നി​യ​മ​ലം​ഘ​നം; ആ​രോ​ഗ്യകേ​ന്ദ്രം പൂ​ട്ടി

ദോ​ഹ: അ​ന​ധി​കൃ​ത​മാ​യി പ്ര​വ​ർ​ത്തി​ച്ച സ്വ​കാ​ര്യ ആ​രോ​ഗ്യ സ്ഥാ​പ​ന​ത്തി​നെ​തി​രെ ന​ട​പ​ടി സ്വീ​ക​രി​ച്ച് ഖ​ത്ത​ർ പൊ​തു​ജ​നാ​രോ​ഗ്യ മ​ന്ത്രാ​ല​യം. ആ​വ​ശ്യ​മാ​യ പ്ര​ഫ​ഷ​ന​ൽ ലൈ​സ​ൻ​സ് ഇ​ല്ലാ​ത്ത ജീ​വ​ന​ക്കാ​ർ, അം​ഗീ​കാ​ര​മി​ല്ലാ​ത്ത തൊ​ഴി​ലു​ട​മ തു​ട​ങ്ങി​യ നി​ര​വ​ധി കു​റ്റ​ങ്ങ​ൾ ചു​മ​ത്ത​പ്പെ​ട്ട ഹെ​ൽ​ത്ത് സ​ർ​വി​സ് ഏ​ജ​ൻ​സി അ​ട​ച്ചു പൂ​ട്ടി​യ​താ​യി മ​ന്ത്രാ​ല​യം വാ​ർ​ത്ത​ക്കു​റി​പ്പി​ൽ അ​റി​യി​ച്ചു.

രാ​ജ്യ​ത്തെ പൊ​തു​ജ​നാ​രോ​ഗ്യ മേ​ഖ​ല കു​റ്റ​മ​റ്റ​താ​ക്കി മാ​റ്റു​ന്ന​തി​ന്റെ ഭാ​ഗ​മാ​യി ന​ട​ന്ന പ​രി​ശോ​ധ​ന​യി​ലാ​ണ് വി​വി​ധ നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി​യ സ്ഥാ​പ​ന​ത്തി​നെ​തി​രെ ന​ട​പ​ടി സ്വീ​ക​രി​ച്ച​ത്. സ്ഥാ​പ​ന​ത്തി​ൽ പ്ര​വ​ർ​ത്തി​ച്ച അ​ഞ്ചു ന​ഴ്സു​മാ​ർ, മൂ​ന്ന് ഫി​സി​യോ തെ​റ​പ്പി​സ്റ്റ് എ​ന്നി​വ​ർ നി​യ​മ​ലം​ഘ​നം ന​ട​ത്തി​യ​താ​യും ക​ണ്ടെ​ത്തി. ​

ആ​വ​ശ്യ​മാ​യ പ്ര​ഫ​ഷ​ണ​ൽ ലൈ​സ​ൻ​സ് ഇ​ല്ലാ​തെ പ്രാ​ക്ടി​സ് ചെ​യ്യു​ക, അ​ന​ധി​കൃ​ത തൊ​ഴി​ലു​ട​മ​ക​ൾ​ക്ക് വേ​ണ്ടി പ്ര​വ​ർ​ത്തി​ക്കു​ക, അം​ഗീ​കൃ​ത ലൈ​സ​ൻ​സു​ക​ളു​ടെ പ​രി​ധി​ക്ക​പ്പു​റ​മു​ള്ള ജോ​ലി​ക​ൾ ചെ​യ്യു​ക എ​ന്നീ കു​റ്റ​ങ്ങ​ളാ​ണ് ഇ​വ​ർ​ക്കെ​തി​രെ ചു​മ​ത്തി​യ​ത്. രാ​ജ്യ​ത്തെ തൊ​ഴി​ൽ, ആ​രോ​ഗ്യ സം​ര​ക്ഷ​ണ നി​യ​മ​ങ്ങ​ളു​ടെ ലം​ഘ​ന​മാ​ണ് ഇ​വ​രു​ടേ​തെ​ന്ന് മ​ന്ത്രാ​ല​യം വ്യ​ക്ത​മാ​ക്കി.

കു​റ്റ​ക്കാ​രാ​യ ആ​രോ​ഗ്യ പ്ര​വ​ർ​ത്ത​ക​രു​ടെ പ്ര​ഫ​ഷ​ന​ൽ ലൈ​സ​ൻ​സ് മ​ന്ത്രാ​ല​യം റ​ദ്ദാ​ക്കു​ക​യും ഇ​വ​ർ​ക്കെ​തി​രെ​യും സ്ഥാ​പ​ന​ത്തി​നെ​തി​രെ നി​യ​മ ന​ട​പ​ടി സ്വീ​ക​രി​ക്കാ​ൻ ബ​ന്ധ​പ്പെ​ട്ട വി​ഭാ​ഗ​ങ്ങ​ൾ​ക്ക് കൈ​മാ​റു​ക​യും ചെ​യ്തു.

​ആ​രോ​ഗ്യ മേ​ഖ​ല​യി​ലെ ജീ​വ​ന​ക്കാ​രു​ടെ യോ​ഗ്യ​ത​യും, ലൈ​സ​ൻ​സും സം​ബ​ന്ധി​ച്ച് മ​ന്ത്രാ​ല​യം പ​രി​ശോ​ധ​ന ശ​ക്ത​മാ​ണെ​ന്ന് മ​ന്ത്രാ​ല​യം അ​ടു​ത്തി​ടെ വ്യ​ക്ത​മാ​ക്കി​യി​രു​ന്നു.

വ്യാ​ജ​രേ​ഖ ച​മ​ച്ച് ​പ്ര​ഫ​ഷ​ന​ൽ ലൈ​സ​ൻ​സ് ത​ര​പ്പെ​ടു​ത്തി ജോ​ലി​ക്ക് ക​യ​റാ​ൻ ശ്ര​മി​ച്ച 83പേ​ർ​ക്കെ​തി​രെ 2022, 2023 വ​ർ​ഷ​ങ്ങ​ളി​ലാ​യി ന​ട​പ​ടി സ്വീ​ക​രി​ച്ച​താ​യി ആ​രോ​ഗ്യ മ​ന്ത്രാ​ല​യം ക​ഴി​ഞ്ഞ​യാ​ഴ്ച അ​റി​യി​ച്ചു. ക​ഴി​ഞ്ഞ​യാ​ഴ്ച ന​ട​ന്ന പ​രി​ശോ​ധ​ന​യി​ൽ ലൈ​സ​ൻ​സി​ല്ലാ​ത്ത ന​ഴ്സു​മാ​ർ പ്ര​വ​ർ​ത്തി​ക്കു​ന്ന​താ​യി ക​ണ്ടെ​ത്തി​യ സ്വ​കാ​ര്യ ക്ലി​നി​ക്കി​നെ​തി​രെ​യും ന​ട​പ​ടി സ്വീ​ക​രി​ച്ചി​രു​ന്നു.