ലോ​ക​ക​പ്പി​ന്റെ അ​തി​ശ​യ നി​മി​ഷ​ങ്ങ​ളു​മാ​യി വീ വേർ ദേർ

ദോ​ഹ: ലോ​ക​മെ​ങ്ങു​മു​ള്ള ഫു​ട്ബാ​ൾ ആ​രാ​ധ​ക​രെ ത്ര​സി​പ്പി​ച്ച ഖ​ത്ത​ർ ലോ​ക​ക​പ്പി​ന്റെ അ​തി​ശ​യ മു​ഹൂ​ർ​ത്ത​ങ്ങ​ൾ വീ​ണ്ടും കാ​ണാ​ൻ കൊ​തി​ക്കു​ന്ന​വ​രാ​ണോ നി​ങ്ങ​ൾ. ലോ​ക​ക​പ്പ് ഫു​ട്ബാ​ളി​ലേ​ക്കു​ള്ള ഖ​ത്ത​റി​ന്റെ യാ​ത്ര​യും, 2022 ന​വം​ബ​ർ 20ന് ​കി​ക്കോ​ഫ് കു​റി​ച്ച് ഡി​സം​ബ​ർ 18ന് ​ല​യ​ണ​ൽ മെ​സ്സി​യു​ടെ കി​രീ​ട നേ​ട്ട​ത്തോ​ടെ കൊ​ടി​യി​റ​ങ്ങി​യ വി​ശ്വ​മേ​ള​യു​ടെ അ​വി​സ്മ​ര​ണീ​യ നി​മി​ഷ​ങ്ങ​ളും വീ​ണ്ടും തി​ര​ശ്ശീ​ല​യി​ലെ​ത്തു​ന്നു.

ഫി​ഫ​യും ഖ​ത്ത​ർ ലോ​ക​ക​പ്പി​ന്റെ സം​ഘാ​ട​ക​രാ​യ സു​പ്രീം ക​മ്മി​റ്റി ഫോ​ർ ഡെ​ലി​വ​റി ആ​ൻ​ഡ് ലെ​ഗ​സി​യും ചേ​ർ​ന്നാ​ണ് ലോ​ക​ക​പ്പി​നെ​ക്കു​റി​ച്ച് എ​ട്ട് ഭാ​ഗ​ങ്ങ​ളു​ള്ള ടെ​ലി​വി​ഷ​ൻ പ​ര​മ്പ​ര അ​വ​ത​രി​പ്പി​ക്കു​ന്ന​ത്. ‘വി ​വേ​ർ ദേ​ർ’ എ​ന്ന ത​ല​ക്കെ​ട്ടി​ൽ എ​ട്ട് ഭാ​ഗ​ങ്ങ​ളാ​യി അ​വ​ത​രി​പ്പി​ക്കു​ന്ന പ​ര​മ്പ​ര​യി​ൽ ഖ​ത്ത​ർ ലോ​ക​ക​പ്പി​ലെ ശ്ര​ദ്ധേ​യ ക​ഥ​ക​ൾ ആ​ഗോ​ള പ്രേ​ക്ഷ​ക​ർ​ക്ക് മു​ന്നി​ലെ​ത്തി​ക്കു​ക​യാ​ണ് ഫി​ഫ​യും സു​പ്രീം ക​മ്മി​റ്റി​യും ല​ക്ഷ്യ​മി​ടു​ന്ന​ത്.

സ്റ്റാ​ർ വാ​ർ​സി​ന്റെ ഡെ​യ്‌​സി റി​ഡ്‌​ലി​യാ​ണ് പ​ര​മ്പ​ര​ക്ക് ശ​ബ്ദം ന​ൽ​കി​യ​ത്. നോ​ഹ് മീ​ഡി​യ ഗ്രൂ​പ്പും എ​ച്ച്.​ബി.​എ​സ്സും ചേ​ർ​ന്നാ​ണ് നി​ർ​മാ​ണം. മൈ​താ​ന​ത്തി​ന​ക​ത്തും പു​റ​ത്തു​മാ​യി ശ്ര​ദ്ധേ​യ ടൂ​ർ​ണ​മെ​ന്റാ​യി മാ​റി​യ ഖ​ത്ത​ർ ലോ​ക​ക​പ്പി​ലെ പ്ര​ധാ​ന ക​ഥാ​പാ​ത്ര​ങ്ങ​ളെ കേ​ന്ദ്രീ​ക​രി​ച്ചാ​ണ് 30 മി​നി​റ്റ് വീ​തം ദൈ​ർ​ഘ്യ​മു​ള്ള എ​ട്ട് ഭാ​ഗ​ങ്ങ​ളാ​യി പ​ര​മ്പ​ര ത​യാ​റാ​ക്കി​യി​രി​ക്കു​ന്ന​ത്.

ടൂ​ർ​ണ​മെ​ന്റി​ന്റെ ക​ഥ പ​റ​യു​ന്ന സ​ന്ദ​ർ​ഭ​ത്തി​ൽ ത​ന്നെ ഓ​രോ ഭാ​ഗ​വും ഹ്ര​സ്വ ഡോ​ക്യു​മെ​ന്റ​റി കൂ​ടി​യാ​ണ്. പ്ര​ധാ​ന ക​ഥാ​പാ​ത്ര​ങ്ങ​ളു​ടെ പ​ശ്ചാ​ത്ത​ലം വി​വ​രി​ക്കു​ന്ന​തോ​ടൊ​പ്പം ഇ​വ ഓ​രോ​ന്നും, ഖ​ത്ത​റി​ലേ​ക്കു​ള്ള അ​വ​രു​ടെ യാ​ത്ര​യെ വി​വ​രി​ക്കു​ക​യും അ​വ​രു​ടെ ക​ണ്ണി​ലൂ​ടെ പ്ര​ധാ​ന മ​ത്സ​ര​ങ്ങ​ൾ​ക്ക് സാ​ക്ഷ്യം വ​ഹി​ച്ച​തി​ന്റെ അ​നു​ഭ​വ​ങ്ങ​ൾ പ​ങ്കു​വെ​ക്കു​ക​യും ചെ​യ്യു​ന്നു. ഖ​ത്ത​ർ ഫി​ഫ ലോ​ക​ക​പ്പ് അ​വ​രു​ടെ ജീ​വി​ത​ത്തെ മാ​റ്റി​മ​റി​ച്ച​താ​യും ഡോ​ക്യു​മെ​ന്റ​റി​യി​ൽ പ​റ​യു​ന്നു.

ഫി​ഫ​യു​ടെ ടൂ​ർ​ണ​മെ​ന്റ് സൂ​ക്ഷി​പ്പു​ക​ളി​ൽ ഇ​തു​വ​രെ കാ​ണാ​ത്ത​തും മി​ക​ച്ച​തു​മാ​യ രം​ഗ​ങ്ങ​ളാ​ണ് പ​ര​മ്പ​ര​യി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്. സ്റ്റേ​ഡി​യ​ങ്ങ​ൾ​ക്കും ഡ്ര​സ്സി​ങ് റൂ​മു​ക​ൾ​ക്കും ചു​റ്റു​മു​ള്ള മേ​ഖ​ല​ക​ൾ, ടൂ​ർ​ണ​മെ​ന്റി​നി​ട​യി​ലെ വൈ​കാ​രി​ക നി​മി​ഷ​ങ്ങ​ൾ എ​ന്നി​വ പ​ര​മ്പ​ര​യി​ൽ ഉ​ൾ​പ്പെ​ടും.

ലോ​ക​ക​പ്പ് കി​രീ​ടം നേ​ടി​യ അ​ർ​ജ​ന്റീ​ന ടീ​മി​ന്റെ പ​രി​ശീ​ല​ക​ൻ ല​യ​ണ​ൽ സ്ക​ലോ​ണി, ഗോ​ൾ​കീ​പ്പ​ർ എ​മി​ലി​യാ​നോ മാ​ർ​ട്ടി​ന​സ്, യൂ​ലി​യ​ൻ അ​ൽ​വാ​ര​സ്, ഗോ​ൺ​സാ​ലോ മോ​ണ്ടി​യ​ൽ തു​ട​ങ്ങി​യ​വ​ർ പ​ര​മ്പ​ര​യി​ൽ പ്ര​ത്യ​ക്ഷ​പ്പെ​ടു​ന്നു.

ഫ്ര​ഞ്ച് പ​രി​ശീ​ല​ക​ൻ ദി​ദി​യ​ർ ദെ​ഷാം​പ്‌​സ്, പോ​ർ​ചു​ഗ​ൽ താ​രം ബ്രൂ​ണോ ഫെ​ർ​ണാ​ണ്ട​സ്, ജ​പ്പാ​ൻ പ​രി​ശീ​ല​ക​ൻ ഹാ​ജിം മൊ​റി​യാ​സു, മൊ​റോ​ക്ക​യു​ടെ ഗോ​ൾ​കീ​പ്പ​ർ യാ​സി​ൻ ബോ​നോ, റ​യ​ൽ മ​ഡ്രി​ഡി​ന്റെ ബ്ര​സീ​ലി​യ​ൻ താ​രം റോ​ഡ്രി​ഗോ, മൊ​റോ​ക്കോ​യു​ടെ ത​ന്നെ സു​ഫ്യാ​ൻ അം​റാ​ബ​ത്, ക്രൊ​യേ​ഷ്യ​ൻ ഗോ​ൾ​കീ​പ്പ​ർ ലി​വാ​കോ​വി​ച്ച്, പ​രി​ശീ​ല​ക​ൻ സ്‍ലാ​റ്റ്‌​കോ ഡാ​ലി​ച് തു​ട​ങ്ങി​യ​വ​രും പ​ര​മ്പ​ര​യി​ൽ വി​വി​ധ ഭാ​ഗ​ങ്ങ​ളി​ലാ​യി വ​രു​ന്നു​ണ്ട്.

ഇ​തി​ന് പു​റ​മേ, താ​ര​ങ്ങ​ളി​ൽ​നി​ന്നും പ​രി​ശീ​ല​ക​രി​ൽ​നി​ന്നും കേ​ൾ​ക്കാ​ത്ത അ​നു​ഭ​വ​ങ്ങ​ളും വി​ശേ​ഷ​ങ്ങ​ളു​മാ​യി ആ​രാ​ധ​ക​രും പ​ര​മ്പ​ര​യി​ൽ പ്രേ​ക്ഷ​ക​ർ​ക്ക് മു​ന്നി​ലെ​ത്തും. മ​രു​ഭൂ​മി​യി​ലൂ​ടെ ന​ട​ന്ന് ഖ​ത്ത​റി​ലെ​ത്തി​യ സൗ​ദി ആ​രാ​ധ​ക​ൻ മു​ത​ൽ ഫ്ര​ഞ്ച് സൂ​പ്പ​ർ താ​രം എം​ബാ​പ്പെ​യു​മാ​യി അ​വി​സ്മ​ര​ണീ​യ​മാ​യ നി​മി​ഷ​ങ്ങ​ൾ പ​ങ്കു​വെ​ച്ച ല​ഇീ​ബ് മാ​സ്‌​കോ​ട്ട് വ​രെ ഇ​വ​രി​ൽ ഉ​ൾ​പ്പെ​ടും. ലൂ​ക്ക് മെ​ലോ​സ് സം​വി​ധാ​നം ചെ​യ്ത പ​ര​മ്പ​ര നോ​ഹ് മീ​ഡി​യ ഗ്രൂ​പ്പി​ന്റെ ത​രു​ൺ തി​ൻ​ഡും എ​ക്‌​സി​ക്യൂ​ട്ടി​വ് പ്രൊ​ഡ്യൂ​സ​ർ റി​ച്ചാ​ർ​ഡ് മ​ക്കി​ൻ​സ​ണും ചേ​ർ​ന്നാ​ണ് നി​ർ​മി​ച്ചി​രി​ക്കു​ന്ന​ത്.

ഫി​ഫ ലോ​ക​ക​പ്പ് ഖ​ത്ത​ർ 2022 ഖ​ത്ത​റി​നും ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ലു​ള്ള ദ​ശ​ല​ക്ഷ​ക്ക​ണ​ക്കി​ന് വ​രു​ന്ന ആ​രാ​ധ​ക​ർ​ക്കും അ​വി​സ്മ​ര​ണീ​യ​മാ​യ മാ​സ​ങ്ങ​ളാ​യി​രു​ന്നു സ​മ്മാ​നി​ച്ച​തെ​ന്നും, അ​തി​നെ ന​മ്മു​ടേ​താ​യ രീ​തി​യി​ൽ പു​ന​രു​ജ്ജീ​വി​പ്പി​ക്കാ​ൻ എ​ല്ലാ​വ​ർ​ക്കു​മു​ള്ള അ​വ​സ​ര​മാ​ണ് പ​ര​മ്പ​ര​യെ​ന്നും എ​സ്.​സി ക​മ്യൂ​ണി​ക്കേ​ഷ​ൻ ആ​ൻ​ഡ് മീ​ഡി​യ എ​ക്‌​സി​ക്യൂ​ട്ടി​വ് ഡ​യ​റ​ക്ട​ർ ഫ​ത്മ അ​ൽ നു​ഐ​മി പ​റ​ഞ്ഞു.