമെന്ന്​ യു.എസ്​ സ്​റ്റേറ്റ്​ സെക്രട്ടറി മൈക്ക്​ പോംപിയോ പറഞ്ഞു. എല്ലാ കക്ഷികളും ഈ അവസരം ഉപയോഗപ്പെടുത്തണം. നിങ്ങളുടെ രാഷ്​ട്രീയസംവിധാനങ്ങളുടെ ഭാവി തീർച്ചയായും നിങ്ങൾ തന്നെയാണ്​ തീരുമാനിക്കേണ്ടത്​. എല്ലാ അഫ്​ഗാനികളു​െടയും അവകാശം സംരക്ഷിക്കുന്ന, സാമൂഹിക ഉന്നമനമുള്ള, സ്​ത്രീകളുടെ സാന്നിധ്യം​ പൊതുഇടങ്ങളിൽ സാധ്യമാക്കുന്നതാവണം അന്തിമപരിഹാരനടപടികളെന്നും അദ്ദേഹം പറഞ്ഞു.

അഫ്​ഗാൻ സമാധാനത്തിനായി നേരത്തേ നിരവധി ചർച്ചകൾ ദോഹയിൽ നടന്നിരുന്നു. യു.എസും താലിബാനും തമ്മിൽ നടന്ന ചർച്ചകളു​െട ഫലമായി കഴിഞ്ഞ ഫെബ്രുവരിയിൽ സമാധാനകരാർ ഉണ്ടാക്കിയിരുന്നു. എന്നാൽ അമേരിക്കയുടെ പാവസർക്കാറാണ്​ അഫ്​ഗൻ ഭരിക്കുന്നതെന്നും ഇതിനാൽ സർക്കാറുമായി ചർച്ചക്കില്ലെന്നുമായിരുന്നു താലിബാൻ നിലപാട്​. ഇതാദ്യമായാണ്​ താലിബാനും അഫ്​ഗാൻ സർക്കാറും തമ്മിൽ ചർച്ചകൾ നടക്കുന്നത്​.